<p><span style="line-height: 1.3em;" />"რენი" ქარმა წაიღო <br> </span><strong><span style="color: #ff0000;">ზლატანი</p><p></span></strong>პსჟ სანაკრებო პაუზაზე გულდამშვიდებული გავა. ლორან ბლანის გუნდმა "ანდერლეხტთან" ვერმოგების ჯავრი "ნიცაზე" იყარა, რომელსაც ცალი ფეხით გაუსწორდა და იმის წყალობით, რომ უშუალო კონკურენტებმა "იყოჩაღეს", მდევრებთან სხვაობაც კიდევ უფრო გაზარდა.</p><p>"ნიცა" შეხვედრის დებიუტში კინაღამ დაწინაურდა და მერე მეტოქეს დიდხანს უძალიანდებოდა, მაგრამ 39-ე წუთზე მაინც გატყდა - გრეგორი ვან დერ ვილმა თავის მარჯვენა ფლანგზე გაინავარდა და მორიგი საგოლე პასი მიითვალა, ზლატან იბრაჰიმოვიჩმა დავიდ ოსპინას არყოფნაში ნიცელთა კარში ჩამდგარ ლუკა ვერონეზეს დაასწრო.</p><p>სხვაობა იმავე იბრაჰიმოვიჩის ჯადოქრობის წყალობით გაიზარდა - მან დიდებული, დახვეწილი პასი გაუკეთა ედინსონ კავანის, ვერონეზეს აქაც დაასწრეს და სტუმართა გოლკიპერმა ურუგვაელი მოცელა. პენალტის ნიშნულთან არა კავანი, არამედ ზლატანი მივიდა და უნაკლოდ დაარტყა.</p><p>სტუმრებმა პსჟ-ს ოდნავ მოდუნება კი არ აპატიეს და სხვაობა შეამცირეს, მაგრამ პარიზელებმა ისინი უმალვე თავიანთ ადგილას დააყენეს - შეცვლაზე წუთის შემოსულმა ლუკასმა ფლანგზე იცელქა და იბრაჰიმოვიჩს ჩაუწოდა, რომელმაც ჰეთ თრიქი გაიფორმა. ეს ლუკასის მეოთხე საგოლე პასი იყო. იგი გუნდის საუკეთესო მეპასეა. ხოლო იბრამ მერვე გოლი გაიტანა. ცოტაც და ის ბომბარდირთა სიის სათავეში აღმოჩნდება.</p><p><em></p><p>"პირველ 5 წუთში "ნიცას" გატანა შეეძლო, თუმცა ამის შემდეგ ჩვენ მატჩის მსვლელობას ვაკონტროლებდით. მინდვრის საფარი არც ისე კარგ მდგომარეობაში იყო და ეს ხელისშემშლელი ფაქტორი გახლდათ. მშვენიერი საღამო გამოვიდა სანაკრებო პაუზის წინ"</em> - თქვა ბლანმა.</p><p>"ნიცას" თავკაცი კლოდ პუელი: <em>"თამაშით კმაყოფილი ვარ. გვქონდა მომენტებიც და შემართება მომეწონა. წავაგეთ, მაგრამ დარწმუნებული ვარ, ჩემი ახალგაზრდა გუნდისთვის ეს მატჩი ძალიან სასარგებლო იყო".</p><p></em></p><p><p><div style="text-align: center;"> <p><div style="text-align: center;"><strong><span style="color: #ff0000;"><span style="font-size: x-small;">იხილეთ ვიდეო</span></span></strong></div></p> <p><div style="text-align: center;"><a href="/mtavari/video.html?view=video&video=3183" target="_blank"><img src="pictures/artimages/image16/765c29f930fa79693ab5b9fe0f75d123.jpg" border="0" alt="Sportall.Ge" title="ზლატან იბრაჰიმოვიჩი: პსჟ ახლა უფრო ძლიერია, ვიდრე ანჩელოტის დროს [VIDEO]" /></a></div></p> </div></p></p><p><strong><span style="color: #ff0000;">კეთილი და პატიოსანი</span></strong></p><p>"მონაკო" საკუთარ "ლუი მეორეზე" ძალიან მძიმედ გამოიყურებოდა და ნელ-ნელა კრიზისზეც იწყება ლაპარაკი. გუნდს ვერც ემანუელ რივიერის დაბრუნებამ უშველა. კლაუდიო რანიერი წესიერი, კეთილი და პატიოსანი კაცია, უპრობლემოდ აღიარა, წაგება გვეკუთვნოდაო. "ევიანი" იგებდა კიდეც, გოლი გუნდის დაუღალავმა დანიელმა გარემარბმა დანიელ ვასმა გაიტანა მოდუ სუგუს პასით, თუმცა "მონაკომ" მალევე გაათანაბრა, კლასისა და ინდივიდუალური ოსტატობის ხარჯზე - ჯეიმს როდრიგესმა რადამელ ფალკაოს მე-9 გოლი გაატანინა, რომელიც კავანისთან ერთად, ბომბარდირთა სიაში გაალიდერა. როდრიგესი კი მეპასეთა რეიტინგშია პირველი 5 საგოლე გადაცემით.</p><p>სტუმართა მხრიდან მარტო სუგუს რამდენჯერმე უნდა გაეტანა, მაგრამ სენეგალელმა ვერ იხეირა. მონაკოელებმა კი მეტოქეს კარში სულ ორჯერ დაურტყეს.</p><p><em></p><p>"ჩვენ ქულა მოვიპოვეთ. "ევიანს" მოგება ეკუთვნოდა, სტუმრებს 3:1 რომ მოეგოთ, სამართლიანი იქნებოდა. გუნდურობა გვაკლდა და მარტო ინდივიდუალურად ვცდილობდით ფონს გასვლას, ეს კი ცუდია. მე მსურს, მინდორზე მებრძოლი და შემართული ჩემპიონები ვნახო ხოლმე. შეიძლება ვინმე ფიქრობდა, რომ ყველაფერი ადვილი იქნებოდა, მაგრამ ფეხბურთი ადვილი არ არის და სულ კონცენტრირებული უნდა იყო"</em> - განაცხადა რანიერიმ.</p><p><strong><span style="color: #ff0000;">იქით-აქეთ</span></strong></p><p>ეს ტური ფრეებითა და წითელი ბარათებით დახუნძლული გამოდგა. დავიწყოთ იმით, რომ "გენგამთან" რთული გასვლა ვერ მოიგო "ლილმა", მაგრამ არც წააგო და გოლი კვლავაც არ გაუშვა. საინტერესოა, რომ ორივე მწვრთნელი კმაყოფილი დარჩა შედეგით. რენე ჟირარმა თქვა, როცა ვერ იგებ, უნდა იცოდე, როგორ არ წააგოო... მას 4 წამყვანი ფეხბურთელი აკლდა და გადაადგილებების გაკეთება მოუხდა.</p><p>ჟირარმა თავისი შეგირდები შეაქო და ისურვა, რომ სანაკრებო პაუზის მერე ყველა მწყობრში ჰყავდეს. "ლილი", რომელმაც მატჩის ბოლო 10 წუთი რიცხობრივ უპირატესობაში ჩაატარა, მეორე ადგილზე რჩება.</p><p>უგოლობა და წითელი ბარათი იყო ლორიანშიც. ისევ არ წააგო "რეიმსმა", არადა, მასპინძლებს, მიუხედავად იმისა, რომ ფლობდნენ უპირატესობას, დაახლოებით 20 წუთი ათი კაცით მოუხდათ თამაში. თუმცა რეიმსელთა ტოგოელმა მეკარემ კოსი აგასამ მეხუთედ შეინახა კარი მშრალად, ეს გუნდის მეოთხე 0:0 იყო.</p><p>"ვალანსიენი" სწრაფი გოლის წყალობით მთელი მატჩის მანძილზე უგებდა "მონპელიეს" და გასავარდნი ზონიდანაც ამოდიოდა, მაგრამ 91-ე წუთზე უკვე ათი კაცით დარჩენილმა სტუმრებმა ანგარიშის გათანაბრება შეძლეს და უნდა ვაღიაროთ, რომ ეს სამართლიანი იყო, რადგან ჟან ფერნანდესის გუნდს მომენტები ჰქონდა.