მანჩინი: სულელი მწვთნელი აღარ ვარ

მარკ ჰიუზმა აღიარა, რომ მისი ყოფილი გუნდი „მანჩესტერ სიტი“ პრემიერლიგის ტიტულის ერთ-ერთი კანდიდატია მარკ ჰიუზმა აღიარა, რომ მისი ყოფილი გუნდი „მანჩესტერ სიტი“ პრემიერლიგის ტიტულის ერთ-ერთი კანდიდატია, თუმცა ისიც დასძინა, მათი გამარჯვება ჩვენი პასიურობის შედეგიც იყოო. მოგეხსენებათ, ისტლენდელებმა კვირას ლონდონში „კრეივენ კოტეჯზე“ „ფულჰემი“ 4:1 დაამარცხეს და ოთხეულში დაბრუნდნენ. ახლა რობერტო მანჩინის გუნდი „ჩელსის“ მხოლოდ 3 ქულით ჩამორჩება. „ფულჰემის“ მწვრთნელმა, რომელიც „სიტიდან“ შარშან, დეკემბერში გაათავისუფლეს, თქვა:„მანჩესტერელებს საკუთარი თავისა ურყევად რომ სწამდეთ და ცოტა უფრო შემტევი ფეხბურთი ითამაშონ - თუნდაც ისეთი, დღეს რომ გვაჩვენეს - ვერ ვხედავ მიზეზს რატომ ვერ უნდა გახდნენ ჩემპიონები. როგორც პროფესიონალს, დამარცხება მძულს, მითუფრო ასეთი ანგარიშით, მაგრამ „სიტიში“ ბევრი კარგი ადამიანია, ბევრი ფეხბურთელი, რომელიც დღეს შესანიშნავად თამაშობს ამ გუნდში ჩემი მიყვანილია და მათი წარმატება მახარებს.დღეს, პირველ ტაიმში „სიტიმ“ საუცხოოდ ითამაშა. ვფიქრობ, ამ სეზონში გუნდს ასე კარგად არც უთამაშია. სამართლიანობა მოითხოვს აღინიშნოს, რომ ეს ჩვენი პასიურობითაც იყო განპირობებული. „ფულჰემმა“ მანჩესტერელებს ძალიან ფართო მოქმედების საშუალება მისცა, მაგრამ, ვიმეორებ, ეს ის გუნდია, რომელსაც ნამდვილად შეუძლია ინგლისის ჩემპიონი გახდეს”.„სიტის“ ოთხი გოლიდან ორი არგენტინელმა კარლოს ტევესმა გაიტანა. გუშინაც ვწერდით, რომ მისი აღმაფრენა, შესაძლოა, ტრიბუნაზე დიეგო მარადონას ყოფნამაც გამოიწვია. მანჩინის თავს კი შავი ღრუბლები ცოტა გაიფანტა - ისტლენდელებმა „მანჩესტერ იუნაიტედსა“ და „ბირმინგემთან“ ზედიზედ ორი უგოლო ფრე ითამაშეს, ხოლო, ყველა შეჯიბრებაში ერთად ბოლო ექვს შეხვედრაში მხოლოდ ერთი თამაში ჰქონდათ მოგებული. მანჩინიმ განაგრძო:„ერთი კვირის წინ მე ის სულელი მწვრთნელი ვიყავი, რომლის გუნდიც ლიდერს მთელი 6 ქულით ჩამორჩებოდა. დღეს საუკეთესო სპეციალისტი ვარ, რადგან „სიტის“ ლიდერთან მხოლოდ სამი ქულა ასხვავებს. ერთ რამეს ვიტყვი: ამას არანაირი მნიშვნელობა არ აქვს. მთავარია ჩვენ ყოველდღე მუხლჩაუხრელად ვიმუშაოთ, რადგან მხოლოდ დაჟინებული შრომით შეიძლება წარმატების მიღწევა.ხშირად რაღაც კრიზისს ახსენებენ. თუ ჩვენ მართლა დიდი კრიზისი გვაქვს, მაგრამ „ჩელსისა“ და „იუნაიტედს“ მაინც მხოლოდ სამი ქულით ჩამოვრჩებით, ესე იგი ძალიან ძლიერები ვყოფილვართ. ბევრი რომ არ გავაგრძელოთ, ჩვენ მუშაობა უნდა განვაგრძოთ. აი, ეს არის მთავარი.რაც შეეხება მწვრთნელის პროფესიას, რას იზამ, მას თავისებურებები ახასიათებს: თუ გუნდი მოიგებს, საუკეთესო ხარ, თუ წააგებს - სულელი. დღეს, მაგალითად, ჩემზე კარგი არავინ არის. 20 წლის განმავლობაში ფეხბურთელი ვიყავი, ხოლო ბოლო 10 წელიწადია მწვრთნელი ვარ, ასე რომ, ძალიან კარგად ვიცი, რა ხდება ჩემს გარშემო. მიუხედავად ამისა, ჩემი პროფესია ძალიან მიყვარს. ეს ფეხბურთია და მე მისი რთული მხარეებიც მომწონს“.