- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
იღბლიანი ბოკე და გადათელილი ნარშავები
<p>ნოემბრის ტესტების მეორე სათამაშო დღე ავსტრალიის ნაკრებისთვის უიღბლო გამოდგა</p><p><br> ნოემბრის ტესტების მეორე სათამაშო დღე ავსტრალიის ნაკრებისთვის უიღბლო გამოდგა. თუ პირველი დღე ბობოლა სამხრეთულმა სამეულმა უდანაკარგოდ განვლო, ამჯერად "ვოლაბებმა" ლონდონში, "თვიქნემზე" წაიფორხილეს, "ბოკე" კი ბეწვზე გადარჩა კარიდიფში, "მილენიუმზე". ერთადერთი, ვინც გაილაღა, ახალი ზელანდიის ნაკრებია. "ოლ ბლექსმა" ედინბურგში, "მერიფილლდზე" შოტლანდიის ნაკრები გაანადგურეს - 49:3.</p><p>ცხადია, რაგბის ქართველი ქომაგისთვის ყველაზე დიდ ინტერესს სწორედ "ნარშავების" დაპირისპირება იწვევდა მსოფლიოს ერთ-ერთ საუკეთესო გუნდთან. საინტერსო იყო, რას წარმოადგენს რეალურად მსოფლიო თასზე საქართველოს ნაკრების მომავალი მეტოქე.</p><p>"შოტლანდიის ნაკრებმა ცუდად ითამაშა. ისეთი შთაბეჭდილება დამრჩა, რომ კაცები, ანუ ახალზელანდიელები ბავშვებს ეთამაშებოდნენ" - ეს კომენტარი საქართველოს ნაკრების ფიზმომზადების შოტლანდიელ მწვრთნელ მარკ დიქსონს ეკუთვნის.</p><p>"სკოტებმა" აღმავლობის გზაზე მდგარ მეტოქეს ვერაფერი დაუპირისპირეს. "ოლ ბლექსმა" მასპინძლებს შვიდი უპასუხო, ერთიმეორეზე უკეთესი ლელო გაუტანა და მეტოქის გაყოყოჩებულ ინგლისელ თავკაცს ენდი რობინსონს დაანახა, რომ მის შეგირდებს ჯერ კიდევ ბევრი ვარჯიში სჭირდებათ. რობინსონი თამაშამდე რამდენიმე დღით ადრე დიდ გულზე იყო და ახალზელანდიელთა დამარცხებაზე ოცნებობდა.</p><p>"ნარშავების" შემდეგი მეტოქე კრიზისში მყოფი სამხრეთ აფრიკის ნაკრებია, რომელმაც ნოემბრის ტესტების ორივე მატჩი დიდი გაჭირვებით მოიგო. მართალია, ძლიერებს უმართლებთ, მაგრამ ამ თამაშებში "ბოკე" ძლიერი არ იყო და აშკარად გაუმართლა.</p><p>უელსელებმა პირველ ტაიმში შესანიშნავად ითამაშეს. გამორჩეულები გარემარბი შეინ ვილიამსი და მგეზავი სტივენ ჯოუნზი იყვნენ. ცალკე აღნიშვნის ღირსია მასპინძელთა თვრამეტი წლის დებიუტანტის ჯორჯ ნორსის თამაში. უელსური რაგბის ამომავალმა ვარსკვლავმა დებიუტი ორი ლელოთი აღნიშნა. ახალგაზრდა მორაგბისთვის ბრწინვალე დასაწყისია, მით უფრო, რომ მეტოქე, არც მეტი, არც ნაკლები, მსოფლიოს ჩემპიონი სამხრეთ აფრიკის ნაკრები იყო.</p><p>"ბოკემ" მეორე ტაიმში მაინც შეძლო თამაშში გარდატეხის შეტანა. ამის მიზეზი ალბათ შეინ ვილიამსის ტრავმაში უნდა ვეძებოთ. უელსელთა "ყოჩი" "ბოკეს" შუამარბმა ფრანსუა სტეინმა მიწაზე ისე დაანარცხა, რომ მარცხენა მხარი ამოუგდო. უშეინოდ კი უელსი სულ სხვა გუნდია და მიუხედავად იმისა, რომ ბოლო ათი წუთი "ბოკე" თავის ჩათვლის მოედანს მიაჯაჭვეს, მასპინძლებმა გამარჯვების ლელო მაინც ვერ გაიტანეს - 25:29.