- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
მარტვილის "მერანი" - უცვლელი ხელწერა და დამსახურებული სიმპათიები
<p>საქართველოს ჩემპიონატი. I ეტაპის შეჯამება. "მერანი" (მარტვილი). ადგილი VIII <br> "მერანი" წინა სეზონის აღმოჩენად იქცა. უმაღლესი ლიგის დებიუტანტმა და იქაურობის ერთ-ერთმა ყველაზე ნაკლებადბიუჯეტიანმა კლუბმა უძლიერესთა შორის ადგილი დამაჯერებლად შეინარჩუნა და რამდენიმე ხმაურიანი სენსაციის შემოქმედიც გახდა.</p><p>მარტვილელებმა წინა ჩემპიონატი მერვე ადგილზე დაასრულეს და საკუთარი თამაშის მანერით არა მხოლოდ საკუთარი, არამედ ნეიტრალური გულშემატკივარიც მოხიბლეს.</p><p>"მერანისთვის" არ არსებობს ავტორიტეტები - მარტვილური კლუბი ნებისმიერ მეტოქესთან ლაღად და კომბინაციურად ცდილობს თამაშს და მწვრთნელთა ჩანაფიქრის მოედანზე განხორციელება ხშირ შემთხვევებში წარმატებით ხერხდება.</p><p>მარტვილელები კოლექტიურ თამაშშიც ძლიერები არიან და გამორჩეული ინდივიდუალისტებიც ჰყავთ. წინა სეზონში ნაჩვენებმა შედეგმა "მერანის" ფეხბურთელთა მიმართ დიდი ინტერესი გამოიწვია და რამდენიმე მათგანმა კარიერა უფრო მაღალ დონეზე გააგრძელა. მხოლოდ <strong>ელგუჯა გრიგალაშვილის</strong> ხსენებაც საკმარისია, რომელიც ქუთაისის "ტორპედოში" გადავიდა და მის ერთ-ერთ ლიდერად იქცა.</p><p>"მერანის" შემადგენლობაში, მის გარდა, კიდევ არაერთი მზარდი და საინტერესო ფეხბურთელი წარმოჩინდა, რომელთათვისაც პატარა ქალაქის მოკრძალებულ, მაგრამ ავტორიტეტების არმცნობ კლუბში თამაში კარგ ტრამპლინად იქცა.</p><p>"მერანს" ნამდვილი "მეთორმეტე მოთამაშეც" ჰყავს. მარტვილში თამაში რომ არავისთვის არის სასიამოვნო, ეს მოედნის ცუდ საფართან ერთად, იქაური გულშემატკივრებიც არიან, რომლებიც საყვარელ გუნდს ერთგულად ქომაგობენ და "მერანის" წარმატებებში წონადი წვლილი შეაქვთ.</p><p>"მერანი" მიმდინარე სეზონშიც ანგარიშგასაწევ ძალად რჩება და კიდევ უფრო გაახალგაზრდავებული შემადგენლობით აგრძელებს ასპარეზობას. უშუალო კონკურენტებთან ბრძოლაში მარტვილელებმა ქულათა საკმაო მარაგს მოუყარეს თავი და არც უფრო ძლიერ მეტოქეებთან გამოიყურებოდნენ ურიგოდ.</p><p>წესით, ასეთი თამაშით "მერანს" უმაღლეს ლიგაში ადგილის შენარჩუნება არ უნდა გაუჭირდეს.</p><p>კლუბის ბიუჯეტი კვლავ მოკრძალებულია, მაგრამ რამდენიმე უმაღლესლიგელისგან განსხვავებით, "მერანში" ხელფასები და პრემიები შეუფერხებლად გაიცემა და შესაბამისად, გუნდის ნორმალურ რეჟიმში არსებობას საფრთხე არ ემუქრება.</p><p>აუცილებლად ცალკე უნდა აღვნიშნოთ სამწვრთნელო შტაბის როლი. <strong>მალხაზ ჟვანია</strong> და მისი ასისტენტი <strong>არჩილ ჩხაბერიძე</strong> "მერანის" წარმატებაში უმნიშვნელოვანეს როლს თამაშობენ და მათ მიერ გაწვრთნილ გუნდს თავისი ხელწერით ადვილად გამოარჩევთ.