<p>"მეტალურგის" დირექტორობიდან სახელმწიფო სამსახურში <br> სოფლის მეურნეობის მინისტრმა <strong>ოთარ დანელიამ</strong> სურსათის ეროვნული სააგენტოს ახალ უფროსად <strong>ზაზა დოლიძე</strong> წარადგინა.</p><p>ჩვენთვის ეს ინფორმაცია საინტერესო იმიტომაცაა, რომ 2013-14 წლებში დოლიძე საფეხბურთო კლუბ რუსთავის "მეტალურგს" ხელმძღვანელობდა და პროფლიგის საინიციატივო ჯგუფშიც შედიოდა. მას ეკუთვნოდა სახელმწიფო სახსრების მონიტორინგის იდეა, რომელიც კლუბებს ხარჯებს მაქსიმალურად შეუმცირებდა.</p><p>მაგრამ მერე "მეტალურგს" დაფინანსება შეუმცირეს და დოლიძემ კლუბი დატოვა.</p><p>სხვათა შორის, ბევრისთვის უცნობია, რომ 2011 წლამდე ის PSP-ს კორპორატიული გაყიდვების სამსახურის უფროსად, ხოლო მოგვიანებით კი PSP-ს დაზღვევის დირექტორად მუშაობდა და ფეხბურთის ფედერაციას სასპონსორო ხელშეკრულების "ჭერის" შემცირებას სთავაზობდა. ამბობდა, რომ არსებული პირობებით სფფ-ს ბევრი დაინტერესებული ორგანიზაცია არ დაელაპარაკებოდა.</p><p>დასანანია, ასეთი საინტერესო პიროვნება ფეხბურთიდან რომ წავიდა. ქართულმა ფეხბურთმა ვერც ის გამოიყენა და ვერც <strong>დავით ებრალიძე</strong>, რომელიც შემდეგ ფინანსთა მინისტრის მოადგილედ მუშაობდა. არადა, ქართულ ფეხბურთში სწორედ მენეჯერების დეფიციტია.</p><p>"მეტალურგის" შემდეგ, დოლიძე ჯერ სოციალური მომსახურების სააგენტოს დირექტორის მოადგილე იყო, შემდეგ - სოციალური მომსახურების სააგენტოს დირექტორის მრჩეველი და ორგანიზაციული მართვის საკითხებში შსს-ს საფინანსო-სამეურნეო დეპარტამენტის დირექტორის კონსულტანტი.</p><p>"ფეხბურთიდან იმედგაცრუებული წავედი, რადგან რისი განხორციელებაც მსურდა, ვერ მოვახერხე. ვცდილობდი, საბავშვო უფასო სკოლიდან მოყოლებული, რუსთავის "მეტალურგის" დიდების გუნდამდე ინფრასტრუქტურა მომეწესრიგებინა. ვამჩნევდი, რომ სამართლიანი მიდგომები მოთამაშეებისა და კლუბის პერსონალის მიმართ არ იყო, უმაღლესი ლიგისადმი გონივრული დამოკიდებულების დეფიციტიც აშკარად იგრძნობოდა.</p><p>საერთოდ, საქართველოში საფეხბურთო ინდუსტრია რომ არ არსებობს, ამას ობიექტური მიზეზები აქვს", - ამბობს დოლიძე.</p><p>"მეტალურგის" ყოფილმა დირექტორმა პრობლემებიც ჩამოთვალა:</p><p>"ზოგადად, ქართულ ფეხბურთში უმძიმესი მდგომარეობაა. მრჩებოდა შთაბეჭდილება, რომ ვიღაც-ვიღაცები ამღვრეულ წყალში თევზის დაჭერაში დაოსტატდნენ, თავად კი განზე რჩებიან და არ ჩანან. ესეც სერიოზული პრობლემაა და სახსრების არამიზანმიმართული ხარჯვაც.