<p>2 აგვისტოს აზერბაიჯანის ჩემპიონატი იწყება, რომელიც წინა სეზონებისგან განსხვავებით ახალი ფორმატით ჩატარდება <br> 2 აგვისტოს აზერბაიჯანის ჩემპიონატი იწყება, რომელიც წინა სეზონებისგან განსხვავებით ახალი ფორმატით ჩატარდება: 10 გუნდი ოთხ წრედ იასპარეზებს.</p><p>არადა, ბოლო წლებია, აზერბაიჯანის ჩემპიონატში 12 გუნდი მონაწილეობდა და პირველ ეტაპზე ორ წრედ ასპარეზობდა.</p><p>ამის შემდეგ საუკეთესო 6 გუნდი, ასევე ორწრიან ტურნირში, ჩემპიონობისა და საპრიზო ადგილებისთვის იბრძოდა, VII-XII ადგილზე გასულები კი - იქაურ პრემიერლიგაში ადგილის შესანარჩუნებლად.</p><p>მოკლედ, გეცნობათ, ალბათ, ეს სისტემა, თუმცა ჩვენი მეზობლები, როგორც ზემოთ აღვნიშნეთ, გუნდების შემცირების ტენდენციას დაადგნენ და ბოლო სეზონის მიხედვით XI-XII ადგილზე გასული გუნდების ("ქიაფაზი", "თურანი") ნაცვლად, პირველი ლიგიდან არავინ გადმოიყვანეს.</p><p>მიზეზი წმინდა საფეხბურთო იყო: პირველი ლიგის გათამაშების გამარჯვებულები ვერ აკმაყოფილებდნენ აზერბაიჯანული პრემიერლიგის მოთხოვნებს - ანუ, ახალ გათამაშებაში მხოლოდ ის გუნდები მონაწილეობენ, ფინანსების მხრივ პრობლემაც რომ არ გააჩნიათ და ინფრასტრუქტურაც, მეტ-ნაკლებად, გამართული აქვთ.</p><p>...იმედია, ადვილი მისახვედრია, თუ რატომ ვიჩენთ ამხელა ინტერესს აზერბაიჯანის ჩემპიონატის დაწყების მიმართ: უკვე მერამდენე წელიწადია, ამ ქვეყანაში ქართველი მწვრთნელები თუ ფეხბურთელები წინა პლანზე არიან.</p><p>ჩვენებზე ოდნავ ქვემოთ ვისაუბრებთ, მანამდე კი მოკლედ განვიხილავთ თითოეული გუნდის შანსებს.</p><p>ჩემპიონობის ფავორიტად ერთდროულად რამდენიმე გუნდი მოიაზრება: ქვეყნის ყველაზე ტიტულიანი კლუბი "ნეფთჩი", აგდამის "ყარაბაღი", ბაქოს "ინტერი", ლენქორანის "ხაზარი" და "გაბალა".</p><p>დიდი შანსია, სოლიდურბიუჯეტიანი "ბაქიც" ჩაერთოს საჩემპიონო რბოლაში: მოგეხსენებათ, ეს კლუბი... მადრიდის "ატლეტიკოს" ერთ-ერთი სპონსორია და ახალი სეზონიდან მთავარ მწვრთნელად სწორედ "ატლეტიკოს" ყოფილი ფეხბურთელი <strong>მილენკო პანტიჩი</strong> ეყოლება.</p><p>უფულობას არ უჩივის "გაბალაც", რომლის ხელგაშლილი მესვეურები ცნობილი და ძვირად ღირებული უცხოელი მწვრთნელების ცვლაში არიან, მაგრამ ეს გუნდი სამეულში მოხვედრას მაინც ვერ ახერხებს.</p><p>სწორედ ამ მიზნით ჩამოიყვანეს "გაბალაში" ცნობილი რუსი სპეციალისტი, მოსკოვის "ლოკომოტივისა" და კიევის "დინამოს" ყოფილი მთავარი მწვრთნელი <strong>იური სიომინი</strong>. თუ ის გუნდს მესამე ადგილზე გაიყვანს, საჩუქრად, სულ მცირე, ნავთობის ერთ ჭაბურღილს მიიღებს კლუბის ხელმძღვანელობისგან!</p><p>თუმცა, "გაბალაზე" ბევრად უფრო მდიდარი კლუბებიც ჰყავთ ჩვენს მეზობლებს და, ამ შემთხვევაში, უპირველეს ყოვლისა, ლენქორანის "ხაზარს" ვგულისხმობთ, რომლის მეპატრონეც ამ ორი დღის წინათ სინანულით ამბობდა - ყოველწლიურად გუნდს ოც მილიონ დოლარს ვახარჯავ და შედეგს ვერ ვხედავო!</p><p>შეგახსენებთ, რომ წინა კვირაში, ევროპის ლიგის მეორე საკვალიფიკაციო ეტაპის საპასუხო მატჩში, "ხაზარმა" საკუთარ მოედანზე 0:8 წააგო ხაიფას "მაკაბისთან" - ასეთი ანგარიში კი წლევანდელ ევროტურნირებზე სარეკორდოა.