<p>საქართველოს ჩემპიონატი. უმაღლესი ლიგა. XIX ტური <br> უშუალო კონკურენტების შეხვედრა, როგორც მოსალოდნელი იყო, დაძაბული გამოდგა და იმის მიუხედავად, რომ ახალგაზრდულ "ვიტ ჯორჯიას" სითამამე და მონდომება არ დაეწუნებოდა, მასპინძელთა გამარჯვება მაინც დამსახურებულად მიგვაჩნია.</p><p>ამ მოგებით კი "მეტალურგმა" სერიოზული განაცხადი გააკეთა ზედა ექვსეულში მოსახვედრად და ვარლამ კილასონიას გუნდის თამაშში არსებული ყველაზე თვალშისაცემი პრობლემის (ფაქტობრივად, ახალი გუნდის ფეხბურთელთა ურთიერთშეთამაშებას ვგულისხმობთ) აღმოფხვრაც, ალბათ, დროის საქმეა.</p><p>ვიდრე 26 თებერვალს გამართული მატჩის პერიპეტიებს მოგითხრობდეთ, ისიც გვინდა აღვნიშნოთ, რომ ოთხი დღის წინ "დინამოსთან" ჩატარებული სათასო მატჩის მსგავსად, "მეტალურგმა" ამჯერადაც მეორე ტაიმი ბევრად უკეთ ჩაატარა, ვიდრე - პირველი; თანაც, მასპინძელთა მთავარი მწვრთნელის მიერ შესვენებაზე და იმავე მეორე ტაიმში განხორციელებული ცვლილებები თუ გარკვეული გადაადგილებებიც ეფექტური და, რაც მთავარია, შედეგიანი აღმოჩნდა.</p><p><img src="pictures/artimages/image16/9e54718201b0723c8020ed9152d35ee2.jpg" border="0" alt="Sportall.Ge" title="მეტალურგი-ვიტ ჯორჯია 2:0 - რუსთავში, რუსთაველების გოლებით... [VIDEO]" width="180" style="border: 0px none; float: left; margin: 5px;" />ცალკე თემაა ის ფაქტიც, რომ ორივე გოლი "მეტალურგის" ახალწვეულებმა და, რუსთაველ ქომაგთა ორმაგად გასახარად, ადგილობრივმა ახალგაზრდებმა გაიტანეს!</p><p>...მატჩის საწყისი წუთები სტუმართა შტურმით აღინიშნა და "ვეტერინარებმა" სწრაფი გოლის გატანაც მოახერხეს, მაგრამ ვიდრე ის საგოლე დარტყმა შესრულდებოდა, ლაინსმენს უკვე "თამაშგარე მდგომარეობა" ჰქონდა დაფიქსირებული. თუმცა სტუმრები არც ამის შემდეგ გაჩერებულან და უკვე მომდევნო ეპიზოდში გიორგი კორიფაძის პასით ნიკა სიჭინავას შეეძლო გოლის გატანა, მაგრამ არაზუსტად დაარტყა.</p><p>მასპინძელთა პირველი სახიფათო შეტევა მაშინ იყო, როცა გიორგი ჩირგაძემ ცენტრიდან წამოიღო ბურთი, მაგრამ ამ შემთხვევაშიც დამაგვირგვინებელი დარტყმა არაზუსტი აღმოჩნდა.</p><p>ტაიმის ბოლომდე "მეტალურგს" კიდევ ორი მეტ-ნაკლებად სახიფათო მომენტი ჰქონდა და ორჯერვე გიორგი სეთურიძეს, თუმცა ერთ ეპიზოდში "ვიტ ჯორჯიას" ახალწვეულმა მეკარემ, ჯონი შეროზიამ შეძლო უპრობლემოდ ბურთის მოგერიება, მეორე ჯერზე კი ბურთი მიზანს ასცდა.</p><p>აი, ტაიმის ბოლოს კი "ვიტ ჯორჯიას" მართლაც ჩინებული შანსი მიეცა: მარჯვენა ფლანგიდან გიორგი კორიფაძემ ორიგინალური პასი გააკეთა სტუმართა საჯარიმოში, სადაც ტანმაღალი ელგუჯა ლობჯანიძე რთული მდგომარეობიდან თავით გზავნიდა ბურთს "მეტალურგის" კარში, მაგრამ კოკა სეფიაშვილმა ჩინებული რეაქციით თავისი გუნდი აშკარა ხიფათს გადაარჩინა.