<p>მუსტაფის საოცარი კალეიდოსკოპი 2014 წელს <br> <strong>შკოდრან მუსტაფი </strong>ერთ-ერთი ყველაზე საინტერესო უცბად ამობრწყინებული ვარსკვლავია საფეხბურთო სამყაროში. მაკედონიელი ალბანელების ოჯახში, გერმანიაში დაბადებულმა მუსტაფიმ მშობლიური, ბავშვობის კლუბი "ჰამბურგი" 17 წლის ასაკში დატოვა და ზრდა ინგლისური "ევერტონის" აკადემიაში განაგრძო.</p><p>3 წლის მერე კი გენუის "სამპდორიაში" გადაბარგდა და ამ კლუბს სერია A-ს საგზურის მოპოვებაში დაეხმარა, შემდეგ კი ახალ მწვრთნელს, სინიშა მიხაილოვიჩსაც მოაწონა თავი და სერია ა-შიც ძირითადის მოთამაშედ მოგვევლინა. არც ის დაგვავიწყდეს, რომ 2009 წელს გერმანიის 17-წლამდელთა ნაკრებთან ერთად იუნიორთა ევროპის ჩემპიონატი მოიგო.</p><p>ნაციონალმანშაფტში მიწვეული 30-კაციან გაფართოებულ სიაში მოხვდა, მერე კი იოახიმ ლიოვმა იგი 23-კაციან განაცხადში აღარ შეიყვანა, მაგრამ... მარკო როისის სერიოზული ტრავმის შემდეგ მუსტაფი სარეზერვო სიიდან გამოიძახეს და მას მუნდიალზე რამდენჯერმე მოუხდა მინდორზე გასვლა, ბოლოს კი ოქროს მედალიც დაისაკუთრა.</p><p>ბრაზილიური თავგადასავლის მერე კი, ცოტა ხანში იგი "ვალენსიამ" დაიმატა, რომლის რიგებშიც ეს უკანახაზელი ურიგოდ არ გამოიყურება და მიუხედავად იმისა, რომ სეზონის დაწყებამდე ტრავმა ჰქონდა, ადაპტაცია მალევე გაიარა და გუნდს უკვე 3 გოლითაც შეეწია, არადა, მცველია... ალბათ დაგვეთანხმებით, რომ ეს ყველაფერი 22 წლის ფეხბურთელისთვის, ცოტა არ იყოს, ბევრია - გერმანიაში, ინგლისში, იტალიასა და ესპანეთში თამაშის გამოცდილების ქონა, პლუს მსოფლიოს ჩემპიონობა.</p><p>ახლა კი შეგვიძლია თავად შკოდრანს მოვუსმინოთ, თუ რას გვეტყვის იგი მისთვის საუცხოო 2014 წელზე და ზოგადად, საკუთარ კარიერაზე.</p><p><strong>- ახალ კლუბ "ვალენსიაში" როგორ დამკვიდრდით?</p><p></strong>- ახლა უკვე ყველაფერი კარგად არის, მადლობა. მსოფლიოს ჩემპიონატზე მიღებული ტრავმისგან ბოლომდე უნდა მოვშუშებულიყავი და თავიდან ეს ბარიერი გახლდათ, მაგრამ ახლა ყველაფერი რიგზეა, თავს მშვენივრად ვგრძნობ და ძალიან ბედნიერი ვარ.</p><p><strong>- 2014 წელს თავს ძალიან ბევრი რამ გადაგხდათ. როგორ შეაფასებთ ამ წელს?</p><p></strong>- როდესაც ამ ყველაფერს ვიხსენებ და ვიაზრებ, ვხვდები, რომ ერთი წლის განმავლობაში იმაზე მეტი გამოცდილება დავაგროვე, ვიდრე ბევრი ფეხბურთელი რამდენიმე სეზონში მიიღებდა. ყველაფერი ელვის სისწრაფით და ერთმანეთის მიყოლებით ხდებოდა. დაუჯერებელი და კარგი წელი გამოვიდა, თან საოცრად წარმატებული. გავიზარდე, როგორც ადამიანიც და როგორც ფეხბურთელიც. მსგავსის გამეორება და ამ წელზე უკეთესის გამოცდა ძალიან ძნელი იქნება.</p><p><strong>- ანუ ცვლილებები პიროვნულადაც შენიშნეთ?</p><p></strong>- ასეთი გამოცდილება და იმ ტიტულების მოგება ნამდვილად გცვლის, რადგან უეცრად ყურადღების ცენტრში ექცევი, მედიის ინტერესის სფერო ხარ და ყველას უნდა, რომ გაგესაუბროს. ეს ჩემთვის ახალი იყო და ამასთან, გამკლავება ვისწავლე. ასე რომ, როგორც პიროვნებაც, ასევე გავიზარდე და ხასიათი ჩამომიყალიბდა.</p><p><strong>- ყველაფრის გააზრება მოასწარით? მსოფლიოს ჩემპიონატი მოიგეთ, მერე უცბად "ვალენსიაში" გადახვედით...</p><p></strong>- ვფიქრობ, კიდევ გარკვეული დრო მჭირდება! იმდენი რამე მოხდა დროის მოკლე მონაკვეთში, რომ ფიქრის დრო არც კი მქონდა. დასვენება დაახლოებით ორი კვირა მქონდა და მომავალზე ფიქრი ცოტათი მოვახერხე. ჯერ კიდევ "სამპდორიას" ფეხბურთელი ვიყავი, ხოლო მერე ყველაფერი ძალიან სწრაფად მოხდა. გარკვეული დრო დასჭირდა ემოციურად დამშვიდებასაც, რომ გადატანილი ამბები დამევიწყებინა და სრულად "ვალენსიაზე" მომეხდინა კონცენტრაცია.</p><p><strong>- აი, საშობაო არდადეგებიც ახლოვდება და ალბათ, ამ ყველაფერზე ფიქრის დროც გექნებათ, არა?</p><p></strong>- დიახ, ვაპირებ სახლში დავბრუნდე და დრო ჩემს ოჯახთან ერთად გავატარო, სხვას ნაკლებად ვაპირებ რამეს. ახლა ეს ჩემთვის საუკეთესო რამ იქნება, ეს მჭირდება და ჩემთვის ეს მნიშვნელოვანია.</p><p><strong>- როგორი შეგრძნება გქონდათ, როდესაც მუნდიალის წინ საბოლოოდ 23-კაციან განაცხადს მიღმა დარჩით?</p><p></strong>- სიმართლე გითხრათ, იმასაც არასოდეს ველოდი, რომ 30-კაციან გაფართოებულ შემადგენლობაში მოვხვდებოდი. მოსამზადებელ პერიოდში მხოლოდ ჩილესთან მატჩისთვის გამომიძახეს და გავიფიქრე: "ძალიან კარგია, რომ ნაკრების წევრი გავხდი და მწვრთნელებმა შემამჩნიეს. ვნახოთ, რა იქნება შემდეგ".</p><p>მოულოდნელად, 30-კაციან სიაში აღმოვჩნდი, რასაც მართლა ვერ წარმოვიდგენდი და ბუნებრივია, ამის მერე უკვე დავიწყე მსოფლიოს ჩემპიონატზე ფიქრი. როდესაც ასე შორს წახვალ, რასაკვირველია, დანარჩენზეც ფიქრობ და სურვილი გიჩნდება, მაგრამ თან საკუთარ თავს ვუმეორებდი, რომ 2014 წლისგან უკვე იმაზე მეტი მივიღე, ვიდრე ველოდი. ჩემი მიზანი "სამპდორიას" ძირითად შემადგენლობაში დამკვიდრება გახლდათ და ამას მივაღწიე, ნაკრებში გამოძახება კი უკვე ბონუსი იყო.</p><p>ცხადია, გული დამწყდა იმ მომენტში, როდესაც განაცხადს მიღმა დავრჩი, მაგრამ ჩემი ახლობლებისა და ოჯახის დახმარებით, პოზიტიურ განწყობას ვინარჩუნებდი. ამიტომაც ამ ყველაფერს კარგად ვუმკლავდებოდი, მერე კი გამიმართლა...</p><p><strong>- 2014 წლიდან ორი მომენტის გამორჩევა რომ გთხოვოთ, რომლებს გამოარჩევდით?</p><p></strong>- მსოფლიოს ჩემპიონატი ულაპარაკოდ პირველი იქნებოდა და "სამპდორიას" ძირითადში დამკვიდრება - მეორე. გენუელთა მთავარი მწვრთნელის რიგებში სინიშა მიხაილოვიჩი ახალი მისული იყო და ჩემი პროგრესი სწორედ ამას დაუკავშირდა, რასაც შემდეგ სანაკრებო წარმატებები და მუნდიალზე ტრიუმფი მოჰყვა.</p><p><strong>- მსოფლიოს ჩემპიონატის რომელმა მომენტმა მოახდინა თქვენზე ყველაზე დიდი გავლენა და დატოვა შთაბეჭდილება - პორტუგალიასთან და განასთან შეცვლაზე შემოსვლამ, ალჟირთან სასტარტო შემადგენლობაში მოხვედრამ თუ ტიტულის გადმოცემის მომენტმა?</strong></p><p>- ბრწყინვალე მომენტი იყო, როდესაც თასი გადმომცეს და მე ის ზემოთ აღვმართე. ის წამი ისეთი ემოციური იყო და ისეთი შეგრძნებები მქონდა, რომელთა გადმოცემაც შეუძლებელია. ცხადია, სხვა მომენტებიც გამოსარჩევია: პირველი შესვლა მინდორზე, სასტარტო შემადგენლობაში პირველად მოხვედრა... ეს დიდი გამოცდილება იყო.