<p>საქართველოს ჩემპიონატი. უმაღლესი ლიგა. XXVIII ტური. 7-12 ადგილები <br> "სიონი" ბოლო დროს თითქოს აღმავლობის გზაზე იდგა - საქართველოს თასის მეოთხედფინალიდან ქუთაისის "ტორპედო" გააგდო, რის შემდეგაც უმაღლეს ლიგაში მარტვილის "მერანს" სძლია.</p><p>ყოველივე ზემოთქმულმა და "ვიტ ჯორჯიას" ბოლოდროინდელმა უფერულმა ასპარეზობამ წყვილის ფავორიტად ბოლნისელები აქცია, მაგრამ "ბასაზე" სულ სხვაგვარი შინაარსისა და შედეგის მატჩი ვიხილეთ.</p><p>0:3 ის ანგარიშია, რომელიც გამარჯვებულის თაობაზე კითხვის ნიშნებს არ ტოვებს. "ვიტ ჯორჯიამ" შეხვედრა მართლაც ჩაატარა მეტოქეზე მთელი თავით უკეთ და სრულიად სამართლიანადაც მიითვალა სამი ქულა.</p><p>აღსანიშნავია, რომ ეს მიმდინარე წელს ვეტერინართა მიერ მოგებული პირველი ოფიციალური შეხვედრაა.</p><p>სწრაფმა გოლმა სტუმართა გამარჯვებაში თავისი წვლილი შეიტანა - მე-6 წუთზე მეტოქის საჯარიმოში შეჭრილმა <strong>ოთარ ჯავაშვილმა</strong> მოჭრილი დარტყმით დალაშქრა ქვემოქართლელთა კარი.</p><p>ვერ ვიტყვით, რომ <strong>არმაზ ჯელაძის</strong> გუნდს სიტუაციის სათავისოდ შეტრიალებისთვის არაფერი გაუკეთებია.</p><p>ანგარიშის გახსნიდან ცოტა ხანში <strong>კოკა მიკუჩაძეს</strong> ოდნავ უმტყუნა მიზანმა - ბურთი მეტოქის კარის ბადეს გარედან გაარტყა. ამას ვიტელი <strong>გურამ გურეშიძის</strong> დარტყმა მოჰყვა, რომელიც "სიონის" მეკარე <strong>მინდია ბობღიაშვილმა</strong> მოიგერია.</p><p>ყველაზე საინტერესო ამბები პირველი ტაიმის მიწურულს განვითარდა. 45-ე წუთზე <strong>გიორგი კორიფაძის</strong> მიერ მოწოდებულ კუთხურს <strong>გურამ ადამაძის</strong> ზუსტი თავური მოჰყვა, ორ წუთში კი <strong>ბობღიაშვილის</strong> მიერ მოგერიებული ბურთი <strong>გიორგი ვასაძეს</strong> მიუვიდა, რომელმაც საჯარიმოს მისადგომებიდან ერთი შეხებით ულამაზესი გოლი გაიტანა.</p><p>შეხვედრის მეორე ნახევარში "სიონმა" თამაშის გადასარჩენად ბევრი ვერაფერი მოიმოქმედა. <strong>ზურაბ ბერიძის</strong> გუნდმა თამაშის სადავეები ხელიდან არ გაუშვა და საქმე სასურველ დასასრულამდე მშვიდად მიიყვანა.</p><p><p><div id="2358" class="ws_video" style="width: 150px; text-align: center; font-weight: bold; border: 1px solid; margin: 0px auto;"><span style="padding: 2px; display: block; color: #990000; font-size: 14px;">Video</span><img src="/media/images/videomanager/videoimages/http://video.ambebi.ge/files/2013/04-20/sioni-vit-jorjia-0-311qtp.jpg" border="0" alt="Sportall.Ge" title="სიონი-ვიტ ჯორჯია 0:3 - ნახევარფინალიდან გასავარდნ ზონამდე [VIDEO]" /></p><p><span style="padding: 2px; display: block;">19.04.13. სიონი - ვიტ ჯორჯია 0:3</span></div></p></p><p>"სიონი" გასავარდნ ზონაში მოექცა, მაგრამ ჩემპიონატის ქვედა ექვსეულში ისეთი დაძაბული კონკურენციაა, ვითარება კიდევ შეიძლება შეიცვალოს. უმაღლეს ლიგაში დარჩენის შანსი "სიონსაც" აქვს და "ვიტ ჯორჯიასაც", თუმცა გამორიცხული არ არის, ძალთა გადანაწილებაში ამ მატჩის შედეგმა მნიშვნელოვანი როლი ითამაშოს.