- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
სტივ ჰანსენი გრემ ჰენრის წინააღმდეგ
<p>ოთხი ერის გათამაშების მესამე ტურში ახალი ზელანდიის ნაკრები ველინგტონში არგენტინის ეროვნულ გუნდს დაუპირისპირდება <br> ოთხი ერის გათამაშების მესამე ტურში ახალი ზელანდიის ნაკრები ველინგტონში არგენტინის ეროვნულ გუნდს დაუპირისპირდება.</p><p>"პუმების" ბანაკში "ოლ ბლექსის" ყოფილი თავკაცის, გრემ ჰენრის გამოჩენას ახალ ზელანდიაში არაერთგვაროვანი რეაქცია მოჰყვა.</p><p>ცნობილია, რომ ჰენრი არგენტინელებმა ოთხი ერის გათამაშებაში ღირსეულად ასპარეზობის მიზნით, მთავარი მწვრთნელის, სანტიაგო ფელანის კონსულტანტად მიიწვიეს. ის თავის სამუშაოს ასრულებს და ძნელი სათქმელია, რატომ უკვირთ ახალზელანდიელებს სერ ჰენრის საქციელი.</p><p>"ოლ ბელქსს" ამჟამად სტივ ჰანსენი წვრთნის, რომელიც რვა წლის განმავლობაში იყო გრემ ჰენრის ასისტენტი.</p><p>"როცა გრემ ჰენრი არგენტინელი მწვრთნელების გარემოცვაში და ამ ქვეყნის რაგბის ნაკრების მაისურში გამოწკეპილი ვნახე, თავიდან გამეცინა. მერე რაღაც ჩამწყდა, სხვადასხვა ემოციის მთელი სპექტრი გადავიტანე.</p><p>ახლა ვფიქრობ, აი, კაცი, რომელიც ჩვენს გუნდთან ახლოს იყო და საკუთარი ხელის ხუთი თითივით იცის "ოლ ბლექსის" ავან-ჩავანი. იმედი მაქვს, რომ ჰენრი მათ ყველაფერს არ მოუყვება. ამასთან ერთად, საინტერესოცაა, რადგან ჩვენ, ვფიქრობ, თამაშის გარკვეული დეტალები შევცვალეთ და ვნახავთ, ამ სისტემას რა ნაკლოვანებები აქვს. ასე რომ, ეს ამბავი დიდ ინტრიგასაც შეიცავს" - თქვა ახალი ზელანდიის ნაკრების მთავარმა მწვრთნელმა სტივ ჰანსენმა.</p><p>აღსანიშნავია, რომ თავად ახალი ზელანდიის რაგბის კავშირი ამ ფაქტს გაგებით ეკიდება. მეტიც, ეს ორგანიზაცია ვალდებულადაც კი თვლის თავს, არგენტინის ნაკრებს განვითარებაში დაეხმაროს. ოთხი ერის შექმნისას ეს ვალდებულება სამივე ბობოლა სარაგბო ქვეყანამ აიღოო, აცხადებენ მისი ხელმძღვანელები.</p><p>ამასობაში სტივ ჰანსენი იძულებული გახდა, ახალი ზელანდიის ნაკრების შემადგენლობაში რამდენიმე ცვლილება განეხორციელებინა. ტრავმა გაუმიზეზდა და არგენტინის ნაკრებთან თამაშს ვერ შეძლებს მსოფლიოს ერთ-ერთი საუკეთესო მგეზავი დენ კარტერი. მის ადგილს ძირითად შემადგენლობაში აარონ კრადენი დაიკავებს, სათადარიგოთა შორის კი ამ პოზიციაზე ბოდენ ბარეტი იქნება.</p><p>ახალი ზელანდია დატოვა და იაპონიაში გაემგზავრა შუამარბი სონი ბილ ვილიამსი. მას ტრავმამოშუშებული კონრად სმიტი შეცვლის. ჰანსენმა სათადარიგოთა შორის გაამწესა სემ ვაითლოქი და ლიამ მესამი. ძირითადში თამაში კი ვიქტორ ვიტოსა და ბროდი რეტალიკს ანდო.</p><p><strong>ახალი ზელანდია</p><p></strong>15. იზრაელ დაგი, 14. ქორი ჯეინი, 13. კონრად სმიტი, 12. მაა ნონუ, 11. ჯულიან სავეა, 10. აარონ კრადენი, 9. აარონ სმიტი. 1. ტონი ვუდკოქი, 2. კევინ მეალამუ, 3. ოუენ ფრენქსი, 4. ლუკ რომანო, 5. ბროდი რეტალიკი, 6. ვიქტორ ვიტო, 7. რიჩი მაქოა, 8. კირან რიდი.</p><p>16. ენდრიუ ჰორი, 17. ჩარლი ფაუმუნია, 18. სემ ვაითლოქი, 19. ლიამ მესამი, 20. პირი ვიპუ, 21. ბოდენ ბარეტი, 22. ბენ სმიტი.</p><p><span style="color: #ff0000;"><strong>მიშალაკი "ტულონსა" და მის პრობლემებზე</p><p></strong></span>საფრანგეთის ნაკრებისა და სამხრეთაფრიკული "ნატალ შარქსის" მგეზავი ფრედერიკ მიშალაკი საფრანგეთში დაბრუნდა და დავით ქუბრიაშვილის, კონსტანტინე მიქაუტაძისა და ლევან ჩილაჩავას "ტულონში" ჩაირიცხა.</p><p>ტულონელთა მულტიმილიონერი პრეზიდენტი მურად ბურჯელალი გუნდში ვარსკვლავებს მთელი მსოფლიოდან უყრის თავს და აბა, მიშალაკი უყურადღებოდ როგორ დარჩებოდა? განვლილი სეზონი ფრედერიკმა დურბანის "ნატალ შარქსში" გაატარა, ზე რაგბიშიც იასპარეზა და სამხრეთ აფრიკის ჩემპიონიც გახდა, ანუ "ქარის თასი" მოიგო.</p><p>მერე მას ბურჯელალი დაუკავშირდა და სამშობლოში დაბრუნება შესთავაზა, რაზეც მიშალაკი სიხარულით დათანხმდა.</p><p>"როდესაც სამხრეთ აფრიკაში ვთამაშობდი, ფაქტობრივად, არავის უცდია ჩემი უკან, საფრანგეთში დაბრუნება.</p><p>ეს მურად ბურჯელალმა გააკეთა. ის დიდხანს მესაუბრებოდა "ტულონის" შესახებ, როგორი თავგამოდებული ქომაგები ჰყავთ და რა ძლიერად უყვართ გუნდის კვართი; მიამბო კლუბის ისტორიაზეც, რომლის შესახებაც არაფერი ვიცოდი.</p><p>მურადის მონათხრობი ძალიან მომეწონა. გუნდში, რომელშიც უკანასკნელი ხუთი წლის განმავლობაში მსოფლიოს საუკეთესო მორაგბეები ასპარეზობდნენ, ცხადია, მეც მომინდა თამაში. ამჟამად "ტულონის" მორაგბე ვარ და თავს შესანიშნავად ვგრძნობ" - თქვა ფრედერიკ მიშალაკმა.</p><p>"ტულონმა", რომელმაც შარშან ჩემპიონობა ფინალში დათმო, წლევანდელ გათამაშებაში შესანიშნავი სტარტი აიღო. ჩვენებურთა გუნდმა სამი თამაშიდან სამივე მოიგო და თავიდანვე დაადასტურა თავისი საფუძვლიანი ამბიცია, ქვეყნის ჩემპიონი ერქვას.</p><p>თუმცა მიშალაკს, რომელსაც საგრანგეთის ნაკრების შემადგენლობაში 2003 და 2007 წლების მსოფლიოს თასის გათამაშებებში უასპარეზია, მიაჩნია, რომ გუნდს კიდევ ბევრი აქვს სამუშაო და დასახვეწი, რათა ჭეშმარიტად ევროპულ გრანდად ჩამოყალიბდეს.</p><p>ისიც აღსანიშნავია, რომ ფრედერიკს "ტულონში" სერიოზული კონკურენტი დახვდა. აქ მგეზავი უკვე რამდენიმე წელიწადია, მსოფლიოს ერთ-ერთი საუკეთესო მორაგბე, ინგლისელი ჯონი ვილკინსონია. "ვილკო" ფეხით თამაშში საუკეთესო რომ არის, ძველი ამბავია.</p><p>მის გარდა, დამრტყმელობას მიშალაკს ავსტრალიელი შუამარბი მეთ გიტო შეეცილება, რომელიც ამჟამად ბრწყინვალე ფორმაშია და გუნდის ერთ-ერთი წამყვანი მოთამაშეა.</p><p>"ჩვენი გუნდი სეზონის დასაწყისშივე სატურნირო ცხრილის კენწეროში მოექცა. ეს, ცხადია, ძალიან კარგია. მიუხედავად ამისა, ჩანს, რომ სამუშაო ბევრი გვაქვს. პრობლემებია ბურთის ფლობაში, რაც შეტევით პოტენციალს გვისუსტებს. ისიც გასათვალისწინებელია, რომ ახლა სეზონის დასაწყისია და ნელ-ნელა ყველაფერი დალაგდება" - იმედოვნებს ფრედერიკ მიშალაკი.</p><p><strong>ყოველდღიური სპორტული გაზეთი "ლელო"</strong></p>
საქართველოს 15-ქალა ნაკრების წინსვლა რეიტინგში
15-ქალა | ხორვატებთან ახალი რეკორდით
15-ქალა | მაისურაძემ ხორვატებისთვის შემადგენლობა შეარჩია
მერაბ რატიშვილი მონტენეგრო-საბერძნეთის მატჩს უკომისრებს
კალანდაძე თბილისის "დინამოში" დაბრუნდა
საქართველოს 15-ქალა ნაკრების წინსვლა რეიტინგში
გრიზმანი MLS-ში - მოლაპარაკებები დასკვნით სტადიაშია
ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია
"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა
კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს
პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე
ქალთა ნაკრები საბერძნეთთან მატჩისთვის მზადებას განაგრძობს
ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს
15-ქალა | ხორვატებთან ახალი რეკორდით
20 წ. | კარგი ტაიმით მსოფლიოს ჩემპიონთან
კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?
"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო
"სერია A-ში თამაში ყველაზე რთულია" - ალეგრი "პარმასთან" მარცხის შემდეგ
L'Équipe: პსჟ-ში შევალიეს ბედი საფონოვზეა დამოკიდებული
ლებრონ ჯეიმსმა მორიგი რეკორდი დაამყარა
თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა
"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა
[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა