- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ოლიმპის ოლიმპიური ტემპი
<p>ჩემპიონს რომ შეეფერება, "ოლიმპმა" ისეთი სტარტი აიღო და კვლავაც ერთპიროვნულ ლიდერად დარჩა! განსაკუთრებით დამაჯერებლად თემურ მახარაძის გუნდი საკუთარ მოედანზე ასპარეზობს... <br> ჩემპიონს რომ შეეფერება, "ოლიმპმა" ისეთი სტარტი აიღო და კვლავაც ერთპიროვნულ ლიდერად დარჩა! განსაკუთრებით დამაჯერებლად თემურ მახარაძის გუნდი საკუთარ მოედანზე ასპარეზობს: "ოლიმპმა" მშობლიურ "ფოლადის" სტადიონზე 4 მატჩი ჩაატარა და ასპროცენტიანი შედეგიც აქვს. ოღონდ, იმას ნამდვილად ვერ ვიტყვით, რომ ჩემპიონატის დაწყებიდან თვე-თვენახევრის განმავლობაში "ოლიმპის" თამაშს... საჩემპიონო ეთქმის-თქო; თუმცა, რაც მთავარია, "აქეთ-იქით" ქულები არ ნიავდება და გუნდიც ნამდვილად არ აპირებს ლიდერობის დათმობას.</p><p>გუშინდელ მატჩში "ოლიმპს" მართლაც არ ჰყავდა სუსტი მეტოქე - ამ სეზონში "ბაიას" ხომ აბსოლუტურად განსხვავებული მიზნები აქვს და ბევრის აზრით, ზუგდიდურ გუნდს ევროტურნირების საგზურისათვის ბრძოლაც შეუძლია. თუმცა, ისეთი თამაშით, ელგუჯა ქომეთიანის გუნდმა გუშინ "ფოლადზე" რომ აჩვენა, სამეულში კი არა, ცხრილის ზედა ნაწილში დამკვიდრება გაუჭირდება შესაძლოა, ყველაფერი გადატვირთულ კალენდარსაც "გადავაბრალოთ": 8 დღეში "ბაიას" სამი უმძიმესი მატჩის ჩატარება მოუწია; მაგრამ, ნუ დაგვავიწყდება, რომ ამ შემთხვევაში ყველა გუნდი ერთნაირ პირობებში იმყოფება და მათ შორის ორივე ლიდერი - "ოლიმპი" და "დინამო"...</p><p>მასპინძლებმა შეხვედრა იმავე შემადგენლობით დაიწყეს, როგორიც წინა ტურში ჰყავდათ; აი, "ბაიას" კი სხვადასხვა მიზეზით რამდენიმე წამყვანი ფეხბურთელი (გიორგი სომხიშვილი, დავით ჭიჭვეიშვილი, ლუკა გუგუჩია) აკლდა. ყოველივე ამის მიუხედავად, მაინც ვერაფრით გავამართლებთ სტუმართა მეტად და მეტად პასიურ ასპარეზობას; თავად განსაჯეთ: 90 წუთის განმავლობაში "ბაიას" არც ერთი მეტ-ნაკლებად სახიფათო მომენტი არ შეუქმნია!</p><p>პირველ ტაიმში გიორგი მეგრელაძე ძალზედ მახვილი კუთხიდან ურტყამდა და ბურთი მიზანს აცდა, მერე კი ისევ მეგრელაძე საშუალო მანძილიდან ცდილობდა გოლის გატანას, მაგრამ დარტყმა სუსტი იყო და გრიგოლ ბედიაშვილს ამ ნახევრადმომენტის განმუხტვა არ გასჭირვებია. დაგვეთანხმებით, რომ ამბიციური გუნდისგან ასეთი, ზედმეტად ფრთხილი და პასიური თამაშით, ცოტა არ იყოს, ძნელია კიდეც რაიმე სერიოზულ წარმატებაზე ფიქრი. თანაც, გუშინდელ მატჩში ვერც მასპინძლებზე ვიტყოდით: არიქა, მოედანზე "დაფრინავდნენო"! პირიქით, უსაშველოდ დაბალი ტემპი, უამრავი წუნი ორივე გუნდის ფეხბურთელთა ქმედებებში - აი, ასეთი იყო შეხვედრის I ტაიმის საერთო შინაარსი.