- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ქორქია-საკანდელიძის მემორიალი. I ტური: 11 წამი...
<p>25იანვარს ვაკეში, აკადემიის დარბაზში ლეგენდარული კალათბურთელების, მიხეილ ქორქიასა და ზურაბ საკანდელიძის მემორიალური ტურნირი დაიწყო <br> 25იანვარს ვაკეში, აკადემიის დარბაზში ლეგენდარული კალათბურთელების, მიხეილ ქორქიასა და ზურაბ საკანდელიძის მემორიალური ტურნირი დაიწყო.</p><p>შეჯიბრებაში სუპერლიგის წარმომადგენელი რვავე გუნდი მონაწილეობს. ისინი ორ ჯგუფად არიან გაყოფილნი.</p><p>გათამაშების ფორმატიდან გამომდინარე, ჩემპიონობისთვის ბრძოლის შანსი ჯგუფური ეტაპის შემდეგ მხოლოდ ორ გუნდს აქვს - ჯგუფების პირველადგილოსნებს, რომლებიც 29 იანვარს ქუთაისში ერთმანეთს ფინალში დაუპირისპირდებიან.</p><p><span style="color: #ff0000;"><strong>A ჯგუფი</strong></span></p><p><em><strong>დინამო-მგზავრები/არმია 72:71</strong></em></p><p>10:11, 17:14, 19:18, 17:20, 9:8</p><p>დინამო: გამყრელიძე (4ქ), მეგენეიშვილი, ბ. ლეჟავა (6ქ), ვახანია (7ქ, 6მ), ლონდარიძე (13ქ), დიდია (8ქ, 5მ), მათიაშვილი (4ქ), ორმოცაძე (10ქ, 7მ), ხიზანიშვილი (2ქ), ღუდუშაური (14ქ, 6მ, 4პ), კოღუაშვილი (4ქ, 7მ).</p><p>მგზავრები: გულისაბედაშვილი, ს. ლეჟავა, ჩაჩიბაია (12ქ, 11მ), მაისურაძე (6ქ, 5მ), ბოქოლიშვილი (19ქ, 4პ), ბაბუნაშვილი, ზაქრაძე (6ქ), ათანელიშვილი (20ქ, 11მ), ჯინჭარაძე (5ქ, 5მ, 5პ), იოსელიანი (3ქ, 6მ).</p><p>მსაჯები: ზ. მაჩალაძე, დ. ბერიშვილი, მ. ვართანოვი.</p><p>სუპერლიგაში ნაჩვენები შედეგების მიხედვით თუ ვიმსჯელებთ, "დინამო" ფავორიტი იყო, თუმცა "მგზავრებმა" თუნდაც სუპერლიგაში არაერთხელ დაგვარწმუნა, რომ ახალგაზრდული ასაკის მიუხედავად ძლიერ გუნდებთან თამაშიც შეუძლია და გამარჯვებაც.</p><p>ბუბა ბერიშვილის შეგირდები "დინამოსთანაც" ორჯერ იყვნენ გამარჯვებასთან ხელის გაწვდენაზე, ორჯერვე 11 წამი აშორებდათ მიზანს, მაგრამ ორივე შემთხვევაში გამოცდილმა დინამოელმა, ბესიკ ლეჟავამ ჩაუგდო ორქულიანი და კოვზი ნაცარში...</p><p>რას ნიშნავს ორჯერ? ერთი მატჩის ორჯერ მოგება სად გაგონილა? - იკითხავთ. მოგახსენებთ:</p><p>ძირითადი დროის დასრულებამდე 11 წამით ადრე "მგზავრები-არმიას" ფორვარდმა ტატო ჩაჩიბაიამ ჯარიმების ტყორცნის უფლება მოიპოვა, ორიდან ერთი გამოიყენა და თანაგუნდელები ორი ქულით დააწინაურა - 63:61. საპასუხო შეტევა ბესიკ ლეჟავამ შედეგიანად დაასრულა და მატჩი ფრედ, 63:63 დასრულდა.