<p>თურქეთის საკურორტო ქალაქ ბელეკში დაიწყო მშვილდოსანთა მსოფლიოს ჩემპიონატი, რომელშიც საქართველოდან მხოლოდ ქალთა ტრიო მონაწილეობს <br> თურქეთის საკურორტო ქალაქ ბელეკში დაიწყო მშვილდოსანთა მსოფლიოს ჩემპიონატი, რომელშიც საქართველოდან მხოლოდ ქალთა ტრიო მონაწილეობს.</p><p>როგორც იქნა, ამ შეჯიბრებისთვის მოხერხდა ნაკრებში უკრაინიდან გადმობირებული იულია ლობჟანიძის ჩართვა, რითაც ჩვენი ტრადიციული სამეული დაირღვა, თუმცა ძველი შემადგენლობის ორი წევრი - ხათუნა ნარიმანიძე და მსოფლიოს ვიცე-ჩემპიონი ქრისტინე ესებუა კი დარჩნენ.</p><p>წინასწარ ვიტყვით, რომ ბელეკში ჩვენთვის საინტერესო ფაქტი მოხდა - ქართული დუელი გაიმართა, ჩვენგან საუკეთესო შედეგით კი ჯერჯერობით ლობჟანიძე გამოირჩევა.</p><p>საკვალიფიკაციო ეტაპი ქართველთაგან ყველაზე უკეთ ნარიმანიძემ ჩაატარა და საკმაოდ დამაიმედებელი შედეგი აჩვენა - 1324 ქულა, რაც 26-ე ადგილი აღმოჩნდა.</p><p>ლობჟანიძე 1310-ით 39-ეა, ესებუამ კი შედარებით სუსტად ისროლა - 1287 ქულა და 68-ე ადგილი. ნარიმანიძემ არათუ შეასრულა ჩვენივე ფედერაციის მიერ ნაკრებში მოსახვედრად დაწესებული ნორმატივი - 1320 ქულა, არამედ ცოტათი გადააჭარბა კიდეც. მან ოთხივე სერია სტაბილურად ისროლა და მუდმივად 30-ეულში იყო.</p><p>ლობჟანიძე კვოტას მნიშვნელოვნად მიუახლოვდა და ძირითადში მანაც სტაბილურად ისროლა, ანუ ყველა სერიაში დაახლოებით ერთნაირი რაოდენობის ქულები დააგროვა, მაგრამ თავიდან ყველაზე გრძელ - 70-მეტრიან დისტანციაზე გაუჭირდა. იქ ყველაზე ცუდად ისროლა - 318 ქულა.</p><p>სამწუხაროდ, ჩვენი სამეული მნიშვნელოვნად ჩამორჩა ლიდერებს. ასე მაგალითად, შესარჩევი კორეელმა ორგზის ოლიმპიურმა ჩემპიონმა (პირადსა და გუნდურში) კი ჯაე ბუმმა მოიგო 1376 ქულით, მეორეზე ტაივანელი ია-ტინ ტანია 1371-ით, მესამეზე - ისევ კორეელი ჰიუ ჯინ ჩანი 1369-ით.</p><p>ამერიკელთა ქართველი ოლიმპიური პრიზიორი ხათუნა ლორიგი (ქვრივიშვილი) მე-14-ეა 1340 ქულით.</p><p>გუნდურ ჩათვლაში ჩვენს მანდილოსნებს 3921 ქულა დაუგროვდათ, რაც მე-11 შედეგი აღმოჩნდა და 3 ოქტომბერს მერვედფინალში მექსიკელებს შეხვდებიან.</p><p>აღსანიშნავია, რომ პლეი ოფში ვერ გავიდა მსოფლიოს მოქმედი გუნდური ჩემპიონი იტალია. ალბათ, გახსოვთ, ორი წლის წინ ტურინში მათ პირველ წრეში როგორ სკანდალურად მოუგეს ჩვენებს, როცა დასრულებული შეხვედრა გადაათამაშებინეს.</p><p>2 სექტემბერს ბელეკში პლეი ოფები პირად პირველობაში გაიმართა და სწორედ აქ შედგა ქართული დუელი - 1/24-ფინალში ერთმანეთს ლობჟანიძე და ნარიმანიძე შეხვდნენ.</p><p>მანამ სამივე ქართველმა წარმატებით იასპარეზა - ლობჟანიძემ რუმინელ სიმონა ბანცილას არ დაუტოვა შანსი და 7:1 მოუგო. ესებუამაც იმავე ანგარიშით და ასევე დამაჯერებლად დაჯაბნა ფრანგი ნაომი ბრიანე, ნარიმანიძეს კი შედარებით გაუჭირდა კანადელ ვირჯინია ჩენიერთან, თუმცა ფრიად მებრძოლი ხასიათიც გამოავლინა - პირველი ორი სეტის წაგების შემდეგ მომდევნო სამში იმარჯვა და პაექრობაც მოიგო საერთო ანგარიშით 6:4.