<p>საქართველოს ჩემპიონატი. უმაღლესი ლიგა. XXVIII ტური. 1-6 ადგილები <br> გასაგები მიზეზის გამო, სიფრთხილის ფონზე მიმდინარე მართლაც ბრწყინვალე მატჩში ოდნავ უპირატესობას (განსაკუთრებით მეორე ტაიმში) "ჩიხურა" ფლობდა, მაგრამ ეს "ოდნავ" საკმარისი არ აღმოჩნდა გამარჯვებისათვის.</p><p>მიზეზი სიფრთხილისა კი ის გახლდათ, რომ ორივე გუნდი (გაცილებით უკეთესი შანსით "ტორპედო") საპრიზო ადგილებისათვის იბრძვის, რისთვისაც თავი "შეაკლეს" ერთმანეთს, ამ სიტყვის კარგი გაგებით.</p><p>არადა, მასპინძლები, გამარჯვების შემთხვევაში, შანსს თითქმის ათანაბრებდნენ, სტუმრებს კი საქმე შედარებით ურთულდებოდათ.</p><p>ალბათ, მოსალოდნელი დაძაბულობის შედეგებისაგან დაზღვევის მიზნით, მსაჯმა ვადაჭკორიამ უკვე მეოთხე წუთზე გააფრთხილა <strong>ჩიკვაიძე</strong> სავსებით ჩვეულებრივი ჯარიმისათვის, თუმცა, იმავე წუთზე, ვერ შენიშნა <strong>დათუნაიშვილის</strong> გაცილებით მეტი უხეშობა. სხვა შემთხვევაში არბიტრი მოწოდების სიმაღლეზე იდგა.</p><p>ქუთაისელთაგან მატჩის საუკეთესო ფეხბურთელი გოლის გამტანი <strong>ბერიაშვილი</strong> იყო, საჩხერელთაგან კი, მიუხედავად უამრავი საგოლე მომენტის გაფანტვისა, მაინც <strong>დეკანოიძე</strong> გამოირჩეოდა, რომელმაც საწყის წუთებშივე რამდენჯერმე ვერ გაისწორა მიზანი.</p><p>სტუმრები ჩვეული გრძელი გადაცემებით ცდილობდნენ ფონს გასვლას, მასპინძლები კი - კომბინაციური თამაშით, რასაც ბოლო ფაზაში უზუსტობა მოსდევდა.</p><p>პირველი ყველაზე სახიფათო მომენტი, მე-15 წუთზე მაინც რიონისპირელებმა შექმნეს - ნარიკოშეტალი ბურთი ძლივს მოიგერია კუთხურზე <strong>სომხიშვილმა</strong>.</p><p>მე-19 წუთზე გოლი კი გავიდა, მაგრამ მას შემდეგ, როცა ანალოგიურ მომენტში მოწინააღმდეგის თავდამსხმელმა კინაღამ ხელი წააცალა "ჩიხურას" მეკარეს, ბუნებრივია, გოლი არ ჩაითვალა.</p><p>უმალვე <strong>დეკანოიძის</strong> უზუსტობა რომ არა, <strong>მიგინეიშვილი</strong> უძლური იქნებოდა. ასევე ვერ იხსნიდა გუნდს გოლისაგან კაშიას მიერ 38-ე წუთზე დარტყმული ჯარიმის შემდეგაც, რომელიც მილიმეტრებით გადაცდა ხარიხას.</p><p>მეორე ტაიმის მე-7 წუთზე გოლის გაუტანლობა უკვე არალოგიკური იყო: <strong>ლომაშვილის</strong> უზუსტესი ჩაწოდება, <strong>დეკანოიძის</strong> უძლიერესი თავური დარტყმა და <strong>მიგინეიშვილის</strong> ნახტომი - სასწაული!</p><p>არალოგიკური იყო უგოლობა მე-10 წუთზეც: მოედანზე ახალშემოსულმა <strong>საბანაძემ</strong> ცარიელ კარში ზუსტად კი გაგზავნა ბურთი, მაგრამ იმდენად ძლიერად ვერა, რომ <strong>კაშიას</strong> თავგანწირვა უშედეგო ყოფილიყო.</p><p>65-ე წუთამდე უგოლო ხიფათს ხიფათი მოსდევდა ორივე კართან, სანამ <strong>ბერიაშვილმა</strong> არ გამოიყენა შედარებით უწყინარი სიტუაცია - 1:0.