</p><p>შესანიშნავად, დიდოსტატურად ითამაშა ინგლისის ნაკრებმა. "პომებმა" კიდევ ერთხელ დაამტკიცეს, რომ ივნისში სიდნეიში ავსტრალიის ნაკრების ძლევა შემთხვევითი არ იყო. მარტინ ჯონსონის ბიჭები მთელი მატჩის განმავლობაში დომინირებდნენ და ავსტრალიას გამარჯვების იოტისოდენა შანსიც არ მისცეს - 35:17.</p><p>გუნდის ლიდერის, ჯონი ვილკინსონის არყოფნაში შესანიშნავად ითამაშა "პომების" ახალგაზრდა მგეზავმა ტობი ფლუდმა. მან მეტოქეს შვიდი საჯარიმო და ორი გარდასხვა გაუტანა (25 ქულა), რაც ასპროცენტიანი შედეგია. ინგლისელთა შესანიშნავ კომპანიაში კიდევ ერთი გამორჩეული გარემარბი კრის ეშტონი იყო, რომელმაც "ვოლაბები" ორი ლელოთი დაამწუხრა.</p><p>ავსტრალიის ნაკრები მეტოქესთან შედარებით ბევრად სუსტი ჩანდა. თუმცა, ცხადია, მსოფლიო დონის მორაგბეები ამ გუნდშიც საკმარისად არიან და სწორედ ისინი განსაზღვრავენ კიდეც რობი დინსის გუნდის თამაშის მანერას. ინგლისელებთან მატჩში ფულბეკმა ქართლი ბეილიმ გაიბრწყინა, რომელმაც ორი ლელო კი გაიტანა, მაგრამ თხუთმეტი ინგლისელის წინააღმდეგ მარტო ვერას გახდა.</p><p>შეგახსენებთ, რომ ინგლისის ნაკრები 2011 წლის მსოფლიო თასზე "ბორჯღალოსნების" მეტოქა. "პომები" ნელ-ნელა ძალას იკრებენ და ახალ ზელანდიაში, სავარაუდოდ, ერთ-ერთ უმთავრეს ფავორიტად მოგვევლინებიან.</p><p>ნოემბრის ტესტები ფიჯისთან თამაშით გახსნა საფრანგეთის ნაკრებმა. "ლე ბლემ" ექსპერიმენტული შემადგენლობით მეტოქეს ნანტში უმასპინძლა და 34:12 მოუგო. ნაყოფიერად გაისარჯა ფრანგთა ქართული წარმოშობის ცხრა ნომერი დიმიტრი იაშვილი, რომელმაც ხუთი საჯარიმო და ორი გარდასხვა გაიტანა (19 ქულა).</p><p>მარკ ლივერმონის ბიჭებს მთავარი გამოცდა ამ უქმეებზე ელით არგენტინის ნაკრებთან, რომელსაც დიდი ხანია, ვეღარ უგებენ. მანამდე კი "პუმებმა" ვერონაში, ლათინთა დერბიში იტალიის ნაკრებს მოუგეს 22:16.</p><p>სტუმრებს მგეზავ ფელიპე კონტეპომის ფეხჩუბინობამ მოაგებინა. დავით ქუბრიაშვილის თანაგუნდელმა იტალიელ ვიზავი მირკო ბერგამასკოზე ორით მეტი საჯარიმო გაიტანა.</p><p><strong>იტალია-არგენტინა 16:22</p><p></strong>იტალია: ლ - საჯარიმო. 3ს,გ - მ.ბერგამასკო</p><p>არგენტინა: ლ - როდრიგესი. 5ს,გ - კონტეპომი</p><p><strong>ირლანდია-სამოა 20:10</strong></p><p>ირლანდია: 2ლ - ჰისლიპი, ოგარა. 2ს,2გ: ოგარა</p><p>სამოა: ლ - ტუილაკი . გ,ს - ვილიმასი</p><p><strong>უელსი-სამხრეთ აფრიკა 25:29</p><p></strong>უელსი: 3ლ - ნორსი (2), ჰუკი. 2ს,2გ: ს.