<p><p />„ტოტენჰემ ჰოთსპურმა“ შინ „სანდერლენდთან“ 1:1 რომ ითამაშა, რედნაპის რწმენით, არბიტრის ბრალი იყო</p><p><br> „ტოტენჰემ ჰოთსპურმა“ შინ „სანდერლენდთან“ 1:1 რომ ითამაშა, ლონდონელთა მწვრთნელის ჰარი რედნაპის რწმენით, არბიტრის ჰოვარდ უების ბრალი იყო, თუმცა რედნაპმა თავი მაინც შეიკავა და მატჩისშემდგომ კომენტარში უებს ავსიტყვაობის ნიაღვარი თავზე არ დაანთხია. შეხვედრაში, რომლის შედეგი შესაძლოა მართლაც არ იყო მთლად სამართლიანი, ანგარიში მასპინძელთა ჰოლანდიელმა ვარსკვლავმა რაფაელ ვან დერ ვაარტმა გახსნა, მაგრამ „სანდერლენდის“ განელმა თავდამსხმელმა ასამოა გიანმა გაქვითა.</p><p>უების შეცდომები კი ასეთი გახლდათ: მსაჯმა ლონდონელი დევიდ ბენტლი სიმულანტობისთვის ყვითელი ბარათით დასაჯა, არადა ბუდევინ ზენდენმა ის საჯარიმო მოედანში აშკარად წააქცია – პენალტი უნდა დაენიშნა; მეორე ეპიზოდში კი ლუკა მოდრიჩის წინააღმდეგ უხეშობისთვის ლი კატერმოულს არბიტრმა მხოლოდ ყვითელი ბარათი აკმარა, რედნაპის რწმენით კი სანდერლენდელი წითელს იმსახურებდა. როგორც ჩანს არბიტრმა კატერმოული იმიტომ დაინდო, რომ ეს გაძევება მისთვის მიმდინარე სეზონში მესამე იქნებოდა.</p><p>„ეს ნამდვილი უხეშობა იყო - თქვა „სფურზის“ თავკაცმა – მოდრიჩს თავისუფლად შეიძლებოდა ფეხი მოსტეხოდა. საერთოდაც, მიმაჩნია, რომ ამ შეხვედრაში ლუკას ძალიან გაუმართლა, რადგან მოედნიდან გასახდელში ფეხზე რამდენიმე იარით დაბრუნდა. დროა მსაჯებმა გაიგონ რა განსხვავებაა ზღვარს გადასვლასა და ბურთის მოსაპოვებლად ვაჟკაცურად თამაშს შორის“.</p><p>რედნაპს, რასაკვირველია, ბენტლის ეპიზოდზეც ჰკითხეს. „დეზთა“ მწვრთნელმა უპასუხა:</p><p>„ეს აშკარა პენალტი იყო. გამეორების ნახვა საჭირო არც კი გახლავთ. ვერ მივმხვდარვარ , როგორ შეიძლებოდა იმ მომენტში ბენტლის გაფრთხილება. დიახ, ეს ნამდვილი პენალტი იყო, ხოლო როდესაც პენალტს გარტყმევინებენ, თამაშის ბედი იცვლება. ერთი სიტყვით, დღეს მსაჯი ორჯერ ისეთი ეპიზოდის შეფასებისას შედა, რომელთაც შედეგზე იქონიეს გავლენა. რასაკვირველია, ეს შეცდომები უებს განზრახ არ მოსვლია, მან უბრალოდ ასე დაინახა. ხაზს ვუსვამ, წამითაც არ მინდა ვთქვა, რომ ჰოვარდ უები „ტოტენჰემის“ წინააღმდეგ არის. ასეთ რამეს მსაჯებზე არასდროს ვამბობ“.</p><p>ამ შეხვედრაში – არადა, რვა დღით ადრე „ტოტენჰემ ჰოთსპურმა“ ჩემპიონთა ლიგაში არც მეტი არც ნაკლები „ინტერს“ მოუგო 3:1 - „უაით ჰართ ლეინზე“ ფანების ერთმა ჯგუფმა ფეხბურთელებს ტრბუნიდან ლაზათიანი ინგლისური „ბუუ“ მოასმენინა.</p><p>„რითი არიან ასე უკმაყოფილონი? – იკითხა ნაწყენმა რედნაპმა – თუმცა, საერთოდ, ასეა: როდესაც, მაგალითად, ყოველ წელიწადს ჩემპიონი ხდები, ერთ მშვენიერ დღესაც მეორეზე გასვლა წარუმატებლობად გეთვლება. ჩვენს შემთხვევაში, ერთი კვირის წინ, აქ „ინტერი“ დავამარცხეთ და, ახლა, ნაკლებს შედეგს ვეღარ ეგუებიან“.