</p><p><span style="text-decoration: underline;">19.04. თბილისი. ბასა. 300 მაყურებელი</p><p></span><em><strong>სიონი-ვიტ ჯორჯია 0:3</strong></em></p><p>0:1 ჯავაშვილი (6), 0:2 ადამაძე (45. კორიფაძის პასით), 0:3 ვასაძე (45+2)</p><p>გაფრთხილება: ჯანელიძე (27), მჭედლიშვილი (49), ქემოკლიძე (58), ჯავაშვილი (66), უბილავა (77)</p><p>გაძევება: მჭედლიშვილი (89)</p><p>არბიტრი: ჯ. ხორავა</p><p>სიონი: ბობღიაშვილი, უგრეხელიძე, სვანიძე, ქემოკლიძე, ორბელაძე, საპირი, ჩივაძე, კლიმიაშვილი, ელიავა, მიკუჩაძე, ახალაია</p><p>მწვრთნელი: ა. ჯელაძე</p><p>შეცვლები: კლიმიაშვილი - ლექვთაძე (24), ჩივაძე - ცხადაია (61), ორბელაძე - ბიბილეიშვილი (74)</p><p>სათადარიგოები: მერლანი, ჯოჯუა, მანწკავა, ჰაიდუჩეკი</p><p>ვიტ ჯორჯია: ნ. დაუშვილი, მჭედლიშვილი, კასრაძე, ადამაძე, უბილავა, ვასაძე, გურეშიძე, კორიფაძე, ჯავაშვილი, ჯანელიძე, კუხალეიშვილი, მწვრთნელი, ზ. ბერიძე</p><p>შეცვლები: კუხალეიშვილი - ე. ლობჯანიძე (71), ჯავაშვილი - სოფრომაძე (75), ჯანელიძე - დავლაშელიძე (84)</p><p>სათადარიგოები: რეჭია, გოგიაშვილი, იაშვილი, ღიბრაძე</p><p><img src="pictures/artimages/image17/9ec103368f85a1dd06c59c83c8a237dc.jpg" border="0" alt="Sportall.Ge" title="სიონი-ვიტ ჯორჯია 0:3 - ნახევარფინალიდან გასავარდნ ზონამდე [VIDEO]" /></p><p><strong>ყოველდღიური სპორტული გაზეთი "ლელო"</strong></p>
27-ე ტური. ლიდერსა და მდევარს შორის სხვაობა შემცირდა
ახალი ეტაპი "იბერიაში" - გუნდს გუგა ნერგაძე უხელმძღვანელებს
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
PFL-ის ვარსკვლავური ბრძოლა - ნურმაგომედოვმა ჰიუზი მეორედ დაამარცხა
ახალი ეტაპი "იბერიაში" - გუნდს გუგა ნერგაძე უხელმძღვანელებს
ალექსანდრე იაშვილი: დარწმუნებული ვარ, ჩაკვეტაძე ისევ ისეთი ძლიერი დაგვიბრუნდება
"მამარდას" დებიუტი "ჩელსისთან", "ჟორჟი" "რეალის" წინააღმდეგ და ხვიჩა გოლების ასათვლელად
ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ
"მინდა გვარდიოლამ ესპანეთის ნაკრები ჩაიბაროს" - დავიდ სილვა
ვსა-მ დუდუ დადიანის თასი ზედიზედ მეორედ მოიგო
20 წლამდელთა ნაკრებს ვიტო კოლელიშვილი ჩაიბარებს
კონფერენს ლიგა: სიგუას ლამაზი სოლო-რეიდი და საგოლე პასი
[VIDEO] კიტეიშვილი გოლით დაბრუნდა - "შტურმმა" "რეინჯერსს" მოუგო
[VIDEO] კიტეიშვილი დაბრუნდა და "რეინჯერსს" გაუტანა
The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის
კვერნაძე ერთმატჩიანი დისკვალიფიკაციით დასაჯეს
რამუში იამალის მისიასა და პედრის შურისძიებაზე: ამის დამტკიცება მოედანზეა საჭირო
19-წლამდელები ბოსნია და ჰერცეგოვინას დაუპირისპირდებიან - შემადგენლობა
21-წლამდელთა შემადგენლობა ოქტომბრის მატჩებისთვის
კიტეიშვილი და დვალი დაბრუნდნენ - ოქტომბრის მატჩებისთვის საქართველოს ნაკრების შემადგენლობა ცნობილია
"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი
"კარგი პერიოდი გქონდა, მაგრამ ახლა ჩემი დროა" - სენდჰეგენმა დვალიშვილს მიმართა
"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა