<p>საქართველოს ჩემპიონატი. უმაღლესი ლიგა. I-VI ადგილები <br> ზესტაფონელთა წარუმატებლობას ბოლო არ უჩანს. ქვეყნის აწ უკვე ყოფილ ჩემპიონს ზედა ექვსეულში ერთი მატჩიც არ მოუგია, ზედიზედ მეორე საშინაო შეხვედრაში კი დიდი ანგარიშით დამარცხდა.</p><p>"ჩიხურასთან" მარცხის შემდეგ ზესტაფონელები მხოლოდ იმით თუ ინუგეშებენ თავს, რომ, როგორც იქნა, ნანატრი გოლი გაიტანეს და ექვსმატჩიან უგოლო სერიას წერტილი დაუსვეს.</p><p>ზესტაფონელთა ბოლოდროინდელი გამოსვლა კრიტიკას ვერ უძლებს, მაგრამ, ამასთან, <strong>კახა კაჭარავას</strong> გუნდს უიღბლობაც დასჩემდა. იმერული დერბის წინ "ფეროელებმა" რამდენიმე წამყვანი მოთამაშე დაკარგეს. სხვადასხვა მიზეზით ვერ ითამაშეს <strong>თორნიკე აფციაურმა, თედორე გრიგალაშვილმა, გიორგი კაჭკაჭიშვილმა</strong> და <strong>ლევან კუტალიამ</strong>.</p><p>ამას დაემატა პირველი ტაიმის ბოლოს <strong>ალექსი ბენაშვილის</strong> გაძევებაც და 10-კაციანმა "ზესტაფონმა" მეორე ტაიმში უფრო მოტივირებული "ჩიხურას" შეჩერება ვეღარ მოახერხა...</p><p><img src="pictures/artimages/image16/a5908d5c9ff79da5fc74f9be4f8a38de.jpg" border="0" alt="Sportall.Ge" title="ზესტაფონი-ჩიხურა 1:4 - როგორც იქნა, გაიტანა და.. წააგო" width="180" style="border: 0px none; float: left; margin: 5px;" />ბოლომდე ოპტიმალური შემადგენლობით სტუმრებსაც არ უთამაშიათ - "ჩიხურას" რამდენიმე დღეში განმეორებითი სათასო დაპირისპირება ელის ბოლნისის "სიონთან" და <strong>სოსო ფრუიძემ</strong> რამდენიმე წამყვან მოთამაშეს დასვენების საშუალება მისცა.</p><p>საჩხერელებს ჩემპიონატში მესამე ადგილზე გასვლის შანსი აქვთ და ამისთვის, პირველ რიგში, "ზესტაფონი" უნდა დაემარცხებინათ. ამ ამოცანას მათ შესანიშნავად გაართვეს თავი და ახლა მესამე ადგილზე მყოფ "ტორპედოს" მხოლოდ ერთი ქულით ჩამორჩებიან.</p><p>პირველ ტაიმში თანაბარი თამაში იყო და ზესტაფონელთა დიდი ანგარიშით მარცხს არაფერი მოასწავებდა. შეხვედრა მასპინძლების აქტიურობით დაიწყო. ისინი ბურთზე კონტროლის დაწესებას შეეცადნენ და საწყის წუთებში გამოუვიდათ კიდეც.</p><p><strong>დავით რაჟამაშვილის</strong> ჩინებული რეიდის შემდეგ <strong>გურამ სამუშიამ</strong> სახიფათოდ დაარტყა, მაგრამ მცირედით ააცილა. ვალში არც საჩხერელები დარჩნენ - <strong>გაგა ჩხეტიანმა</strong> საჯარიმოს მისადგომებიდან უძლიერესად დაარტყა და ზესტაფონელთა კიპერმა <strong>კახაბერ მეშველიანმა</strong> (უმაღლესში მეორე შეხვედრას ატარებდა) კარგ ნახტომში შეძლო ბურთის მოგერიება.</p><p>37-ე წუთზე საკუთარი საჯარიმოს ხაზზე ხელით თამაშისთვის ალექსი ბენაშვილმა მეორე ყვითელი ბარათი მიიღო და <strong>არსენ ნონიკაშვილმა</strong> ის მოედნიდან გააძევა. ზესტაფონელები რთულ მდგომარეობაში აღმოჩნდნენ და... ანგარიში გახსნეს.</p><p>მეკარე <strong>კახა მეშველიანის</strong> გადაცემის შემდეგ მასპინძელთა კოტდივუარელი ლეგიონერი <strong>ბოტი დემელი</strong> მეკარესთან პირისპირ აღმოჩნდა და ზესტაფონელთა ხანგრძლივ უგოლო სერიას წერტილი დაუსვა.</p><p>მასპინძელთა რიცხვნაკლულობამ მეორე ნახევარში იჩინა თავი, რომელიც მთლიანად საჩხერელთა უპირატესობით წარიმართა. ამას სოსო ფრუიძის გადაწყვეტილებებმაც შეუწყო ხელი. მან შეტევის გასაძლიერებლად <strong>ნიკა კვასხვაძე</strong> და <strong>დავით ბოლქვაძე</strong> შეუშვა მინდორზე, მოგვიანებით კი მათ <strong>გიორგი რეხვიაშვილიც</strong> შეაშველა.</p><p>სწორედ შეცვლაზე შესულმა ფეხბურთელებმა გადაწყვიტეს მატჩის ბედი. კვასხვაძის კარგი პასის შემდეგ ჩიკვაიძე სამუშიას დაუსხლტა, მეკარესთან პირისპირ გავიდა და ანგარიში გაათანაბრა.</p><p>ამას რეხვიაშვილის მოჭრილი დარტყმა და შესანიშნავი გოლი მოჰყვა.</p><p>მალე <strong>რევაზ გოცირიძის</strong> ჯერიც დადგა, რომელმაც ბოლქვაძის კუთხურის შემდეგ ზესტაფონელ მცველებს დაასწრო და თავით გაიტანა - 1:3.</p><p>დარჩენილ დროში სტუმრებმა ფეროელები კიდევ ერთხელ დაამწუხრეს: ბოლქვაძემ გამოზომილი პასით კვასხვაძე მეკარესთან პირისპირ დატოვა და მანაც შანსი ხელიდან არ გაუშვა.</p><p><img src="pictures/artimages/image16/3da1cba04f206db5bce57d1654f0c65f.jpg" border="0" alt="Sportall.Ge" title="ზესტაფონი-ჩიხურა 1:4 - როგორც იქნა, გაიტანა და.. წააგო" /></p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
ფრე ქუთაისში... და "თელავის" მოგება "გაგრასთან"
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
წიტაიშვილი და აბუაშვილი შეცვლაზე და "მეცის" ფრე "ჰავრთან"
იური ტაბატაძე შეცვალეს - "კადისი" "სეუტასთან" ფრეს დასჯერდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