- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
უთანასწორო იმერული დერბი
<p>იმერულ დერბის გუნდები განსხვავებული განწყობილებით ხვდებოდნენ. ზესტაფონელებმა მცირედი ჩავარდნის შემდეგ ზედიზედ ორი გამარჯვება მოიპოვეს და სატურნირო ცხრილში პოზიციები გაიმყარეს...</p><p><br> იმერულ დერბის გუნდები განსხვავებული განწყობილებით ხვდებოდნენ. ზესტაფონელებმა მცირედი ჩავარდნის შემდეგ ზედიზედ ორი გამარჯვება მოიპოვეს და სატურნირო ცხრილში პოზიციები გაიმყარეს. ზემოიმერლებს მიმდინარე სეზონში გასვლაზე ორივე შეხვედრა წაგებული ჰქონდათ ("დინამოსთან" და "ბაიასთან" ) და ახლა პირველი "საგარეო" ქულების მოპოვებას გეგმავდნენ. წმინდა სპორტული თვალსაზრისით, აქამდე `სამტრედიაც" არ გამოიყურებოდა ურიგოდ. წინა ტურში "დინამოსთან" მარცხის მიუხედავად, გელა სანაიას გუნდმა კარგი შთაბეჭდილება დატოვა, მაგრამ, სამწუხაროდ, "სამტრედია" კვლავაც პატრონისა და ფინანსების გარეშე იმყოფება.</p><p>სამტრედიელებმა "ტორპედოსთან" ერთი დერბი უკვე მოიგეს, მაგრამ უხელფასო ფეხბურთელებს ძნელია სისტემატურად გამარჯვებები მოსთხოვო, მით უმეტეს ისეთ ძლიერ და წელგამართულ მეტოქესთან, როგორიც "ზესტაფონია". მასპინძლებს, რომლებსაც ტრიბუნებიდან 2000 - მდე ერთგული ქომაგი ამხნევებდა მატჩის დებიუტი აშკარად ჩაუვარდათ. "ზესტაფონი" ხშირად სწრაფ გოლზე აკეთებს აქცენტს და სტუმრის სტატუსს ამ მატჩშიც არ მორიდებია. ფეროელებმა პირველივე წუთიდან შეუტიეს მეტოქეს და კარგი შედეგიც მოიმკეს. 18-წუთისთვის სტუმრები უკვე 2:0 იგებდნენ. გოლები კი მართლაც შთამბეჭდავი გავიდა. 13-წუთზე ზესტაფონელთა მწვავე იერიშს სამტრედიელთა კართან არეულობა მოჰყვა, დვალმა აფციაურს ახლოშივე აუგდო ბურთი, ზესტაფონელთა ნახევარმცველმა ბურთს მიწაზე დაშვება არ აცადა, საჯარიმოს შიგნიდან ძლიერად დაარტყა და ძაგანიას კარის ცხრიანში მოახვედრა-0:1 სამტრედიელებს გონზე მოსვლა ვერ მოესწროთ, რომ საკუთარ კარში მეორე ბურთი მიიღეს. გიორგი ონიანმა დაახლოებით 22 მეტრიდან ბრწყინვალედ შეასრულა საჯარიმო დარტყმა და ძაგანიას შანსი არ დაუტოვა -0:2 გოლის შემდეგ კვლავ ზესტაფონელები ფლობდნენ უპირატესობას, სამტრედიელები თითქოსდა მარცხს შეეგუენ, მაგრამ გუნდის ლიდერობა ვეტერანმა შოთა ჩომახიძემ იკისრა, რომელმაც სახიფათოდ შესრულებული ჯარიმებით მეტოქეს სისხლი გაუშრო... 32-წუთზე კაკალაძის სახიფათო გარღვევა ზესტაფონელებმა აკრძალული ხერხებით შეაჩერეს, რასაც ზესტაფონელთა კართან სახიფათო საჯარიმო მოჰყვა. ჩომახიძის დარტყმა ცოცხალ კედელში მყოფ ბენაშვილს მხარში მოხვდა ტრაექტორია შეიცვალა და ზესტაფონელთა კარის ბადეში აღმოჩნდა -1:2 ხუთიოდე წუთში ჩომახიძემ მორიგი "სტანდარტულიდან" კარგად მოჭრა ბურთი და კვასხვაძემ გაჭირვებით შეძლო ბურთის მოგერიება. ამას მასპინძელთა კიდევ ერთი სახიფათო შეტევა მოჰყვა, კაკალაძის კარგი გადაცემის შემდეგ კვერენჩხილაძე გადიოდა მეკარესთან პირისპირ, მაგრამ ბენაშვილი წამოეწია და ფეხებში ვარდნით კუთხურზე მოიგერია ბურთი. 