- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
საქართველოს თასი. 1/4-ფინალი. საპასუხო მატჩების წინათქმა
<p>მოვლენებს ნუ გავუსწრებთ... ფინალამდე და ნახევარფინალამდე არანაკლებ საინტერესო საპასუხო მეოთხედფინალები გველოდება <br> საქართველოს თასის პირველი მეოთხედფინალური მატჩები 13 მარტს ჩატარდა და აი, თითქმის ერთთვიანი პაუზის შემდეგ საპასუხო შეხვედრების დროც დადგა.</p><p>მოკლედ, 10 აპრილს ოთხი ნახევარფინალისტი უნდა გამოვლინდეს. მერე, უახლოეს დღეებში ამ ნახევარფინალისტთა კენჭისყრა მოეწყობა, თასის ფინალი კი წლეულს 23 მაისს გაიმართება.</p><p>თუმცა ფინალამდე და ნახევარფინალამდე არანაკლებ საინტერესო საპასუხო მეოთხედფინალები გველოდება;</p><p>თანაც, ნურც იმას გამოვრიცხავთ, რომ ამ ოთხიდან რომელიმე შეხვედრას ძირითადი დრო არ "ეყოს" და ზოგიერთ გუნდს დამატებითი ორი ტაიმის ჩატარება მოუწიოს, ანდა, სულაც პენალტების სერია ვიხილოთ!</p><p><img src="pictures/artimages/image17/c7450edc7bde045c12307b84b72bc7f8.jpg" border="0" alt="Sportall.Ge" title=" საქართველოს თასი. 1/4-ფინალი. საპასუხო მატჩების წინათქმა" /></p><p><span style="font-size: small;"><a href="/fexburti/qarthuli-fekhburthi/thasi/46950-guria-dinamo-00-lanchkhuthi-didi-fekhburthis-ghirsia-video.html" target="_blank">გურია-დინამო 0:0 - ლანჩხუთი დიდი ფეხბურთის ღირსია! [VIDEO]</a></span></p><p>საქართველოს თასის ცხრაგზის გამარჯვებული თბილისის "დინამო" ტიტულების რაოდენობით რეკორდსმენია; თუმცა ჩემპიონატისა არ იყოს, დინამოელები ამ ბოლო წლებში ვერც თასზე ყოჩაღობენ: წინა გათამაშებაში მერვედფინალში (!) გამოვარდნენ, იმის წინ - მეოთხედფინალში.</p><p>აქედან გამომდინარე, ჩვენი ყველაზე ტიტულიანი გუნდი სრული მობილიზაციით უდგება 10 აპრილს გასამართ შეხვედრას: მით უფრო, რომ პირველი მატჩი ფრედ, 0:0 დაამთავრა.</p><p>ერთი შეხედვით, წყვილის აშკარა ფავორიტად "დინამო" უნდა მივიჩნიოთ: <strong>დუშან უჰრინის</strong> გუნდს საკუთარ მოედანზე, ფაქტობრივად, 100-პროცენტიანი შედეგი აქვს (ჩემპიონატშიც და თასზეც) და საერთოდაც, ყველა წინა პირობაა შექმნილი "დუბლის" შესასრულებლად.</p><p>თუმცა, როგორც უკვე აღვნიშნეთ, "დინამოს" უკვე სამი წელიწადია, ნახევარფინალში არ უასპარეზია და ნავსის გატეხვას ახლა შეეცდება.</p><p>ისე, მეტოქის ფაქტორს თავი რომ დავანებოთ, ისიც საინტერესოა, თუ როგორი იქნება უმაღლესი და პირველი ლიგის ლიდერების დაპირისპირება; აღარაფერს ვამბობთ იმ ფაქტორზე, რომ 11-წლიანი პაუზის მერე თბილისში კვლავ ვიხილავთ "დინამოსა" და ლანჩხუთის "გურიას" დაპირისპირებას!</p><p>გასული საუკუნის 90-იანი წლების დასაწყისში (უფრო ზუსტად, პირველ და მეორე ეროვნულ ჩემპიონატში) თბილისის "დინამოს", ფაქტობრივად, ერთადერთი რეალური კონკურენტი ჰყავდა და ეს ლანჩხუთის "გურია" იყო.