<p>"...ბექა ღვინიაშვილის წარმატება ჩემთვის ორმაგად სასიხარულოა, რადგან წონაში ძლიერი კონკურენტი მეყოლება და მოდუნების შესაძლებლობას არ მომცემს" <br> არამხოლოდ ევროპისა და მსოფლიოს, <strong>ვალერი ლიპარტელიანი</strong> უკვე "ევრაზიის" ჩემპიონიც არის.</p><p>გასულ კვირას ტიუმენში ძიუდოსთვის უჩვეულო ტურნირი გაიმართა - ევროპა აზიის წინააღმდეგ! ქალთა და მამაკაცთა ტურნირები პარალელურად ჩატარდა და არც გენდერული თანასწორობა დარღვეულა - ქალებიც და ვაჟებიც ტატამზე 7-7 წონით კატეგორიაში იყვნენ წარმოდგენილნი.</p><p>შვიდიდან ორ წონაში ევროპელთა ღირსებას ჩვენებურები იცავდნენ - საქართველოს 2013 წლის საუკეთესო სპორტსმენი <strong>ავთანდილ ჭრიკიშვილი</strong> (81 კგ) და ვალერი ლიპარტელიანი (90კგ).</p><p>წესით, ქართული "დესანტი" კიდევ უფრო შთამბეჭდავი უნდა ყოფილიყო, მაგრამ, როგორც ჩანს, ორგანიზატორებს შვიდ წონაში სამი ქართველი მეტისმეტად ებევრათ და... ტურნირის დაწყებამდე რამდენიმე დღით ადრე მძიმეწონიანი <strong>ადამ ოქრუაშვილი</strong> რუსი ალექსანდრ მიხაილინით შეცვალეს.</p><p>საბოლოოდ, ევროპელებმა დიდი უპირატესობით (10:4) იმარჯვეს, საერთო ყულაბაში კი მხოლოდ ერთი ქართული ქულა "ჩაჩხრიალდა": ჭრიკიშვილი უზბეკ იმამოვთან დამარცხდა, ლიპარტელიანმა კი სამხრეთკორეელ მსოფლიო ჩემპიონ კიუ-ვონ ლეეს აჯობა.</p><p>ევროპის, მსოფლიოს და ევრაზიის ჩემპიონთან ინტერვიუ სწორედ ტიუმენური შთაბეჭდილებებით დავიწყეთ:</p><p>- ჩემს კარიერაში ეს ერთ-ერთი საუკეთესო ტურნირი გახლდათ. არც ორგანიზება დაეწუნებოდა და ძლიერმა შემადგენლობამაც მოიყარა თავი როგორც ევროპის, ისე აზიელთა მხრიდან. კონტინენტის ნაკრებში მოხვედრა სპორტსმენისთვის დიდი პატივია. მით უმეტეს, როცა ამას გამარჯვებაც ემატება...</p><p>დანამდვილებით შემიძლია გითხრათ, რომ თავი ტურნირის ერთ მონაწილესაც კი არ დაუზოგავს! საქმეს ყველა სერიოზულად მიუდგა და ევროპა-აზიის დაპირისპირებას მხოლოდ შოუს სახე ნამდვილად არ ჰქონია. შედარებით უჩვეულო ის გახლდათ, რომ თითოეულ მონაწილეს ტურნირზე მხოლოდ ერთი ორთაბრძოლის გამართვა უწევდა. ფაქტობრივად, ფინალს ვჭიდაობდით და მაქსიმალურად ვიყავით მობილიზებულნი.</p><p><strong>- შენს ორთაბრძოლას როგორ გაიხსენებ? როგორც მახსოვს, სამხრეთკორეელ მსოფლიო ჩემპიონ კიუ-ვონ ლეეს კარგა ხანია აღარ შეხვედრიხარ...