</p><p>ისე გამოდის, რომ სახლს საფუძვლის გარეშე ვაშენებთ. აბა, ეროვნული ჩემპიონატიდან ნაკრების მწვრთნელი ძირითად შემადგენლობაში ერთ ფეხბურთელსაც რომ ვერ გამოიყენებს, დასაფიქრებელი არ არის? ეს ყველაფერი ბოლო წლებში არასწორი მუშაობის შედეგია. ამან კი ის გამოიწვია, რომ ბიზნესს ფეხბურთში ფულის დაბანდება აღარ სურს.</p><p>დამაფიქრებელი პრეცედენტია, რაც "მეტალურგში" მოხდა - მეტალურგიულმა ქარხანამ კლუბზე ხელი აიღო და სიმბოლურ ფასად - 1 ლარად დათმო.</p><p>რომ დაფიქრდეთ, ის, რაც "დინამოსა" და "ზესტაფონში" მოხდა, ესეც ჩვენი ფეხბურთისადმი ბიზნესის უნდობლობის შედეგია. კლუბების ბიუჯეტები შეამცირეს, გამოცდილი მოთამაშეები გაუშვეს და მათ ნაცვლად აქცენტი ახალგაზრდებზე აიღეს. ეს იმიტომ, რომ ქართულ ფეხბურთში პერსპექტივას ვეღარ ხედავენ და ფულის ხარჯვას მის წყალში გადაყრად მიიჩნევენ".</p><p>დოლიძე ამბობს, რომ ამ ყველაფრის მიუხედავად, ვითარება სულაც არ არის გამოუვალი:</p><p>"გამოსავალი ყველაზე კრიტიკულ ვითარებაშიც შეიძლება მოიძებნოს. ასეთად სახელმწიფო პროგრამის განხორციელება მიმაჩნია.</p><p>შეიქმნა კომისია, რომლის სხდომაზეც ბევრი საინტერესო საკითხი განიხილეს და პროგრამა 1 სექტემბრიდან უნდა ამუშავებულიყო. მაგრამ ამ ვითარებაში პერსპექტივას სახელმწიფოს მმართველებიც ვერ ხედავენ, რადგან სახსრები უაზროდ და არამიზანმიმართულად იხარჯება და ფულის დაბანდებას ვერ რისკავენ.</p><p>სამწუხაროა, რომ ფეხბურთის ფედერაციამ მთავრობის ეს ინტერესი ვერ დააფასა, ვერ გამოიყენა და მეტიც - ჯიბრში ჩაუდგა.</p><p>არადა, ხომ ვხედავთ, ისლანდიასა და ფარერებზე ისწავლეს თამაში და ევროშესარჩევში სენსაციებს ახდენენ. სწორი მუშაობით ჩვენ გაცილებით მეტის მიღწევა შეგვიძლია. საამისოდ, ქართულ ფეხბურთში ჯერ ყველაფერი ძირეულად უნდა შეიცვალოს".</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
gizog
ვეძებოთ მტრები და მოღალატეები მათ შორის ვისაც ჩვენი ეროვნულ ჩემპიონატი უყვართ და ეიმედებათ მეტად, ვდრე სხვის მილიარდ ევროიანი ჩემპიონატები, ამავე დროს სულელებად და ტუტუცებად მოვიხსენიოთ, ხოლო მათ ვინც ყველაზე უარყოფითი ეპითეტებით გალანძღავს, მათ დიდი მამულიშვილები და პატრიოტები ვუწოდოთ. და ასე აღორძინდება ქართული ფეხბურთი.
qutaiseli
და რათქვა ამ ადამიანმა ტყუილი.რაც სიმართლეა სიმართლეა მაგრამ ცუდი ისარი რომ ზოგიერთებს ამ სიმართლის გაგონებაც არ სურთ.
dada
ამ ჩემპიონატს და ფედერაციას ვინც გაამართლებს ან სულელია ან სამშობლოს მტერი.