</p><p>სამშაბათსვე, „სტოკ სიტიმ“ „ბირმინგემს“ 3:2 მოუგო. ამ შეხვედრაში სტუმრების თავკაცს ალექს მაკლიშს ნერვიულობის საბაბი ნამდვილად ჰქონდა. მატჩი დრამატული გამოდგა: სტოკელები რობერტ ჰუთისა და რიკარდო ფულერის გოლების წყალობით 2:0-ს იგებდნენ. თამაშის დამთავრებამდე 19 წუთი რჩებოდა, ასე რომ მასპინძლებმა თავი ქუდში იგრძნეს, მაგრამ, ფულერის გოლიდან ხუთ წუთში კით ფეჰეიმ შეამცირა სხვაობა, კიდევ სამ წუთში კი კემერონ ჯერომმა აღადგინა წონასწორობა. აი, აქ, მაკლიშმა დაიჯერა, რომ მისი „ბირმინგემი“ „ბრიტანია სთედიუმიდან“ ქულას წაიღებდა, მაგრამ შეცდა: 85-ე წუთზე მეტიუ ეზერინგტონის პასს დინ უაითჰედმა უხელთა და სამი ქულა მაინც სტოკში დატოვა.</p><p>მატჩის შემდეგ მაკლიშმა თქვა: „ფრე ბოლომდე რომ შეგვენარჩუნებინა დიდებული შედეგი იქნებოდა. მომენტი და აღმაფრენა ჩვენსკენ იყო, მაგრამ ამ სეზონში რამდენიმე სულელური გოლი გვაქვს გაშვებული და აგერ, ერთი მათგანი სტოკელთა მესამე გახლავთ. ეს გოლი ნამდვილად შოკისმომგვრელი იყო. ვერ ვიტყვი, რომ ჩემი მცველები იმ ეპიზოდში ინდივიდუალურად შეცდნენ, მაგრამ რაც მოხდა, მოხდა და ამან ძალიან გვატკინა გული“.</p><p><strong>ყოველდღიური სპორტული გაზეთი</p><p>"ლელო"</strong></p></p>
[PHOTO] ნახეთ, როგორ მკერდსავსე გოგონას ჰყვარობს "ჩელსის" ვარსკვლავი
მეინუს აღარ გაუშვებენ - "მანჩესტერ იუნაიტედი" თავის აღზრდილს მინიმუმ ზაფხულამდე დაიტოვებს
"თამაშობ და იცი, რომ ალისონი დაბრუნდება, მაშინვე სათადარიგოთა სკამზე ხარ" - კელეჰერი "ლივერპულიდან" წასვლაზე
ბასტონიმ შესაძლოა, "ინტერი" დატოვოს - იტალიელის გადასაბირებლად ორი გრანდი იბრძვის
სანდრო ალთუნაშვილი "ჰაპოელის" ფეხბურთელი გახდა
ოფიციალურად - "ლიონმა" "რეალისგან" ენდრიკი ინათხოვრა
სპორტის სამინისტრომ 2025 წლის საუკეთესო სპორტსმენები დაასახელა
პსჟ-ს ტრავმის გამო შემტევი გამოაკლდა
ლევან კობიაშვილმა ფიფას კომიტეტის სხდომას უხელმძღვანელა
პსჟ-ს და კვარაცხელიას უნიკალური მიღწევა - ამითაა ლუის ენრიკეს გუნდი გამორჩეული
18-წლამდელთა ნაკრები გიორგი ნემსაძემ ჩაიბარა
წლის საუკეთესო მებრძოლი - პოპულარულმა MMAJunkie-მ და ESPN-მა მერაბ დვალიშვილი აღიარეს
მეინუს აღარ გაუშვებენ - "მანჩესტერ იუნაიტედი" თავის აღზრდილს მინიმუმ ზაფხულამდე დაიტოვებს
"ბარსელონა" დაცვას გააძლიერებს - რა გეგმები აქვთ კატალონიელებს ზამთრის სატრანსფერო ფანჯარაზე
"მილანმა" ორიჯის კონტრაქტი გაუწყვიტა - თითქმის 2-წლის უთამაშებლობის მიუხედავად, ის 4 მილიონს გამოიმუშავებდა
"თამაშობ და იცი, რომ ალისონი დაბრუნდება, მაშინვე სათადარიგოთა სკამზე ხარ" - კელეჰერი "ლივერპულიდან" წასვლაზე
გვარდიოლას გვარდიოლის დიდი ხნით შენარჩუნება უნდა - "სიტი" იოშკოსთან ახალ კონტრაქტზე მუშაობს
[PHOTO] მხოლოდ პირსახოცით - "შახტარის" ფეხბურთელის მეუღლის მიერ სააბაზანოდან გამოქვეყნებულ თამამ ფოტოებს დიდი აჟიოტაჟი მოჰყვა
ზირკზე კვლავ სერია A-ში? - მოლაპარაკებები უკვე დაწყებულია
[VIDEO] ბითაძის 14 წუთი - "გოლდენ სტეიტმა" "ორლანდო მეჯიქი" დაამარცხა
მორიგი გუნდი 58 წლის ასაკში - კაზუიოში მიურა პროფესიონალური ფეხბურთის თამაშს აგრძელებს
დე ლაურენტისი: კონტეში ეჭვი გეპარებოდათ?
ხვიჩა მწვრთნელს უსმენს - იმიჯის გამყარება და ის, რაზეც სამუშაოა...