თამაში, რომელიც ლაღი ვერ იქნებოდა

მანჩინი: წინ გადადგმული ნაბიჯი - ბოლო წამზე გოლი არ გავუშვით მანჩესტერულ დერბიში „სიტიმ“ და „იუნაიტედმა“ ერთმანეთს თავი შეაკლეს. ვერც ქალაქის ერთმა ნაწილმა აჯობა მეორეს და ვერც მეორემ პირველს, შეხვედრა 0:0 დასრულდა და... ამით „ჩელსიმ“ ისარგებლა, „ფულჰემს“ მოუგო და წინა ტურში „შეფერთხილი“ პოზიცია გაიუმჯობესა. ახლა დასავლეთ ლონდონელები „იუნაიტედს“ 4 ქულით უსწრებენ. მანჩესტერული გუნდების შეხვედრა „სიტის“ სტადიონზე, ისტლენდში გაიმართა. ზოგადად, თამაშითა და ინიციატივით „იუნაიტედი“ სჯობდა, მაგრამ, ტაბლოზე ეს არანაირად არ ასახულა. მატჩის შემდეგ სტუმრების თავკაცი სერ ალექს ფეხგიუსონი ამბობდა:„თამაშის ფასი იმდენად დიდი იყო, რომ იგი ღია და ლაღი ვერაფრით იქნებოდა. მესმის ხალხი რასაც ელოდა, მაგრამ ის ფეხბურთი ამჯერად იმთავითვე გამორიცხული იყო. ჩვენ ბურთს კარგად ვაკონტროლებდით, თუმცა საგოლე მომენტები ვერ შევქმენით. კუთხურებს და ჯარიმებს ნუ ჩავთვლით და თამაშ-თამაშ სულ ორი სახიფათო ეპიზოდი შევქმენით, რაც გულდასაწყვეტია. მოგებისთვის ვიბრძოდით, როგორც გითხარით, ბურთის ფლობაც საჩვენო იყო, მაგრამ მოწინააღმდეგის კარში ბურთის შეგდებამდე ვერა და ვერ მივიყვანეთ საქმე. ახლანდელი „სიტის“ დამარცხება ისტლენდზე უკვე ძალიან ძნელი საქმეა. ხომ დააკვირდით, მეორე ტაიმში როგორი დაცვა დააყენეს მასპინძლებმა? ამ საქმეში ისინი ძალიან გაიწაფნენ.აქ, ისტლენდზე „ჩელსიც“ დამარცხდა და „არსენალთან“ თამაშიც სხვა შედეგით დასრულდებოდა მსაჯს „სიტის“ ერთი ფეხბურთელი ადრევე რომ არ გაეგდო მოედნიდან“.მატჩის საუკეთესო ფეხვურთელად „იუნაიტედის“ მცველი ნემანია ვიდიჩი დაასახელეს. სერბმა თქვა, რომ მანჩესტერული დერბი ისეთი თამაში გამოვიდა, რომელშიც პირველ პლანზე დაცვა გამოდის.„ფრედ დამთავრდებოდა, აბა რა მოხდებოდა. დღეს ხომ ჩვენ ვნახეთ ორი გუნდი, რომლებიც თავს კარგად იცავდნენ – თქვა სტუმრების კაპიტანმა – გამარჯვებას უპირველეს ყოვლისა როგორც მასპინძლისგან, „სიტისგან“ ელოდნენ. ჩვენ კარგად კი ვითამაშეთ, მაგრამ მასპინძლებმა საგოლე მომენტების შექმნის საშუალება არ მოგვცეს“.ვიდიჩიმა, როგორც ხედავთ, ისტლენდელებს დაცვა და ოსტატობა შეუქო – თავადაც მცველია და სხვისი „მდგრადობა“ დააფასა. ჰოლანდიელმა მეკარემ ედვინ ვან დერ სარმა კი საკითხს სხვა მხრიდან შეხედა.„მასპინძლებს ფაქტობრივად არ შემოუტევიათ. უკან იდგნენ. აშკარად ჩანდა, რომ მათთვის ჩვენთან ფრე კარგი შედეგი იყო. ჩვენ ძალიან გვინდოდა მოგვეგო, მაგრამ „სიტი“ მეტისმეტად დაცვით ფეხბურთს თამაშობდა. პირადად მე ბევრი საქმე არ მქონია, ჯარიმებს ვიგერიებდი და ეს იყო. დამრჩა შთაბეჭდილება, რომ თამაში კიდევ რომ გაგრძელებულიყო, მოვიგებდით“.ვან დერ სარისგან ასე გაკრიტიკებული გუნდის თავკაცმა, იტალიელმა რობერტო მანჩინიმ კი თავისი გუნდის თამაშში ხინჯი ვერ დაინახა. სხვათა შორის, სტადიონზე აქა-იქ უკმაყოფილო ფანების „ბუუც“ გაისმა, მაგრამ ამას დიდი მასშტაბები არ მიუღია.„სულ არ მაინტერესებს გამაკრიტიკებენ თუ არა – თქვა მანჩინიმ – დღეს მნიშვნელოვანი ქულა მოვიპოვეთ და ფაქტის წინაშეც ვდგავართ: სეზონის მსვლელობისას „მანჩესტერ იუნაიტედს“ თანდათანობით ვუახლოვდებით.საერთოდ, „იუნაიტედთან“ შეიძლება მოიგო და შეიძლება დამარცხდე, მაგრამ ერთი რამის თქმა დაბეჯითებით შემიძლია – თუ ამ გუნდს სახიფათო მომენტების შექმნის საშუალებას მისცემ, მაშინ აუცილებლად ის მოიგებს. ჩვენ გამარჯვება, რასაკვირველია, გვინდოდა, მაგრამ დამეთანხმებით, ჯობდა ფრედ გვეთამაშა ვიდრე წაგვეგო“.პრესკონფერენციაზე გაიხსენეს, რომ გასულ სეზონში „მანჩესტერ სიტიმ“ „იუნაიტედთან“ ოთხჯერ ითამაშა და სამჯერ გოლი ბოლო წითებზე გაუშვა. ამაზე მანჩინიმ უპასუხა: „ამ მხრივ გასულ სეზონთან შედარებით წინ გადავდგით ნაბიჯი. გასულ სეზონში სულ ბოლო წამს ვუშვებდით გოლებს“.ყოველდღიური სპორტული გაზეთი"ლელო"

