<p>ირაკლი კლიმიაშვილი: "გამოდის, მთელი წელი ტყუილად არ მითამაშია"</p><p><br> <span style="font-size: x-small;"><span style="color: #888888;"><strong>ფოტოზე: თამაზ პერტია, ირაკლი კლიმიაშვილი და ლაშა დვალი</strong></span></span></p><p>ლატვიის ვირსლიგაში სეზონი დასრულდა. მოგეხსენებათ, რიგის "სკონტოში" მთავარი მწვრთნელი <strong>თამაზ პერტიაა</strong>, გუნდში კი <strong>ირაკლი კლიმიაშვილი, ლევან ჭაჭიაშვილი</strong> და <strong>ლაშა დვალი</strong> ირიცხებიან.</p><p>"სკონტო" ლატვიის ვიცე-ჩემპიონობას დასჯერდა, ქართველები კი სეზონის საუკეთესო ფეხბურთელთა შორის დაასახელეს.</p><p>12 ნოემბერს ინტერნეტგამოცემა "სპორტსცენტრმა" სეზონის სიმბოლური ნაკრები 4-4-2 სისტემით შეადგინა. იქ სამი ქართველი მოხვდა - ლიგის საუკეთესო მწვრთნელად პერტია დაასახელეს, ხოლო კლიმიაშვილი და დვალი, შესაბამისად, მარცხენა ცენტრალური ნახევარმცველის, ხოლო დვალი მარცხენა ცენტრალური მცველის პოზიციაზე. გარდა ამისა, კლიმიაშვილი ნახევარმცველებში მე-3 პოზიციაზე აღმოჩნდა, ხოლო დვალი მცველებში - მეოთხეზე.</p><p>ეს ყველაფერი ლოგიკურია, თუ გავითვალისწინებთ იმ ფაქტს, რომ ფინანსური დავალიანების გამო "სკონტოს" 8 ქულა ჩამოაჭრეს და სწორედ ამდენით ჩამორჩა ჩემპიონ "ვენტსპილსს", რომელმაც 81 ქულას მოუყარა თავი.</p><p>საინტერესოა, რომ პერტია ზედიზედ მეორედ გახდა ლატვიის საუკეთესო მწვრთნელი, 2012 წელს კი საუკეთესო ახალგაზრდა სპეციალისტად დაასახელეს.</p><p>ირაკლი კლიმიაშვილი თავის დროზე ერთ-ერთ ყველაზე პერსპექტიულ ფეხბურთელად ითვლებოდა. "ვიტ ჯორჯიას" შემტევი ნახევარმცველი ამბიციურ მახაჭყალის "ანჟიში" ჩაირიცხა, იყო ახალგაზრდული ნაკრების ერთ-ერთი ლიდერი, ხოლო 2008-09 წლებში საქართველოს ეროვნულ ნაკრებში 5-ჯერ ითამაშა.</p><p>მაგრამ დღემდე მისი კარიერა ისე ვერ აეწყო, როგორც სურდა. მახაჭყალელებმა ჯერ ტაშკენტის "ფახთაქორში" გაანათხოვრეს, 2013 წელს კი რიგის "სკონტოში" აღმოჩნდა, ეროვნული ნაკრების მწვრთნელი კი მისით აღარ ინტერესდება. კლიმიაშვილის აღიარება იმადაც გვიხარია, რომ დასაკარგავი ფეხბურთელები არ გვყავს...</p><p>ირაკლის ლატვიაში დავუკავშირდით და ჯერ სიმბოლურ ნაკრებში მოხვედრაზე ველაპარაკეთ:</p><p>"სეზონის სიმბოლურ ნაკრებში მოხვედრა ძალიან სასიამოვნოა. გამოდის, მთელი წელი ტყუილად არ მითამაშია.</p><p>საერთოდ, ლატვიაში წელიწადნახევრის წინ წამოვედი და მას შემდეგ სულ ძირითადში ვხვდები. ცხადია, ეს წამადგა.</p><p>ორმაგად სასიამოვნო კი ისაა, რომ სიმბოლურში ორი ქართველი ერთად მოვხვდით. ლაშა დვალი ძალიან ნიჭიერი მცველია და დარწმუნებული ვარ, მას დიდი მომავალი აქვს".</p><p>26 წლის ფეხბურთელი ამბობს, რომ "სკონტოს" სერიოზული ფინანსური პრობლემები ჰქონდა:</p><p>"ლატვიის ვიცე-ჩემპიონები გავხდით, რაც ცუდი შედეგი არ არის, მაგრამ კლუბს ფინანსური პრობლემები რომ არ ჰქონოდა, ჩემპიონობაც რეალური იყო. სეზონის დაწყებამდე, დავალიანების გამო, ლატვიის ფედერაციამ ახალი ფეხბურთელების განაცხადში შეყვანის უფლება არ მოგვცა და, პლუს ამას, 8 ქულაც დაგვაკლო.</p><p>თამაზ პერტია რომ არ ყოფილიყო, "სკონტო" დაიშლებოდა. გუნდში ფეხბურთელები მისი ავტორიტეტის გამო დავრჩით. წარმოიდგინეთ, პირადად მე 12 თვის ხელფასი მქონდა ასაღები, ზოგიერთს კი - 17 თვისაც! უცხო ქვეყანაში ასეთ ვითარებაში ცხოვრება ძალიან ძნელია.</p><p>კრიტიკული სიტუაცია ადრეც მქონია, მაგრამ წინ ყოველთვის ურთიერთპატივისცემას ვაყენებდი. პრეზიდენტთან და პერტიასთან კი კარგი ურთიერთობა მაქვს და თავს უფლებას ვერ ვაძლევდი, ქუდი დამეხურა და წამოვსულიყავი. მაგრამ ბოლო დროს უკეთესობა შეინიშნება და გუნდი დავალიანებას ნელ-ნელა ისტუმრებს.</p><p>აქვე ვსარგებლობ შემთხვევით და ეროვნულ ნაკრებს პოლონეთთან წარმატებას ვუსურვებ".</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
