 
    
    
    <p>"ტოტენჰემის" მთავარმა მწვრთნელმა განაცხადა, რომ ინგლისში დაბრუნების შემდეგ მას "აჯანყებულ" მოდრიჩთან ურთიერთობების დალაგება მოუწევს</p><p><br> "ტოტენჰემის" მთავარმა მწვრთნელმა ანდრე ვილაშ ბოაშმა განაცხადა, რომ ინგლისში დაბრუნების შემდეგ მას "აჯანყებულ" ლუკა მოდრიჩთან ურთიერთობების დალაგება მოუწევს.</p><p>შეგახსენებთ, რომ იმის იმედად, "რეალში" დღე-დღეზე გადავალო, 26 წლის ხორვატმა ნახევარმცველმა გუნდთან ერთად ამერიკულ ტურნეში გამგზავრებაზე უარი თქვა, რის გამოც ის 100 ათასი ფუნტით დააჯარიმეს. "წინ რთული პროცესი გველის, რადგან მოდრიჩს ფიზიკური კონდიციების აღდგენა მოუწევს.</p><p>თუმცა ისიც უნდა გავითვალისწინოთ, რომ საქმე გვაქვს განსაკუთრებულად ნიჭიერ ფეხბურთელთან.</p><p>მთავარია, რომ შექმნილი ვითარება გავაანალიზოთ, შევხედოთ, როგორ შეხვდება ფეხბურთელი გუნდთან ერთად ვარჯიშის განახლებას. ერთი რამ უნდა გავითვალისწინოთ, რომ "ტოტენჰემს" არავისგან არ მიუღია წინადადება, რომ მისი დონის ფეხბურთელთან გამოთხოვებად ღირდეს.</p><p>ასე რომ, მასთან სერიოზულად დალაპარაკება მომიწევს. ვფიქრობ, ერთმანეთს იოლად გავუგებთ.</p><p>ლუკა მაღალი დონის პროფესიონალია, ვინც დიდი როლი ითამაშა იმაში, რომ გუნდი ბოლო წლებში უმაღლეს დონეზე ათამაშდა.</p><p>იმედია, სათამაშო რიტმს იოლად დაუბრუნდება, მაგრამ თუკი ეს არ მოხდა, მეტ ყურადღებას მივაქცევთ მის ინდივიდუალურ ვარჯიშებს.</p><p>სიტუაცია თავად დაძაბა უკიდურესობამდე და რაკი ასეა, ვალდებულად ვთვლით თავს, შევახსენოთ მისი ვალდებულებები "ტოტენჰემის" წინაშე. მან უნდა გაიაზროს, რომ ვითარება რთულია როგორც პირადად მისთვის, ისე კლუბისთვის," - განაცხადა 34 წლის პორტუგალიელმა მწვრთნელმა.</p><p><strong>ახალი სატრანსფერო მიზნები</strong></p><p>მას მერე, რაც "დეზებმა" "ლიონისგან" უგო ლორისის ტრანსფერზე საბოლოო უარი მიიღეს, ლონდონელები "რომადან" მაარტენ სტეკელენბურგის გადაბირებით დაინტერესდნენ.</p><p>ინფორმაციას ჰოლანდიური "დე ტელეგრააფი" ავრცელებს. "ტოტენჰემის" ხელმძღვანელობა გუნდისთვის კვალიფიციურ ახალგაზრდა მეკარეს ეძებს, რადგან ვილაშ ბოაშის განკარგულებაში სამი მეკარეა და სამივე უკვე საპატიო ასაკშია - ბრედ ფრიდელი 41 წლისაა, კარლო კუდიჩინი - 38-ის, ეურელიო გომეში - 31-ის.