- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
დილა-ტორპედო 0:1 - მარცხი და აურზაური გორში [VIDEO]
![დილა-ტორპედო 0:1 - მარცხი და აურზაური გორში [VIDEO]](images/new_photo/QARTULI/SOCCER/Clubs/dila/INFRA/dila-torpedo-0-1-08122012-dila-fans.jpg)
<p>საქართველოს ჩემპიონატი. უმაღლესი ლიგა. XIX ტური <br> "დილამ" განვლილ შაბათს, მშობლიურ თენგიზ ბურჯანაძის სახელობის არენაზე შვიდთვიანი პაუზის შემდეგ წააგო. ბოლოს ამ სტადიონზე გორელთა გუნდი 18 აპრილს ასეთივე ანგარიშით დამარცხდა საქართველოს თასის ნახევარფინალში "გაგრასთან".</p><p>მასპინძლებმა ერთადერთი გოლი მაშინაც მატჩის მიწურულს გაუშვეს, თუმცა იმ წაგებას ზეიმი მოჰყვა, ვინაიდან ორი მატჩის ჯამში "დილა" მაინც თასის ფინალში გავიდა და შემდეგ აიღო კიდეც.</p><p>ჩემპიონატის შეხვედრა კი თენგიზ ბურჯანაძეზე გორელებს სულაც შარშანდელის მერე არ წაეგოთ. იქიდან მოყოლებული, ეს გუნდი მხოლოდ სტადიონის რემონტის გამო სხვა არენებზე ჩატარებულ საშინაო შეხვედრებისას თუ აგებდა.</p><p>ჩვენ ბოლოს ვწერდით კიდეც: "ამდენი გამარჯვებების მერე გორელი მაყურებელიც გარკვეულწილად შეიცვალა და ახლა სულ კმაყოფილი იერი აქვს" და აი, "ტორპედოსთან" შეხვედრაში ამ სტადიონზე მშობლიური კლუბის მარცხმა მაყურებლის რისხვა ისეთი აურზაურით დააბრუნა, დიდი ხანია, რომ არ გვინახავს.</p><p><img src="/media/images/new_photo/QARTULI/SOCCER/Clubs/dila/season/dila-torpedo 0-1 08122012 roman akhalkatsi chelidze.jpg" border="0" alt="Sportall.Ge" title="დილა-ტორპედო 0:1 - მარცხი და აურზაური გორში [VIDEO]" width="297" style="margin: 5px; float: left;" />ხმაური პირველი ტაიმის მიწურულს, 43-ე წუთზე მომხდარმა ეპიზოდმა გამოიწვია, როდესაც ჟუნიორის პასი რომან ახალკაცმა კარის სიახლოვეს მიიღო, მაგრამ ზაზა ჭელიძესთან ორთაბრძოლაში წაიქცა.</p><p>ეს ეპიზოდი მატჩის შემდგომი პრესკონფერენციის დასრულების მერე "დილას" წარმომადგენლებმა სხვადასხვა რაკურსით გვაჩვენეს, სადაც ჩანდა, რომ ჭელიძე ნამდვილად ქაჩავდა მაისურზე ახალკაცს. თუმცა მთავარმა მსაჯმა ოთარ ხეცაძემ არც პენალტის დანიშვნა ჩათვალა საჭიროდ და არც მასპინძელი მობურთალის წაქცევა მიიჩნია სიმულაციად.</p><p>საგულისხმოა, რომ სამიოდ მეტრში იმყოფებოდა დამატებითი არბიტრი არსენ ნონიკაშვილი. პენალტის არდანიშვნა გორელმა ფეხბურთელებმაც გააპროტესტეს და სტადიონზე შეკრებილმა პუბლიკამაც.</p><p>მაყურებელი მეორე ტაიმშიც პერიოდულად მწვავედ რეაგირებდა არბიტრის ბევრ გადაწყვეტილებაზე, მაგრამ სკენდერის კარში გაშვებულმა გოლმა სულ მთლად გააშმაგა ისინი.</p><p>განსაკუთრებით აქტიური აღმოსავლეთ ტრიბუნა იყო, საიდანაც პეტარდების სროლა ატყდა და ვინაიდან ამ საგნების მთავარ მსაჯამდე მიღწევა ჭირდა, აგრესიულმა ქომაგებმა სანაცვლოდ გვერდით მსაჯს, ელიკაშვილს დაატეხეს მთელი რისხვა.</p><p>ხეცაძეს რამდენიმე წუთით მატჩის შეწყვეტა და "დილას" ხელმძღვანელთათვის გულშემატკივართა დაშოშმინებისთვის მოწოდებაც დასჭირდა.</p><p><img src="/media/images/new_photo/QARTULI/SOCCER/Clubs/dila/season/dila-torpedo 0-1 08122012 arbitres.jpg" border="0" alt="Sportall.Ge" title="დილა-ტორპედო 0:1 - მარცხი და აურზაური გორში [VIDEO]" width="297" style="float: left; margin: 5px;" />ასეთ ვითარებაში თამაში, როგორც იქნა, დასრულდა, მაგრამ მსაჯებს მოედნიდან გასვლისასაც არ დააკლეს მაყურებლებმა ლანძღვა-გინება (<a href="http://www.palitratv.ge/akhali-ambebi/shemthkhveva/24468-khelcharthuli-chkhubi-da-areuloba-saqarthvelos-safekhburtho-chempionatis-matchebze.html" target="_blank"><span style="color: #ff0000;"><strong>იხილეთ ვიდეო</strong></span></a>).</p><p>ზემოაღნიშნული ინციდენტები, სამწუხაროდ, შეხვედრის მთავარ მოვლენად იქცა და სატურნირო ცხრილში ლიდერთა ბანაკის წარმომადგენელთა დაპირისპირების სათამაშო პერიპეტიები გადაფარა.</p><p>არადა, მატჩი სულაც არ ყოფილა უინტერესო. ორივე გუნდის მთავარმა მწვრთნელებმა აღნიშნეს კიდეც, რომ მათი შეგირდების გარჯით კმაყოფილნი არიან და რომ ფეხბურთელებმა მათი დავალებები კარგად შეასრულეს. მართლაც: როგორც სტუმარ, ისე მასპინძელ ფეხბურთელებს ეტყობოდათ, რომ სათამაშო დისციპლინის თვალსაზრისით, ურიგოდ არ უმოქმედიათ.</p><p>ქუთაისელებმა ე. წ. მეორე ნომრად ყოფნა არჩიეს და მატჩის სადავეები უმნიშვნელო უპირატესობით, მაგრამ მაინც "დილას" ხელში მოექცა. მიუხედავად ამისა, პირველი ხიფათი "ტორპედომ" მე-4 წუთზევე შექმნა, როდესაც ტუღუში-დათუნაიშვილის კომბინაციის დაგვირგვინება ნიკა საბანაძემ ვერ შეძლო ნაყოფიერად.</p><p>ეს უკანასკნელი სტუმრების ერთადერთი გამოკვეთილი მოიერიშე გახლდათ, მასპინძლები კი საგოლედ, პირველ ყოვლისა, ჟუნიორზე ამყარებდნენ იმედს. თუმცა, პირველი მატჩებისაგან განსხვავებით, ამ ბრაზილიელმა ლეგიონერმა ისევ უგოლოდ დატოვა მინდორი, ოღონდ საზოგადოდ, ჟუნიორს ცუდად არ უმოქმედია, იგი კომბინაციათა დამაგვირგვინებელ ფაზაში საგოლე პასით გამორჩევას უფრო ცდილობდა.</p><p><img src="/media/images/new_photo/QARTULI/SOCCER/Clubs/dila/season/dila-torpedo 0-1 08122012 irakli klimiashvili.jpg" border="0" alt="Sportall.Ge" title="დილა-ტორპედო 0:1 - მარცხი და აურზაური გორში [VIDEO]" width="297" style="float: left; margin: 5px;" />გორელებმა შესვენებამდე ორი აღსანიშნავი სახიფათო მომენტი შექმნეს, მაგრამ ჯერ ონიანს და მერე კლიმიაშვილს სიზუსტე დააკლდათ.</p><p>სტუმართაგან გამოვარჩევთ ელგუჯა გრიგალაშვილს. სწორედ მისი დარტყმული პირველი ტაიმის მიწურულს ხარიხას მცირედით გადასცდა.</p><p>მეორე ნახევრის დებიუტში კი სწრაფი იერიშის და ძლიერი დარტყმის შემდეგ სკენდერმა გაჭირვებით მოიგერია. "ტორპედოს" ეს ნახევარმცველი მერეც ბევრჯერ გამოირჩა. 58-ე წუთზე კი "დილას" კაპიტან ლაშა სალუქვაძეს მართებდა გატანა. მან კვირკველიას ჩამოწოდების მერე ჟუნიორისგან მეტად სახეირო პოზიციაში მიიღო ბურთი, თუმცა არაზუსტად დაარტყა.</p><p>63-ე წუთზე ახალკაცის ჩაწოდებულს გორელიშვილის ძალიან სახიფათო თავური მოჰყვა, რომელიც ომარ მიგინეიშვილმა კარის ხაზზე გაჭირვებით დაიჭირა. ცოტა ხანში კლიმიაშვილის პასით ახალკაცს შეეძლო ეხეირა.</p><p>კახელიშვილის თამაშში ჩართვასაც მოჰყვა ხიფათი მიგინეიშვილის კართან, თუმცა მისი ჩაწოდებული მოდებაძემ ვერ აქცია გოლად. ბოლოს კი ისევ ქუთათური გრიგალაშვილის შეტევას მოჰყვა შედეგი - მისი ძლიერი დატყმისას ბურთი სკენდერმა ვერ შეიმაგრა ხელებში, იქვე მყოფმა საბანაძემ კი კარში შეაგორა - 0:1.</p><p><span style="color: #ff0000;"><strong>მატჩის შემდეგ </strong></span></p><p><strong>გია გეგუჩაძე (ტორპედო):</strong></p><p><em>"გამართლდა ვარაუდი, რომ თამაში რთული გამოდგებოდა. ჩვენ სწორი ტაქტიკა შევარჩიეთ, ფეხბურთელებმაც დავალება შეასრულეს და შედეგიც დადებითი მივიღეთ. მსაჯის გადაწყვეტილებებზე მე კომენტარს ვერ გავაკეთებ".</p><p></em></p><p><strong>გიორგი დარასელია (დილა):</strong></p><p>"ვფიქრობ, შეხვედრა ლამაზი გამოდგა, ორივე გუნდმა კარგად ითამაშა, მაგრამ, სამწუხაროდ, ჩვენ დავმარცხდით. მსაჯობაზე კი არაფრის თქმა არ მინდა, მით უფრო, რომ ამით საქმეს ახლა აღარაფერი ეშველება. არბიტრის გადაწყვეტილებების განსჯა თქვენთვის, ჟურნალისტებისთვის მომინდვია".<span style="text-decoration: underline;"></p><p></span></p><p><span style="color: #ff0000;"><strong>საქართველოს ჩემპიონატი. უმაღლესი ლიგა. XIX ტური</strong></span></p><p>08. 12. გორი. თენგიზ ბურჯანაძე. 2500 მაყურებელი</p><p><em><strong>დილა-ტორპედო 0:1</strong></em></p><p>გოლი: 0:1 საბანაძე (83)</p><p><p><div id="1716" class="ws_video" style="width: 150px; text-align: center; font-weight: bold; border: 1px solid; margin: 0px auto;"><span style="padding: 2px; display: block; color: #990000; font-size: 14px;">Video</span><img src="/media/images/videomanager/videoimages/http:/video.ambebi.ge/files/2012/12-10/dila-torpedo-0-1qtp.jpg" border="0" alt="Sportall.Ge" title="დილა-ტორპედო 0:1 - მარცხი და აურზაური გორში [VIDEO]" /></p><p><span style="padding: 2px; display: block;">დილა - ტორპედო 0:1</span></div></p></p><p><span style="text-decoration: underline;">დილა </span><span style="text-decoration: underline;">4-2-3-1</span><span style="text-decoration: underline;"> ტორპედო </span><span style="text-decoration: underline;">4-5-1</span><span style="text-decoration: underline;"></p><p></span>სკენდერი მიგინეიშვილი</p><p>შაშიაშვილი რიგვავა</p><p>სალუქვაძე გ. გურული</p><p>გ. ონიანი ზ. ჭელიძე</p><p>კვირკველია ტაბატაძე</p><p>ბეჭვაია ე. გრიგალაშვილი</p><p>გვალია გიგაური</p><p>ახალკაცი გ. დათუნაიშვილი</p><p>კლიმიაშვილი კუხიანიძე</p><p>გორელიშვილი ტუღუში</p><p>ჟუნიორი საბანაძე</p><p>მწვრთნელი მწვრთნელი</p><p>გ. დარასელია გ. გეგუჩაძე</p><p>დილა</p><p>60. გვალია - კახელიშვილი</p><p>76. ახალკაცი - მოდებაძე</p><p>სათადარიგოები: შეყრილაძე, ალადაშვილი, აბურჯანია, თომაშვილი, ხოჯავა</p><p>ტორპედო</p><p>70. ტუღუში - ფანცულაია</p><p>77. გიგაური - ფირცხალავა</p><p>სათადარიგოები: ქვილითაია, ვ. ბოლქვაძე, ვ. კვარაცხელია, იოსელიანი</p><p>გაფრთხილება: ბეჭვაია (47), გიგაური (52), გრიგალაშვილი (75), ფანცულაია (85), კუხიანიაძე (90)</p><p>არბიტრი: ო. ხეცაძე</p><p><strong>ყოველდღიური სპორტული გაზეთი "ლელო"</strong></p>
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
ლიდერი ისევ "დილაა"; "ტორპედომ" კი იბერიელებს აჯობა
"გაგრას" ლიუბენოვიჩი ჩაუდგა სათავეში
შენგელიას 13 ქულა და "ბარსელონას" საშინაო მარცხი "ჟალგირისთან"
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"თოფურია ყალბია. ის ქართველიც კი არ არის, გერმანიაში დაიბადა და გერმანელია" - პიმბლეტმა Marca-ს ეთერიდან თოფურია გამოიწვია
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს