<p>საქართველოს ჩემპიონატი. უმაღლესი ლიგა. II ეტაპი. VII ტური. პლეი აუტი <br> 14.04. ლანჩხუთი. ე. შევარდნაძე. 2500 მაყურებელი</p><p><em><strong>გურია-ვიტ ჯორჯია 1:0</strong></em></p><p>1:0 ჯანგიძე (28)</p><p><em>გურია ვიტ ჯორჯია</em></p><p>4-4-1-1 4-4-1-1</p><p>ბუბუტეიშვილი დაუშვილი</p><p>ჩუენსუ გოგიაშვილი</p><p>ბაქრაძე ხურცილავა</p><p>რ. ონიანი კასრაძე</p><p>ჯანგიძე ღანიაშვილი</p><p>ჩარგეიშვილი დავლაშელიძე</p><p>მოსიაშვილი ვასაძე</p><p>მაისაშვილი გურეშიძე</p><p>ტ. კუკულაძე კორიფაძე</p><p>კვერენჩხილაძე გ. ჯანელიძე</p><p>გ. თოდუა ჩიმაკაძე</p><p>მწვრთნელი მწვრთნელი</p><p>გ. იმნაძე მ. კოჭლაშვილი</p><p><em>გურია</em></p><p>68. ჩარგეიშვილი - სამსეიშვილი</p><p>76. ტ. კუკულაძე - რ. კუკულაძე</p><p>89. თოდუა - ალავერდაშვილი</p><p>სათადარიგოები: გოგუაძე, ზ. ჩხეტიანი, ლაღაძე, გორგუჩაძე</p><p><em>ვიტ ჯორჯია</em></p><p>46. დავლაშელიძე - ე. ლობჟანიძე</p><p>62. გურეშიძე - ჯაყელი</p><p>75. კორიფაძე - ზაქრაძე</p><p>სათადარიგოები: რეჭია, ჯუღელი, ვაშაკიძე, კუხალეიშვილი</p><p>გაფრთხილება: ღანიაშვილი (16), გურეშიძე (43), ბაქრაძე (60).</p><p>არბიტრი: ლ. კვარაცხელია</p><p>ბოლოს ეს გუნდები 10 წლის წინ შეხვდნენ ერთმანეთს, რასაც გასაგები მიზეზი აქვს - "გურიის" დაღმასვლა დაემთხვა ვეტერინართა ქართული ფეხბურთის ელიტაში დამკვიდრებას. დღეს ორივე მათგანი უმაღლეს ლიგაში დარჩენა-მოსახვედრად იბრძვის და თუ რაიმე სასწაული არ მოხდა, მიზნის მიღწევა დიდად არ უნდა გაუჭირდეთ.</p><p>მატჩს უფრო დიდი მნიშვნელობა მაინც გურულებისთვის ჰქონდა. წარმატებული გასვლითი შეხვედრების შემდეგ საკუთარ მოედანზე ჯერაც მოუგებელ "გურიას" ისიც უნდა დაემტკიცებინა, რომ სხვა უმაღლესლიგელებთან წარმატება შემთხვევითი არ იყო.</p><p>თავის მხრივ, ვეტერინარებსაც, ქულების გარდა, იმის ამბიციაც ჰქონდათ, გასვლაზე ზედიზედ მეორედ პირველლიგელთან (წინა შემთხვევაში "ჩიხურასთან") არ წაეგო.</p><p>თითქმის ერთთვიანი შესვენების შემდეგ "ევგრაფი შევარდნაძე" მრავალრიცხოვანი ქომაგით დაუხვდა პლეი-აუტის ლიდერების მატჩს. მართალია, მასპინძელმა ქომაგებმა წარმატებით ფრიად გაიხარეს, თუმცა გუნდებს მათთვის თვალსასეირო თამაში ნამდვილად არ უჩვენებიათ.</p><p>შეხვედრა მასპინძლების უპირატესობით დაიწყო და ტაიმის ბოლომდე ლანჩხუთელები დომინირებდნენ. უკვე მე-7 წუთზე შეეძლო <strong>გია თოდუას</strong> ანგარიშის გახსნა, როცა <strong>თამაზ ჩარგეიშვილის</strong> ჩაწოდებულზე შექმნილი არეულობით ჩინებულ სიტუაციაში მიიღო ბურთი. თითქოს ფორვარდმაც კარგად გაისროლა, მაგრამ ვიტელთა მეკარეს ვერაფერი დააკლო - <strong>ნიკა დაუშვილმა</strong> თავისიანები იხსნა.</p><p>მალევე <strong>თოდუა </strong>კვლავ <strong>ჩარგეიშვილის</strong> გადაცემას გამოეხმაურა, თუმცა <strong>დაუშვილმა</strong> მის თავურსაც არ მისცა კარში შესვლის საშუალება.</p><p>მე-15 წუთზე უკვე ლანჩხუთელთა მეკარე გაისარჯა საიმედოდ - <strong>დავით ხურცილავას</strong> ჩაწოდებულს ფეხი <strong>ბესიკ ჩიმაკაძემ</strong> გაჰკრა. <strong>ლევან ბუბუტეიშვილის</strong> მოგერიებული ძელის გავლით ისევ მეკარესთან მივიდა.</p><p>ამის შემდეგ ისევ მასპინძელთა ჯერი დადგა. ჯერ იყო და, <strong>თოდუამ გიგა კვერენჩხილაძე</strong> სტუმარ მეკარეს პირისპირ შეჰყარა. კლუბის მთავარმა მეგოლემ <strong>დაუშვილს</strong> დაასწრო (ცოტათი რომ დაეგვიანა, ალბათ, ბოლო იმედის ზღვარზე პენალტს "აჰკიდებდა") და თავზე ჩინებულად გადაუგდო ბურთი, რომელიც მეკარის ბაქანში დაეცა და კარს ცოტათი გადასცდა.