<p>სერხიო აგუერომ "ვოლფსბურგთან" შეხვედრაში ტერფის ტრავმა მიიღო, თუმცა სამედიცინო გამოკვლევამ აჩვენა, რომ საშიში არაფერია <br> <strong><em>ვოლფსბურგი-მანჩესტერ სიტი 0:2</em></p><p></strong>გოლები: 0:1 აგუერო (40), 0:2 ი. ტურე (56)</p><p>ვოლფსბურგი: ბენალიო, კნოხე, ნალდო, პოგატეცი, შეფერი, როდრიგესი, ჰელმესი, ფაგნერი, ირაჩეკი, ოლიჩი, ბას დოსტი შეცვლაზე შევიდნენ: ჰიტცი, დიეგო, პილარჟი, კირიაკოსი, ტრეში, არნოლდი, იონსონი, ოროშკო, ლაკიჩი, ჰასანი</p><p>მანჩესტერ სიტი: ჰარტი, საბალეტა, კ. ტურე, სავიჩი, კოლაროვი, ა. ჯონსონი, რაზაკი, დე იონგი, ი. ტურე, ტევესი, აგუერო შეცვლაზე შევიდნენ: სუარესი, ჯეკო, სკაპუცი, სანტა კრუსი</p><p>თამაში, რასაკვირველია, "მანჩესტერ სიტის" უპირატესობით დაიწყო და 90-მა წუთმა მათი სცენარით ჩაიარა.</p><p>პირველად კარის აღების შანსი კარლოს ტევესს მე-5 წუთზე მიეცა. ანგარიში მაინც არგენტინელმა გახსნა - სერხიო აგუერომ თამაში თავის თავზე აიღო, საჯარიმოში შეიჭრა, მასთან ვერც მცველები გახდნენ რამეს, ვერც მეკარე.</p><p>იაია ტურეს ანგარიშის გაზრდა პირველი ტაიმის დასრულებამდე ორი წუთით ადრე შეეძლო, მაგრამ ბოლოს მცველებმა ითამაშეს კარგად.</p><p>მეორე ტაიმის დასაწყისში უკვე "მგლებმა" გამოიღეს ხელი, მაგრამ ეს დიდხანს არ გაგრძელებულა. 56-ე წუთზე ტევესმა ნალდოს ბურთი ფეხიდან ააცალა და კარისკენ დაიძრა, თუმცა ვეტერანი ბრაზილიელი ფეხებში ჩაუვარდა. ბურთი საბოლოოდ იაია ტურესთან აღმოჩნდა, ვინც მარსელ შეფერს იოლად გასცდა, მეკარეს კი შანსი აღარ დაუტოვა.</p><p>გერმანელებმა პირველი და უკანასკნელი სახიფათო მომენტი 64-ე წუთზე შექმნეს, როცა შეფერმა შორიდან გაისროლა, მაგრამ ჯო ჰარტი მომენტს მომზადებული შეხვდა.</p><p><strong><span style="color: #ff0000;">საშიში არაფერია</span></p><p></strong>"ვოლფსბურგთან" შეხვედრის მიწურულს სერხიო აგუერომ ემანუელ პოგატეცთან შეჯახებისას ტერფის ტრავმა მიიღო. რობერტო მანჩინიმ მის ნაცვლად მინდორზე როკე სანტა კრუსი შეუშვა.</p><p>სერხიოს უკვე ჩაუტარდა სამედიცინო გამოკვლევა. ექიმების დასკვნით, არგენტინელს საშიში არაფერი სჭირს. ინგლისის სუპერთასზე "ჩელსისთან" მატჩისთვის ის მზად იქნება.</p><p>იმედიანად არის განწყობილი თავად ფეხბურთელიც. "ყველაფერი რიგზეა. მადლობა ყველას, ვინც ჩემი ჯანმრთელობით დაინტერესდა", - დაწერა ფეხბურთელმა "ტვიტერზე".</p><p>აღნიშნული მატჩი, "უემბლის" ნაცვლად, 12 აგვისტოს ბირმინგემის "ვილა პარკზე" გაიმართება. "უემბლი", მოგეხსენებათ, ოლიმპიადის მატჩებს მასპინძლობს.</p><p><strong><span style="color: #ff0000;">სინკლერიც ქალაქში</span></p><p></strong>"დეილი მირორის" ინფორმაციით, "მანჩესტერ სიტიმ" "სუონსის" გარემარბს, 23 წლის სკოტ სინკლერს დაადგა თვალი.</p><p>უახლოეს დღეებში "ქალაქელები" "გედებთან" მოლაპარაკებას დაიწყებენ. უელსურ კლუბს ისინი 5 მილიონ ფუნტს სთავაზობენ კომპენსაციის სახით.</p><p>სინკლერს მანჩინი თეო უოლკოტის ალტერნატივად განიხილავს, ვისი გადაბირებაც "არსენალიდან" არა და არ ხერხდება.</p><p><strong><span style="color: #ff0000;">ჰელმესის ექვსი თვე</span></p><p></strong>"ვოლფსბურგი"-"მანჩესტერ სიტის" შეხვედრაში მუხლის ჯვარედინი იოგები გაიწყვიტა "მგლების" 28 წლის თავდამსხმელმა პატრიკ ჰელმესმა.</p><p>ექიმების პროგნოზით, ფეხბურთელი გუნდს მინიმუმ 6 თვით დააკლდება.</p><p>"ძალიან ცუდი ინფორმაციაა როგორც პატრიკისთვის, ისე მთლიანად გუნდისთვის", - განუცხადა "კიკერს" "ვოლფსბურგის" მთავარმა მწვრთნელმა ფელიქს მაგათმა.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
"თუ "არსენალი" წელს ტიტულს ვერ მოიგებს, არტეტას გაათავისუფლებენ" - რობერ პირესი
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