</p><p>თუმცა, მაინც დიდი შანსი იყო, რომ ტაიმი მასპინძლებს მოეგოთ: "ოლიმპის" პირველივე სახიფათო შეტევას საგოლე ნამდვილად ერქვა, მაგრამ ირაკლი მოდებაძემ თავისივე წამოწყებული კომბინაცია ვერ დააგვირგვინა. აქვე, ნურც ვლადიმერ ზუხბაიას დავუკარგავთ გარჯას - "ბაიას" მეკარემ ძალიან ახლო მანძილიდან დარტყმული ბურთი მოიგერია. შესვენებამდე ზუხბაიამ ერთ ეპიზოდში რევაზ გეწაძის სახიფათო გამჭოლი გადაცემის დროს იყოჩაღა, ტაიმის ბოლოს კი ალექსანდრე კვახაძის შორეული დარტყმა მცირედით აცდა სტუმართა კარს, - აი, ეს იყო სულ მატჩის ამ მონაკვეთში.</p><p>მეორე ტაიმში მასპინძლები შედარებით გამოცოცხლდნენ და პირველივე სახიფათო მომენტი... სტუმართა კარში დანიშნული პენალტით დასრულდა. ყველაფერი კი "ოლიმპის" მარჯვენა მცველის თემურ ღონღაძის აქტიურობას მოჰყვა, მეტოქის საჯარიმოში რომ შეიჭრა და სტუმართა ფეხბურთელთა ორთაბრძოლის შემდეგ გაზონზე რომ აღმოჩნდა. გადაჭრით იმის თქმა, რომ 100-პროცენტიანი პენალტი იყოო, მართლაც გაგვიჭირდება; ყოველ შემთხვევაში, "ფოლადის" სტადიონის პრეს-ლოჟიდან ეს ეპიზოდი კარგად არ ჩანდა, სტუმრებიც დიდხანს აპროტესტებდნენ არბიტრის გადაწყვეტილებას, მაგრამ...</p><p>პენალტი კი ლუკა რაზმაძემ შეასრულა: ზუხბაიამ ბურთის მიმართულება კი გამოიცნო, მაგრამ დარტყმა ძლიერი და ზუსტი იყო, სტუმრებს გაშვებული გოლის შემდეგაც არაფერი გამოსდიოდით შეტევაში: "ბაიას" შემადგენლობაში ფაქტობრივად, არ იყო ფეხბურთელი, მეგრელაძისთვის ზუსტი პასი რომ მიეწოდებინათ; თუმცა, როცა კი ბურთი სტუმართა ფორვარდთან მიდიოდა, "ოლიმპის" კარს ხიფათი არც ამ შემთხვევშაი ემუქრებოდა. ეს კი, უპირველესად მასპინძელთა ახალგაზრდა მცველის გიორგი რეხვიაშვილის დამსახურებაა - გამოცდილ ოპონენტს თითქმის ყველა პერსონალური ორთაბრძოლა რომ მოუგო.</p><p>ერთ ეპიზოდში რევაზ გეწაძეს შეეძლო ანგარიშის გაზრდა, მეორედ - გიორგი ჭელიძეს, თუმცა უშედეგოდ. სამაგიეროდ, ჩინებულად გაისარჯა შეცვლაზე შემოსული ვალერი ყაზაიშვილი: 17 წლის ფორვარდმა ასაკთან შეუფერებელი ოსტატობა გამოამჟღავნა და ჭელიძე-ქავთარაძის კომბინაცია საჯარიმოს მისადგომებიდან შესრულებული ზუსტი დარტყმით დააგვირგვინა!</p><p>19.09. რუსთავი. ფოლადი. 