</p><p>რვაბურთიანი სხვაობით სან მარინოსა თუ ანდორის გუნდებიც არ დამარცხებულან! აქვე შეგახსენებთ, რომ "ხაზარის" მთავარი მწვრთნელი ცნობილი ბრიტანელი სპეციალისტი, უელსის ნაკრებისა და "ლივერპულის" ცოცხალი ლეგენდა <strong>ჯონ ტოშაკი</strong> გახლავთ.</p><p>"ნეფთჩი", "ყარაბაღი", "ინტერი" - აი, ასეთი თანამიმდევრობით დაასრულა წინა სეზონი ამ სამმა ფავორიტმა და ბევრის აზრით, ახალ სეზონშიც ეს სამი გუნდი იქნება ჩემპიონობის უმთავრესი კანდიდატი.</p><p>"ნეფთჩიმ" ჩემპიონთა ლიგის მეორე საკვალიფიკაციო ეტაპი ვერ დასძლია (ალბანურ "შკენდერბრეუს" ვერ აჯობა). ამის გამო გუნდის მთავარი მწვრთნელი <strong>ბუიაქაღა გაჯიევი</strong> თანამდებობიდან გადადგა.</p><p>სამაგიეროდ, კვლავაც აგრძელებს ევროტურნირებზე გამოსვლას "ყარაბაღი", რომლის მთავარი მწვრთნელი <strong>ყურბან ყურბანოვი</strong> გუნდში ზედიზედ მეექვსე სეზონს იწყებს, რაც აზერბაიჯანის ჩემპიონატში უიშვიათესი მოვლენაა.</p><p>ერთ გუნდში გადაბმულად მუშაობის მხრივ ყურბანოვთან მიახლოებული შედეგი მხოლოდ ერთ სპეციალისტს აქვს - <strong>კახა ცხადაძეს</strong>, რომელიც კვირას ზედიზედ მეხუთე სეზონს დაიწყებს ბაქოს "ინტერის" მთავარი მწვრთნელის რანგში.</p><p><span style="color: #ff0000;"><strong>ქართული ინტერი და სხვები</strong></span></p><p>აზერბაიჯანის ჩემპიონატის პირველი ტურის ცენტრალური მატჩი 4 აგვისტოს გაიმართება - ბაქოს "ინტერი" აგდამის "ყარაბაღს" უმასპინძლებს და სწორედ აქ უნდა ველოდოთ ჩვენებურთა დაპირისპირებას!</p><p>იმის მიუხედავად, რომ წინა სეზონის დასრულების შემდეგ "ინტერიდან" ოთხი ქართველი ლეგიონერი (გიორგი ადამია, ილია კანდელაკი, ვალერი აბრამიძე, რევაზ თევდორაძე) წავიდა, აზერბაიჯანის ყველაზე "ქართულ გუნდად" მაინც <strong>კახა ცხადაძის</strong> კრებული რჩება.</p><p>მეორე მწვრთნელის რანგში მეორე აზერბაიჯანულ სეზონს იწყებს 1981 წლის თასების მფლობელთა თასის ტრიუმფატორი <strong>ზაურ სვანაძე</strong>; გუნდის ძირითადი მეკარე, 33 წლის <strong>გიორგი ლომაია</strong> მეხუთუ სეზონისთვის ემზადება; წინა გათამაშებაში გუნდის საუკეთესო ბომბარდირი, 25 წლის <strong>ბაჩანა ცხადაძე</strong> კი აზერბაიჯანის ჩემპიონატში მეოთხე სეზონს ჩაატარებს.</p><p>"ინტერი"-"ყარაბაღის" შეხვედრაში, დიდი ალბათობით, კიდევ სამ ქართველ ფეხბურთელს ვიხილავთ: 35 წლის <strong>ალექსანდრე იაშვილი</strong>, 31 წლის <strong>ლაშა სალუქვაძე</strong> (ორივე - "ინტერი") და 27 წლის <strong>ნიკოლოზ გელაშვილი</strong> ("ყარაბაღი") აზერბაიჯანის ჩემპიონატში სადებიუტო მატჩს ჩაატარებენ.</p><p>ისე, ჩვენს სამეზობლოში ამ ბოლო დროს ცნობილი ლეგიონერების გამოჩენა არავის უკვირს, მაგრამ ვეჭვობთ, ვინმეს ჰქონდეს ისეთი საკლუბო კარიერა, როგორიც - ალექსანდრე იაშვილსა (გერმანიის პირველ და მეორე ბუნდესლიგაში 17 სეზონი რომ აქვს გატარებული) და ლაშა სალუქვაძეს (რუსეთის ორგზის ჩემპიონი).</p><p>ნურც ის დაგვავიწყდება, რომ გელაშვილი ორჯერ იყო საქართველოს ჩემპიონატის საუკეთესო ბომბარდირი.</p><p>სხვათა შორის, "ინტერი"-"ყარაბაღის" შეხვედრაში კიდევ ერთი ფეხბურთელის გამოჩენა უნდა იყოს ქართველი გულშემატკივრისთვის საინტერესო.</p><p>ვგულისხმობთ მასპინძელთა 30 წლის ახალწვეულს, ბასკ ნახევარმცველ <strong>მიკელ ალვაროს</strong>, რომელმაც ბოლო ორი სეზონი თბილისის "დინამოში" მართლაც შთამბეჭდავად ჩაატარა.</p><p>განსაკუთრებით წინა ჩემპიონატი გვახსენდება, როცა ალვაროს სუპერგოლებით (გორის "დილასა" თუ ქუთაისის "ტორპედოსთან") თბილისის "დინამომ" თითქმის ყველა პრინციპული მატჩი მოიგო...</p><p>ათგუნდიან ჩემპიონატში, ცხადაძის "ინტერის" გარდა, კიდევ ერთი კლუბია, სადაც მთავარ მწვრთნელად ასევე ქართველი და ასევე წარმატებული სპეციალისტი მუშაობს - თითქმის წელიწად-ნახევარია, ზაქათალის "სიმურგის" თავკაცი <strong>გიორგი ჩიხრაძე</strong> გახლავთ...</p><p>აი, ეს არის და ეს. დღესდღეობით, აზერბაიჯანის ჩემპიონატში მოასპარეზე ქართველ ფეხბურთელთა რიცხვი ხუთს არ აღემატება, თუმცა აგვისტოს ბოლომდე სიტუაცია შესაძლოა კიდევ შეიცვალოს...</p><p><strong>ყოველდღიური სპორტული გაზეთი "ლელო"</strong></p><p><span style="color: #ff0000;"><strong>ასევე იხილეთ:<a href="//fexburti/qarthuli-fekhburthi/legionerebi/53094-legioni-evropis-ligaze-gelashvilis-qyarabaghmaq-moigo-qvitesiq-fres-dasjerda.html" target="_blank"></p><p></a></strong></span><a href="//fexburti/qarthuli-fekhburthi/legionerebi/53094-legioni-evropis-ligaze-gelashvilis-qyarabaghmaq-moigo-qvitesiq-fres-dasjerda.html" target="_blank"> ლეგიონი ევროპის ლიგაზე: გელაშვილის "ყარაბაღმა" მოიგო, "ვიტესი" ფრეს დასჯერდა</a></p>
გადრანი "კაირატიდან" "ბეითარში" გადავიდა
საზონოვი "ხეტაფეში" ტრანსფერის 120-წამიანი დაგვიანების გამო ვერ გადავიდა
ქართველი მეკარე ესპანურ გუნდში გადავიდა
უთავმოყვარეო და მშიშარა უწოდეს - სანტუშს აზერბაიჯანის ნაკრების დატოვება მაინც მოუწია
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
ონანა კარიერას სავარაუდოდ, თურქეთში განაგრძობს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ნიკოლაი ყიფიანი ჩიხრაძის "ეთნიკოსიდან" "ომონიაში" გადავიდა
გიორგი ლომაია: მეც მქონია კარიერაში ჩემი სიგიჟეები
"ვიცი, რომ "რეალის" ფანია, მაგრამ ამ ორ გუნდს უფრო მოუხდებოდა" - კახა ცხადაძემ ხვიჩა კვარაცხელიაზე ისაუბრა
კვარას შეუძლია "რეალში" ან "ბარსელონაში" ითამაშოს, ის ამისთვის მზადაა - ლაშა სალუქვაძე
გიორგი ლომაია: აზერბაიჯანი ჩემი მეორე სამშობლოა
ნიკოლოზ გელაშვილი კარიერას საჩხერის "ჩიხურაში" გააგრძელებს
ლეგენდების თასი 2019 თურქეთმა მოიგო - ბომბარდირი კალაძე გახდა
ქართველი კომენტატორი გელაშვილზე - გაცუდებული მომენტების სპეციალისტი [VIDEO]
ერთხელ ბაქოში... სად გაგვასწრო მეზობელმა ფეხბურთში
"საქართველოში მიაჩნიათ, რომ..." - ლაშა სალუქვაძემ "დინამო"-"ნეფტჩის" მატჩის შესახებ ისაუბრა
მანოლო იერო: "საბურთალო" საემიროებისა და ესპანეთის კლუბებს ვამჯობინე
საბურთალო-დინამო (თბ) 0:4 - თითქმის ჩემპიონი! [VIDEO]
აბდალაძე და კუჭუაშვილი მსოფლიოს ჭაბუკთა ჩემპიონატის ნახევარფინალში გავიდნენ
ალექსანდრე იაშვილი: ყველას დავანახეთ, რომ შეგვიძლია ასეთ გუნდებთან თამაში და მათი დამარცხება
აზერბაიჯანელებმა მთავარი მწვრთნელის პოსტი ოლეგ ბლოხინს შესთავაზეს - უკრაინელის პასუხი ცნობილია
უმაღლესი ლიგა. XVI ტურის წინათქმა: გადაფორმატება
რუმინეთის ჭაბუკთა ტურნირზე ქართველმა ფალავნებმა 7 მედალი მოიპოვეს
ტრანსფერი არ იქნება - თბილისის "დინამო" პაოკ-თან უფორვარდოდ ითამაშებს?