</p><p>მართალია, იმ ორივე ჩემპიონატში "დინამომ" იმძლავრა, სამაგიეროდ, გურულები მუდამ იამაყებენ მართლაც დაუვიწყარი მიღწევით: საქართველოს თასის პირველი გათამაშების გამარჯვებული ხომ სწორედ ლანჩხუთის "გურია" გახდა!</p><p>...ამ გუნდების პირველმა დაპირისპირებამ, როგორც მოსალოდნელი იყო, ლანჩხუთში არნახული ინტერესი გამოიწვია: ევგრაფი შევარდნაძის სახელობის სტადიონის ერთადერთი ტრიბუნა 4500 გულშემატკივარს იტევს და იქ ხომ ცარიელ ადგილს ვერ ნახავდით; ქომაგთა ნაწილი "ალტერნატიული ტერიტორიიდან" ადევნებდა თვალს იმ მართლაც უშეღავათო პაექრობას.</p><p>მასპინძელთა სასახელოდ უნდა ითქვას, რომ მათ ტოლი არ დაუდეს ძლიერ და სახელიან მეტოქეს: "დინამოს" 100-პროცენტიანი მომენტი, ფაქტობრივად, არც ჰქონია, მაშინ, როცა სტუმრები ერთხელ... ძელმა გადაარჩინა, რამდენიმე ეპიზოდში კი - <strong>გიორგი ლორიას</strong> ჩინებულმა რეაქციამ!</p><p>ისიც არ დაგვავიწყდეს, რომ ეს მართლაც საფეხბურთო ზეიმი ახალდაგებულ მოედანზე ჩატარდა და როცა ლანჩხუთის სტადიონის სრული რეკონსტრუქცია დასრულდება, კიდევ ერთი გამორჩეული საფეხბურთო ნაგებობაც გვექნება.</p><p>მოკლედ, ლანჩხუთელები ყველანაირად ემზადებიან უმაღლეს ლიგაში დასაბრუნებლად, თუმცა თასის გათამაშების "იგნორირებასაც" არ აპირებენ და მთელი სერიოზულობით ემზადებიან თბილისური მატჩისათვის.</p><p>ეგ კი არა, ნურც იმას გამოვრიცხავთ, რომ 10 აპრილს სტუმრებს უფრო მეტი ქომაგი ჰყავდეთ: ჩვენი ინფორმაციით, ათასამდე გულშემატკივარი აპირებს ლანჩხუთიდან თბილისში ჩამოსვლასა და საყვარელი გუნდის მხარდაჭერა-გამხნევებას.</p><p>მოკლედ, ერთობ დამაინტრიგებელი მატჩი გველოდება და იმედია, თბილისელი გულშემატკივარიც მიაშურებს "დინამო-არენას", სადაც, გვჯერა, რომ არავინ მოიწყენს!..</p><p><img src="pictures/artimages/image17/64cd1dc16ae3793a07f02b4290c90bf8.jpg" border="0" alt="Sportall.Ge" title=" საქართველოს თასი. 1/4-ფინალი. საპასუხო მატჩების წინათქმა" /></p><p><span style="font-size: small;"><a href="/fexburti/qarthuli-fekhburthi/thasi/46955-metalurgi-spartaki-10-minimaluri-kmayofileba.html" target="_blank">მეტალურგი-სპარტაკი 1:0 - მინიმალური კმაყოფილება</a></span></p><p>კიდევ ერთი წყვილი, სადაც უმაღლესი და პირველი ლიგის გუნდები უნდა დაუპირისპირდნენ ერთმანეთს; თანაც, "გურიას" მსგავსად, ცხინვალის "სპარტაკიც" უმაღლეს ლიგაში აღზევების რეალური კანდიდატია და გამოცდილი სპეციალისტის, <strong>ვლადიმერ ხაჩიძის</strong> გუნდი, როგორც ხედავთ, ჯერჯერობით ახერხებს ორივე "ფრონტზე" წარმატებულად ასპარეზობას.</p><p>თუმცა, ისიც უნდა ვაღიაროთ, რომ დღეს "სპარტაკს" ერთობ გაუჭირდება ზემოტივირებულ მეტოქესთან სასურველი ანგარიშით გამარჯვება.</p><p>ჰო, რუსთაველებს ხომ ერთადერთი შანსიღა დარჩათ ევროტურნირებზე მოსახვედრად და ამ შანსს, სულ მცირე, ფინალში გასვლა "ჰქვია"!