<p>ეს ესპანეთის ნაკრებია, სადაც ბასკი ხელბურთელებიც თამაშობენ <br> ყატარის დედაქალაქ დოჰაში მიმდინარე ვაჟ ხელბურთელთა მსოფლიოს 24-ე ჩემპიონატიდან მატჩებისა და საერთოდ, ტურნირის მიმოხილვას არ ვაპირებდი, მაგრამ ახლა, როგორც იტყვიან, სულმა წამძლია, მიზეზი კი ყატარი-ესპანეთის მატჩი გახდა.</p><p>ეს სულაც არ იყო ცდუნების უბრალო მიზეზი იმის გათვალისწინებით, რომ ორივე მეტოქე მოქმედი ჩემპიონია - ყატარი აზიის, ესპანეთი - მსოფლიოსი. ამასთან, შევეცდები გადმოვცე ამ მატჩით ჩემპიონატის სულისკვეთებაც, რასაც ასეთ ასპარეზობებზე, ყველგან და ყოველთვის, გარკვეულწილად, მაყურებელთა განწყობა ამაღლებს.</p><p>მაყურებლებში კი, საერთოდ, ბუნებრივია, სტუმარი გუნდების ქომაგებზე მეტი ადგილობრივი არის ხოლმე. მაგრამ აქ მათ მხოლოდ იმ თამაშებზე ვხედავთ, როცა ვინმეს მეტოქე ესპანეთის გუნდია.</p><p>ასეთ დროს ტრიბუნები გადათეთრებულია ეროვნულ სამოსში გამოწყობილი გულშემატკივრებით.</p><p>მათი აბსოლუტური უმრავლესობა მთავრობის ან სახელმწიფო ორგანიზაციების წარმომადგენლები არიან. ჩემპიონატის მთავარ, "ლუსაილ არენაზე" ხალხი ალბათ იმიტომაც ვერ დადის, რომ ქალაქიდან შორს წასვლას შინ ტელევიზორით ტკბობას ამჯობინებს.</p><p>"ლუსაილ არენა" უდაბნოშია აგებული. აქვე იგეგმება ახალი ობიექტების მშენებლობა ფეხბურთში 2022 წლის მსოფლიოს ჩემპიონატისთვის.</p><p>ხსენებულ დარბაზში ტრიბუნებს, რომლებიც ბოლომდე არასდროს შევსებულა, მესამე იარუსის 20-დან 10 სექტორს შავი სუდარა გადააფარეს, ცარიელი სავარძლებით გამოწვეული არასასიამოვნო სატელევიზიო ეფექტის შესანიღბად.</p><p>მეტოქეთა ქომაგების ენერგიული მხარდაჭერის წყალობით, ესპანეთი-ყატარის შეხვედრა ნამდვილ სპორტულ ზეიმად იქცა.</p><p>ეს პრინციპული შეხვედრა მსოფლიოს ჩემპიონების კარნახით დაიწყო. ანგარიში პირველ პერიოდში აზიის რჩეულებმა მხოლოდ 27-ე წუთზე გაათანაბრეს (8:8) ტაიმის მიწურულს კი ორი ბურთითაც დაწინაურდნენ.</p><p>ამ სტრიქონების წერისას, ჩემ გვერდით პრესის ლოჟაში მჯდომმა კოლეგამ - მამუკა ჩიხლაძემ მესამე იარუსისკენ გამახედა - იქ ერთ სექტორს სუდარა ჩამოაშორეს - დარბაზს გვარიანად დაგვიანებული მაყურებელი შემოემატა.</p><p>მეორე ტაიმის დასაწყისიდან მონაცვლეობით, 1,2,3 ბურთის სხვაობით ყატარი ინარჩუნებდა უპირატესობას, მაგრამ საბოლოოდ, ესპანელებმა თამაშის კლასითაც და ტრიბუნებიდან ხმაურიანი ქომაგობითაც აჯობეს ჩემპიონატის მასპინძლებს.</p><p>საბოლოოდ - 28:25 აპენინელთა სასარგებლოდ. ჩვენ ვგულშემატკივრობდით ესპანელებს და ახლავე გეტყვით, თუ რატომ: მსოფლიოს უძლიერეს გუნდში - ესპანეთის ნაკრებში რამდენიმე ბასკი ხელბურთელი თამაშობს.</p><p>ბასკები კი, როგორც ამას მკვლევარები მიუთითებენ, გვენათესავებიან ისტორიულად. ხოლო ბურთის გატანას ბასკეთშიც, ჩვენი რაგბისა არ იყოს, "ლელო, ლელოს" შეძახილით აღნიშნავენ.</p><p>ესპანეთი-ყატარის მატჩში გამარჯვებული გუნდიდან სწორედ ბასკი ჯულენ აგუიანაგელდე იყო (N13).</p><p><span style="text-decoration: underline;">მს. ჩემპიონატი</p><p></span>კაცები</p><p>შვედეთი-ეგვიპტე 25:25</p><p>ალჟირი-საფრანგეთი 26:32</p><p>ისლანდია-ჩეხეთი 25:36</p><p>პოლონეთი-ს. არაბეთი 32:13</p><p>გერმანია-არგენტინა 28:23</p><p>რუსეთი-დანია 28:31</p><p><strong>ყოველდღიური სპორტული გაზეთი "ლელო"</strong></p>
ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს
გიორგი ცხოვრებაძე "პარი სენ ჟერმენთან" საუკეთესო იყო
ლეგიონერები/ცინცაძის და გავაშელიშვილის გუნდებმა მოიგეს. კალანდაძის გოლებმა კი "ექს ან პროვანსი" წაგებისგან ვერ იხსნა
კალანდაძე თბილისის "დინამოში" დაბრუნდა
საქართველოს 15-ქალა ნაკრების წინსვლა რეიტინგში
გრიზმანი MLS-ში - მოლაპარაკებები დასკვნით სტადიაშია
ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია
ქალთა ნაკრები საბერძნეთთან მატჩისთვის მზადებას განაგრძობს
ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს
15-ქალა | ხორვატებთან ახალი რეკორდით
20 წ. | კარგი ტაიმით მსოფლიოს ჩემპიონთან
კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?
"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო
"სერია A-ში თამაში ყველაზე რთულია" - ალეგრი "პარმასთან" მარცხის შემდეგ
L'Équipe: პსჟ-ში შევალიეს ბედი საფონოვზეა დამოკიდებული
ლებრონ ჯეიმსმა მორიგი რეკორდი დაამყარა
თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა
"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა
[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა
[VIDEO] მიქაუტაძემ ამჯერად ვერ გაიტანა - "ვილიარეალმა" "ვალენსია" დაამარცხა
ზივზივაძის გარეშე - "ჰაიდენჰაიმმა" "შტუტგარტთან" ქულები გაიყო
გულიაშვილის 71 წუთი - "რასინგმა" მოიგო და ისევ ლიდერია
[VIDEO] დიოკერეშის და ეზეს დუბლები, ტუდორის მძიმე დებიუტი - "არსენალმა" "ტოტენჰემი" გაანადგურა
თენგიზ გაჩეჩილაძე ყატარიდან: დიდი ასპარეზობა დიდი პასუხისმგებლობაა
თენგიზ გაჩეჩილაძე ყატარიდან: ეროვნული სიამაყეც ასეთი უნდა!
თენგიზ გაჩეჩილაძე ყატარიდან: ამას ნამდვილად ვერ წარმოვიდგენდი
თენგიზ გაჩეჩილაძე ყატარიდან: ყატარი-2022
თენგიზ გაჩეჩილაძე ყატარიდან: რაც ესპანეთმა დაკარგა, საფრანგეთმა იპოვა
თენგიზ გაჩეჩილაძე ყატარიდან: საქართველო გახდება სახელბურთო ქვეყანა...