</p><p>კალათბურთში, ჯგუფურ მატჩებში ფრე არ არსებობს. ამიტომ შეხვედრა ოვერტაიმში გაგრძელდა, რომლის ბოლო წამებზეც იგივე განმეორდა, რაც ძირითადი დროის ბოლოს: "მგზავრების" უკანახაზელი მერაბ ბოქოლიშვილი დამატებითი დროის დასრულებამდე 11 წამით ადრე საჯარიმოს ხაზზე დადგა, ორიდან ერთი ჩააგდო და - 71:70 მისი გუნდის სასარგებლოდ. დარჩენილ დროში ისევ ლეჟავამ აიღო საკუთარ თავზე გადამწყვეტი ტყორცნა და მიზანსაც მიაღწია - 72:71. თუ ოქმს უკვე დახედეთ, გაგახსენდებოდათ, რომ ეს მატჩის საფინალო ანგარიშია.</p><p>ეფექტური ორმაგი დუბლი მიითვალა რეზო ათანელიშვილმა - 20 ქულა, 11 მოხსნა.</p><p>ამავე ჯგუფში კიდევ ერთი ტოპ-მატჩი გაიმართა: "შსს აკადემიამ" "ბათუმის" წინააღმდეგობა ბოლო წამებზე გადალახა...</p><p><em><strong>შსს აკადემია-ბათუმი 72:69</strong></em></p><p>21:17, 16:13, 12:15, 23:24</p><p>შსს აკადემია: ბერიშვილი (8ქ), მეტრეველი (15ქ, 14მ), როგავა (11ქ), ჩიკვილაძე, ცინცაძე (13ქ, 9პ), ლოლიშვილი, შარაბიძე (8ქ), წივწივაძე (5ქ, 4პ), ლომოური (12ქ).</p><p>ბათუმი: იანგი (20ქ), რამიშვილი (14ქ), მიქელაძე (10ქ, 7პ), თენიეშვილი (7ქ), კელოგი (4ქ), ბოლქვაძე, პელჩერი (14ქ, 11მ, 2დ).</p><p>მსაჯები: მ. კუპატაძე, დ. ბერეკაშვილი, ი. ბერიშვილი.</p><p>მატჩის 25-ე წუთზე შსს-ელები 10 ქულით იგებდნენ. ბათუმელებს შეტევაში თამაშის დალაგება უჭირდათ, მაშინ, როცა თბილისელებს 6 სამქულიანი ჰქონდათ ჩაგდებული ("ბათუმს" - 0) და ლოგიკის მიხედვით კოტე ტუღუშის შეგირდებს ბოლო 15 წუთში მეტოქისთვის დაწევის უფლება არ უნდა მიეცათ. მითუმეტეს, რომ ტრიბუნებიდანაც ჩანდა ერთგვარი დაძაბულობა ბათუმის ზოგიერთ ქართველ და ამერიკელ კალათბურთელს შორის.</p><p>ყოველივე ზემოთ თქმულის მიუხედავად, აჭარლებმა ერთი ეფექტური აფეთქების შედეგად არათუ ანგარიში გაათანაბრეს, მეტოქეს გადაასწრეს კიდეც - 14:0 სპურტის შემდეგ "ბათუმი" 51:49 დაწინაურდა.</p><p>ამის შემდეგ, ბოლო წუთებამდე თანაბარი ბრძოლა გაჩაღდა და გადამწყვეტი ერთი ეპიზოდი გამოდგა: საფინალო სირენამდე 9 წამით ადრე მჭიდრო პრესინგის დროს ბათუმელმა კრის პელჩერმა ბექა წივწივაძეს ბურთი აართვა, მეტოქის კალათისკენ მარტო დაიძრა, თუმცა მსაჯებმა პელჩერზე წესების დარღვევა დააფიქსირეს.</p><p>ცხადია, "შსს აკადემიას" მხარეს მიაჩნდა, რომ წესები დაირღვა, "ბათუმი" კი საპირისპიროს ამტკიცებდა. რადგან მატჩი ტელევიზიით არ გადაიცემოდა და ვიდეოჩანაწერის განმეორებით ხილვის საშუალება არა გვაქვს, დასკვნების გამოტანას მოვერიდებით, ყველაფერი იმდენად სწრაფად მოხდა, რომ წესი დაირღვა თუ არა, ამის გასარჩევად ქორის თვალი იყო საჭირო. რაც ყველაზე მეტად სწორედ მსაჯებს მოეთხოვებათ.