</p><p>შორს წაგვიყვანს იმ მიზეზების ჩამოთვლა, რის გამოც "მეტალურგი" ამჟამად ქვედა ექვსეულში ასპარეზობს; არადა, გუნდი დღესდღეობით ისეთ ფორმაშია, საპრიზო სამეულში მოსახვედრადაც იბრძოლებდა, მაგრამ <strong>გიორგი ყიფიანის</strong> შეგირდები სწორედ "თასზე გამავალი გზით" აპირებენ ევროპის ლიგის საგზურის მოპოვებას.</p><p>სხვათა შორის, ბევრს ეგონა, რომ ქვედა ექვსეულის მატჩებს "მეტალურგი" "არასერიოზულად" მიუდგებოდა და "არანორმალურად" მოტივირებულ მეტოქეებსაც ქულებს ჩამოურიგებდა; თანაც, ვერც ვერავინ გაამტყუნებდა, იმისთანა "ალიბი" ექნებოდათ: "ჩვენთვის მთავარი პრიორიტეტი თასის გათამაშებაა და ჩემპიონატი ამიტომაც აღარ გვაინტერესებსო"!</p><p>საბედნიეროდ, ასე არ მოხდა და "მეტალურგი" FAIR PLAY-ს პრინციპების სრული დაცვით ხვდება სათასო მატჩს...</p><p><img src="pictures/artimages/image17/29e8e8286bc9ea6cf820bb5644752312.jpg" border="0" alt="Sportall.Ge" title=" საქართველოს თასი. 1/4-ფინალი. საპასუხო მატჩების წინათქმა" /></p><p><span style="font-size: small;"><a href="/fexburti/qarthuli-fekhburthi/thasi/46956-torpedo-sioni-31-quthathurebi-nakhevarfinals-miuakhlovdnen-video.html" target="_blank">ტორპედო-სიონი 3:1 - ქუთათურები ნახევარფინალს მიუახლოვდნენ [VIDEO]</a></span></p><p>ბოლნისელები თასის ნახევარფინალში უკანასკნელად 6 წლის წინათ იყვნენ და ვეჭვობთ, რომ ეს შედეგი წლეულსაც გაიმეორონ.</p><p>რა თქმა უნდა, სათასო გათამაშებას მართლაც განსაკუთრებული სპეციფიკა აქვს, მაგრამ "ტორპედო" რომ დღესდღეობით "სიონზე" უკეთესი გუნდია, ვფიქრობთ, ამაში ბევრი არ შემოგვედავება.</p><p>არც ის არის პატარა ამბავი, რომ პირობითად "მასპინძლებს" ურთულესი ამოცანის გადაჭრა მოუწევთ: სულ მცირე, 2 ბურთის სხვაობით უნდა დაამარცხონ გუნდი, ამ ბოლო დროს ჩინებულ ფორმაში რომ იმყოფება.</p><p>შეგახსენებთ, რომ მოკლე პერიოდში <strong>გია გეგუჩაძის</strong> გუნდმა ჯერ "დინამოსთან", მერე კი "დილასთან" ჩინებული შთაბეჭდილება დატოვა და იმის გარდა, რომ ჩემპიონატშიც წარმატებულად ასპარეზობს, თასზეც მაქსიმალური შედეგის ჩვენებას აპირებს.</p><p>აი, "სიონს" კი აბსოლუტურად განსხვავებული მიზნები აქვს: <strong>არმაზ ჯელაძის</strong> გუნდს ჩემპიონატში ურთულესი მატჩები დარჩა თავის უშუალო კონკურენტებთან;</p><p>თუმცა, მაინც გვგონია, რომ გამოცდილი და ჩვენი ჩემპიონატის კვალობაზე ცნობილი ფეხბურთელებით დაკომპლექტებული "სიონი" მაინც შეძლებს და უმაღლეს ლიგაში ადგილს შეინარჩუნებს.</p><p><img src="pictures/artimages/image17/24c9ec4974b937413c36c4ffed5f47c0.jpg" border="0" alt="Sportall.Ge" title=" საქართველოს თასი. 1/4-ფინალი. საპასუხო მატჩების წინათქმა" /></p><p><span style="font-size: small;"><a href="/fexburti/qarthuli-fekhburthi/thasi/46952-chikhura-dila-30-gamarjvebis-formula-thavdadeba-video.html" target="_blank">ჩიხურა-დილა 3:0 - გამარჯვების ფორმულა: თავდადება [VIDEO]</a></span></p><p>პირველი მეოთხედფინალური მატჩებიდან ყველაზე დიდი მოულოდნელობა საჩხერეში დაფიქსირდა: "ჩიხურამ" თასის მოქმედი მფლობელის, "დილას" კარში სამი უპასუხო ბურთი გაიტანა!