</p><p>პლეი ოფის მომდევნო წრეში უკვე ქართული დუელი გაიმართა, სადაც ნაბრძოლმა ნარიმანიძემ კიდევ ერთხელ იომა მედგრად და საქმე გადასროლამდე მიიყვანა, იქ კი 9:8 წააგო.</p><p>პირველი სეტი ფრედ დასრულდა - 27:27, მეორეში ნარიმანიძემ 25:17 იმარჯვა. ლობჟანიძემ მესამეში გაათანაბრა ანგარიში - 27:25 და იქვე დაწინაურდა კიდეც - 28:25, მაგრამ ნარიმანიძემ კიდევ ერთხელ გაიბრძოლა, იმავე ანგარიშით უკვე თვითონ იმარჯვა და ძირითადი დროც ფრედ დასრულდა - 5:5. როგორც გითხარით, დამატებითში ლობჟანიძის ნასროლი ისარი 9-იანში მოხვდა, ნარიმანიძისა - 8-იანში და შეხვედრაც უკრაინიდან გადმობირებულმა ქართველმა 6:5 მოიგო.</p><p>სამწუხაროდ, ამავე ეტაპზე დამარცხდა ესებუაც, ვინც ბრაზილიელი სარა ნიკიტინის წინააღმდეგობა ვერ დაძლია უაღრესად დრამატულ ბრძოლაში - ჩვენებური სულ ბოლო, დამატებით სერიაში გატყდა.</p><p>პირველი ორი სეტი ფრედ დასრულდა - (26:26; 27:27), მესამე მეტოქემ 28:27 მოიგო, თუმცა ესებუას აღმოაჩნდა ძალა და მეოთხეში საერთო ანგარიში გაათანაბრა - 28:27 უკვე თვითონ იმარჯვა და ანგარიში სეტების მიხედვით 4:4 გახდა. სამწუხაროდ, დამატებითში ჩვენებურმა ასე ვეღარ იყოჩაღა, თუმცა იმ პერიოდის დაძაბულობაზე საკმაოდ დაბალი შედეგიც მიუთითებს - ბრაზილიელმა 25:24 მოიგო და საერთო ანგარიშშიც 6:4 იმარჯვა.</p><p>3 ოქტომბერსვე ბელეკში, გუნდური ტურნირის გარდა, ინდივიდუალური პირველობის პლეი ოფებიც გაიმართება. ლობჟანიძე 1/16-ფინალში შესარჩევში მეშვიდეზე გასულ 1355-ქულიან რუს ინა სტეპანოვას შეხვდება.</p><p>ქალების შეჯიბრება იქაური დროით 9.30-ზე დაიწყება და პლეი ოფი 11 საათამდე გაგრძელდება. ამ პერიოდში გამოვლინდებიან ფინალისტები, 14.30-დან კი სასროლეთი გუნდურ შეჯიბრებას დაეთმობა. ის ტურნირიც ნახევარფინალის ჩათვლით ჩატარდება, ფინალური პაექრობები კი უკლებლივ ყველა დისტანციაზე 6 ოქტომბერს გაიმართება.</p><p><strong>ყოველდღიური სპორტული გაზეთი "ლელო"</strong></p>
მშვილდოსნობაში 2023 წლის საქართველოს თასის პირველი ეტაპი გაიმართა - გამოვლინდნენ გამარჯვებულები
თეა წულუკიანი მშვილდოსნობის ფედერაციას შეხვდა
მშვილდოსნობა. მსოფლიოს ჩემპიონატი: დედა-შვილი ერთად იასპარეზებს
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
ევროპის დიდი პრიზი: ქართველი მშვილდოსანი ქალების მორიგი წარმატება
ანტალიის ტურნირი: ჩვენი ქალებიდან საუკეთესო ქრისტინე ესებუა იყო
მშვილდოსნობა. მსოფლიოს ჩემპიონატი: დედა-შვილი ერთად იასპარეზებს
ანტალიის ტურნირი: დაგვრჩა მხოლოდ ქრისტინე ესებუა
დედა შვილს არ აიყვანსო - ინტერვიუ თამაზ ფუტკარაძესთან
საქართველოს მშვილდოსან ქალთა ნაკრებმა "ევროპის დიდი პრიზი" მოიგო
ნატო ნასარიძე: ერთი ოლიმპიური ციკლი ისევ თურქეთში ვიქნები, მერე კი ვნახოთ...