<p>საქართველოს ნაკრების კაპიტანი ირაკლი მაჩხანელი მომავალ ტესტებსა და სოჭის ოლიამპიადის ბოიკოტირებაზე საუბრობს <br> საქართველოს მორაგბეთა ეროვნული ნაკრებისთვის წლევანდელი ნოემბერიც "გამოსაცდელი" თვე იქნება. 9 და 16 ნოემბერს "ბორჯღალოსნები" კანადისა და აშშ-ის ნაკრებებს დაუხვდებიან, 23-ში კი გაცილებით ძლიერი მეტოქე - სამოას ეროვნული გუნდი ელით!</p><p>საქართველოს მასშტაბით არაერთი სარაგბო ბაზის მშენებლობაა დაწყებული, მაგრამ ჯერჯერობით ეროვნულ ნაკრებს ისევ უწევს სტადიონების ძებნა და ნოემბრის ტესტ-მატჩებსაც სამ სხვადასხვა არენაზე გამართავს: საქართველო-კანადა "დინამო არენაზე" ჩატარდება, აშშ-სთან მატჩი - რუსთავის ახალ სტადიონზე, სამოას კი ვაკეში, მიხეილ მესხის სახელობის არენაზე დავუხვდებით.</p><p>ეროვნული ნაკრების კაპიტან <strong>ირაკლი მაჩხანელთან</strong> ინტერვიუში მომავალ მატჩებზეც ვილაპარაკეთ და ეროვნულ ჩემპიონატზეც...</p><p><strong>- საქართველოს ჩემპიონატის ბოლო ტურში "ლელოსთან" დიდი სხვაობით დამარცხდით...</strong></p><p>- ტრავმების და 19-წლამდელთა ნაკრებში გამოძახების გამო ძირითადი შემადგენლობის მოთამაშეთა თითქმის ნახევარი მოვისაკლისეთ. ამის მიუხედავად, იმ მატჩის მოგება მაინც შეგვეძლო. ყოველ შემთხვევაში, ასეთი ანგარიშით მარცხს ნამდვილად არ ვიმსახურებდით.</p><p>თუმცა, ისიც ფაქტია, რომ "ლელოს" ჩვენზე უკეთესი გუნდი ჰყავს. მეტიც, პროფესიონალიზმით და სწორი, გამართული თამაშით ეროვნული ჩემპიონატის ყველა კლუბისგან გამოირჩევა.</p><p>"არმაზის" მოთამაშეებმა დიდი სხვაობით მარცხი მტკივნეულად გადაიტანეს, მაგრამ შემიძლია თამამად ვთქვა, რომ ჩვენს გუნდს დიდი პოტენციალი აქვს. ასაკობრივი ნაკრებების არაერთი მორაგბეც გვყავს და დარწმუნებული ვარ, მათ პროგრესს მალე ყველა დაინახავს.</p><p><strong>- საქართველოს ეროვნული ნაკრების მსგავსად, "არმაზიც" ახალგაზრდა და გამოცდილი მოთამაშეების ერთგვარი ნაზავია...</strong></p><p>- კლუბში რამდენიმე გამოცდილი მოთამაშე ვართ - კიკნაძე, აბუსერიძე, მაჩხანელი... "არმაზი" დაბალანსებული გუნდია, მაგრამ ახალგაზრდა მოთამაშეთა დიდ ნაწილს გამოცდილება მაინც აკლია. თუმცა, აშკარაა, რომ კლუბის მომავალი სწორედ ამ ბიჭებს უკავშირდება. მით უმეტეს, ევროპის ჩემპიონები გახდნენ, რამაც მათ მეტი გამოცდილება და თავდაჯერებულობა შემატა. გამარჯვებულის ფსიქოლოგია სპორტსმენისთვის ბევრს ნიშნავს...</p><p><strong>- აშკარაა, რომ საქართველოს ჩემპიონატის კლუბების საერთო დონე კიდევ უფრო გათანაბრდა, ეროვნული პირველობა გაცილებით დაძაბული და სანახაობრივია. ეს რისი დამსახურებაა?