</p><p>დამარცხების წინაშე მდგარმა საჩხერლებმა შეტევები გააორმაგეს და ზუსტად 9 წუთში ყველაფერი ლოგიკას დაექვემდებარა: <strong>დეკანოიძის</strong> საიუველირო პასი, <strong>კვასხვაძის</strong> ასეთივე დარტყმა და 1:1.</p><p><p><div id="2353" class="ws_video" style="width: 150px; text-align: center; font-weight: bold; border: 1px solid; margin: 0px auto;"><span style="padding: 2px; display: block; color: #990000; font-size: 14px;">Video</span><img src="/media/images/videomanager/videoimages/http:/video.ambebi.ge/files/2013/04-19/chikhura-torpedo-1-1qtp.jpg" border="0" alt="Sportall.Ge" title="ჩიხურა-ტორპედო 1:1 - თამაში ბრწყინვალე, ფრე ლოგიკური [VIDEO]" /></p><p><span style="padding: 2px; display: block;">19.04.13. ჩიხურა - ტორპედო 1:1</span></div></p></p><p>თამაშის დასრულებამდე დარჩენილ დროში ორჯერ <strong>დეკანოიძე</strong>, ერთხელ <strong>გოცირიძე</strong> ვალდებულები იყვნენ გაეტანათ. შესაძლებლობა სტუმრებსაც ჰქონდათ, მაგრამ...</p><p><span style="color: #ff0000;"><strong>მატჩის შემდეგ</strong></span></p><p><strong>სოსო ფრუიძე</strong>: <em>"იმდენად საინტერესო, ლამაზი და ვაჟკაცური თამაში იყო, რომ ცოდვა იქნებოდა რომელიმეს დამარცხება.</p><p>მადლობა ორივე გუნდის ბიჭებს თავდადებისათვის. დაფიქსირებული ანგარიშით ქუთაისლებმა ჩვენზე მეტად იხეირეს - ოთხქულიანი ჰანდიკაპი შეინარჩუნეს, მაგრამ ფარ-ხმალს არ დავყრით, ბოლომდე ვიბრძოლებთ და ეს არა მარტო თასს ეხება."</em></p><p><strong>გია გეგუჩაძემ</strong> რატომღაც თავი შეიკავა კომენტარისაგან.</p><p><span style="text-decoration: underline;">ივანწმინდა. 700 მაყურებელი</p><p></span><strong><em>ჩიხურა-ტორპედო 1:1 </em></p><p></strong>გოლები: ბერიაშვილი (65), კვასხვაძე (74)</p><p>გაფრთხილება: ჩიკვაიძე (4), კაშია (44), გიგაური (76), გურული (90+1)</p><p>არბიტრი: გ. ვადაჭკორია</p><p>ჩიხურა: სომხიშვილი, კირკიტაძე, კვასხვაძე, დიღმელაშვილი, ლომაშვილი, რეხვიაშვილი, ჩიკვაიძე, კაშია, ოდიკაძე, დეკანოიძე, საჯაია</p><p>მწვრთნელი: ს. ფრუიძე</p><p>შეცვლები: კირკიტაძე - გოცირიძე (68), ჩიკვაიძე - ბოლქვაძე (76), ლომაშვილი - ქიმაძე (89)</p><p>სათადარიგო: მწყერაშვილი, გუშარაშვილი, ზაბახიძე, ჭელიძე</p><p>ტორპედო: მიგინეიშვილი, ჭელიძე, გურული, რიგვავა, ტაბატაძე, გიგაური, დათუნაიშვილი, დოლიძე, ტუღუში, გრიგალაშვილი, ბერიაშვილი</p><p>მწვრთნელი: გ. გეგუჩაძე</p><p>შეცვლები: დოლიძე - საბანაძე (54), ტუღუში - კუხიანიძე (69), გრიგალაშვილი - ფანცულაია (80)</p><p>სათადარიგო: ქვილითაია, ცინცაძე, ფირცხალავა, მარკოზაშვილი</p><p><strong>ყოველდღიური სპორტული გაზეთი "ლელო"</strong></p>
SHOTIKO75
გია გეგუჩაძე (,,ტორპედო”) - ,,ამჯერად ვრცელი კომენტარისგან თავს შევიკავებ. ქართულ ფეხბურთში რაც ხდება ისედაც ყველამ ყველაფერი იცის, მაგრამ რატომღაც ამას ჟურნალისტები სათანადოდ არ აშუქებთ.”