</p><p>28-ე წუთზე კი მასპინძლებმა გატანა მაინც მოახერხეს - <strong>კვერენჩხილაძემ </strong>ბოლომდე იბრძოლა, პირითი ხაზიდან ბურთი მოედანზე შემოაბრუნა, რომელიც საჯარიმოს მისადგომებთან მყოფ <strong>ლაშა ჯანგიძეს</strong> მიუვიდა. მისი დარტყმული ორი მცველის გავლით "ვიტ ჯორჯიას" კარში აღმოჩნდა, 1:0.</p><p>სხვათა შორის, ეს უკვე მესამე შემთხვევაა (ზედიზედ მეორე!), როცა გურულთა მცველი ანგარიშის გახსნას ახერხებს და გატანილი გოლებით კლუბში მხოლოდ მთლიანად პლეი აუტის თანაგუნდელ ბომბარდირ <strong>გიგა კვერენჩხილაძეს</strong> ჩამორჩება.</p><p>როგორც ხდება ხოლმე, დაწინაურებული "გურია" მეორე ტაიმში დაცვაში "ჩაჯდა" და ცენტრი მთლიანად მეტოქეს დაუთმო. საწყის წუთებში ორიოდ ხიფათი გაცვალეს გუნდებმა - ჯერ <strong>ბუბუტეიშვილმა</strong> შეუმცირა კუთხე მეტოქეს და არ გაატანინა, ხოლო შემდეგ უკვე <strong>თოდუამ</strong> საჰაერო ბრძოლა მოუგო მცველებს, მაგრამ <strong>დავით მაისაშვილმა</strong>, რომელიც მოედანზე ერთ-ერთი საუკეთესო იყო, ყოფილ თანაგუნდელებს ვერ გაუტანა - ვიტელები ისევ მეკარემ გადაარჩინა.</p><p>ამის შემდეგ გუნდებს ხეირიანი არაფერი შეუქმნიათ. ვეტერინართაგან <strong>გიორგი ჯანელიძე</strong> ბევრს აქტიურობდა, მაგრამ სტუმრები რატომღაც საჯარიმოში ჩაწოდებებით ცდილობდნენ ფონს გასვლას (ფლანგებს ნაკლებად იყენებდნენ). მათ ბოლო წუთებში "გურიის" საჯარიმოს სიახლოვეს არაერთი სახიფათო ჯარიმაც მოიპოვეს, თუმცა "გურიის" დაცვა უშეცდომოდ თამაშობდა - ლანჩხუთელთა უკანა ხაზი <strong>როინ ონიანმა</strong> აშკარად გააძლიერა და ასევე ჩინებულად მოთამაშე <strong>დავით ბაქრაძესთან</strong> ერთად თითქმის გაუვალი გახადა.</p><p>ასევე აღსანიშნავია გოლის ავტორის გარჯაც - <strong>ჯანგიძე</strong> მისთვის უჩვეულო მარცხენა მცველის პოზიციაზე მეტად საიმედოდ თამაშობს.</p><p>მატჩის მიწურულს იყო ეპიზოდი, რამაც სტუმრები მსაჯებზე გაანაწყენა: 86-ე წუთზე, მართალია, <strong>ბექა ზაქრაძეს</strong> ბურთი გურულთა მცველი <strong>ბაქრაძის</strong> გავლით მიუვიდა, მაგრამ ისე ჩანდა, რომ შეცვლაზე შემოსული ვეტერინარი უკვე <strong>ჯანელიძის</strong> ჩაწოდებულზეც თამაშგარეში იმყოფებოდა - მსაჯებმა მისი თავურით გატანილი გოლი ამ მოტივით გააუქმეს.</p><p>სულ ბოლოს კი შეტევაში წასულ ვიტელთა მეკარესაც შეეძლო თავი გამოეჩინა, მაგრამ ბურთს თავი კარგად ვერ დაუხვედრა და მალევე ლევან კვარაცხელიას სასტვენიც გაისმა.</p><p><strong>ყოველდღიური სპორტული გაზეთი "ლელო"</strong></p>
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
ფრე ქუთაისში... და "თელავის" მოგება "გაგრასთან"
87-ე წუთი... "ტორპედომ" ფოთში მოიგო, "გაგრამ" "გარეჯთან" ქულა გადაარჩინა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
ფრე ქუთაისში... და "თელავის" მოგება "გაგრასთან"
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"როცა ის მოედანზე მყავდა, პატარა ბავშვივით ტკბილად მეძინა" - გვარდიოლამ "სიტის" ყოფილი ფეხბურთელი გამოარჩია
"პირველი იყო, ვინც "ოქროს ბურთის" მოგება მომილოცა" - უსმან დემბელემ ლიონელ მესიზე ისაუბრა
[VIDEO] რონალდოს 946-ე გოლი - "ალ ნასრმა" ბენზემას "ალ იტიჰადი" დაამარცხა
"მოურინიო გეი და ჰომოსექსუალია" - სკანდირებდნენ "პორტუს" გულშემატკივრები
პრობლემების მქონე პსჟ-ისა და კარგ ფორმაში მყოფი "ვილიარეალის" მატჩის დღე