</p><p>"ტულუზმა" "აიაჩო" დაბომბა, მაგრამ ერთი გოლის მეტი ვერ გაუტანა, ხოლო კორსიკელებმა ერთხელ დაარტყეს და... ალენ კაზანოვა გაცეცხლებული იყო, "აიაჩოს" ახალი თავკაცი კრისტიან ბრაკონი კი პირიქით, გახარებული, მას კარგი დებიუტი გამოუვიდა.</p><p>"არმან სეზარიზე" "ბასტიამ" "ლილიდან" ნათხოვარი ჯანი ბრუნოს ადრეული გოლით "რენი" დასცა. ბრეტონელების თავკაცი ფილიპ მონტანიე მატჩის შემდეგ ყველაფერს ქარს, უიღბლობასა და მინდვრის საფარის უხარისხობას აბრალებდა. ისე, კორსიკაზე მართლა სერიოზული ქარი იყო.</p><p><strong><span style="color: #ff0000;">კვირა</span></strong></p><p>მშვენიერი სერიის მერე "ბორდომ" ძალიან პრინციპული მატჩი წააგო მიშელ დერ ზაქარიანის "ნანტთან", რომელიც აღარ ხუმრობს. "იადონებმა" "შაბან დელმაზე" შთამბეჭდავად მოიგეს და მეოთხე ადგილზე კომფორტული ბუდე აქვთ გაკეთებული. ცოტაც და, ისინი ნისკარტს ჩემპიონთა ლიგის ზონაში ჩაყოფენ - შემდეგ ტურში "ნანტი"-"მონაკოა".</p><p>ისევ გაიტანა ფილიპ ჯორჯევიჩმაც. სერბს უკვე 8 გოლი აქვს, თანაც, უშუალო კონკურენტებისგან განსხვავებით - ყველა თამაშიდან, არც ერთი პენალტით.</p><p>"მარსელმა" უკვე იცოდა, რომ "მონაკომ" და "ლილმა" ქულები დაკარგეს, ხოლო "ნანტმა" მოიგო და ძალიან წინ "გაიქცა". ამიტომაც ელი ბოპს მოგება უკვე ორმაგად ესაჭიროებოდა. აკი გითხარით, ფლორიან ტოვენი ბრწყინვალე ფორმაშიაო, მან უკვე მე-4 წუთზე დააწინაურა "მარსელი".</p><p>თუმცა "სოშოს" მხრიდან "საუთჰემპტონიდან" მოყვანილმა ემანუელ მაიუკამ გაათანაბრა და "ველოდრომი" ისევ ცრემლების ღვრისთვის ემზადებოდა, სტუმართა კარში პენალტი რომ დაინიშნა. შეცვლაზე 3 წუთის შემოსულმა ანდრე პიერ ჟინიაკმა ზუსტად დაარტყა და მატჩის გმირადაც იქცა.</p><p><strong><span style="color: #ff0000;">ლიგა 1. XIII ტური</span></strong></p><p><strong><em>მონაკო-ევიანი 1:1</p><p></em></strong>გოლები: 0:1 ვასი (20), 1:1 ფალკაო (27)</p><p>მონაკო (4-3-3): სუბაშიჩი - ფაბინიო (83. რაჯი), რ. კარვალიო, აბიდალი, კურჟავა - მოუტინიო (68. კონდოგბია), ჯ. როდრიგესი, ტულალანი - ოკამპოსი, ფერეირა კარასკო (68. რივიერი), ფალკაო</p><p><strong><em>პსჟ-ნიცა 3:1</p><p></em></strong>გოლები: 1:0 იბრაჰიმოვიჩი (39), 2:0 იბრაჰიმოვიჩი (57-პენ.), 2:1 პიეჩინოვიჩი (70), 3:1 იბრაჰიმოვიჩი (76)</p><p>პსჟ (4-3-3): სირიგუ - ვან დერ ვილო, ალექსი, ტიაგო სილვა, მაქსველი - მატუიდი, ტიაგო მოტა, რაბიო - პასტორე (75. ლუკასი), კავანი (79. მენეზი), იბრაჰიმოვიჩი</p><p><strong><em>ბასტია-რენი 1:0</p><p></em></strong>გოლი: 1:0 ჯ. ბრუნო (8)</p><p><strong><em>ლორიანი-რეიმსი 0:0</p><p></em></strong>გაძევება: ბარტელმე (72)</p><p><strong><em>გენგამი-ლილი 0:0</p><p></em></strong>გაძევება: მატის (80. გენგამი)</p><p><strong><em>ტულუზი-აიაჩო 1:1</p><p></em></strong>გოლები: 0:1 ლასნე (7), 1:1 სილა (42)</p><p><strong><em>ვალანსიენი-მონპელიე 1:1</p><p></em></strong>გოლები: 1:0 ანგუა, 1:1 სტამბული (90)</p><p>გაძევება: დეპლანი (74. მონპელიე)</p><p><strong><em>ბორდო-ნანტი 0:3</p><p></em></strong>გოლები: 0:1 ბესატი (41), 0:2 ჯილობოჯი (60), 0:3 ჯორჯევიჩი (64)</p><p><strong><em>მარსელი-სოშო 2:1</p><p></em></strong>გოლები: 1:0 ტოვენი (4), 1:1 მაიუკა (60), 2:1 ჟინიაკი (83-პენ.)</p><p>მარსელი (4-2-3-1): მანდანდა - აბდალა, ნკულუ, დიავარა, მენდი - რომაო, შეირუ (75. ხელიფა) - ვალბუენა (84. იმბულა), ტოვენი, პაიე - ჯ. აიუ (80. ჟინიაკი)</p><p><strong><em>სტ. ეტიენი-ლიონი 1:2</p><p></em></strong></p><p><strong>ბომბარდირები:</strong> 9 - ედინსონ კავანი (პსჟ), რადამელ ფალკაო (მონაკო); 8 - ზლატან იბრაჰიმოვიჩი (პსჟ), ფილიპ ჯორჯევიჩი (ნანტი); 7 - ნელსონ ოლივეირა (რენი), დარიო ცვიტანიჩი (ნიცა); 6 - კევინ ბერიგო (ევიანი), ემანუელ რივიერი (მონაკო), შეიკ დიაბატე (ბორდო)</p><p><strong>მომდევნო ტური</strong></p><p><span style="text-decoration: underline;">22 ნოემბერი. </span></p><p>აიაჩო-მარსელი;</p><p><span style="text-decoration: underline;">23 ნოემბერი.</p><p></span>რეიმსი-პსჟ, ევიანი-ლორიანი, ლიონი-ვალანსიენი, მონპელიე-გენგამი, რენი-ბორდო, სოშო-ბასტია;</p><p><span style="text-decoration: underline;">24 ნოემბერი.</p><p></span>ლილი-ტულუზი, ნიცა-სტ. ეტიენი, ნანტი-მონაკო.</p><p><strong>ყოველდღიური სპორტული გაზეთი "ლელო"</strong></p>
პსჟ-ს ტრავმის გამო კიდევ ერთი ფეხბურთელი გამოაკლდა
"სიტი" პსჟ-ს კიდევ ერთი ვარსკვლავის გადაბირებას ცდილობს
"ზაბარნის ყველაფერში დავეხმარები" - მარკინიოსმა უკრაინელ მცველს თანადგომა აღუთქვა
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
წიტაიშვილი და აბუაშვილი შეცვლაზე და "მეცის" ფრე "ჰავრთან"
იური ტაბატაძე შეცვალეს - "კადისი" "სეუტასთან" ფრეს დასჯერდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
ᓡᓐ
ლიგა 1. სეზონის I ნაწილის შეჯამება: იბრა, პსჟ და სხვები
ლორან ბლანმა კვლავ ფრანგული გუნდი ჩაიბარა
“ბარსელონა” მწვრთნელზე შეჯერდა, ხავი თამაშგარე დარჩა?