gizog
ვეთანხმები ზაზას ''რომ ამ ყველაფრის მიუხედავად, ვითარება სულაც არ არის გამოუვალი''
gizog
ჩემთვის გასაკვირი და მიუღებელია, როცა ფუნქციონირები თუნდაც სახელმწიფო და მით უმეტეს საფეხბურთო ასე უცერემონიდ ლაპარაკობენ და აგდებულად იხსენიებენ ჩვენს ეროვნულ ჩემპიონატს, სადაც 16-დან 30 და მეტი ხნის ასეულობით ქართველი და არა მარტო ქართველი ფეხბურთელი სპორტის ენაზე თამაშობს, ბიზნესის ენაზე დასაქმებულია, ამათ გარდა იქვე მოღვაწეობენ ქართული ფეხბურთის ისტორიის შემქნელი პიროვნებები. როდესაც როდესაც ამხელა საფეხბურთო მეურნებაზე , გნებავთ საზოგადოებაზევსაუბრობთ ცოტა მეტი პატივისცემა გამოვიჩინოთ. ასეთი პატარა ქვეყანა ატარებს 16 გუნდიან ჩემპიონატს, რომ უწინასწარმეტყველებდნენ ჩაფლავდებაო, ვინც ყურადღებით ადევნებს თვალს დამეთანხმება საკმაოდ საინტერესოდ მიმდინარეობს. I წრე მთავრდება და ვინმე გამოკვეთილი, უმედო აუტსაიდერი არგვყავს. ეს ბევრს ნიშნავს. თავის დროზე, არა ხვალ როგორც ჩვენ გვიყვარს მოთხოვნა, მოგვცემს დადებით შედეგებს. მანამდე მინდა ვთხოვო საფეხბურთო საზოგადოებას და ყველას ვისაც რაიმე აზრის გამოხატვა უნდა ფეხბურთზე, ეროვნულ ჩემპიონატზე, თუ ნაკრებზე ნუ ვიხმარებთ უარყოფით ეპითეტებს. მას ერთგულად მხარში დადგომა და წახალისება სჭირდება.
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
"ლივერპული" პრემიერლიგის "გალაქტიკოსი" გახდა" - ჯეიმი კარაგერი
შესარჩევიდან ჩემპიონთა ლიგაზე - რას უნდა ველოდოთ ამ შვიდი გუნდისგან?
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!
[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
მერანი-რუსთავის მატჩი, რომელიც სფფ-მ გარიგებულად მიიჩნია [VIDEO]
"გორდა", "მეტალურგი", "რუსთავი"... რუსთავში ახალი საფეხბურთო ცხოვრება იწყება
"დინამოს" დირექტორი: ევროპული სტანდარტი გულშემატკივრებიდან უნდა დაიწყოს
"დინამოს" დირექტორი ნიკა ნინუას შესაძლო ტრანსფერზე: ინტერესია გერმანიიდან და იტალიიდან
სფფ-მ 15-წლამდელთა ლიგის გამარჯვებულს უმასპინძლა
ზაზა დოლიძე: მჭედლიძისთვის დუელი ბათუმის "დინამოს" მოვუგეთ
5 და მეტი - ქართული გუნდების დიდი ანგარიშით გამარჯვებები ევროთასებზე
მერანი-რუსთავის ვიდეო, რომელიც სფფ-მ მედიის წარმომადგენლებს გადასცა [VIDEO]
სფფ ეროვნული ლიგისა და ლიგა 2-ის კლუბებს პოლარის სისტემას უსასყიდლოდ გადასცემს
რუსთავში "რუსთავი" ბრუნდება - "მეტალურგის" ნაცვლად
რამდენი აქვთ ხელფასი ქართული ფეხბურთის განვითარების ფონდში
ოთარ კიტეიშვილი: წყალი რომ წყალია, ისიც არ გვქონდა!..