500 მაყურებელი</p><p><strong>ოლიმპი 2</p><p>ბაია 0</strong></p><p><strong>1:0 რაზმაძე (53-პენ), 2:0 ყაზაიშვილი (80. ქავთარაძის პასით)</strong></p><p><strong>ოლიმპი ბაია</p><p>4-2-3-1 4-2-3-1</p><p></strong>ბედიაშვილი ზუხბაია</p><p>ღონღაძე კვეკვესკირი</p><p>ა. კვახაძე რ. ონიანი</p><p>რეხვიაშვილი კვესეიშვილი</p><p>ჯაფარიძე აკობია</p><p>ქავთარაძე გოგობერიშვილი</p><p>რაზმაძე ვართაგავა</p><p>ი. მოდებაძე დოლიძე</p><p>ბოლქვაძე სიხარულია</p><p>გეწაძე წურწუმია</p><p>ბერიაშვილი მეგრელაძე</p><p><strong>ოლიმპი</p><p></strong>46. მოდებაძე - გ. ჭელიძე</p><p>65. ბერიაშვილი - ყაზაიშვილი</p><p>89. გეწაძე - ქემოკლიძე</p><p><strong>სათადარიგოები:</strong> ბათიაშვილი, ახალკაცი, დობროვოლსკი, ხოჭოლავა</p><p><strong>ბაია</strong></p><p>63. დოლიძე - კუკავა</p><p>67. წურწუმია - ხუბუა</p><p>78. ვართაგავა - ხიდეშელი</p><p><strong>სათადარიგოები:</strong> ზარქუა, რიგვავა, ეხვაია, კანდელაკი</p><p><strong>გაფრთხილება:</strong> გოგობერიშვილი (4), ღონღაძე (13), ზუხბაია (54), რ. ონიანი (56).</p><p><strong>არბიტრი: </strong>ლ. სილაგავა</p><p><strong>ყოველდღიური სპორტული გაზეთი "ლელო"</strong></p>
"იბერია 1999"-მა ბათუმში მოიგო
"დილამ" "ტორპედოს" ანდრონიკაშვილის გოლით მოუგო
"დინამო თბილისისა" და "გარეჯის" მოგებები, "სამგურალი"-"გაგრას" ფრე
გოგლიჩიძე "ბოლონიასთან", ალბათ, ვერ ითამაშებს
"ერთ-ერთი ვარჯიშის შემდეგ გონება დავკარგე" - ფაბრეგასმა კონტესთან მუშაობა გაიხსენა
"60 ფეხბურთელს პირადად დავურეკე და ეს ავუხსენი" - ტუხელი ინგლისის ნაკრების მსოფლიო ჩემპიონატის შემადგენლობაზე
"საკადრო შიმშილი გვაქვს, რასაც მენტალური პრობლემები ემატება" - რა თქვა სანიოლმა ბულგარეთთან მატჩის შემდეგ?
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
[VIDEO] ესპანეთი სახლში თურქეთს ფრედ ეთამაშა
[VIDEO] ერიჰა - საქართველოს ნაკრებს ბულგარეთმაც მოუგო!
[VIDEO] პირველი ტაიმის შემდეგ საქართველოს ნაკრები ბულგარეთთან 0:2 მარცხდება
U18. ევროპის ჩემპიონატზე "უმცროსმა ბორჯღალოსნებმა" ჩეხეთს სძლიეს და ფინალში გავიდნენ
[VIDEO] U21. უშანსოდ - საქართველოს ნაკრები გერმანიასთანაც დამარცხდა
ბულგარეთთან მატჩში საქართველოს ნაკრების შემადგენლობა ცნობილია
U21. გერმანიასთან მატჩში საქართველოს ნაკრების შემადგენლობა ცნობილია
მათეუსი: მარადონა საუკეთესო იყო, ჩემს შემდეგ - მესი თუ რონალდო?
U19. საქართველოს ნაკრებმა ბოლო ტურში გაიმარჯვა, მაგრამ ჯგუფში ჩარჩა
"შევალიეს ბევრი წუნი აქვს - საფონოვი რუსეთში არ უნდა დაბრუნდეს" - აცხადებს აგენტი
15-ქალა | გიორგი მაისურაძემ პირველი ოფიციალური თამაშისთვის შემადგენლობა დაასახელა
მარსელო ბროზოვიჩი შესაძლოა, სერია A-ში დაბრუნდეს
ლუკმენი თურქეთში წავა? - "გალათასარაი" მორიგ ხმაურიან ტრანსფერს გეგმავს
2 წელზე მეტი დროის შემდეგ - "ბარსელონა" "ნოუ კამპზე" ბრუნდება
აბუ-დაბის გრანდ სლემზე საქართველოს ნაკრების ძიუდოისტთა შემადგენლობა ცნობილია