„სიტის“ განსაკუთრებული კრიტიკა წინა ტურში, „ბირმინგემთან“ 0:0-ის შემდეგ დაატყდა თავს, თუმცა მანჩინი მიიჩნევს, რომ მის გუნდს, იმ დღეს, შთამბეჭდავად გამარჯვებაც შეეძლო, ზუსტად ისე, როგორც „ფულჰემთან“.„არა მგონია ამ ორ მატჩში ჩვენს თამაშს შორის დიდი განსხვავება იყოს. „ბირმინგემი“ ათი კაცით იცავდა თავს, ფეხბურთში კი როგორ არის, იცით? თუ გაგიმართლა და ერთი შეაგდე, მერე შეიძლება სამი და ოთხიც გაიტანო. შინ გუნდები, როგორც წესი, მოსაგებად თამაშობენ და ამიტომ აქ, ლონდონში „ფულჰემის“ დამარცხება ძნელი საქმე იყო“.„ფულჰემთან“ გამარჯვებამ დიდი შთაბეჭდილება მოახდინა „სიტის“ ნახევარმცველზე გარეთ ბერიზეც, რომელმაც თქვა, რომ მან და მისმა თანაგუნდელებმა ამ შეხვედრაში უფრო კარგად ითამაშეს ვიდრე იმ დღეს, როდესაც თვით „ჩელსის“ მოუგეს 1:0.„დღეს ჩვენ შესანიშნავი საშუალება გვქონდა ფანებზე კარგი შთაბეჭდილება მოგვეხდინა და ცხრილშიც ზემოთ გადაგვენაცვლა. რაც შეეხება „ფულჰემის“ მწვრთნელს მარკ ჰიუზს, ის ხუთი თუ ექვსი ბიჭი, ვინც „სიტიში“ მარკმა მოგვიყვანა, მას უდიდეს პატივს ვცემთ, მაგრამ დღეს რა გვექნა, ჩვენ მისი გუნდის მეტოქეები ვიყავით და დაიწყო თუ არა თამაში ერთადერთი რაზეც ვფიქრობდით სამი ქულა იყო“.

ონანა კარიერას სავარაუდოდ, თურქეთში განაგრძობს

ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს

"დარწმუნებული ვარ, "მანჩესტერ იუნაიტედი" მომდევნო 10 წელიწადში პრემიერლიგას მოიგებს" - მაიკლ ოუენი

საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს

"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა

მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით

[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება

"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]

პირველი ტაიმის შემდეგ საქართველოს ნაკრები ბულგარეთს 2:0 ამარცხებს

მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო

კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია

ოფიციალურად: "კოლოსმა" ზურაბ რუხაძე წარადგინა

ტიაგო მოტამ შესაძლოა, ბუნდესლიგის ბინადარი გუნდი ჩაიბაროს

ონანა კარიერას სავარაუდოდ, თურქეთში განაგრძობს

როდრიმ მისი აზრით "ოქროს ბურთის" ორი ფავორიტი დაასახელა

"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ

ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს

მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს

ქოჩორაშვილი: აქამდე სწორედ იმიტომ მოვედით, რომ არასდროს ვნებდებით

ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა

"შავი ლომი" "ძებრესთან" დამარცხდა

მატჩის დღე - ქართველებსა და ბულგარელებს ცუდად დაწყებულის გამოსწორება სურთ!