</strong></p><p>- 2008 წელს, მსოფლიოს ახალგაზრდულ ჩემპიონატზე რომ შევხვდით ერთმანეთს, მას მერე ჩვენი გზები აღარ გადაკვეთილა. ლეე ძლიერი მოჭიდავეა, 2009 წლის მსოფლიო ჩემპიონი. ასე რომ, იოლად ნამდვილად არ მომიგია, მაგრამ მთავარია, რომ გავიმარჯვე და ევროპის ნაკრებს ქართული ქულითაც შევეწიე...</p><p><strong>- კარგი იქნებოდა, ჭრიკიშვილსაც მოეგო, მაგრამ... ცხადია, რომ ოპტიმალური ფორმისგან ჯერ შორს არის.</strong></p><p>- 81 კილოგრამ წონითი კატეგორიის მოჭიდავეებს მეტი მოძრაობა, სისწრაფე მოეთხოვებათ. წლის პირველი შეკრება ბაკურიანში გავიარეთ. ძირითადად, ფიზმომზადებაზე ვაკეთებდით აქცენტს და ნაკრების დანარჩენი წევრების მსგავსად, საუკეთესო ფორმისგან ჯერ "ჩირიკაც" (ჭრიკიშვილის მეტსახელია. - ავტ.) შორს არის. ამის მიუხედავად, უპირატესობას მაინც ფლობდა.</p><p>სამწუხაროდ, გდება გაეპარა და მატჩის გადარჩენა ვეღარ მოახერხა. სპორტია, ხდება ხოლმე, თორემ ბოლოს მსოფლიო ჩემპიონატზე შეხვდნენ და მაშინ ავთომ აჯობა.</p><p><strong>- თავდაპირველად ევროპის ნაკრებში ადამ ოქრუაშვილიც დასახელდა, თუმცა, საბოლოოდ, მძიმე წონაში მის ნაცვლად მიხაილინი აჭიდავეს...</strong></p><p>- ყველას გული დაგვწყდა, მაგრამ ისიც გასათვალისწინებელია, მიხაილინი უკვე ასაკოვანია, ხვალ-ზეგ კარიერას დაასრულებს და რადგან ტურნირი რუსეთში იმართებოდა, ადამის ნაცვლად, ორგანიზატორებმა სწორედ მას მისცეს ჭიდაობის შესაძლებლობა.</p><p><strong>- ევროპის ნაკრებმა დიდი სხვაობით გაიმარჯვა. ეს რისი დამსახურებაა?</strong></p><p>- აზიელებს მამაკაცებშიც და ქალებშიც ძლიერი შემადგენლობა ჰყავდათ და ასეთი ანგარიშით გამარჯვება ჩვენთვისაც მოულოდნელი იყო. თუმცა ტურნირს ევროპამ უმასპინძლა და როგორც ჩანს, ამის გამო ევროპელები უფრო მობილიზებულები ვიყავით.</p><p><strong>- რას ამბობენ, ევროპა-აზიის დაპირისპირება ტრადიციული ტურნირი გახდება?</strong></p><p>- როგორც რუსეთის ნაკრების იტალიელმა მწვრთნელმა ეციო გამბამ გვითხრა, ევროპისა და აზიის დაპირისპირება 1985 წლის შემდეგ პირველად გაიმართა. ორგანიზატორებს ნამდვილად აქვთ სურვილი, ტურნირი ტრადიციული გახდეს, მაგრამ რადგან ეს საკმაოდ დიდ ფინანსებთან არის დაკავშირებული, დაზუსტებით ჯერ ვერაფერს ამბობენ. თუ გაიმართება, ჩვენი მხრივ, ყოველთვის დიდი სიამოვნებით ვიჭიდავებთ ევროპის ნაკრებში...</p><p><strong>- მსოფლიო ჩემპიონატის ფინალში ეშლი გონსალესთან წააგე. კუბელს დოპინგის გამოყენებაში ადანაშაულებენ და თუ ბრალდება დაუმტკიცდა, ოქროს მედალი შენ გადმოგეცემა?