</p><p>ისევე, როგორც მერვედფინალში ძირითად შემადგენლობაში ყოფნა, 22 წლის ასაკში გერმანიის ნაკრების სასტარტო შემადგენლობაში მოხვედრა ისეთი რამ არის, რაც არასოდეს დაგავიწყდება, მაგრამ ვერც ერთ ეპიზოდს ვერ შევადარებ იმ მომენტს, როდესაც თასს ხელები შევახე.</p><p><strong><span style="color: #ff0000;">დოსიე</span></p><p>შკოდრან მუსტაფი</p><p></strong>დაიბადა: 1992 წ. ბად ჰერშფელდი (გერმანია)</p><p>პოზიცია: მცველი</p><p>კარიერა: 2009-12 - ევერტონი; 2012-14 - სამპდორია; 2014-დან ვალენსია</p><p>ტიტულები: მსოფლიოს ჩემპიონი (2014)</p><p><strong>ყოველდღიური სპორტული გაზეთი "ლელო"</strong></p>
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
"ფენერბაჰჩეს" მოურინიოს შესაძლო შემცვლელებს შორის ორი კანდიდატი ჰყავს
უარი ხავისგან - "ლევერკუზენი" ახალი მწვრთნელის ძიებაშია
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
შენგელია: გასაკვირია ჯიკიჩი ევროლიგის გუნდს რომ არ წვრთნის
[VIDEO] ესპანეთმა თურქეთი გააბითურა - საქართველოს ნაკრები მეორე ადგილზეა
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!
[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
გადადის ჩაკვეტაძე "ვალენსიაში"? - მედიაში ურთიერთგამომრიცხავი ინფორმაციები ვრცელდება
არსენ ვენგერმა დაცვას და თავდასხმას მიხედა
სამი კანდიდატი - "ბაიერნში" ტუხელის შესაძლო შემცვლელები ცნობილია
კაპაძემ უზბეკეთი მუნდიალზე გაიყვანა და მაინც უშვებენ? - ადგილობრივ ფედერაციას ამ ცნობილი მწვრთნელის მიწვევა სურს
ძუნწი არსენი, რომელიც ღარიბს ართმევს
იულიან ნაგელსმანი: წარმოუდგენელია - საქართველოს ნაკრები სულ უფრო და უფრო უკეთესი ხდება
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
ესპანეთმა გერმანიას დამატებით დროში მოუგო და 1/2-ფინალში გავიდა [VIDEO]
ტრანსფერ ONLINE: 25 აგვისტოს ტრანსფერები და ჭორები
უნაი ემერიმ 2 ფეხბურთელს "არსენალიდან" წასვლა ურჩია
შეჩერებული მატჩი, არჩათვლილი გოლი და პენალტი - გერმანიამ დანიას სძლია [VIDEO]
"ვალენსიამ" მამარდაშვილის შემცვლელად 24 წლის მეკარე დაიმატა
ესპანეთთან მატჩის გადათამაშებას 300 000-ზე მეტი გერმანელი ფანი ითხოვს
ლიოვმა ახსნა, თუ რატომაა იმედიანად ინგლისთან მატჩის წინ
ლიოვი მზადაა ნაკრებში მიულერის, ჰუმელსისა და ბოატენგის დაბრუნება განიხილოს
ევრო 2016-ის პირველი ტურის სიმბოლური ნაკრები უეფას ვერსიით
"ვალენსია" ჩაკვეტაძის ტრანსფერზე "უოტფორდს" დაუკავშირდა
მანუელ ნოიერმა სანაკრებო კარიერა დაასრულა
რიუდიგერმა შეიძლება პლეი-ოფში ვერ ითამაშოს
ხავი შესაძლოა გაათავისუფლონ - მის შემცვლელად 3 კანდიდატი სახელდება
ლონდონის "არსენალი" ზაფხულში ნახევარ გუნდს გაყიდის
"დრო არ ითმენს - "ვალენსიას" ჩაკვეტაძის სასწრაფოდ დამატება სჭირდება" - ესპანური მედია
ლიოვმა მიულერს დაურეკა და ნაკრებში უხმო
Geo Team: არის პირადი კონტრაქტი - ჩაკვეტაძის "ვალენსიაში" ტრანსფერი ბოლომდეა მისაყვანი