ზამთრის თასი 2017: ვარსკვლავური ომები თბილისში [VIDEO+PHOTO]
გიორგი ლომაიამ კარიერის საუკეთესო პერიოდი და დასამახსოვრებელი მატჩი გაიხსენა
გიორგი ჩიხრაძემ ჭაბუკთა მსოფლიოს ჩემპიონატზე ვერცხლის მედალი მოიპოვა
ბაჩანა ცხადაძე: მამაჩემი ჯერ უმუშევარია
საქართველოს თასი. 1/8-ფინალი: მესამელიგელი მეოთხედფინალში!
soccer.ru: რუსეთის ჩემპიონატის 10 ყველაზე რეიტინგული ქართველი - ბრწყინვალეები, ჩემპიონები, ბომბარდირები, სიმბოლო და ჯარისკაცი
იაშვილი: მიზანია ვიბრძოლოთ პლეი-ოფის საგზურისთვის, მინიმუმ მეორე ადგილისთვის
"თუ ეს სიტუაცია დიდ ხანს გაგრძელდება, დიდ პრობლემად იქცევა" - რა თქვა სანიოლმა თურქეთთან და ბულგარეთთან მატჩების წინ
ოფიციალურად: ცხადაძე აზერბაიჯანულ გუნდს გაწვრთნის
ლაშა სალუქვაძე: ხვიჩას შეუძლია დიდ გუნდში ითამაშოს
"კაპიტნისა და ვიცე-კაპიტნის საკითხი ჯერ არ გადამიწყვეტია" - ვილი სანიოლის პრესკონფერენცია
ველით სისტემის შეცვლას - ვილი სანიოლი და საქართველოს ნაკრები სომხეთისთვის ემზადებიან
"ყინული დაიძრა, დარწმუნებული ვარ, რომ ახლო მომავალში ბევრი ქართველი ითამაშებს ევროპაში" - კახა ცხადაძე
ცხადაძის "ორდაბასისთან" დამშვიდობება გასახდელში ხელჩართული ჩხუბით დასრულდა
ლაშა სალუქვაძე: ხვიჩა რუსეთში თავს ცუდად გრძნობდა
თბილისის "დინამოს" ლაზარეთი იცლება, კაკაბაძე დღეიდან იწყებს...
ბაჩანა ცხადაძე კარიერას საჩხერის "ჩიხურაში" გააგრძელებს
უმაღლესი ლიგის XVIII ტურის მიმოხილვა და სიმბოლური ნაკრები
გიორგი ქვილითაია: დამიჯერეთ, ამაზე გასახდელშიც კი არ ყოფილა ლაპარაკი
კვეკვესკირის როლი გასახდელში დიდია... ეს კონკურენციაა... ბათუმში კარგი საფარი იქნება - სანიოლისა და იაშვილის პრესკონფერენცია
"ეს გადაწყვეტილება ძალიან რთული მისაღები იყო" - ცხადაძე კარიერას ასრულებს
ბაჩანა ცხადაძე: მეგონა, ფეხბურთს ვეღარასოდეს ვითამაშებდი...
საჩხერიდან კორსიკაზე - ბაჩანა ცხადაძე "ბასტიაში" გადავიდა
სამტრედია-დინამო (თბ) 2:1 - ნერვების თამაში [VIDEO]
ილურიძემ და ჩიხრაძემ "ეთნიკოსი" დატოვეს
"მგონია, რომ ახალგაზრდულ ევროპის ჩემპიონატზე კვარაცხელიას უთამაშებლობის მიზეზი ეს ზეწოლა იყო" - ცხადაძე ხვიჩასა და U21 ნაკრებზე
კახა ცხადაძე ყაზახეთის პრემიერლიგაში დაბრუნდა
"რუსთავმა" თურქულ შეკრებაზე წასაყვანი 26 ფეხბურთელი დაასახელა
ნიკოლოზ გელაშვილმა თბილისის "დინამო" დატოვა