</p><p>მეორე ტაიმი სანახაობრივად ბევრად უკეთესი გამოდგა და, რაც მთავარია, ერთიმეორეზე უკეთესი გოლებიც ვნახეთ. ტაიმი ახალი დაწყებული იყო, არჩილ ტვილდიანის შორეული პასი სტუმართა საჯარიმოს მისადგომებთან მყოფმა კახა კაკაშვილმა ჩინებულად რომ "დაამუშავა" და მერე, ნახევარბრუნში ძლიერად და ზუსტადაც დაარტყა!</p><p>აი, ასეთი წარმატებული დებიუტი ჰქონდა მშობლიური ქალაქის გუნდში ახალგაზრდა ნახევარმცველს, რომელიც "მეტალურგში" ამ ზამთარს ცხინვალის "სპარტაკიდან" გადმოვიდა, ისე, როგორც ვარლამ კილასონია-უმცროსი, რომელიც მხოლოდ მეორე მატჩს ატარებდა მშობლიური ქალაქის გუნდის მაისურით და ამ ახალგაზრდა უნივერსალმაც ("მეტალურგში" ცენტრალურ მცველად ასპარეზობს) პირველი გოლიდან ათიოდ წუთში ჩინებულად შეასრულა საჯარიმო დარტყმა და მეტოქის მეკარეს ახლო კუთხეში გაუტანა!</p><p>ამ ორი გოლის შემდეგ სტუმართა თავკაცმა ზურაბ ბერიძემაც მიმართა შეცვლებსა თუ ტაქტიკურ გადაადგილებებს და ახალგაზრდა "ვეტერინართა" სასახელოდ უნდა ითქვას, რომ ორბურთიანი ჩამორჩენის მიუხედავად, ფარ-ხმალი არ დაუყრიათ და ბოლომდე ეცადნენ თუნდაც პრესტიჟის გოლის გატანას.</p><p>თუმცა ელგუჯა ლობჯანიძისა და შოთა დავლაშელიძის მცდელობებს შედეგი არ მოჰყოლია ისე, როგორც ლევან კუხალეიშვილის ეფექტურ თამაშს. სამაგიეროდ, "მეტალურგს" შეეძლო, რომ ეს მატჩი უფრო დიდი ანგარიშით მოეგო, მაგრამ ჯერ გიორგი ჩირგაძემ ვერ გამოიყენა რეალური მომენტი, შემდეგ კი მასპინძელთა ორ ახალგაზრდა ფეხბურთელს, ირაკლი გოგინაშვილსა და ბექა ოქროპირიძეს მართებდათ გოლის გატანა.</p><p><p><div style="text-align: center;"><span style="font-size: x-small;"><span style="color: #ff0000;"><strong>იხილეთ ვიდეო</strong></span></span></p><p><a href="/mtavari/video.html?view=video&video=3667" target="_blank"><img src="pictures/artimages/image16/ef309794e957cfa468cd085054314967.jpg" border="0" alt="Sportall.Ge" title="მეტალურგი-ვიტ ჯორჯია 2:0 - რუსთავში, რუსთაველების გოლებით... [VIDEO]" /></a></div></p></p><p><span style="color: #3366ff;"><strong>ბომბარდირები</strong></span></p><p>დ. ტატანაშვილი (ზესტაფონი/ჩიხურა) 13</p><p>ი. მოდებაძე (დინამო თბ/დილა) 9</p><p>დ. გოგა (დინამო თბ) 9</p><p>ჩისკო (დინამო თბ) 8</p><p><span style="color: #3366ff;"><strong>მომდევნო ტური</strong></span></p><p><span style="text-decoration: underline;">2 მარტი</span></p><p>ჩიხურა-დინამო (თბ)</p><p>სიონი-ტორპედო</p><p>მერანი-მეტალურგი</p><p>ვიტ ჯორჯია-ზესტაფონი</p><p>ზუგდიდი-დილა</p><p>გურია-სპარტაკი</p><p><span style="color: #ff0000;"><strong>პირველი ეტაპის დარჩენილი მატჩების კალენდარი</strong></span></p><p><strong>XXI ტური</strong></p><p><span style="text-decoration: underline;">9 მარტი, კვირა</span></p><p>გურია-ჩიხურა</p><p>სპარტაკი-ზუგდიდი</p><p>დილა-ვიტ ჯორჯია</p><p>ზესტაფონი-მერანი</p><p>მეტალურგი-სიონი</p><p>ტორპედო-დინამო</p><p><strong>XXII