<p>საქართველოს ეროვნული ოლიმპიური კომიტეტი გულგრილი ვერ იქნება იმ პროცესების მიმართ, რაც სპორტის ზოგიერთ ოლიმპიურ სახეობაში განვითარდა <br> საქართველოს ეროვნული ოლიმპიური კომიტეტი გულგრილი ვერ იქნება იმ პროცესების მიმართ, რაც სპორტის ზოგიერთ ოლიმპიურ სახეობაში განვითარდა და დემოკრატიული წესით, ღია კონკურენციის პირობებში არჩეული ფედერაციების ხელმძღვანელთა გადადგომით ან გადაყენებით დასრულდა.</p><p>განსაკუთრებით გულსატკენი, დამაფიქრებელი და საგანგაშოა საქართველოს ჭიდაობის ფედერაციაში - ჩვენი სპორტის სტრატეგიული სახეობის გარშემო შექმნილი არაჯანსაღი ვითარება.</p><p>ისეთი შთაბეჭდილება იქმნება, რომ ბევრი ვერაფერი ვისწავლეთ ახლო წარსულის გაკვეთილებისგან, როცა სპორტულ ორგანიზაციებში წამყვან პოზიციებზე ადამიანები ინიშნებოდნენ ყოველგვარი წესისა და კანონის, ელემენტარული პროცედურული ნორმებისა და საღი აზრის იგნორირებით, არაუფლებამოსილი პოლიტიკური პირების უხეში ჩარევით, ზოგიერთ შემთხვევაში - ძალისმიერი მეთოდებით, შეუზღუდავი ძალაუფლების დემონსტრირებით.</p><p>იმავდროულად, სპორტის მმართველობიდან და სამწვრთნელო პოსტებიდან უაპელაციოდ აძევებდნენ საქმის მცოდნე, პრინციპულ ადამიანებს და ამას აკეთებდნენ შიდა დაპირისპირების ინსპირირებით, სპორტსმენთა მართული ჯგუფების გამოყენებით.</p><p>ჩვენ კატეგორიულად გავემიჯნეთ ამ სრულიად მიუღებელ და მანკიერ პრაქტიკას, რამაც თავის დროზე სერიოზული ზიანი მიაყენა ქართულ სპორტს, წამყვანი სპორტული ფედერაციების იმიჯს.</p><p>კონფლიქტის პირველი ნიშნების გამოვლენისთანავე, მოქმედებდა რა თავისი უფლებამოსილების ფარგლებში, სეოკ-ი ცდილობდა, პროცესი წარმართულიყო არა რომელიმე მხარის, არამედ ქართული სპორტის ინტერესების გათვალისწინებით და სამართლებრივი პროცედურების სრული დაცვით.</p><p>ერთად გადავწყვიტეთ, რომ შეგვექმნა სპეციალური კომისია, მოგვესმინა მხარეების არგუმენტები, გაგვერკვია წამოყენებული პრეტენზიების მართლზომიერება, პრობლემები კი მოგვეგვარებინა შიდა დისკუსიების მეშვეობით. მაგრამ ეს გზა მიუღებელი აღმოჩნდა რადიკალურად განწყობილი პროტესტანტებისთვის, რომლებიც არც კომისიის შექმნამდე და არც შემდგომ არ მორიდებიან პოპულისტურ განცხადებებს, პიროვნების შეურაცხმყოფელ გამონათქვამებს, ისეთ ქმედებებს, რაც არ ჯდება ელემენტარული ეთიკური ნორმების ფარგლებში.</p><p>განსაკუთრებით საგანგაშოა, რომ ამ პროცესში ჩართულნი აღმოჩნდნენ მოქმედი სპორტსმენები, ქვეყნის ნაკრები გუნდების წევრები და კანდიდატები, რომელთა უმთავრესი მოვალეობაა თავდაუზოგავი ვარჯიში და ჩვენი ქვეყნის ღირსების დაცვა საერთაშორისო შეჯიბრებებზე და, არავითარ შემთხვევაში - იმის გადაწყვეტა, ვინ უნდა იდგეს ფედერაციის სათავეში.