<p>საქართველოს ეროვნული ჩემპიონატი. უმაღლესი ლიგა. XVI ტური <br> ეს მატჩი წინა დღეს ქობულეთში უნდა გამართულიყო, მაგრამ "ჩელე არენაზე" თოვლის გაწმენდა ვერ მოხერხდა. ანალოგიური პრობლემა სამტრედიაშიც შეიძლებოდა, ყოფილიყო, მაგრამ ქუთათურები "მასპინძლებს" თოვლის გამწმენდი მანქანებით შეეშველნენ და გადათეთრებული "ეროსი მანჯგალაძე" თამაშისთვის მთლიანად "გაამწვანეს"...</p><p>ლანჩხუთელებს რომ არც უფულობა აბრკოლებთ და არც უვარჯიშებლობა, ადრეც არაერთხელ დამტკიცებულა; ახლა კი გაირკვა, რომ მათთვის არც ამინდს ჰქონია მნიშვნელობა. როგორი საქმეა? - სხვადასხვა მიზეზის გამო რომან პოკორას შეგირდებს ლამის ერთი თვეა, წესიერად არ უვარჯიშიათ, თუმცა მოყინულ მოედანზეც კი ბოლო წუთამდე ბრძოლას მაინც ახერხებენ.</p><p>არადა, მატჩის დასაწყისი "ტორპედოს", თითქოს, ცუდს არაფერს უქადდა - ქუთათურები უფრო ლაღადაც აგორებდნენ ბურთს და პირველი ხიფათიც შექმნეს: მინდია ბობღიაშვილს კარი დროზე რომ არ დაეტოვებინა, სტუმრები ანგარიშს უკვე მე-5 წუთზე გახსნიდნენ.</p><p><img src="pictures/artimages/image16/3fb07f5689e6c603caf40b237ee941aa.jpg" border="0" alt="Sportall.Ge" title="გურია-ტორპედო 2:0 - ნახეთ, კოშკაძის კუთხურიც გოლია! [VIDEO]" width="180" style="border: 0px none; float: left; margin: 5px;" />საერთოდ, გურულები უფრო გამოცდილებისა და მაქსიმალური მონდომების ხარჯზე ცდილობენ ხოლმე უპირატესობის მოპოვებას, რაც ბევრჯერ გამოუვიდათ და ასე იყო ამჯერადაც: მე-8 წუთზე ალეკო შენგელიას ფლანგურ გარღვევას კუთხური მოჰყვა, რომელიც მისმა სეხნია კოშკაძემ პირდაპირ კარში "ჩაახვია" - ქუთათურთა გოლკიპერი მის ზურგს უკან ჩაშვებულ ბურთს თითებს თუ წაჰკრავდა - 1:0.</p><p>მალევე შენგელიას აქტიურობას (ასევე აღნიშვნის ღირსია იმავე ფლანგის მცველ არნო ჩუენსუს კარგი თამაში) კინაღამ მეორე გოლი მოჰყვა, როცა მასპინძელთა მარჯვენაფლანგელის დარტყმული მცველს მოხვდა და კარს ცოტათი ასცდა.</p><p>ამის მერე ერთხელ ბობღიაშვილმა ითამაშა საიმედოდ, მეორედ კი ჩიკვილაძის მიერ მეტად სახიფათოდ შესრულებული საჯარიმო ქვილითაიამ უხერხულად და არადამაჯერებლად მოიგერია, თუმცა ქუთათურები გადარჩნენ.</p><p>მალევე შანსი ჯერ შენგელიას, შემდეგ კი უკეთეს პოზიციაში მყოფ ისიანსაც მიეცა, მაგრამ ამით ვერც ერთმა ვერ იხეირა.</p><p>გაცილებით სახიფათო იყო 31-ე წუთზე ტორპედოელთა სწრაფი კონტრშეტევა - ჯიქიას უძლიერესი დარტყმა მცველმა თავის თავზე აიღო, მაგრამ სტუმრები მიიჩნევდნენ, რომ იობაშვილმა ხელით ითამაშა.</p><p>ჟერარდ სარაგოსა ამ ეპიზოდს ტაიმის ბოლომდე აპროტესტებდა, შესვენებისას კი მოედანზე შევიდა და იქ ითხოვდა არბიტრ ლევან კვარაცხელიასგან განმარტებებს, რომელმაც საერთო ჯამში, მატჩი დამაჯერებლად ჩაატარა.</p><p>ცალკე აღნიშვნის ღირსია კაპიტან კოშკაძის ჩინებული თამაში - გამოცდილ მობურთალს ბოლო ტურებში აშკარად "მეორე სუნთქვა" გაეხსნა. ამჯერადაც ის იყო გურულთა ლამის ყველა შეტევის წამომწყები.</p><p>განსაკუთრებით სახიფათო ის "სტანდარტულების" შესრულებისას იყო. ერთ-ერთი ასეთი ეპიზოდისას მისი დარტყმული მეკარემ მოიგერია და როცა იობაშვილი ამატებდა, თავისიანები გიგაურმა გადაარჩინა.</p><p>73-ე წუთზეც გურულთა კაპიტანმა საჯარიმო დარტყმა ისევ კარისკენ გაგზავნა. ბურთს თავი შენგელიამ გაჰკრა და... 2:0.</p><p><p><div style="text-align: center;"><span style="font-size: x-small;"><span style="color: #ff0000;"><strong>იხილეთ ვიდეო</strong></span></span></p><p><a href="/mtavari/video.html?view=video&video=3343" target="_blank"><img src="pictures/artimages/image16/396f841323047b884001bbc881637d14.jpg" border="0" alt="Sportall.Ge" title="გურია-ტორპედო 2:0 - ნახეთ, კოშკაძის კუთხურიც გოლია! [VIDEO]" /></a></div></p> თუმცა ამ ეპიზოდამდე ქუთათურებს მატჩის გადარჩენა შეეძლოთ - შეცვლაზე შესულმა მზევაშვილმა ათიოდ მეტრიდან თავურით ბურთი წინ გამოსულ ბობღიაშვილს "გადაუკიდა", მაგრამ "გურიას" მეკარემ შესაშური რეაქცია გამოავლინა და ბურთი სასწაულებრივად გადააგდო კუთხურზე.</p><p>იმავე მზევაშვილს ბოლო წამებზეც შეეძლო ამჯერად პრესტიჟის გოლის გატანა, მაგრამ მცველს გაცდენილი და მეკარესთან პირისპირ შეყრილი - კუთხისკენ წავიდა და მცველებმა ეპიზოდი განმუხტეს.</p><p><p><div style="text-align: center;"><span style="color: #ff0000;"><strong>* * *</strong></span></div></p> უმაღლესი ლიგის მე-16 ტურის გადადებული მატჩი "ჩიხურა"-"მერანი" "მცხეთა პარკზე" 11 დეკემბერს, 14:00 სთ-ზე გაიმართება.</p><p><strong>ყოველდღიური სპორტული გაზეთი "ლელო"</strong></p>
ოფიციალურად: "კოლოსმა" ზურაბ რუხაძე წარადგინა
საქართველოს ახალგაზრდული ნაკრების ფეხბურთელი უკრაინულ კლუბში გადავიდა
თემურ ქეცბაიამ შესაძლოა, ქართული გუნდი ჩაიბაროს - მან "ანორთოსისში" დაბრუნებაზე უარი თქვა
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
შენგელია: გასაკვირია ჯიკიჩი ევროლიგის გუნდს რომ არ წვრთნის
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!
[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
ყველაზე მეტი მატჩი - ალექსანდრე კოშკაძე ეროვნული ლიგის აბსოლუტური რეკორდსმენია
თბილისის "ლოკომოტივი", შესაძლოა, გიორგი დევდარიანმა გაწვრთნას
დინამო (თბ)-ლოკომოტივი 3:1 - კიტეიშვილის ჰეთ-თრიკით [VIDEO]
თბილისის "ლოკომოტივი": გიორგი დევდარიანის კანდიდატურა განიხილება
ლანჩხუთის "გურია" რუსი მცველით გაძლიერდა
ყველაზე გამოცდილი ქართველი ფეხბურთელი ეროვნულ ლიგა 3-ში ითამაშებს
მარტოდმარტო, ბინძურ ბინაში მოკვდა - ლანჩხუთის "გურიას" ექს-ფეხბურთელის ტრაგიკული ისტორია
საქართველოს ჩემპიონატი და ლეგიონერები: სარეკორდო სეზონი
იმედია, ყველა არ გავარდება - დღეს ქართულ კლუბებს განმეორებითი მატჩები აქვთ
რა გეგმა აქვს შუსტერს? - დღეს 2 ქართული კლუბი ითამაშებს
უმაღლესი ლიგის X ტურის წინ: ყოველმხრივ არაპროგნოზირებადი...
დღეს სამი ქართული კლუბი ითამაშებს - წაგებით დავიწყეთ...
აქტუალური თემა: სამწვრთნელო კარუსელი
ლანჩხუთის "გურიას" გაწვრთნა გიგლა იმნაძეს შესთავაზეს
ლანჩხუთის "გურია" აუქციონზე 34 000 ლარად იყიდება
გურია-ზუგდიდი 5:0 - ლანჩ-ხუთი! [VIDEO]
უმაღლესი ლიგის I ეტაპის შეჯამება: ლანჩხუთის "გურია"
ეროვნული ლიგა 2: სატურნირო ინტრიგა აქაც აქტუალურია
ოთხიდან ოთხივე გავარდა - რა ვიხილეთ ქართული გუნდებისგან ევროტურნირებზე?
საბრძოლო ანგარიშებით საპასუხო მატჩებში - კონფერენს ლიგის მეორე რაუნდის პირველი შეხვედრების მიმოხილვა
გიორგი დევდარიანი ახალ გუნდს აანონსებს: ყველაფერი შეიცვლება!
გურია-დინამო 2:1 - გურული ფირალები და გაძარცვული ჩემპიონი [VIDEO]
საქართველო მხოლოდ 5 ქვეყანას უსწრებს - UEFA-მ კლუბების შედეგების მიხედვით, ახალი რეიტინგი გამოაქვეყნა
გულვერდ თომაშვილი "გურიაში" - კიდევ ერთი გამოცდილი ფეხბურთელი
ლანჩხუთის "გურია": ვინ იქნება მთავარი მწვრთნელი?
ლანჩხუთის "გურია": რომან პოკორა, რბილად რომ ვთქვათ, იტყუება!
"გურია" - ფონდი "ქართუს" დაფინანსების მოლოდინითა და დიდი გეგმებით...
ლანჩხუთის "გურია": თემურ ლორია არა, გუნდს ისევ დავით მახარაძე გაწვრთნის
ჩვენ და ბერძნები: იქნებ ახლა მაინც გატყდეს ნავსი!..