43-წუთზე სტუმართა კართან კვლავ ჯარიმა დაინიშნა და იგი ჩომახიძემ ისევ სახიფათოდ შეასრულა. ვეტერანმა, რომლისგანაც ჩაწოდებას ელოდებოდნენ ახლო კუთხეში მოჭრა ბურთი, კვასხვაძე ამ ეპიზოდში უძლური იყო, მაგრამ ბურთი გარედან მოხვდა ბადეს.</p><p>ტაიმის მიწურულს სტუმრებმა ძაგანიას კართან შტურმი მოაწყვეს, განსაკუთრებით აფციაური და დვალი აწიოკებდა მეტოქეს. აფციაურის პირველ დრიბლინგს დვალის დარტყმა მოჰყვა და მასპინძლები ძელმა იხსნა, დამატებაზე ისევ დვალი ურტყამდა, მაგრამ მიზანმა უმტყუნა. მეორე ეპიზოდისას აფციაური კვლავ გაექცა მცველებს, მეკარესაც გასცდა, მაგრამ მახვილი კუთხიდან გარედან მოარტყა ბადეს.</p><p>მატჩის მეორე ნახევარიც სტუმრების უპირატესობით დაიწყო. 54-წუთზე ზესტაფონელებმა აშკარა საგოლე მომენტი გაუშვეს ხელიდან. აფციაურმა დვალთან გაითამაშა კედელი, რის შემდეგაც "სამტრედიის" დაცვა უსაქმოდ დარჩა, აფციაურიც და დვალიც მეკარესთან პირისპირ აღმოჩნდნენ, თორნიკეს შეეძლო დაერტყა და გაეტანა, მაგრამ რატომღაც დვალის მისამართით გააკეთა გადაცემა, ჯაბამ ცარიელ კარში კი შეაგორა ბურთი, თუმცა მსაჯის ასისტენტმა გაბრიაძემ თამაშგარე მდგომარეობა დააფიქსირა და გოლი არ ჩაითვალა. რამდენიმე წუთში დვალისა და აფციაურის კობინაციის შემდეგ დასარტყმელ პოზიციაზე გორგიაშვილი გავიდა, თუმცა მას მეკარემ აჯობა. მეტოქეს ვალში სამტრედიელებიც არ დარჩნენ - პავლიაშვილის გარღვევისა და სახიფათო დარტყმის შემდეგ ონიანმა კარის ხაზთან თავით მოიგერია ბურთი.</p><p>72-წუთზე ზესტაფონელთა ლამაზ კომბინაციას მესამე გოლი მოჰყვა. ელიავამ დვალს მიაწოდა ბურთი, ჯაბა ისევ ელიავას უბრუნებდა, თუმცა ამან უკეთეს პოზიციაში მყოფ აფციაურს დაანება დარტყმა, თორნიკემ მეკარისგან ახლო კუთხეში ძლიერად გაისროლა, ძაგანიამ რეაქცია კი მოასწრო, მაგრამ ეს გუნდის გადასარჩენად საკმარისი არ აღმოჩნდა, მეკარის ხელიდან ბურთი ხარიხას მოხვდა და კარში ჩაეშვა - 1:3. ფეხბურთელებისგან განსახვავებით სამტრედიელმა გულშემატკივრებმა გოლი გააპროტესტეს, აქაოდა თამაშგარედან გაგვიტანესო და მსაჯს მისდგნენ, მათი რეაქცია მატჩის შემდეგაც არ განელებულა, გულშემატკივრები წაგებას მსაჯებს აბრალებდნენ და მათ ათანსნაირი "ეპითეტებით" ამკობდნენ... 79-წუთზე ჩომახიძემ კიდევ ერთი საჯარიმო დარტყმა შეასრულა, ბურთი ზესტაფონელთა კარის ცხრიანში მიდიოდა, თუმცა კვასხვაძემ ნახტომში თითები წაჰკრა ბურთს და საკუთარი გუნდი გოლისგან იხსნა. დარჩენილ დროში ალადაშვილს შეეძლო თავის გამოჩენა, მან თითქმის მთელი მოედანი გადასერა, მაგრამ ზუსტად ვერ დაარტყა.</p><p><strong>გია გეგუჩაძე:</strong> "შედეგით კმაყოფილი ვარ, თამაშის ხარისხი კი უკეთესის სურვილს ტოვებს. ისიც უნდა ითქვას, რომ ასეთ მინდორზე უკეთ თამაში თითქმის შეუძლებელია. "სამტრედია" არ არის იოლად დასამარცხებელი მეტოქე. მასპინძლებმა ბოლომდე იბრძოლეს და დიდი წინააღმდეგობა გაგვიწიეს, თუმცა ჩვენც ბევრი საგოლე მომენტი ვერ გამოვიყენეთ"</p><p><strong>გელა სანაია:</strong> "მსაჯებთან არავითარი პრეტენზია არა მაქვს... საინტერესო თამაში იყო, ძლიერი მეტოქე გვყავდა, ბოლომდე ვიბრძოლეთ, მაგრამ სამწუხაროდ დადებითი შედეგისთვის ეს საკმარისი არ აღმოჩნდა."