</p><p>ჰოლანდიის ნაკრების მეკარე კი ჯერ 29 წლისაა. ცხადია, საქმე მხოლოდ ასაკში არ არის. პირველი ორი 2012/13 წლების სეზონის დასრულების შემდეგ ფეხბურთიდან წასვლას გეგმავს. ბრაზილიელი მეკარის იმედად კი "ტოტენჰემი" ვერ დარჩება.</p><p>"ჯალოროსის" თავის დროზე "აიაქსიდან" ფეხბურთელის გადაბირება 6,32 მილიონი ევრო დაუჯდა. სტეკეს ის ყველაზე ცოტა 8-9 მილიონად თუ შეელევა.</p><p>16 მილიონი ევრო დაუჯდებათ "დეზებს" მოსკოვის ცსკა-დან 22 წლის ალან ძაგოევის შეძენა. რუსული პრესის ცნობით, ევრო 2012-ის ერთ-ერთი ბომბარდირის სამსახურით "არსენალიც" არის დაინტერესებული.</p><p>"მოსისხლე მტრებს" შორის ინტერესთა გადაკვეთა ძაგოევისთვის ბრძოლას დამატებით ხიბლს სძენს.</p><p><strong>ყოველდღიური სპორტული გაზეთი "ლელო"</strong></p>
"რეალს" "ტოტენჰემის" მცველის დამატება სურს
"კრიტიკას ვერ მივიღებ" - სლოტმა "კრისტალ პალასთან" მარცხის შემდეგ მედიასთან ისაუბრა
უპირებენ თუ არა გათავისუფლებას სლოტს - ფაბრიციო რომანო "ლივერპულის" მწვრთნელის მომავალზე
ოფიციალურად - სპალეტი "იუვენტუსის" მწვრთნელია
WU17 | ბოსნია და ჰერცეგოვინა 2:1 საქართველო
ყველაფერი ოზემპიკზე: გამოყენება, შედეგები და გვერდითი მოვლენები
პედრი თბილისში ვერ ჩამოვა
[VIDEO] წიტაიშვილის კარგი მატჩი და "მეცის" მოულოდნელი გამარჯვება "ლანსთან"
10:9 პენალტების სერიაში - კიტეიშვილის "შტურმი" მეოთხედფინალში გავიდა
[VIDEO] "კვარა" შეცვლაზე - პსჟ-მ "ლორიენთან" დუე და ორი ქულა დაკარგა
[VIDEO] გოგლიჩიძის უიღბლო 90 წუთი - "იუვენტუსმა" 8-მატჩიანი მოუგებელი სერია "უდინეზესთან" დაასრულა
"ლორიენთან" მატჩში პსჟ-ს შემადგენლობა ცნობილია
"კვარაცხელიას მარჯვენა ფლანგზე დაყენება ლუის ენრიკეს პრობლემური სიჯიუტეა" - ფრანგი ჟურნალისტი
"ვალენსიამ" შეიძლება "რეალის" ყოფილი ვარსკვლავი უფასოდ დაიმატოს
უეფა-ს კომიტეტის სხდომას ლევან კობიაშვილმა უხელმძღვანელა
დე ბრუინს ბელგიაში ოპერაცია გაუკეთეს
"რეალს" "ტოტენჰემის" მცველის დამატება სურს
უპირებენ თუ არა გათავისუფლებას სლოტს - ფაბრიციო რომანო "ლივერპულის" მწვრთნელის მომავალზე
"რეალთან" წაგების შემდეგ – "ბარსელონას" უჩვეულო გეგმა ფინანსურ სარგებელამდე
[VIDEO] დიდი შერიგება და სიყვარული - ვინისიუსის და ვირჯინიას ამ კადრებს 10 მილიონზე მეტი მოწონება აქვს
უდიდესი სენსაცია პარიზში - ალკარასმა ნორისთან წააგო
[VIDEO] "გოლდენ სტეიტი" სეზონს მაგრად იწყებს - "უორიორსმა" "კლიპერსი" მარტივად დაამარცხა
შენგელიას 11 ქულა და "ბარსას" მე-4 გამარჯვება ევროლიგაზე