20 წლის ქართველის დებიუტი სერია A-ში და შეუცვლელი გოგლიჩიძე
[VIDEO] "რა დაემართა ჩვენს გუნდს?! ეს სასაცილო აღარაა!" - "მანჩესტერ იუნაიტედთან" მარცხის შემდეგ გაბრაზებულმა ალექსანდერ-არნოლდის ძმამ მიმართვა გაავრცელა
რატომ ჩაითვალა მამარდაშვილის კარში პირველი გოლი - VAR-ის გადაწყვეტილების მიზეზი სადავო ეპიზოდზე
ფუტსალი | საქართველო 2:2 ყირგიზეთი
პსჟ პაჩოს კონტრაქტს გაუგრძელებს
შენგელიას 18 ქულა და გამარჯვება, ბურჯანაძის 7 ქულა და ბრძოლაში მარცხი
ქალთა ნაკრები ორ ამხანაგურ მატჩს გამართავს
"ინტერის" სპორტულმა დირექტორმა ნეიმარის შესაძლო ტრანსფერზე ისაუბრა
ბენზემა ევროპაში დაბრუნდება? - ფრანგი ფორვარდის დამატება თურქულ გრანდს უნდა
[VIDEO] გამორჩეული დაპირისპირება მოულოდნელი გმირით - მამარდაშვილის "ლივერპული" სახლში "მანჩესტერ იუნაიტედთან" დამარცხდა
"მანჩესტერ იუნაიტედთან" მატჩში "ლივერპულის" შემადგენლობა ცნობილია
[VIDEO] კიტეიშვილის გამარჯვების გოლი და საგოლე გადაცემა - "შტურმმა" 4:3 მოიგო
ლოჩოშვილის მორიგი კარგი მატჩი - "ნიურნბერგმა" გამარჯვება ხელიდან გაუშვა
"შოთა არველაძის სამშობლოში ვართ და სამწუხაროა, რომ ის ვერ ითამაშებს" - ფრანკ დე ბური ლეგენდების მატჩის წინ
"ესპანური სწრაფად ვისწავლე, რადგან ეს პატივისცემის ნიშანია" - კილიან მბაპე მადრიდულ ცხოვრებაზე
"წლის საუკეთესო მებრძოლად მერაბ დვალიშვილი უნდა დასახელდეს" - უმარ ნურმაგომედოვი
"როცა გულის შეტევით საავადმყოფოში ვიწექი, მესის ქმედებით გაოგნებული დავრჩი" - კასილასმა აქამდე უცნობი ისტორია გაიხსენა
"საფონოვი მოთმინებას კარგავს" - რას წერს ფრანგული გამოცემა რუს მეკარეზე?
[VIDEO] შერმადინის და უერტასის დუეტი კვლავ ბრწყინავს - "ტენერიფემ" "მურსია" დაამარცხა
[VIDEO] აქ სიტყვები ზედმეტია - მესის ჰეთ-თრიქი და საგოლე პასი "ნეშვილთან"
[VIDEO] 40 წლის კრიშტიანო რონალდოს ფანტასტიკური გოლი საუდის არაბეთში
ფრე დინამოების დაპირისპირებაში; წყალტუბოელთა მოგება ფოთში
გვარდიოლამ გაამხილა, როდის იფიქრებს მწვრთნელის კარიერის დასრულებაზე
დვალი სოფიის ცსკა 1948-სთან სამწლიან კონტრაქტს გააფორმებს
[ჩვენ და ლატვიელები] გავასწოროთ ანგარიში
თბილისის "ლოკომოტივი": მინუს ათი და პლუს ვარჯიში
ლაშა დვალი: შეგვიძლია ჩვენი გულშემატკივრების გახარება
ზაზა ჯანაშია: ქართველი მწვრთნელები სამშობლოს რეკლამას უკეთებენ
გოჩოლეიშვილი და დვალი კონფერენს ლიგაზე შეცვლაზე შევიდნენ
კონფერენს ლიგაზე დვალის და გოჩოლეიშვილის გუნდების მეტოქეები გაირკვა
დვალი "ცსკა 1948"-ის ფეხბურთელია
გრიგოლ დოლიძე: დადე ბურთი და მოჭერი!..
"საქართველო ძალიან ბევრს აგებს, ასეთ წარმატებულ მწვრთნელს რომ ვერ იყენებს"
[ლეგიონი ევროპალიგაზე] ორი გოლი და მწვრთნელების წარმატება [VIDEO]
თბილისის "ლოკომოტივი" სამმა ფეხბურთელმა დატოვა
ირაკლი კლმიაშვილი: ეს არის ის, რაც ჩემპიონატს ინტრიგისთვის აკლია
ლოკომოტივი-შუქურა 0:3 - უკეთესს რომ ვერ ინატრებ... [VIDEO]
ლეგიონი ევროპალიგაზე: ვერც ცხადაძემ მოიგო, ვერც ბერიძემ
თბილისის "ლოკომოტივი": სტარტზე ახალი ტრიოთი
ლეგიონი ევროპის ლიგაზე: აქაც კრახი!
რევაზ ძოძუაშვილი: ეს სიტყვები საბოლოოდ უნდა ამოვიგდოთ თავიდან...
დვალმა პირველივე მატჩში საგოლე გადაცემა გააკეთა