SHOTIKO75
ბატონო ლაშხი, ინებეთ გეგუჩაძის კომენტარი: გია გეგუჩაძე (,,ტორპედო”) - ,,ამჯერად ვრცელი კომენტარისგან თავს შევიკავებ. ქართულ ფეხბურთში რაც ხდება ისედაც ყველამ ყველაფერი იცის, მაგრამ რატომღაც ამას ჟურნალისტები სათანადოდ არ აშუქებთ.”
tate
არა ლაშხი თქვენ ობიექტურობაში... ძაან...
ბათუმის "დინამომ" 2026 წლის სეზონისთვის მზადება დაიწყო
"იბერია 1999"-მა ბართიშვილი და ღუდუშაური დაიმატა
"დინამო თბილისი" 8 ფეხბურთელს დაემშვიდობა
მოემზადეთ საგულშემატკივროდ - გულიაშვილი "ბარსელონას" პირველივე წუთებიდან შეუტევს
"აიაქსმა" იბრაჰიმოვიჩის შვილი ინათხოვრა
"ნოტინგემს ფორესტს" ზინჩენკოს იჯარის ვადაზე შეწყვეტა სურს
პარატიჩი კვლავ სამშობლოში - საფეხბურთო ფუნქციონერი იტალიაში დაბრუნდა
ოფიციალურად: კონორ გალაჰერი ინგლისის პრემიერ ლიგას დაუბრუნდა
ფუტსალის ნაკრები ევროპის ჩემპიონატისთვის 18 ფეხბურთელით ემზადება
[VIDEO] ლუკა ბერულავამ და ანასტასია მეტელკინამ ევროპის ჩემპიონატზე მოკლე პროგრამა პირველ ადგილზე დაასრულეს
18 წ. | მესამედ ექვსი ერის ფესტივალზე
კვერნაძემ შეიძლება მნიშვნელოვანი მატჩი გამოტოვოს
ფიბა-ს სამსაჯო წელს ვართანოვი ათენში გახსნის, თვაური იზმირით გააგრძელებს
დიდი დებიუტის მოლოდინში - გულიაშვილი "ბარსელონასთან" სათამაშოდ მზადაა
"იბერია 1999"-მა ბართიშვილი და ღუდუშაური დაიმატა
"რუსეთში დაბრუნების ვარიანტს არ განვიხილავთ" - საზონოვის მამა შვილის შესაძლო ტრანსფერზე
"ნებისმიერი თანხა მოითხოვოს" - საუდის არაბეთის კლუბის პრეზიდენტის შეთავაზება მესის
საზონოვი ტრანსფერზეა - "ტორინო" ზამთარში ქართველის გაყიდვას შეეცდება
[VIDEO] სემენიომ ისევ გაიტანა - "სიტიმ" "ნიუკასლი" დაამარცხა და EFL თასის ფინალისკენ პირველი ნაბიჯი გადადგა
უარი ბერძნულ გრანდს - დავითაშვილისთვის ბრძოლა გადამწყვეტ ფაზაში შედის
ადესანია ოქტაგონს უბრუნდება - დანა ვაითი მარტში სიეტლში ღონისძიებას ჩაატარებს
[VIDEO] ზედიზედ 3 წაგების შემდეგ "ოკლაჰომამ" "სპურსი" მარტივად დაამარცხა
[VIDEO] ლებრონის მორიგი ბრწყინვალე შეხვედრა - "ლეიკერსმა" "ატლანტა" დაამარცხა