</p><p>ასეა თუ ისე, აჭარელთა პროტესტმა დადებითი შედეგი ვერ გამოიღო, უარყოფითი - კი ბატონო: მსაჯებმა წივწივაძეს ტექნიკურიც ასროლინეს და ორი საჯარიმოც. საფინალო სირენამდე სხვაობა 3 ქულამდე გაიზარდა, რაც "შსს აკადემიას" გამარჯვებისთვის საკმარისი აღმოჩნდა.</p><p>დავძენთ: "აკადემიაში" ორი ახალწვეული ვიხილეთ - მიხეილ ბერიშვილი და ნიკა მეტრეველი.</p><p>პირველი სლოვენიური "ლაშკოდან" დაბრუნდა, მეორე - იტალიური "ნაპოლიდან".</p><p>"ბათუმს" ლაშა ოჩხიკიძე გაუძღვა. იგი მთავარი მწვრთნელის, მიხეილ კობეშავიძის თანაშემწე იყო. მემორიალის დასრულებისთანავე კი მთავარი მწვრთნელის პოსტს დავით უსტიაშვილი დაიკავებს.</p><p><span style="color: #ff0000;"><strong>B ჯგუფი</p><p></strong></span><em><strong>რუსთავი-სოხუმი 72:56</strong></em></p><p>21:16, 18:13, 16:15, 17:12</p><p>რუსთავი: მაჭავარიანი (2ქ), ჰამსი (7ქ, 7მ), ცეკვავა (3ქ, 6მ, 4პ), ოგლესბი (14ქ, 4პ), აბაიშვილი (3ქ), ჩაჩანიძე, ყველაშვილი (2ქ), ჭოჭუა (16ქ), გუგავა, ხმელიძე, ტუჯანი, დვალიშვილი (25ქ, 23მ, 2დ).</p><p>სოხუმი: გილმორი (1ქ), ჩლაიძე (18ქ), კვეტენაძე, დ. დვალიშვილი, შვანგირაძე (2ქ), ბააკაშვილი (4ქ, 5მ), გ. რევაზაშვილი (5ქ), ჯგერენაია (4ქ, 9მ), ფერიაშვილი, დეკანოიძე (1ქ), ბალა (14ქ, 7მ, 3პ), ბექაური (7ქ, 11მ).</p><p>მსაჯები: ზ. მაჩალაძე, დ. ბერეკაშვილი, გ. მიქელაძე</p><p>სიახლეებია "რუსთავსა" და "სოხუმში". რუსთაველების მაისურით სეზონში პირველი მატჩი ჩაატარეს ტერენს ოგლესბიმ და ჟულივეტ ტუჯანმა, ხოლო "სოხუმში" დებიუტი ჰქონდათ ჩარლზ გილმორსა და პელე ბალას.</p><p>ქვემოქართლელებმა მატჩი თავიდან ბოლომდე სტაბილურად ჩაატარეს, რაშიც დიდი წვლილი მიუძღვის მათ ცენტრ აკაკი დვალიშვილს, რომელმაც 25 ქულა და 23 მოხსნა მოაგროვა.</p><p><em><strong>ქუთაისი-ოლიმპი 61:80</p><p></strong></em>16:29, 14:18, 6:15, 25:18</p><p>ქუთაისი: ფაშაევი (5ქ), გრძელიძე (8ქ, 5მ), ქადარია (2ქ), კვიმსაძე (10ქ, 5მ), დ. ბარბაქაძე (15ქ), ლომინაშვილი (8ქ), გ. ბარბაქაძე (8ქ, 9მ), ბულიავა, ნდოიე, ბოისა (5ქ), ნუცუბიძე.</p><p>ოლიმპი: გუგეშაშვილი (3ქ), კვანტალიანი (4ქ), ლობჟანიძე (4ქ, 5მ), კოკა ტომარაძე (9ქ, 6მ), ბაქრაძე (2ქ), კახა ტომარაძე (8ქ), გოგოძე (26ქ, 4პ), მაჩალაძე (4ქ), მირზიაშვილი (1ქ), დუიკოვიჩი (13ქ, 9მ), ლომიძე, ცირეკიძე (6ქ, 5მ).</p><p>მსაჯები: მ. კუპატაძე, ი. ბერიშვილი, დ. ბერიშვილი.</p><p>როგორც ჩანს, "ოლიმპისთვის" მეტად სასარგებლო იყო ლატვიური შეკრება. გია კაზანჯიანის შეგირდები ბალტიისპირეთიდან აშკარად კარგ ფორმაში დაბრუნდნენ და ჯგუფის ფავორიტ "ქუთაისს" შანსი არ დაუტოვეს. ოლიმპელები მეოთხე პერიოდის პირველივე წუთებზე 65:36-ს იგებდნენ.</p><p>წარმატებაში 26-ქულიანი წვლილი შეიტანა ბოლო დროს კარგად ათამაშებულმა ნოდარ გოგოძემ. 10 ქულას კიდევ ერთი ოლიმპელი ასცდა - სერბი მარკო დუიკოვიჩი, რომელიც საქართველოში სადებიუტო შეხვედრას ატარებდა. მას ორმაგ დუბლამდე ერთი მოხსნა დააკლდა - 13 ქულა, 9 მოხსნა.</p><p>დღეს 11 საათზე შსს-"მგზავრებია", 13 საათზე - "ოლიმპი"-"რუსთავი", 15 საათზე - "ქუთაისი"-"სოხუმი", ხოლო 17 საათზე - "შსს აკადემია"-"დინამო".</p><p><strong>ყოველდღიური სპორტული გაზეთი "ლელო"</strong></p>
3x3Geotour2025-ის ბათუმის ტურის გამარჯვებული გახდა ჩეტი | 12 ფინალისტი შეიკრა
"არ ვაპირებ მივიღო მონაწილეობა ტურნირზე, სადაც აგრესორი ქვეყნები მონაწილეობენ" - ბერტანსმა VTB-ის სუპერლიგაში ასპარეზობაზე უარი განაცხადა
მარინა შალამბერიძემ ანდორაში ბრინჯაოს მედლებისთვის მატჩი იმსაჯა
მიქაუტაძის "ლიონს" ახალი მეკარე ჰყავს
ქართველი მსაჯები ევროპა ლიგის მატჩს მოემსახურებიან
რაშფორდს მიმდინარე სეზონში ტრებლის მოგების სჯერა
ისევ პრემიერ ლიგა თუ ბუნდესლიგა - ჯეკსონს ორი ვარიანტი გამოუჩნდა
"მილანის" ორი ვარიანტი - "როსონერის" შეტევა ვლაჰოვიჩით ან ჰოილუნით გაძლიერდება
[VIDEO] ბასილაშვილმა ბელგიელ მეტოქეს სძლია - ქართველმა წლის ბოლო დიდი სლემი წარმატებულად დაიწყო
ფრე წყალტუბოში: "გარეჯის" თავურები
"უდინეზეში" გოგლიჩიძის დებიუტი შედგა - მისი გუნდი 1/16-ფინალში გავიდა
Geo Team: არის პირადი კონტრაქტი - ჩაკვეტაძის "ვალენსიაში" ტრანსფერი ბოლომდეა მისაყვანი
სიგუას ახალ გუნდში დებიუტი ევროტურნირზე შედგება
17-წლამდე ვაჟთა ნაკრები საწვრთნელ შეკრებას იწყებს
"ნაპოლი" მთავარი თავდამსხმელის გარეშე დარჩა
სიგუა შვეიცარიაში გუნდს გამოიცვლის
"გვარდიოლა ამ ფეხბურთელის დამატებაზე ოცნებობს" - ფაბრიციო რომანო
15-წლამდე გოგონათა ნაკრები განვითარების თასისთვის ემზადება
ტონი კროოსმა ფეხბურთის ისტორიაში საუკეთესო მეკარე დაასახელა
როგორ ფორმაში ხვდება ხვიჩა სანაკრებო მატჩებს - ბარკოლას მარცხნივ ურჩევნია...
"სიტიმ" იმაზე დიდი ხელფასი შესთავაზა, ვიდრე პსჟ-სგან მოითხოვდა - დონარუმა პრემიერლიგას უახლოვდება
სპერციანს მყიდველების რიგი დაუდგა - სად გააგრძელებს კარიერას სომეხი ფეხბურთელი?
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