</strong></p><p>- დოპინგის გამოყენებას არც თავად გონსალესი უარყოფს, ოღონდ ირწმუნება, რომ აზერბაიჯანული შეკრებისას იქაურმა ექიმმა "შეაპარა" აკრძალული პრეპარატი. არ ვიცი, დაიჯერებს თუ არა ამ ვერსიას ანტისადოპინგო სააგენტო, მაგრამ ჯერჯერობით საქმის ძიება არ დასრულებულა. რაც შეეხება ოქროს მედლის ჩემთვის გადმოცემას, სანამ ანტისადოპინგო სააგენტოს საბოლოო ვერდიქტი არ გახდება ცნობილი, ამაზე ლაპარაკი ჯერ ნაადრევია.</p><p><strong>- უკვე ცნობილია, რომ პარიზის "დიდ სლემზე", 90 კილოგრამში ჩვენგან შენ და ბექა ღვინიაშვილი იჭიდავებთ. როგორ ფიქრობ, ბექა უფროსების ტურნირებზეც ისევე წარმატებით იასპარეზებს, როგორც ახალგაზრდებში?</strong></p><p>- ბექა ძალიან ნიჭიერი და ძლიერი ძიუდოისტია და თავის ასაკში ყველა ტურნირი დამაჯერებლად მოიგო. მისი წარმატება ჩემთვის ორმაგად სასიხარულოა, რადგან წონაში ძლიერი კონკურენტი მეყოლება და მოდუნების შესაძლებლობას არ მომცემს - ჩემპიონები ხომ კონკურენციაში იბადებიან!</p><p><strong>- თავად მითხრა - ლიპოსთან საჭიდაოდ ჯერ მზად არ ვარო... შენ რას იტყვი?</strong></p><p>- მზადების დროს ერთმანეთის წინააღმდეგაც გვიჭიდავია, მაგრამ ვარჯიში ერთია, ტურნირს კი სხვაგვარი დატვირთვა აქვს.</p><p>ბექა დღითიდღე უმატებს და დარწმუნებული ვარ, წარმატებას უფროსებშიც მიაღწევს. მით უმეტეს, 90 კილოგრამი ჩვენთვის ტრადიციულად წარმატებული წონითი კატეგორიაა - ზვიადაური და ცირეკიძე ოლიმპიური ჩემპიონები გახდნენ, წარმატებები მეც მაქვს. იმედია, ტრადიციას ბექა ღვინიაშვილიც გააგრძელებს!</p><p><strong>- ახლახან ცნობილი გახდა, რომ ძიუდოს ფედერაციამ გურამ თუშიშვილი და ლაშა ტაველური რეჟიმის დარღვევისთვის (გავრცელებული ინფორმაციით, ახალგაზრდა ძიუდოისტები შეკრებაზე ნასვამები გამოცხადდნენ. ამისთვის თუშიშვილი ერთწლიანი, ტაველური კი ექვსთვიანი დისკვალიფიკაციით დასაჯეს. - ავტ.) მკაცრად დასაჯა. არადა, გვეგონა, რომ საქართველოს ნაკრებში ასეთი რაღაცები აღარ ხდება.</strong></p><p>- ძალიან სამწუხაროა, მაგრამ რადგან დაზუსტებით არ ვიცი, რა მოხდა, ბევრს ვერაფერს გეტყვით. ყოველ შემთხვევაში, როგორც გავიგე, სერიოზული დარღვევა არ ყოფილა და იმედი მაქვს, სასჯელს შეუმსუბუქებენ. ორივე ძალიან კარგი სპორტსმენია და დარწმუნებული ვარ, შეცდომა მათი ასაკის ბრალია.</p><p><img src="pictures/artimages/image16/7815177b133b0f6b1ef354d7fb28c97b.jpg" border="0" alt="Sportall.Ge" title="ლიპარტელიანი შუკვანზე: ქართველი საქართველოს სახელით უნდა ჭიდაობდეს!" style="border: 0px none; float: left; margin: 5px;" /><strong>- კიდევ ერთ არასასიამოვნო თემაზე გკითხავ - ბეთქილ შუკვანის აზერბაიჯანის ნაკრებში გადასვლაზე რას იტყვი?