</p><p>ნაცვლად იმისა, რომ გამოგვეჩინა კეთილგონიერება, ეს ახალგაზრდები სპორტულ დარბაზებში დაგვებრუნებინა და ნაკრების მწვრთნელებისთვის მუშაობის საშუალება მიგვეცა, სამწუხაროდ, ზოგიერთი ჩვენი კოლეგა ერთგვარი წამქეზებლის როლში მოგვევლინა და საწადელის მიღწევას ცდილობდა სწორედ მოქმედი მოჭიდავეების პროვოცირებით, სანაკრებო-საწვრთნელი პროცესის ჩაშლით, შანტაჟის გზით, ანუ ყოვლად უკადრისი მეთოდებით.</p><p>ეს არის ძალზე სახიფათო პრეცედენტი, როცა გამოუცდელ ახალგაზრდებს იყენებენ პირადი ანგარიშსწორებისთვის და ამას აკეთებენ სამართლიანობის სახელით, ვითომდა, პრობლემების მოგვარების სურვილით.</p><p>ჭიდაობის ფედერაციაში მართლაც იყო და არის პრობლემები და ამას არავინ უარყოფს. აწ უკვე ყოფილმა პრეზიდენტმა და იმ ხალხმა, ვინც პრაქტიკულად წარმართავდა ფედერაციის მუშაობას, ალღო ვერ აუღეს შექმნილ ვითარებას და მიიღეს არაერთი ნაჩქარევი, ერთპიროვნული გადაწყვეტილება, რამაც კიდევ უფრო დაძაბა მდგომარეობა. მაგრამ ეს არ ამსუბუქებს იმათ პასუხისმგებლობას, ვინც ცეცხლზე ნავთის დასხმა მოინდომა, ლანძღვა-გინებასა და ლაყე კვერცხების სროლაზე გადავიდა და ამით ხაზი გადაუსვა ყველაფერ იმას, რითაც მოჭიდავეებს ყოველთვის მოჰქონდათ თავი.</p><p>ძალიან მძიმე სანახავია, როცა მთელი საზოგადოების თვალწინ ერთმანეთს ასე ექცევიან ჩვენი ტიტულიანი ფალავნები, როცა ლაფში ამოსასვრელად ასე იოლად იმეტებენ საკუთარ თუ სხვის სახელს და ღირსებას.</p><p>სეოკ-ი სრულად აცნობიერებს ჭიდაობის ფედერაციაში შექმნილ საგანგებო ვითარებას, აღიარებს თავის წილ პასუხისმგებლობას და აცხადებს, რომ კონფლიქტის დარეგულირების პროცესში ქართული სპორტის მმართველმა ორგანოებმა, კანონით მინიჭებული უფლებამოსილების შესაბამისად, ვერ გამოიჩინეს სათანადო სიმტკიცე და პრინციპულობა, რათა არ დაეშვათ კონფლიქტის ესკალაცია, მასში ნაკრები გუნდების წევრების ჩართვა და სასწავლო-საწვრთნელი პროცესის შეფერხება.</p><p>სეოკ-ი ადასტურებს ჭიდაობის ფედერაციის ყოფილ ხელმძღვანელთა მუშაობაში არსებულ ხარვეზებს და გარკვეულ გადაცდომებს; ამავე დროს, კატეგორიულად მიუღებლად მიიჩნევს გარეშე პირების წაქეზებით, მოქმედი სპორტსმენების პროვოცირებით და გამოყენებით პროცესში უხეში ჩარევის ყოველგვარ მცდელობას.</p><p>სეოკ-ი მოუწოდებს ჭიდაობის ფედერაციის რიგგარეშე ყრილობის მომზადებაში ჩართულ უფლებამოსილ პირებს, პრეზიდენტობის მსურველ კანდიდატებს, პატივი სცენ დადგენილ სამართლებრივ და ეთიკურ ნორმებს, იხელმძღვანელონ მოქმედი წესდების მოთხოვნებით, რათა არჩევნები ჩატარდეს პატიოსნად, დემოკრატიულად და გამჭვირვალედ.</p><p>სეოკ-ი მოუწოდებს სპორტის ოლიმპიურ სახეობათა ფედერაციებს, მწვრთნელებს, სპორტსმენებს, მთელი ძალისხმევა მოახმარონ მომავალი წლის უმნიშვნელოვანესი შეჯიბრებებისთვის, მათ შორის - სალიცენზიო ტურნირებისთვის მზადებას, რათა ყველანი ერთად ღირსეულად წარვდგეთ ოთხწლეულის უმთავრეს შეჯიბრებაზე - ზაფხულის XXXI ოლიმპიურ თამაშებზე.</p><p><strong>ყოველდღიური სპორტული გაზეთი "ლელო"</strong></p>
საქართველოს თავისუფალი სტილით მოჭიდავე 20-წლამდელთა ნაკრები ევროპის ჩემპიონია!
