<p>თბილისში სტუმრად მყოფმა ესპანეთის ნაკრების მთავარმა მწვრთნელმა და ფეხბურთელებმა პრესკონფერენცია გამართეს <br> როგორც მოსალოდნელი იყო, 10 სექტემბერს სასტუმრო "რედისონში" ესპანელთა პრესკონფერენციას მასმედიის სოლიდური წარმომადგენლობა დაესწრო.</p><p>ქართველ ჟურნალისტებზე არანაკლები რაოდენობით ესპანელი კოლეგები იყვნენ წარმოდგენილნი.</p><p>პრესკონფერენციაზე <strong>ვისენტე დელ ბოსკეს</strong> მოსვლა წინასწარ იყო დაანონსებული. სავარაუდო იყო, რომ იგი ერთ ფეხბურთელსაც იახლებდა, თუმცა ჩვენს წინაშე ერთბაშად ორი ვარსკვლავი წარსდგა - ესპანეთის ნაკრების კაპიტანი <strong>იკერ კასილი</strong><strong>ასი</strong> და <strong>ჩავი</strong>.</p><p>თავდაპირველად მედიის ინტერესი სწორედ მათ დააკმაყოფილეს, <strong>დელ ბოსკე</strong> კი ისე მორიდებულად და შეუმჩნევლად დაჯდა დარბაზის შორეულ კუთხეში, რომ ბევრმა მისი მოსვლა ვერც შენიშნა.</p><p><span style="color: #ff0000;"><strong>იკერ კასილ</strong></span><span style="color: #ff0000;"><strong>ი</strong></span><span style="color: #ff0000;"><strong>ასი:</strong></span></p><p>- თბილისში ძალიან მოტივირებულები ჩამოვედით. დარწმუნებული ვარ, საინტერესო მატჩი გამოვა. ეს ჩვენთვის მსოფლიოს ჩემპიონატის შესარჩევი ტურნირის პირველი შეხვედრაა და აქ გამარჯვებას დიდი მნიშვნელობა აქვს.</p><p>საკმაოდ რთულ ჯგუფში მოვხვდით და ნებისმიერ მეტოქესთან დაპირისპირებას სრული მობილიზაციით უნდა შევხვდეთ.</p><p>დღეს დილას თეორიული მეცადინეობა გვქონდა, სადაც საქართველო-ბელორუსის მატჩის ვიდეოჩანაწერი განვიხილეთ. საქართველოს ნაკრებიდან ლორიას, ანანიძესა და ოქრიაშვილს გამოვარჩევდი.</p><p>ესპანეთის ნაკრების წარმატებაში ვისენტე დელ ბოსკეს როლი განსაკუთრებულია. ყველა გამარჯვებას მას ვუძღვნით, იგია ჩვენი მამოძრავებელი ძალა.</p><p><span style="color: #ff0000;"><strong>ჩავი:</strong></span></p><p>- საქართველოს ნაკრებს სერიოზულ მეტოქედ მივიჩნევთ, თუმცა მიზნად მხოლოდ გამარჯვებას ვისახავთ. გამარჯვებაც არ არის საკმარისი, თამაშის ის ხარისხი უნდა შევინარჩუნოთ, რითიც ბოლო წლებში ესპანეთის ნაკრები სხვებისგან გამოირჩევა.</p><p>ჩვენი სტილი ზუსტად იგივე დარჩება, როგორიც ევროპის ჩემპიონატიდან გახსოვთ. მოედანზე უნდა გავიდეთ და ბოლომდე დავიხარჯოთ.</p><p>ჩვენი მიზანი მსოფლიოს ჩემპიონობის შენარჩუნებაა და ეს ორი წელიწადი ნაყოფიერად უნდა გამოვიყენოთ, რათა ბრაზილიის მუნდიალზე ტიტულის მოსაპოვებლად ვიბრძოლოთ.