</strong></p><p>- ძალიან ცუდი ფაქტი მოხდა... ქართველი საქართველოს სახელით უნდა ჭიდაობდეს, მაგრამ ამავდროულად, ისეთი ანაზღაურებაც უნდა ჰქონდეს, სხვა ქვეყნის სახელით ჭიდაობის სურვილი რომ არ გაუჩნდეს.</p><p><strong>- მაგრამ მეტ-ნაკლებად ხომ ყველას ერთნაირი ანაზღაურება გაქვთ და გამოდის, ყველამ სხვა ქვეყნის სახელით ჭიდაობაზე უნდა იფიქროთ?!</strong></p><p>- რა თქმა უნდა, არა, მაგრამ ყველა ადამიანი თავისებურად უყურებს ყველაფერს, ყველა ერთნაირად ხომ არ იფიქრებს და მოიქცევა?!</p><p>ალბათ, ბეთქილს თავისი მიზეზები ჰქონდა... ამ თემაზე მასთან არ მილაპარაკია. თუმცა კი, ვისურვებდი, ეს ფაქტი უკანასკნელი ყოფილიყოს ქართული სპორტის ისტორიაში...</p><p><strong>- შარშან პარიზის ტურნირის ჩემპიონი გახდი და საფრანგეთის დედაქალაქში წელსაც ფავორიტის რანგში მიდიხარ...</strong></p><p>- ერთი შეკრება უკვე გავიარეთ, თუმცა ბაკურიანში, უმეტესად, ფიზმომზადებაზე ვაკეთებდით აქცენტს. პარიზში გამგზავრებამდე რამდენიმე დღე თბილისში მოვემზადებით და ტექნიკურ და ტაქტიკურ ელემენტებზე ვიმუშავებთ.</p><p>საფრანგეთის ჩემპიონატის მოგება ყოველთვის გვიჭირდა, ქართველთაგან ეს მხოლოდ რამდენიმე ძიუდოისტმა მოახერხა და მინდა, შარშანდელი ტრიუმფი წელსაც გავიმეორო. თავს არ დავზოგავ, ტიტულის შენარჩუნება რომ მოვახერხო, დანარჩენი კი პარიზის ტატამზე გამოჩნდება...</p><p><strong>- როგორ ფიქრობ, ქართული ძიუდოსთვის 2014 წელი შარშანდელივით წარმატებული იქნება?</strong></p><p>- გუნდურში მსოფლიო და ევროპის ჩემპიონები გავხდით და შევეცდებით, ტიტულები წელსაც შევინარჩუნოთ. რაც შეეხება პირად ჩათვლას, თუ უფალიც ინებებს, ვეცდები, ევროპის და მსოფლიო ჩემპიონატებზე მოგებული ვერცხლის მედლები ოქროთი შევცვალო!</p><p><em>ესაუბრა რატი შელეგია</em></p><p><strong>ყოველკვირეული გაზეთი "ყველა სიახლე"</strong></p><p><span style="color: #ff0000;"><strong>ასევე იხილეთ:</strong></span></p><p><a href="/sport/tcidaoba/dziudo/59361-thanamedrove-lekianoba-bethqil-shukvani-azerbaijanis-nakrebshi-tsavida.html" target="_blank">თანამედროვე ლეკიანობა - ბეთქილ შუკვანი აზერბაიჯანის ნაკრებში წავიდა</a></p>
besik
PARFIUMER, გეტყობა, რომ მამლუქობისკენ გაქვს მიდრეკილება. შენსტანა აზროვნების ადამიანებისათვის სამშობლო და მორალი მეორეხარისხოვანია.
Nata–ს და "ბოქსიორა"–ს
ისევ ველოდები თქვენს შეტყობინებებს ჩემს ელ.ფოსტაზე. nanomari73@mail.ru გმადლობთ წინასწარ.
besik
შუკვანი? საიდან მახსოვს ეს გვარი! ოოოოოო, გავიხსენე. ეს ის "კაცია" ოლიმპიადიდან რომ გამოიქცა. კი ის არის. მაშინ რა გიკვირთ თუ აზერებში გაიქცა. სვანი კაცისთვის უჩვეულო სვლები კი გააკეთა. თუმცა წარმატებები ვუსურვოთ, მაინც .....
PARFIUMER
*** კაცმა თავისი გადასაწყვეტი გადაწყვიტა, რა გინდათ და რას იღრინებით, ყველას თავის გზაზე გაუმარჯოს ღმერთმა, ჩვენ მივხედოთ ჩვენ ცხოვრებას... სხვის საქმეში ცხვირის ჩაყოფა არ არი ძნელი, მაგრამ ჩვენ რას გააკეთებდი იმის ადგილზე კაცმა არ იცის.
svani
იცით რას გეტყვით სპორტის მინისტრი ლევან ყიფიანი რომ იქნება,ისიც ნაციონალების ძმსკაცი,როგორ არ უნდა წახვიდე სადაც უკეთესად გრძნობ თავს,მითუმეტეს თუ მიიწვიეს?სპორტი დროებითია ასე რომ დრო არ უნდა დაკარგოს სპორცმენმა.ასე რომ ლიპო სვანზე რაცარუნდა იყოს მაინც კაი უნდა თქვა,თუ ძან გაწუხებს მაგ საქმე შუკვანისთვის უნ გეთქვა და არა ჟურნალისტებიდთვის.შენ შენს თავს მიხედე რა???
Kaxa
მერე ვინ თქვა რომ ბეთქილ შუკვანი ქართველია? კაცი, რომელიც ოლიმპიადაზე საკუთარ გამარჯვებას პოლიტიკურ პარტიას უძღვნის და არა თავის ქვეყანას, არაფრის ღირსია!
shalva73
გენაცვალე ლიპო, ნამდვილი ქართველი ხარ, სუსხლით, სულით და ხორცით. 2014 წელი ყოფილიყოს შენთვის და ჩვენი ყველა ასაკობრივი ნაკრების თითოეული წევრისთვის ევროპისა და მსოფლიოს ჩემპიონობის წელი, როგორც პირადში ისე გუნდურში. უფალი გფარავდეთ ბიჭებო მუდამ.
ფულადი ჯილდო და ეროვნული ორდენები - პრემიერმა ძიუდოისტთა ნაკრები დააჯილდოვა
"ქართველები და საუკეთესოები ვართ!" - ბექაურის კომენტარი და ოლიმპიადის საიტი საქართველოს ნაკრების მსოფლიო ჩემპიონობაზე
"ყველანი მეუბნებოდნენ, ქალს რა უნდა ძიუდოში, ეს კაცების სპორტია და თავი დაანებეო" - ინტერვიუ ძიუდოში პირველ ქართველ მსოფლიო ჩემპიონ ქალთან
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!
[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ავთანდილ ჭრიკიშვილმა და ვარლამ ლიპარტელიანმა აქტიური სპორტული კარიერა დაასრულეს
გამარჯვება იპონით - ღვინიაშვილი თელ-ავივის გრანდ სლემზე ოქროს მედლის მფლობელი გახდა [VIDEO]
დღეს ძიუდოში ევროპის ჩემპიონატი იწყება - წილისყრამ ქართველები დაინდო
დიუსელდორფის გრანდ სლემი: ქართული შვიდეულის გერმანული ხვედრი
ოსაკას გრანდ სლემზე 4 ქართველი ძიუდოისტი იასპარეზებს
ავთანდილ ჭრიკიშვილმა აბუ-დაბის გრან სლემზე ბრინჯაოს მედალი მოიპოვა
[VIDEO] არის! საქართველოს ძიუდოისტთა ნაკრებმა იაპონია დაამარცხა და მსოფლიო ჩემპიონატის ფინალში გავიდა
საქართველოს ძიუდოისტთა ნაკრები მსოფლიოს ჩემპიონატის ფინალში გავიდა
საქართველოს ძიუდოისტთა ნაკრების შემადგენლობა მსოფლიოსთვის ცნობილია
[VIDEO] ისტორიული დღე - საქართველოს ძიუდოისტთა ნაკრები მსოფლიო ჩემპიონატის გამარჯვებულია!
"ზურა უმძიმეს დღეშია, 10 კილო დაიკლო, მას სრულიად ოლიმპიური გუნდი თავდებში უდგება" - ავთანდილ ჭრიკიშვილი
[VIDEO] არის! გურამ თუშიშვილი მსოფლიო ჩემპიონატის ფინალში გავიდა
თბილისის გრან პრის საქართველოს ნაკრების ოთხი ლიდერი დააკლდება
საქართველოს ძიუდოისტთა ნაკრები 27 ოქტომბერს აბუ-დაბის გრანდ სლემზე გამოვა
ბოლო 5 წელი - რა შედეგი ჰქონდა საქართველოს ნაკრებს ძიუდოს მსოფლიო ჩემპიონატებზე?
[VIDEO] დასანანი მარცხი ფინალში - თუშიშვილმა მსოფლიო ჩემპიონატზე ვერცხლის მედალი მოიპოვა
ზაგრების გრან პრი: ორიდან ორი - პაპინაშვილის ოქრო, ლიპარტელიანის ბრინჯაო [VIDEO]
ბუდაპეშტის გრან პრი: უშანგი მარგიანი ფინალში დამარცხდა
ბუდაპეშტის გრან პრი: ადამ ოქრუაშვილმა ბრინჯაოს მედალი მოიპოვა
IJF-მ საუკეთესოები გამოავლინა: მწვრთნელი - გუჯეჯიანი, კაცი ძიუდოისტი - გრიგალაშვილი, წლის იპონი - ღვინიაშვილი
ზაგრების გრან პრი: ამირან პაპინაშვილი 1/2-ფინალშია!
ქართული ფინალი ზაგრებში: პაპინაშვილი და მშვიდობაძე ოქროსთვის იჭიდავებენ
მამლუქები - ქართველები, რომლებიც მსოფლიოზე სხვა ქვეყნის სახელით გამოვიდნენ
10-11 თებერვალს ქართველი ძიუდოისტები პარიზის გრანდ სლემზე იასპარეზებენ
ბექაური წლის შემაჯამებელი ტურნირიდან მოეხსნა
ამირან პაპინაშვილმა ზაგრების გრან პრიზე ოქროს მედალი მოიგო [VIDEO]
დიდი დანაკლისი - ტატო გრიგალაშვილი თბილისის გრან-სლემს მოეხსნა
თელ-ავივის გრან-სლემზე საქართველოს სახელით 6 ძიუდოისტი იჭიდავებს
აბუ-დაბის გრანდ სლემი: ხუთივე ქართველი ძიუდოისტი მედლისთვის ბრძოლას გამოეთიშა
ძიუდოს მსოფლიო რეიტინგი: ქართველები ტოპებში
ევროპის ჩემპიონატი. წილისყრა: ვარშავური ტატამის ხვედრი
ბუდაპეშტის გრან პრის TOP 5 იპონი - ორი ქართველებისაა [VIDEO]
ბექა ღვინიაშვილმა წონა შეიცვალა - 16-18 ივნისს ასტანის გრანდ სლემზე საქართველოს ნაკრების შემადგენლობა ცნობილია
ქართველი ძიუდოისტების ბედისწერა ოლიმპიადაზე და ოქროს "დაწესებული" რაოდენობა - ბექაური, რომელსაც სწამს!..
იერუსალიმის მასტერსზე სულამანიძემ ოქროს, მაისურაძემ კი ბრინჯაოს მედალი მოიპოვა [VIDEO]
[VIDEO] გურამ თუშიშვილმა ტედი რინერს ხელი არ ჩამოართვა