პეტრიაშვილმა და ჭეჭელაშვილმა ევროპის ჩემპიონატზე ოქროს მედლები მოიპოვეს!
ევროპის ჩემპიონატზე ბოლქვაძემ და ხეცურიანმა ბრინჯაოს მედლები მოიპოვეს
კანავარო უზბეკეთის ნაკრებში კაპაძეს შეცვლის და სოლიდურ თანხასაც გამოიმუშავებს
უარი სუპერლიგას - ''ბარსელონა" გაზრდილი შემოსავლებით კმაყოფილია
სენსაციებით დატვირთული დღე შანხაიში - ტურნირს რამდენიმე ვარსკვლავი ერთიანად გამოეთიშა
ლოჩოშვილის "ნიურნბერგმა" დიუსელდორფში გაიმარჯვა
ახალი ეტაპი "იბერიაში" - გუნდს გუგა ნერგაძე უხელმძღვანელებს
ალექსანდრე იაშვილი: დარწმუნებული ვარ, ჩაკვეტაძე ისევ ისეთი ძლიერი დაგვიბრუნდება
"ჩაკვეტაძე რთულ სიტუაციაშია, მას 7 თვეა არ უთამაშია... ბოლო დროს ხაჭაპურსა და ხინკალს ნაკლებად მივირთმევ" - ვილი სანიოლის პრესკონფერენცია
"ყველა დროის საუკეთესო ვარ და ამას კიდევ ერთხელ დავამტკიცებ" - მერაბ დვალიშვილი
ფოტო უკვე სხვა ფასი ღირს - ცნობილია, რა დაგიჯდებათ იამალის დედასთან ერთად ვახშმობა
ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ
"მინდა გვარდიოლამ ესპანეთის ნაკრები ჩაიბაროს" - დავიდ სილვა
ვსა-მ დუდუ დადიანის თასი ზედიზედ მეორედ მოიგო
[VIDEO] თურქი მეკარის ეს სიგიჟე ნახეთ? - ოზერმა "რომასთან" 2 წუთში 3 პენალტი მოიგერია
"პსჟ კი არა, ჩემპიონთა ლიგის ფავორიტი ეს გუნდია" - ლუის ენრიკეს მოულოდნელი არჩევანი
20 წლამდელთა ნაკრებს ვიტო კოლელიშვილი ჩაიბარებს
კონფერენს ლიგა: სიგუას ლამაზი სოლო-რეიდი და საგოლე პასი
[VIDEO] კიტეიშვილი გოლით დაბრუნდა - "შტურმმა" "რეინჯერსს" მოუგო
[VIDEO] კიტეიშვილი დაბრუნდა და "რეინჯერსს" გაუტანა
The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის
კვერნაძე ერთმატჩიანი დისკვალიფიკაციით დასაჯეს
სეოკ-ის წინააღმდეგ საქმეში ახალი მტკიცებულებებია
სეოკ-ის წინააღმდეგ სასარჩელო მოთხოვნა, შესაძლოა, გაიზარდოს
სასამართლომ გააუქმა ის გადაწყვეტილება, რომლითაც ოლიმპიური კომიტეტის საპრეზიდენტო არჩევნების შედეგები დროებით შეჩერებული იყო
ლუკა სირაძის გარდაცვალების გამო სეოკმა დაჯილდოება გადადო
თბილისის საქალაქო სასამართლო 16 მარტს ოლიმპიური კომიტეტის საქმის არსებით განხილვას დაიწყებს
სეოკ-ის პრეზიდენტი მომდევნო ოთხი წელი ლერი ხაბელოვი იქნება