ჯოუნზი</p><p>სამხრეთ აფრიკა: 2ლ - ალბერტსი, მეტფილდი. 5ს,2გ - მ.სტეინი</p><p><strong>საფრანგეთი-ფიჯი 34:12</p><p></strong>საფრანგეთი: 3ლ - მარტი, მედარი, საჯარიმო. 5ს,2გ; იაშვილი</p><p>ფიჯი: 4ს - ბაი</p><p><strong>შოტლანდია-ახალი ზელანდია 3:49</p><p></strong>შოტლანდია: ს - პარქსი</p><p>ახ.ზელანდია: 7ლ - გეარი (2), კართერი, მულიაინა (2), ელისი, სმითი. 7გ - კარტერი (5), დონალდი (2).</p><p><strong>20 ნოემბერი</p><p></strong>უელსი-ფიჯი, ინგლისი-სამოა, შოტლანდია-სამხრეთ აფრიკა, ირლანდია-ახალი ზალანდია, იტალია-ავსტრალია, საფრანგეთი-არგენტინა.</p>
ახალი ძალა ბორჯღალოსნებს ბუნებიდან - სვანიძის ზეთისხილი საქართველოს რაგბის ოფიციალური სპონსორი გახდა
დავით კაჭარავა: საქართველოს უახლოეს ისტორიაში ასეთი მასშტაბური ძვრები ქართულ სპორტში ჯერ არ ყოფილა
16 წ. 7-კაცა | პრინცესა შარლინი და მონაკო ორი გუნდით მარტყოფში
[VIDEO. ეროვნული ლიგა] "პოკერი", 3 პენალტი, ავტოგოლი... "ტორპედომ" ბათუმის "დინამო" გაანადგურა
ზესტაფონის მარგვეთმა ბათუმში იმარჯვა და სუპერლიგაში გალიდერდა
კალათბურთის განვითარების პროგრამის ახალი სეზონი ქართლ-კახეთიდან დაიწყო
მოლაპარაკებები ჩიხში შევიდა - "რეალი" ვინისიუსის გასაყიდად მზადაა
ახალი ძალა ბორჯღალოსნებს ბუნებიდან - სვანიძის ზეთისხილი საქართველოს რაგბის ოფიციალური სპონსორი გახდა
ტრავმირებულ პსჟ-ში "კვარა" დაიწყებს - "მამარდა" "სიტის" წინააღმდეგ!
[VIDEO] მამუკელაშვილის კარგი მატჩი - "ტორონტომ" ზედიზედ მეოთხე შეხვედრა მოიგო
19-წლამდელების შემადგენლობა საკვალიფიკაციო რაუნდის მატჩებისთვის
[VIDEO] შენგელიას 13 ქულა "რეალთან" - "ბარსელონა" კლასიკოში დამარცხდა
მიქაუტაძემ შიძლება "ესპანიოლთან" ვერ ითამაშოს
[VIDEO] ანდრია ბართიშვილის ჯადოსნური მომენტი! ამ ბიჭს მართლა კოჭებში ეტყობა...
[VIDEO. ეროვნული ლიგა] დაგვიანებული ხომ არ არის? "კოლხეთმა" თბილისში "გაგრა" დაამარცხა....
18 წ. | მზადების დასკვნითი ფაზა
[VIDEO. ეროვნული ლიგა] თბილისის "დინამომ" ლუკა ლაცაბიძის სადებიუტო გოლით გაიმარჯვა
16-წლამდე ვაჟთა ნაკრები მოლდოვას დაუპირისპირდება
დე ლა ფუენტემ თბილისში წამოსასვლელად ესპანეთის ნაკრები დარაზმა
მამარდაშვილის კიდევ ერთი შანსი. როდის დაბრუნდება ალისონი? - სლოტმა კომენტარი გააკეთა
"ბორჯღალოსნები" | ქოქრილმა "არწივებისთვის" 23 შეარჩია
საბა ლობჟანიძეს "ატლანტა იუნაიტედი" "ბარსელონას" ყოფილმა თავკაცმა მეორედ ჩაიბარა
მბაპეს აღარ შეეცილებიან - "რეალში" პენალტების შემსრულებელი ფრანგი იქნება