</p><p><strong>სამტრედია-ზესტაფინი 1:3</strong></p><p>24.09.10. სამტრედია, ე.მანჯგალაძე. 2000 მაყურებელი</p><p><strong>0:1 აფციაური (13. დვალის პასით) 0:2 ონიანი (18) 1:2 ჩომახიძე (32), 1:3 აფციაური (72. დვალის პასით)</strong></p><p><strong>სამტრედია ზესტაფონი</p><p>4-4-2 4-4-2</p><p></strong>ძაგანია რ. კვასხვაძე</p><p>ჩხიკვაძე ბენაშვილი</p><p>კირთაძე ონიანი</p><p>თ. შალიკაშვილი ხიდეშელი</p><p>ბაკურაძე ელიავა</p><p>ქებაძე ძარია</p><p>ტყემალაძე დაუშვილი</p><p>ჩომახიძე ბაბუნაშვილი</p><p>პავლიაშვილი აფციაური</p><p>კვერენჩხილაძე დვალი</p><p>კაკალაძე გელაშვილი</p><p>46. კვერენჩხილაძე-დ. კირკიტაძე</p><p>64. კირთაძე-ხუმარაშვილი</p><p>64. ბაკურაძე-ი. შალიკაშვილი</p><p><strong>სათადარიგოები:</strong> ჯინჭარაძე, სოსელია, ეცადეიშვილი, გუჩუა</p><p>53. ბაბუნაშვილი-გორგიაშვილი</p><p>71. ძარია-ფიფია</p><p>71. გელაშვილი- ალადაშვილი</p><p><strong>სათადარიგოები:</strong> მამალაძე, კობახიძე, მაკარიანი, ცხადაია</p><p><strong>გაფრთხილება:</strong> გელაშვილი (28), ბენაშვილი (41), ტყემალაძე (54), პავლიაშვილი (86)</p><p><strong>არბიტრი:</strong> ლ. სილაგავა</p><p><strong>ყოველდღიური სპორტული გაზეთი</p><p>"ლელო"</strong></p>
კარგი ამბავი - ბათუმის "დინამოს" ახალი მფლობელი ჰყავს
"მომავალ წელს კლუბში მინიმუმ 20 მილიონი ლარის ინვესტირება მოხდება" - ტარიელ ხეჩიკაშვილმა "იბერიას" სამომავლო გეგმებზე ისაუბრა
"იბერია 1999"-მა ბათუმში მოიგო
სუპერლიგის პირველი წრე დრამატული მატჩით დასრულდა – ორბმა რუსთავი ოვერტაიმში დაამარცხა
ქოჩორაშვილი შეცვლაზე შევიდა - "სპორტინგმა" ადვილად გაიმარჯვა
Globe Soccer Awards. საუკეთესო ფეხბურთელი დემბელე გახდა - კვარაცხელია თავდამსხმელებში ნომინანტებს შორის იყო
ჰოილუნის ლიდერობით - "ნაპოლიმ" "კრემონეზეს" მოუგო
"ნაპოლი" აღარ ხუმრობს - მზადაა "რეალის" 18 წლის შემტევი 50 მილიონად შეიძინოს
"მანჩესტერ იუნაიტედი" "რომას" ნახევარმცველის შეძენასთან ახლოსაა
"თუ გორდონი 100 მილიონი ღირს, მაშინ ჩემი ფასი 200 მილიონი იქნებოდა"- ანდრეი არშავინი
"მომატებული 5 კილოგრამი ასე დავიკელი" - პეპ გვარდიოლა
"გუნდი არ ვიყავით, ყველა თავისთვის თამაშობდა" - ვიტინიამ მესი-ნეიმართან ერთად თამაშის პერიოდი გაიხსენა
"დაკარგული ჯერ არაფერია. "ლივერპულმა" "მანჩესტერ სიტის მსგავსად უნდა იმოქმედოს" - ჯეიმი კარაგერმა მერსისაიდელებს რჩევა მისცა
[VIDEO] პსჟ-ს ფეხბურთელებმა დემბელეს დასცინეს
საქართველოს ხელბურთის ეროვნულმა ფედერაციამ 2025 წელი შეაჯამა
GFF Awards 2025 - საუკეთესო ფეხბურთელად კვარაცხელია დაასახელეს
[VIDEO] ემერიმ "სტემფორდ ბრიჯზეც" მოიგო - "ასტონ ვილას" ბრწყინვალე სერია და უოტკინსის უნიკალური რეკორდი!
გოგლიჩიძე განაცხადში არ იყო - "უდინეზე" წაგებას გადაურჩა
[VIDEO] რონალდოს დუბლი და "ალ ნასრის" გამარჯვება პორტუგალიურად
[VIDEO] "ლივერპულმა" აუტსაიდერს სძლია და მეოთხე პოზიციაზე დამკვიდრდა
ELIGA AWARDS 2025 | გამარჯვებულები
საზონოვი არ ათამაშეს - "ტორინო" "კალიარისთან" დამარცხდა
კვერნაძის "ფროზინონეს" წაუგებელი სერია გრძელდება