[VIDEO] "იყავი ჩუმად, ვიდრე შენზე უკეთეს ფეხბურთელს არ გეტყვი" - რა გააკეთა გამოწვევაზე ვარსკვლავების ჩამოთვლისას იბრაჰიმოვიჩმა
"ზლატანს "ოქროს ბურთი" ამის გამო არ მისცეს" - მუნტარიმ იბრაჰიმოვიჩის შესახებ ისაუბრა
ორი მთავარი კანდიდატი - "რომას" ახალი შესაძლო მთავარი მწვრთნელების ვინაობა ცნობილია
რადამელ ფალკაოს მამა ჩოგბურთის თამაშისას გარდაიცვალა
საფრანგეთი. ლიგა 1. XXIII ტურის წინ: პარიზელებმა ისევ მოიგეს
სპალეტის იტალიის ნაკრებიდან უშვებენ? - "ნაპოლის" ყოფილი მწვრთნელის შესაძლო შემცვლელებიც ცნობილია
ლუჩიანო სპალეტი იტალიის ნაკრებიდან დაითხოვეს
"გაგიკვირდებათ, მაგრამ საუკეთესოა ვისთანაც მითამაშია" - ბალოტელიმ ყოფილი თანაგუნდელი გამოარჩია
La Stampa: კლოპმა შეთანხმმებას მიაღწია და სერია A-ს კლუბს ჩაიბარებს
საფრანგეთის თასი. 1/8-ფინალი: კანში ნიანგი ჩაყლაპეს
"ჩელსის" სამი არჩევანი - ბლანი, სარი და ახლა უკვე ზიდანიც?
იტალიის ნაკრების მწვრთნელი კლაუდიო რანიერი გახდება
ᕡᜐᓤᕠᜐ
ლორან ბლანი: საფრანგეთი - ბელგიის ნახევარფინალში გამარჯვებული მსოფლიოს ჩემპიონატს მოიგებს
"მესი პსჟ-სთან არ დამარცხებულა, იცით, ეს რატომ მოხდა?" - ზლატან იბრაჰიმოვიჩი
მესი სიაში ვერ მოხვდა - რამოსმა დაასახელა 2 შემტევი, ვის წინააღმდეგაც თამაში ყველაზე მეტად უჭირდა
ზუსტად 4 წლის წინ ჩემპიონთა ლიგის ისტორიაში ერთ-ერთი საუკეთესო შეხვედრა გაიმართა [VIDEO]
ფალკაო ევროპის კონტინენტს ტოვებს - ვეტერან კოლუმბიელს მექსიკაში უხმობენ
რადამელ ფალკაოს ქანდაკება რონალდოსა და ბეილისაზე უარესია
"ბარსელონა" ბლანის მწვრთნელად დანიშვნას არ განიხილავს
მოულოდნელი უარი - რანიერიმ ბოლო მომენტში იტალიის ნაკრების გაწვრთნა არ ისურვა
"ჩელსი" ახლოსაა, ლორან ბლანთან შეთანხმებას მიაღწიოს
საფრანგეთი. ლიგა 1. XXV ტურის წინ: გამარჯვება ან არაფერი
ფალკაოს უნდა კარიერა ბექჰემის გუნდში დაასრულოს
42 წლის იბრაჰიმოვიჩი: სეზონში 30 გოლს ახლაც გავიტანდი
"რეალს" როდრიგო ეძვირა, რადამელ ფალკაოს შეძენა კი არ ისურვა