</p><p>ეს დუეტი "მერანში" წლებია, მუშაობს და ბევრი კოლეგისგან განსხვავებით, ის უპირატესობაც აქვს, რომ კლუბის ხელმძღვანელობისგან სრული ნდობითა და მხარდაჭერით სარგებლობს, რაც ქართულ რეალობაში მეტად იშვიათი მოვლენაა.</p><p>მეორე სეზონია, "მერანი" უმაღლეს ლიგას დამატებით ხიბლს სძენს. იმედი გვაქვს, ქართულ საფეხბურთო რუკაზე ეს კლუბი კიდევ დიდხანს დარჩება.</p><p><span style="color: #ff0000;"><strong>მეკარე</strong></span></p><p>ზედიზედ მეორე სეზონია, 22 წლის <strong>ჯონი შეროზია</strong> "მერანის" ძირითადი მეკარის სტატუსს არავის უთმობს. მალხაზ ჟვანიას გუნდს საკმაოდ საიმედო გოლკიპერი ჰყავს, რომელსაც ნამდვილად აქვს იმის შანსი, რომ წარმატებული კარიერა გაიკეთოს.</p><p><span style="color: #ff0000;"><strong>დაცვა</strong></span></p><p>"მერანის" ოთხკაციან დაცვაში ადგილს ყველაზე ხშირად ამ ხუთეულში შემავალი უკანახაზელები იკავებდნენ - <strong>კიჭი მელიავა, გივი ქარქუზაშვილი, ვალერი იობაშვილი, ლევან გეგეჭკორი</strong> და <strong>გიგა ჟვანია</strong>. განსაკუთრებით 18 წლის გეგეჭკორის პროგრესი უნდა გამოვარჩიოთ, რომელიც საქართველოს 19-წლამდელთა ნაკრების ძირითად შემადგენლობაში მყარად დამკვიდრდა.</p><p><span style="color: #ff0000;"><strong>ნახევარდაცვა</strong></span></p><p>როგორც ვთქვით, "მერანი" ახალგაზრდული გუნდია, თუმცა იქ გამოცდილი ფეხბურთელებიც მნიშვნელოვან როლს თამაშობენ. ამის ყველაზე ნათელი მაგალითი 36 წლის <strong>გივი დიდავაა</strong>, რომელიც სოლიდური საფეხბურთო ასაკის მიუხედავად, სისტემატურად და სტაბილურად თამაშობს ძირითად შემადგენლობაში.</p><p>"მერანს" კარგად შეეწყო გორის "დილადან" დამატებული <strong>ნოდარ ნოზაძე</strong>, სასტარტო თერთმეტეულში მყარად დაიმკვიდრეს ადგილი <strong>პაპუნა ფონიავამ</strong> და <strong>ცოტნე ბუკიამ</strong>, რომლებიც შესაბამისად, მხოლოდ 18 და 19 წლისანი არიან.</p><p><span style="color: #ff0000;"><strong>თავდასხმა</strong></span></p><p>"მერანმა" ჩემპიონატის პირველ ეტაპზე 23 გოლი გაიტანა. აქედან ნახევარზე მეტი, 13, <strong>საბა ლომიას</strong> ანგარიშზეა. 22 წლის ფორვარდი მარტვილურმა კლუბმა "ზესტაფონიდან" ინათხოვრა და ლომია სწორედ "მერანში" "გაიხსნა".</p><p>გამტანი ფორვარდის პრობლემა მარტვილელებს მან მოუხსნა. ჯერ გაურკვეველია, სად გაატარებს ლომია სეზონის მეორე ნახევარს. თუ "ზესტაფონმა" მისი დაბრუნება გადაწყვიტა, საბას შემცვლელის პოვნა "მერანის" სამწვრთნელო შტაბს ძალიან გაუჭირდება.</p><p><span style="color: #ff0000;"><strong>საუკეთესო მატჩი</strong></span></p><p>მე-16 ტურში "მერანმა" ქუთაისის "ტორპედოს" უმასპინძლა და ჩემპიონობის ერთ-ერთ პრეტენდენტს სამი უპასუხო გოლი გაუტანა. მალხაზ ჟვანიას გუნდმა წინა სეზონში არაერთი ფავორიტი გაამწარა, მიმდინარე ჩემპიონატში კი "მერანის" შესრულებით ყველაზე ხმაურიანი შედეგი ეს იყო.</p><p><span style="color: #ff0000;"><strong>ლიდერი</strong></span></p><p>კვლავ საბა ლომია უნდა ვახსენოთ, რომლის ბომბარდირულმა თვისებებმაც დიდად განაპირობა ის ფაქტი, რომ "მერანი" უმაღლეს ლიგაში დასარჩენად მებრძოლთა შორის ერთ-ერთი ფავორიტია.</p><p><span style="color: #ff0000;"><strong>მიზანი</strong></span></p><p>ფინანსური შესაძლებლობებიდან, ინფრასტრუქტურული პრობლემებიდან და ახალგაზრდული შემადგენლობიდან გამომდინარე, "მერანი" ხმაურიან მიზნებს ვერ დაისახავს. მარტვილელთა პროგრამა-მინიმუმიცა და პროგრამა-მაქსიმუმიც მკაფიო და კონკრეტულია - უმაღლეს ლიგაში ადგილის შენარჩუნება.</p><p>როგორც უკვე აღვნიშნეთ, საამისოდ "მერანს" ყველანაირი წინაპირობა აქვს.</p><p><span style="color: #ff0000;"><strong>მარტვილის მერანი 2012/2013</strong></span></p><p><span style="text-decoration: underline;">მეკარე:</span> ჯონი შეროზია - 22;</p><p><span style="text-decoration: underline;">მცველები:</span> კიჭი მელიავა - 20, გივი ქარქუზაშვილი - 19, ვალერი იობაშვილი - 18 (1), ლევან გეგეჭკორი - 17, გიგა ჟვანია - 14, გიორგი მჭედლიშვილი - 10, ბორის გელაჭეიშვილი - 4, რომან კიკალიშვილი - 1, გიორგი გეგია - 1;</p><p><span style="text-decoration: underline;">ნახევარმცველები:</span> ნოდარ ნოზაძე - 22 (2), პაპუნა ფონიავა - 21, გივი დიდავა - 20 (1), ცოტნე ბუკია - 19, ლაშა კუჭუხიძე - 14, გიორგი გაბისონია - 1, ნიკა დარჯანია - 1, ირაკლი მონიავა - 1;</p><p><span style="text-decoration: underline;">თავდამსხმელები:</span> საბა ლომია - 22 (13), გიგა ამბროლაძე - 20 (2), მამუკა ტორონჯაძე - 17 (2), გიორგი რეხვიაშვილი - 12 (1), ბექა ჩხეტიანი - 6.</p><p>მწვრთნელი: მალხაზ ჟვანია ( I- XXII )</p><p><strong><span style="color: #ff0000;">მარტვილის</span> </strong><span style="color: #ff0000;"><strong>მერანის ყველა მატჩი პირველ ეტაპზე</strong></span></p><p>I ტური</p><p>ზესტაფონი-მერანი 3:1</p><p>II ტური</p><p>მერანი-ვიტ ჯორჯია 1:0</p><p>III ტური</p><p>მეტალურგი-მერანი 1:0</p><p>IV ტური</p><p>მერანი-ჩიხურა 1:0</p><p>V ტური</p><p>ტორპედო-მერანი 4:0</p><p>VI ტური</p><p>მერანი-სიონი 1:0</p><p>VII ტური</p><p>დინამო (ბთ)-მერანი 4:0</p><p>VIII ტური</p><p>მერანი-ზუგდიდი 1:2</p><p>IX ტური</p><p>კოლხეთი-მერანი 0:1</p><p>X ტური</p><p>მერანი-დინამო (თბ) 0:4</p><p>XI ტური დილა-მერანი 2:1</p><p>XII ტური</p><p>მერანი-ზესტაფონი 0:3</p><p>XIII ტური</p><p>ვიტ ჯორჯია-მერანი 0:0</p><p>XIV ტური</p><p>მერანი-მეტალურგი 0:0</p><p>XV ტური</p><p>ჩიხურა-მერანი 1:0</p><p>XVI ტური</p><p>მერანი-ტორპედო 3:0</p><p>XVII ტური</p><p>სიონი-მერანი 2:1</p><p>XVIII ტური</p><p>მერანი-დინამო (ბთ) 3:1</p><p>XIX ტური</p><p>ზუგდიდი-მერანი 3:2</p><p>XX ტური</p><p>მერანი-კოლხეთი 4:0</p><p>XXI ტური</p><p>დინამო (თბ)-მერანი 3:1</p><p>XXII ტური</p><p>მერანი-დილა 2:3</p><p><span style="color: #ff0000;"><strong>სატურნირო ცხრილი</strong></span></p><p><img src="/media/images/new_photo/UCXOURI/2012/SOCCER/DEC17-31/MMM/geo/0000 22 geo saturniro .jpg" border="0" alt="Sportall.Ge" title="მარტვილის " width="570" style="border: 0px none;" /></p><p><em></p><p>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p><p><span style="color: #ff0000;"><strong>ასევე იხილეთ:</strong></span></p><p><a href="/fexburti/qarthuli-fekhburthi/chempionati/44210-bolnisis-qsioniq-sherchenili-sharmi.html" target="_blank">ბოლნისის "სიონი" - შერჩენილი შარმი</a></p><p><a href="/fexburti/qarthuli-fekhburthi/chempionati/44148-thbilisis-qdinamoq-othkhtsliani-lodinis-dasasruli.html" target="_blank">თბილისის "დინამო" - ოთხწლიანი ლოდინის დასასრული...</a></p><p><a href="/fexburti/qarthuli-fekhburthi/skhvadaskhva/44087-qvit-jorjiaq-gundi-romelic-stumrad-ukethesia.html" target="_blank">"ვიტ ჯორჯია" - გუნდი, რომელიც სტუმრად უკეთესია</a><strong></p><p></strong><a href="/fexburti/qarthuli-fekhburthi/skhvadaskhva/44021-goris-qdilaq-didi-ambiciebi-da-gaurkvevloba.html" target="_blank">გორის "დილა" - დიდი ამბიციები და გაურკვევლობა</a></p><p><a href="/fexburti/qarthuli-fekhburthi/skhvadaskhva/43972-fothis-qkolkhethiq-saukunovani-iubile-arasazeimo-gantsyobith.html" target="_blank">ფოთის "კოლხეთი" - საუკუნოვანი იუბილე არასაზეიმო განწყობით</a></p><p><a href="/fexburti/qarthuli-fekhburthi/chempionati/43926-quthaisis-qtorpedoq-kargad-nacnobi-kursi.html" target="_blank">ქუთაისის "ტორპედო" - კარგად ნაცნობი კურსი</a></p>
ფრე წყალტუბოში: "გარეჯის" თავურები
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"დინამო თბილისი": სამი გოლი, სამი ქულა
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
ტონი კროოსმა ფეხბურთის ისტორიაში საუკეთესო მეკარე დაასახელა
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია