<p>იულია ლობჟანიძე თბილისშია, მოქალაქეობის მინიჭებას ელის და მალე გუნდთან ერთად ვარჯიშს დაიწყებს <br> საქართველოს მშვილდოსან ქალთა და ვაჟთა გუნდებმა დაასრულეს ერთთვიანი შეკრება მადრიდში, სადაც მასპინძელთა ნაკრებთან ერთად ივარჯიშეს.</p><p>ჩვენების კორეელმა მთავარმა მწვრთნელმა <strong>ან ჰეიუნ სანმა </strong>ესპანეთში ქალებთან ერთად ვაჟების წაყვანაც გადაწყვიტა, რადგან მათი პროგრესით კმაყოფილია და სურს, ისინი სალიცენზიო შეჯიბრებებშიც გამოიყვანოს.</p><p>ჩვენი გუნდები სამი დღეა, რაც დაბრუნდნენ მადრიდიდან, თუმცა სამშობლოში დიდხანს გაჩერება არ უწერიათ - 7 აპრილს შანხაიში გაფრინდებიან, სადაც 10-15 აპრილს მსოფლიოს თასის პირველი ეტაპი იმართება. იქ ქალებთან ერთად ვაჟებიც მიდიან.</p><p>კორეელის გადაწყვეტილებით ქალთა გუნდში ოთხი მშვილდოსანი შევიდა: მსოფლიოს ვიცე-ჩემპიონი <strong>ქრისტინე ესებუა, ხათუნა ნარიმანიძე, ასმათ დიასამიძე</strong> და <strong>ნათია ცინცაძე</strong>, ვაჟთა ღირსებას კი <strong>თორნიკე რიჟამაძე, ირაკლი ქვლივიძე </strong>და <strong>ლაშა ფხაკაძე</strong> დაიცავენ.</p><p>აღსანიშნავია, რომ ეს ტრიო უფროსებში კი გამოდის, მაგრამ სამივე მათგანი ჯერ კიდევ ახალგაზრდული ნაკრების წევრია.</p><p>კორეელი მადრიდიდან მათი გარჯით კიდევ უფრო კმაყოფილი დაბრუნდა და აღნიშნავს, რომ ამ ბიჭებმა საგრძნობლად მოუმატეს. შედეგად, უახლოეს შეჯიბრებეში ქალებთან ერთად მათი წასვლაცაა დაგეგმილი - 1-6 მაისს ორივე გუნდი ანთალიაში გამოვა მსოფლიოს თასის მეორე ეტაპზე, 21-26 მაისს ამსტერდამში ევროპის ჩემპიონატზე ისვრიან, 18-24 ივნისს კი ამერიკულ ოგდენში მსოფლიოს თასის მესამე ეტაპზე იასპარეზებენ.</p><p>სეზონის მთავარი შეჯიბრებაც ამერიკული ასპარეზობაა, სადაც ლონდონის ოლიმპიადის საგზურები გაიცემა - გუნდურ ჩათვლაში სამეულში შესვლაზე. ლიცენზიები ამსტერდამულ ევროპირველობაზეც გათამაშდება, ოღონდ მასში ჩვენგან მხოლოდ ვაჟები თუ გამოვლენ, ქალთა ნაკრებს კი რაკი ერთი საგზური უკვე აქვს (შარშან მსოფლიოსზე ესებუამ მოიპოვა), მონაწილეობა ეკრძალება.</p><p>ამდენად, ვაჟებს თუ ორი შანსი ეძლევათ, ქალებს ტურინში მსოფლიოს შარშანდელ პირველობაზე უნამუსოდ წართმეული ლიცენზიების დაბრუნება მხოლოდ ოგდენში შეუძლიათ.</p><p>შანხაიში ოფიციალური ვარჯიში 10 აპრილს გაიმართება, საკვალიფიკაციო ეტაპი კი 11-ში ჩატარდება. მაშინვე გაირკვევიან პლეი ოფებისა და გუნდურ ტურნირის მონაწილეები. 12-ში პირადი პირველობის პლეი ოფები ჩატარდება და მედლებისთვის მებრძოლები გამოვლინდებიან. 13 აპრილს შეჯიბრება შერეულ წყვილებსა და გუნდურ ასპარეზობებში გაიმართება და იქაც მედლებისთვის მებრძოლ წყვილებამდე მივა საქმე, ფინალები კი 14-15 აპრილს ჩატარდება.</p><p>ჩინეთიდან დაბრუნების შემდეგ გუნდი დუშეთის ოლიმპიურ ბაზაზე გამართავს ორკვირიან შეკრებას, რომლის დასრულების შემდეგაც ანთალიაში გაემგზავრებიან.</p><p>დასასრულს გეტყვით, რომ უკვე თბილისშია <strong>იულია ლობჟანიძე</strong>, რომლის უკრაინიდან გადმობარგების პროცესი საბოლოოდ დასრულდა.</p><p>უახლოეს დღეებში ფედერაცია საქართველოს ხელისუფლებასაც მიმართავს მისთვის მოქალაქეობის მინიჭების შესახებ, თავად ლობჟანიძე კი ჩვენს გუნდთან ერთად შეუდგება ვარჯიშს.</p><p><strong>ყოველდღიური სპორტული გაზეთი "ლელო"</strong></p>
მშვილდოსნობაში 2023 წლის საქართველოს თასის პირველი ეტაპი გაიმართა - გამოვლინდნენ გამარჯვებულები
თეა წულუკიანი მშვილდოსნობის ფედერაციას შეხვდა
მშვილდოსნობა. მსოფლიოს ჩემპიონატი: დედა-შვილი ერთად იასპარეზებს
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
U17 | საქართველო 3:0 ლიეტუვა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"პირველი იყო, ვინც "ოქროს ბურთის" მოგება მომილოცა" - უსმან დემბელემ ლიონელ მესიზე ისაუბრა