</p><p></strong>- კლუბების ბიუჯეტი და მოთამაშეთა გადანაწილება მეტ-ნაკლებად თანაბარი გახდა, წამყვანი კლუბებიდან მოთამაშეები შედარებით მოკრძალებულ გუნდებშიც გადაბარგდნენ. მოთამაშეთა გადაბირების მხრივ, "ხარებს", "ბათუმს", "აკადემიას" და შედარებით სუსტ სხვა კლუბებსაც მეტად რომ ეაქტიურათ, გაცილებით დაძაბულ ჩემპიონატს ვნახავდით, მაგრამ წინა წლებთან შედარებით, პროგრესი მაინც აშკარაა, გაცილებით თანაბარ და საინტერესო პირველობას ვადევნებთ თვალს!</p><p><strong>- ირაკლი მაჩხანელი საფრანგეთიდან წამოსვლას ხომ არ ნანობს?</strong></p><p>- პირიქით, ძალიან კმაყოფილი ვარ, საქართველოს ჩემპიონატში რომ დავბრუნდი. ეს მტკიცე გადაწყვეტილება იყო, არც მინანია და არც არასდროს ვინანებ!</p><p><strong>- ნაკრებზე გადავიდეთ: რა იქნება ჩვენი გუნდის მიზანი ნოემბრის ტესტ-მატჩებში?</strong></p><p>- გულშემატკივარს ნაკლებად აინტერესებს გუშინდელი ან ხვალინდელი შედეგი - გამარჯვებას დღეს ითხოვს! ბუნებრივია, ყველა მატჩში მოსაგებად ვიბრძოლებთ, მაგრამ პირველ რიგში, ჩვენი მიზანი სწორი, გამართული თამაში იქნება! სწორედ ნოემბრის ტესტები გვიჩვენებს, თუ რა დონეზეა ქართული რაგბი...</p><p><strong>- პირველ ხაზში არაერთი წამყვანი მორაგბე დაგვაკლდება - ზირაქაშვილი, კაკოვინი, ნატრიაშვილი... </strong></p><p>- ვფიქრობ, შერკინებაში მაინც არ გაგვიჭირდება. საქართველოს ნაკრებში პირველი ხაზი ყოველთვის მოწოდების სიმაღლეზეა. კარგია, რომ ბოლო პერიოდში შერკინება და უკანა ხაზი გაცილებით დაბალანსებულად თამაშობს, მაგრამ რაც უნდა ძლიერი ხაზის მოთამაშეები გყავდეს, პრიორიტეტი მაინც შერკინებას ეკუთვნის. შერკინება მხოლოდ ხაზის კარგი თამაშის წყალობით ვერ ითამაშებს, პირველი ხაზის უპირატესობა კი უკანახაზელთა თამაშზეც აისახება...</p><p><strong>- მომავალ მეტოქეებზე რას იტყვით?</strong></p><p>- ასეთ ნაკრებებთან კიდევ ერთხელ თამაში ჩვენთვის დიდი პატივი და გამოცდილება იქნება. კანადას და აშშ-ს ძალიან ძლიერი გუნდები ჰყავთ, სამოა კი გაცილებით მაღალი დონეა. საწყისი ორი მატჩი აუცილებლად უნდა მოვიგოთ, სამოასთან სათამაშოდ გამარჯვებულის ფსიქოლოგიით რომ გავიდეთ.</p><p>თუმცა მომდევნო მატჩებზე ჯერ არც ვფიქრობთ - პირველი თამაში კანადასთან გვაქვს და ჯერ მხოლოდ "ნეკერჩხლებთან" შეხვედრაზე ვართ კონცენტრირებულნი...</p><p><strong>- სოჭის ოლიმპიადაზე ქართული დელეგაციის მონაწილეობის საკითხზე დიდი აჟიოტაჟია ატეხილი. რას ფიქრობს ამ საკითხზე იმ გუნდის კაპიტანი, რომელსაც რუსი მორაგბეების წინააღმდეგ სოჭში არაერთხელ უთამაშია? </strong></p><p>- მართალი ხართ, არაერთხელ მითამაშია სოჭში და რა უფლება მაქვს, სხვას დავარიგო ჭკუა, წავიდეს თუ არა?! მიმაჩნია, რომ ამ შემთხვევაში ბოიკოტი სწორი გადაწყვეტილება არ იქნება.</p><p>და თუ წავლენ, გაორმაგებული მოტივაციით უნდა იბრძოლონ და დაამტკიცონ, რა შეუძლიათ...</p><p>ესაუბრა რატი შელეგია</p><p><strong>გაზეთი "ყველა სიახლე"</strong></p>
PARFIUMER
ჭკუას კი არავის ვარიგებ, მაგრამ ცუდი არ იქნებოდა ფეხბურთელებიც მოქცეულიყვნენ ასე, დიდი კარიერის შემდეგ ერთი ან ორი წლით საკუთარ ჩემპიონატში გამოსვლა და სხვებისთვის გამოცდილბის გაზიარება კარგი საქმეა... მახსოვს ნემსაძის დიდი დამსახურება დინამო რომ უეფას თასის ჯგუფში გავიდა... დიდ პატივს ვცემ იაშკას და იქნებ მომავალი სეზონი საქართველოს ჩემპიონატში ითამაშოს.
გვაქვს თუ არა რეგრესი? - "ბორჯღალოსნების" მიერ გამართული ივლისის ტესტების შეჯამება
მეცხრე ადგილი მსოფლიო ჩემპიონატზე - საქართველომ შოტლანდია დაამარცხა
მარცხი მოსალოდნელი შედეგით - საქართველოს ნაკრები სამხრეთ აფრიკასთან დამარცხდა
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
წიტაიშვილი და აბუაშვილი შეცვლაზე და "მეცის" ფრე "ჰავრთან"
იური ტაბატაძე შეცვალეს - "კადისი" "სეუტასთან" ფრეს დასჯერდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
დიდი 10. XII ტური: რა დაემართა "ბაგრატს"?
საქართველოს რაგბის ეროვნული ნაკრები, სულ რაღაც, ერთ თვეში თბილისში ირლანდიის ნაკრებს ხვდება!
დიდი 10. XVII ტური: "არმაზმა" შანსი შეინარჩუნა
[დღის თემა] ყველაზე მეტად პასუხს ჩვენ მოგთხოვთ - რას ითხოვს სარაგბო ოპოზიცია?
ჯორჯიის შტატი მსოფლიო თასზე საქართველოს მორაგბეთა ნაკრებს უქომაგებს - ოფიციალური განცხადება
ხელჩართული ჩხუბი საქართველოს სარაგბო ჩემპიონატში [VIDEO]
დიდი 10: აუტსაიდერების მატჩში "არმაზმა" "ყოჩები" დაამარცხა
დემეტრე დევდარიანი - „მჯერა, ამ გუნდით ყველაფრის მიღწევა შეგვიძლია“
”ბორჯღალოსნები” გლოსტერისკენ დაიძრნენ [ბესიკ ჯანგავაძე ბრისტოლიდან]
დიდი 10: "აკადემიამ" "არმაზს" სძლია და მეორე ადგილზე დამკვიდრდა
"არ ვითხოვთ ფულს, ვითხოვთ შესაძლებლობას" - ლევან მაისაშვილი
დიდი 10: "ჯიქმა" "არმაზი" დაამარცხა და წელი სერიით დაასრულა
დიდი 10: "ხარებმა" "არმაზი" დაამარცხა და გალიდერდა
სავსე ტრიბუნების დროა!
ბენდტნერს ტრუსების ჩვენება უფრო ძვირი დაუჯდა, ვიდრე ბულგარელებს ნაციზმი - 29 ოქტომბრის დაიჯესტი
საქართველო ირლანდიას მასპინძლობს - პირველი შეხვედრა თბილისში!
"არმაზი" - მარნეულის სახელით პლეი-ოფისთვის
ირაკლი მაჩხანელი: სამწუხაროდ, ძაღლი და კატაც რაგბიზე ლაპარაკობენ