ტური</strong></p><p><span style="text-decoration: underline;">16 მარტი, კვირა</span></p><p>ჩიხურა-ტორპედო</p><p>დინამო-მეტალურგი</p><p>სიონი-ზესტაფონი</p><p>მერანი-დილა</p><p>ვიტ ჯორჯია-სპარტაკი</p><p>ზუგდიდი-გურია</p><p><strong>საქართველოს თასი</strong>. <strong>1/4-ფინალი. საპასუხო მატჩები</strong></p><p><span style="text-decoration: underline;">20 მარტი, ხუთშაბათი</span></p><p>დინამო-მეტალურგი (2:0)</p><p>დილა-ტორპედო (2:1)</p><p>ჩიხურა-სიონი (1:1)</p><p>მერანი-შუქურა (0:0)</p><p><em>შენიშვნა: ჩემპიონატის მეორე ეტაპიდან გუნდები ზედა და ქვედა ექვსეულებში გადანაწილდებიან და ორ წრედ ითამაშებენ. მეორე ეტაპი 25 მარტს დაიწყება.</p><p></em><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
ფრე ქუთაისში... და "თელავის" მოგება "გაგრასთან"
87-ე წუთი... "ტორპედომ" ფოთში მოიგო, "გაგრამ" "გარეჯთან" ქულა გადაარჩინა
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
U17 | საქართველო 3:0 ლიეტუვა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
ცხინვალი-ვიტ ჯორჯია 1:0 - ცხინვალის ენდშპილი
ეროვნული ლიგა. XIII ტურის წინ: ვარლამ კილასონიას პირველი
რუსთავში "რუსთავი" ბრუნდება - "მეტალურგის" ნაცვლად
ოთარ კიტეიშვილი: წყალი რომ წყალია, ისიც არ გვქონდა!..
მერანი-რუსთავის მატჩი, რომელიც სფფ-მ გარიგებულად მიიჩნია [VIDEO]
"რუსთავს" ისევ ახალი მწვრთნელი ჰყავს - ამჯერად უჩა სოსიაშვილი
ეროვნული ლიგის მე-3 წრის საუკეთესოები დასახელდა
ვიტ ჯორჯია-ცხინვალი 1:4 - ნახევარფინალი რატიფიცირებულია [PHOTO]
5 და მეტი - ქართული გუნდების დიდი ანგარიშით გამარჯვებები ევროთასებზე
"ვიტ ჯორჯია" მწვრთნელის გარეშე დარჩა - ვინ შეცვლის ზურაბ ბერიძეს?
სატრანსფერო კარუსელები - რა შეიცვალა ეროვნულ ლიგა 2-ში?
ვლადიმერ ხაჩიძე "ვიტ ჯორჯიას" მომავალზე: ჯერ არაფერია გადაწყვეტილი
"რუსთავში" რევაზ ძოძუაშვილი იმუშავებს
ოდესის "ჩერნომორეცმა" სინჯებზე მყოფი გიორგი რობაქიძე გუნდში დაიტოვა
კუთხურიდან ჩახვეული ბურთი, წითელი ბარათები, პენალტები - ე-ლიგა 2-ის პლეი-აუტები დაძაბულად დასრულდა [VIDEO]
"რუსთავს" ვარლამ კილასონია გაწვრთნის
ქართველი ფეხბურთელი სინჯებზე "ჩერნომორეცში" იმყოფება
ბოლნისის "სიონი" ვარლამ კილასონიამ ჩაიბარა
მერანი-რუსთავის ვიდეო, რომელიც სფფ-მ მედიის წარმომადგენლებს გადასცა [VIDEO]
"გორდა", "მეტალურგი", "რუსთავი"... რუსთავში ახალი საფეხბურთო ცხოვრება იწყება
სანამ მათემატიკური შანსი იქნება, ვიბრძოლებთ - "ვიტ ჯორჯია" თენგიზ კობიაშვილმა ჩაიბარა
საქართველოს თასი. 1/4 ფინალი. საპასუხო მატჩები: ეპიცენტრი თბილისსა და ქუთაისში
51..9% ხელფასებში - რაში დაიხარჯა 2019 წელს ფეხბურთის განვითარების ფონდის ფული?
ელგუჯა ლობჯანიძე: ვეცდები, აწი ისე ვითამაშო, რომ ზლატანი ან "იბრა" დამიძახონ