ოფიციალურად: შონ დაიჩი პრემიერ ლიგას დაუბრუნდა

ლეგენდარული ინგლისელი ფეხბურთელის ვაჟი 21 წლის ასაკში ტრაგიკულად გარდაიცვალა

ფაბიო ბორინი ინგლისის მე-4 ლიგის კლუბში ჩაირიცხა

ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა

ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს

"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა

ოსიმენის დუბლი - "გალათასარაიმ" და "ატლეტიკმა" გაიმარჯვეს

მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა

[PHOTO] "სიტისთან" მატჩამდე მიქაუტაძე ძველ მეგობარს შეხვდა

სასიხარულო ამბავი - შეიქმნა სპორტული ფონდი, რომლის მთავარი მიზანიც სპორტული ინფრასტრუქტურის განვითარებაა

"კვარა" - ზღაპრის გმირობა, რწმენა და ლიგის ზედიზედ მოგება

"მაშინ დავკარგე ფეხბურთელი, რომელთან მუშაობაც კიდევ 10 წლით მსურდა" - კლოპმა კოუტინიოს "ბარსელონაში" ტრანსფერი გაიხსენა

"მისით არ ვინტერესდებით" - "სპორტინგმა" საფონოვთან დაკავშირებული ჭორები უარყო

"გადაცემის შემდეგ ჩემს ნომერს გამოგიგზავნი" - ტიერი ანრიმ ვიქტორ იოკერეშს მიმართა

"ასე რთულია. გუნდში 9 ახალი ტვინი მყავს" - კონტემ "ნაპოლის" მარცხის მიზეზებზე ისაუბრა

"ვილიარეალთან" თამაში ძალიან რთულია, რადგან ტოპ გუნდია" - გვარდიოლას კომენტარი გამარჯვების შემდეგ

[VIDEOS] სუპერმატჩი ოკლაჰომაში და დონჩიჩის 43 ქულა - NBA ხმაურიანად დაიწყო!

რას ნიშნავს კვარაცხელიას გოლის აღნიშვნა? - Le Parisien-ი განმარტავს

კვარაცხელია: მეგონა, ბურთი კარს ავაცილე და ცოტა შემეშინდა

ლიდერი ისევ "დილაა"; "ტორპედომ" კი იბერიელებს აჯობა

"არსენალის" და "ინტერის" დამაჯერებელი გამარჯვებები და "ნაპოლის" განადგურება პსვ-სთან

როგორი შეფასებები მიიღეს კვარაცხელიამ და მიქაუტაძემ ჩემპიონთა ლიგის მესამე ტურში?

მიქაუტაძის 66 წუთი - "მანჩესტერ სიტიმ" "ვილიარეალი" უშანსოდ დაამარცხა