</p><p><strong><img src="/media/images/new_photo/UCXOURI/2012/SOCCER/SEP1-16/spain/visente-0001111111111.jpg" border="0" alt="Sportall.Ge" title="გამარჯვებისთვის შემართული ვისენტე დელ ბოსკე, იკერ კასილიასი და ჩავი" width="290" style="float: left; margin: 5px;" /><span style="color: #ff0000;">ვისენტე დელ ბოსკე:</span></strong></p><p>- საქართველოს ნაკრები ბრძოლისუნარიანი და მზარდი გუნდია. არ ვფიქრობ, რომ მისი დამარცხება გაგვიადვილდება, თუმცა აქ მხოლოდ სამი ქულისთვის ვართ ჩამოსულები და იმედი მაქვს, მიზანს მივაღწევთ.</p><p>ახალ შესარჩევ ტურნირში ეს ჩვენი პირველი მატჩია და აქ გამარჯვებას განსაკუთრებული ფასი და მნიშვნელობა აქვს.</p><p><strong>- დავიდ ვილიასა და ფერნანდო ტორესის დუეტის აღდგენა ხომ არ არის მოსალოდნელი?</strong></p><p>- ყველაფერს თამაშზე ნახავთ. ჩვენ ოპტიმალურ ფორმაში მყოფი 23 ფეხბურთელი გვყავს და მოედანზე ნებისმიერი მათგანი შეიძლება იხილოთ. მოხარული ვარ, რომ ჩემს მოთამაშეებს მოტივაცია არ აკლიათ.</p><p><strong>- ამდენი ტიტულის მოპოვების შემდეგ ესპანეთის ნაკრების ფეხბურთელებს მოტივაცია ხომ არ შეუმცირდათ?</strong></p><p>- არა, მათთვისაც და ჩემთვისაც ახალი ტიტულებისთვის ბრძოლაც არანაკლები გამოწვევაა.</p><p><strong>- რისი დამსახურებაა, რომ ესპანეთის ნაკრები, რომელიც ადრე ტიტულებს ვერ იგებდა, ბოლო წლებში ყველა დიდ ტურნირზე იმარჯვებს?</strong></p><p>- ესპანურ ფეხბურთს ყოველთვის ჰყავდა ძლიერი თაობები, მაგრამ დიდ გამარჯვებებს ბოლო პერიოდამდე ვერ ვაღწევდით. ყველაფერი ერთიანი სისტემის დახვეწის დამსახურებაა, რაშიც დიდი წვლილი ესპანეთის ფეხბურთის ფედერაციას მიუძღვის.</p><p><strong></p><p>- შეგიძლიათ თქვათ, რომ მსოფლიოს 2014 წლის ჩემპიონატზე იმ ფეხბურთელებს დაეყრდნობით, რომლებიც ესპანეთის ნაკრებში ამჟამად თამაშობენ?</strong></p><p>- 2014 წლამდე ჯერ შორია და იქამდე ბევრი რამ შეიძლება მოხდეს, მაგრამ მსოფლიოს ჩემპიონატზე წასაყვანი გუნდის ბირთვი უკვე გამოკვეთილია. ბუნებრივია, ნაკრებში დამკვიდრების შანსი სხვა ფეხბურთელებსაც მიეცემათ.</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
"სანიოლმა ნაკრებში თავისი თავი ამოწურა... გასულ მატჩებში ჩემთვის გაუგებარი რაღაცები ხდებოდა..." - დევდარიანმა ეროვნული გუნდის ბოლო 2 შეხვედრა შეაფასა
საქართველოს ნაკრები - ორი მარცხი და ორი ადგილით უკუსვლა რეიტინგში
საქართველო - ესპანეთი | ინფორმაცია ბილეთების შესახებ
"კვარა" ისევ როტაციაში და ორი მნიშვნელოვანი მატჩი პარალელურად
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"ბარსელონამ" შეიძლება ტერ შტეგენი სხვა კლუბში გაუშვას
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა
ვარსკვლავური ფინალი 90 კილოგრამ წონით კატეგორიაში - ძიუდოში საქართველოს მასტერსი გაიმართა
[PHOTO] "სიტისთან" მატჩამდე მიქაუტაძე ძველ მეგობარს შეხვდა
კატასტროფულმა ზაბარნიმ უნიკალური ანტირეკორდი გაიმეორა