</p><p>თუმცა, როცა სტუმართა შემადგენლობას გავეცანით, ეს ყველაფერი მოულოდნელობად ვეღარ შეფასდებოდა: გორელთა ლიტველმა თავკაცმა <strong>ვალდას ივანაუსკასმა</strong> მოედანზე, ფაქტობრივად, მეორე გუნდი გამოიყვანა (<strong>ირაკლი მაისურაძის, გოგიტა გოგუასა</strong> და <strong>ირაკლი მოდებაძის</strong> გამოკლებით).</p><p>ანუ იმ თამაშის მერევე გაჩნდა ეჭვი, რომ "დილამ" ამ სეზონში პრიორიტეტად ჩემპიონატი არჩია, თორემ რა გარანტია აქვთ გორელებს, რომ გამოცდილი სპეციალისტის, <strong>სოსო ფრუიძის</strong> ხელმძღვანელობით მოასპარეზე და არცთუ ურიგო ფეხბურთელებით დაკომპლექტებულ "ჩიხურას" 3 ან მეტი ბურთის სხვაობით დაამარცხებენ?</p><p>ვნახოთ, მოვლენებს ნუ გავუსწრებთ და მატჩს დაველოდოთ. აქვე იმასაც შეგახსენებთ, რომ სამიოდ დღეში ეს გუნდები კვლავაც უნდა შეხვდნენ ერთმანეთს, ოღონდ ამჯერად უკვე ჩემპიონატში...</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p><p><span style="color: #ff0000;"><strong>ასევე იხილეთ:</strong></span></p><p><a href="/fexburti/qarthuli-fekhburthi/thasi/48082-mikheil-kakaladze-qdinamoq-mainc-qdinamoaq-thumca-pirvelma-matchma-stimuli-mogvca.html" target="_blank">მიხეილ კაკალაძე: "დინამო" მაინც "დინამოა", თუმცა პირველმა მატჩმა სტიმული მოგვცა</a></p><p><a href="/fexburti/qarthuli-fekhburthi/thasi/47626-erekle-kiladze-chemi-shansi-qdinamosthanq-gamoviyene-da-arc-qguriaaq-ushansod.html" target="_blank">ერეკლე კილაძე: ჩემი შანსი "დინამოსთან" გამოვიყენე და არც "გურიაა" უშანსოდ!</a></p><p><a href="/fexburti/qarthuli-fekhburthi/thasi/48128-zviad-metreveli-frthkhilad-unda-vithamashoth-shansi-ki-gveqneba.html" target="_blank">ზვიად მეტრეველი: ფრთხილად უნდა ვითამაშოთ, შანსი კი გვექნება</a></p>
-
guruli
სამწუხაროდ 90 ბში მთელი ფდერაცია და მსაჯების დახმარებით ხდებოდა დინამო ხელოვნურად ჩემპიონი მახსოვს როგორ არ გაჩემპიონეს სამტრედია როცა საუკეთესო გუნდი ყავდა ჩაჩუას და ხურცილავას
-
dudu
წესიერად დაწერეთ, რა. ცხინვალი-რუსთავი გორშია თუ მიშა მესხზე?
საქართველოს თასის პირველი და მეორე ეტაპის წილისყრა
მეორე ლიგის "სპაერმა" თბილისის "დინამოს" მოუგო და თასის მფლობელი გახდა [VIDEO]
საქართველოს თასის ნახევარფინალური ეტაპის წილისყრა
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
"ჩეფერინი რუსულ ფეხბურთზე გიჟდება და მის ევროპულ არენაზე დასაბრუნებლად იმაზე მეტს აკეთებს, ვიდრე შეუძლია" - ვალერი კოლოტილო
მატჩის დღე! ხვიჩა კვარაცხელია განაცხადში არაა