<p>თურქეთში შეკრებაზე მყოფმა თბილისის "დინამომ" მორიგი საკონტროლო მატჩი ჩაატარა <br> თურქეთში შეკრებაზე მყოფმა თბილისის "დინამომ" მორიგი საკონტროლო მატჩი ჩაატარა: საქართველოს მოქმედი ჩემპიონი და მიმდინარე გათამაშების ლიდერი უკრაინულ "ვორსკლას" (პოლტავა) წაესპარინგა და მინიმალური ანგარიშით, 0:1 დამარცხდა.</p><p>ეს ერთადერთი გოლი უკრაინული გუნდის ფორვარდმა <strong>ოლეგ მიშჩენკომ</strong> მე-7 წუთზე გაიტანა. "ვორსკლამ" სწრაფი კონტრშეტევა დაიწყო მარჯვენა ფლანგიდან და ჩვენი საჯარიმოს მისადგომებთან მყოფმა მიშჩენკომ "დინამოს" სლოვაკ მეკარეს, <strong>ლიბორ ჰრდლიჩკას</strong> ბურთი ახლო კუთხეში გაუტანა.</p><p>ამის მერე ანგარიშის შეცვლის შანსი ორივე გუნდს ჰქონდა: ერთ ეპიზოდში დინამოელთა ესპანელი ახალწვეული <strong>მანუელი</strong> თავით ურტყამდა ახლო მანძილიდან, მაგრამ "ვორსკლას" მეკარე <strong>დმიტრო ნეპოგოდოვმა</strong> სწორი პოზიცია შეარჩია.</p><p>მანუელისა და ნეპოგოდოვის დუელი სხვა ეპიზოდშიც ვიხილეთ, როცა "ოსასუნადან" გადმოსული ფორვარდი, ფაქტობრივად, ერთი-ერთზე დარჩა "ვორსკლას" მეკარესთან, მაგრამ... ვერც ამჯერად იყოჩაღა.</p><p>პირველ ტაიმშიც და შესვენების შემდეგაც ბურთის ფლობაში უპირატესობა დინამოელთა მხარეს იყო, თუმცა უკრაინულმა გუნდმა კარის მშრალად შენახვა მაინც მოახერხა.</p><p>ანგარიშის გათანაბრების ყველაზე რეალური შანსი "დინამოს" მატჩის მიწურულს ჰქონდა, როცა კუთხურის შემდეგ ბურთი მეტოქის საჯარიმოს მისადგომებთან მყოფ <strong>ჯაბა ჯიღაურს</strong> მიუვიდა, რომელიც ახლოს იყო მიზანთან (თან შეეძლო, ზედიზედ მეორე საკონტროლო მატჩში გამოეჩინა თავი), მაგრამ "ვორსკლას" სათადარიგო მეკარე <strong>ალექსანდრ ტკაჩენკომ</strong> ჩინებული რეაქციით გუნდი აშკარად გოლს გადაარჩინა.</p><p>"ვორსკლასთან" მატჩში "დინამოს" მთავარმა მწვრთნელმა <strong>კახა გოგიჩაიშვილმა</strong> ასეთი შემადგენლობა ათამაშა: ჰრდლიჩკა (46. დაუშვილი) - კაკაბაძე, ბუკორაცი, გველესიანი, ტაბატაძე - პარუნაშვილი (62. ცინცაძე) - ჯანელიძე (62. ჯიღაური), კიტეიშვილი (67. უგულავა), ჭატურიშვილი (75. ჯაფიაშვილი), გუგა (46. ლობჟანიძე) - მანუელი (62. მიქელთაძე).</p><p>როგორც ხედავთ, გოგიჩაიშვილმა დასვენების საშუალება მისცა გუნდის ორ წამყვან მცველს - <strong>ნიკა ჭანტურიასა</strong> და <strong>ლაშა თოთაძეს</strong>. წინა საკონტროლო მატჩისგან (ავსტრიულ "შტურმთან" ჩვენმა ჩემპიონმა 1:1 ითამაშა) განსხვავებით, "დინამოს" პოტენციურმა ახალწვეულმა, სერბმა <strong>სტეფან ბუკორაცმა</strong> თამაში ამჯერად ცენტრალური მცველის პოზიციაზე დაიწყო, <strong>ვაჟა ტაბატაძე</strong> კი ახლა დაცვის მარცხენა ფლანგზე იყო გამწესებული.</p><p>ტრავმების გამო უკვე მეორე საკონტროლო მატჩი გამოტოვეს <strong>გიორგი პაპუნაშვილმა, ლაშა შერგელაშვილმა</strong> და <strong>გიორგი ჩირგაძემ</strong>.</p><p>რაც შეეხება "დინამოს" კიდევ ერთ ახალწვეულს, ექსზესტაფონელ <strong>რენე ფერეირას</strong>, ბრაზილიელი ცენტრალური მცველი თბილისელებს ანტალიაში შეუერთდა და ჯერჯერობით ინდივიდუალური პროგრამით ემზადება.</p><p>მომდევნო საკონტროლო მატჩს "დინამო" 3 თებერვალს გამართავს და ჩეხეთის ყველაზე პოპულარულ და ტიტულოვან გუნდს, პრაღის "სპარტას" შეხვდება.</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
VIDEO | ეროვნული ლიგა | გაგრა 1-2 იბერია 1999. "გაგრას" ბოლომდე ბრძოლამ არ უშველა, "იბერიას" შეცვლამ გაუმართლა...
VIDEO | ეროვნული ლიგა | ტორპედო 3-0 მეშახტე. როგორც ძველი არაბიძე...
VIDEO | ეროვნული ლიგა | დინამო (ბთ) 4-1 სპაერი. ნანატრი შოუ ბათუმში
ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ
ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა
"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს
ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება
კვერნაძის 74 წუთი და "ფროზინონეს" მორიგი გამარჯვება
[VIDEOS] გულიაშვილმა ესპანეთში დუბლი შეასრულა
სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა
პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს
[VIDEO] ლუკა გადრანმა "ბეითარში" სადებიუტო გოლი გაიტანა
[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა
პეპ გვარდიოლამ "ლივერპულთან" პირადი რეკორდი დაამყარა
ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა
ფუტსალის ნაკრები აზერბაიჯანთან ორ ამხანაგურ მატჩს გამართავს
[VIDEO] "ბარსელონა" "რეალს" 7 ქულით გაექცა
U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო
[VIDEO] მორიგი გამარჯვება პირველივე რაუნდში - ღვინიაშვილი MMA-შიც შეუჩერებელია!
18 წ. | 3 ლელო საფრანგეთთან
"მამარდაშვილი მთავარი დამნაშავე არ არის" - ინგლისური მედია
გოჩოლეიშვილი შეცვლაზე და "ჰამბურგის" ფრე "აუგსბურგთან"
დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა
მარუსიჩმა თბილისის "დინამო" დატოვა და უკვე ახალ გუნდშიც წარადგინეს
ტაბატაძემ გაიტანა, ნეიმარი მსაჯმა დაინდო - გველესიანი რონალდოს დაუპირისპირდება [VIDEO]
[VIDEO. ლეგიონი] აშორტიას შორეული გასროლა, ჯიღაურის მაგარი პასები...
თბილისის "დინამომ" "ტოტენჰემისა" და "ასტონ ვილას" ყოფილი ფეხბურთელი დაიმატა
ეროვნული ლიგა 2026 | ზამთრის სატრანსფერო კამპანია. ვინ გაძლიერდა, ვინ დასუსტდა...
თბილისის "დინამომ" გამბიელი ფეხბურთელები დაიმატა
ჯიღაურის დუბლი აზიის ჩემპიონთა ლიგაზე - ორი ქართველის გუნდი პლეი-ოფში გავიდა, მესამეს კარგი შანსი აქვს [VIDEO]
რატომ წავიდა პრეზიდენტი? ...არ სურდათ, ეს საკითხები რომ გამეკონტროლებინა
[ლელოს სტუმარი] "საქართველოს ჰიმნზე რომ დავდექი, თვალწინ წარმომიდგა ყველაფერი"
ოთარ კობახიძე - "ჩელე-არენის" მორიგი მსხვერპლი
[მკითხველთა ფორუმი] ნაკრების პრობლემა - ვინ დაგვიცავს მარჯვენა ფლანგზე?
[ლელოს სტუმარი] "ჯერ საქართველოში უნდა დაამტკიცო, რა შეგიძლია!"
კანკავას ოპერაცია წარმატებით ჩაუტარდა
კოხრეიძე საფრანგეთის ლიგა 2-ში? გიორგი ერთ-ერთ ლიდერს აინტერესებს
"საუთჰემპტონში" ყოფნა, უსამართლობა "დინამოსგან" და მწვრთნელის კომპეტენციაში ჩარევები - კახა გოგიჩაიშვილი ქართულ რეალობაზე
თბილისის "დინამომ" ზარია და "ბენფიკას" აღზრდილი ნახევარმცველი დაიმატა
"მარკ სტარსის" თასი: ტყიბულის "მეშახტის" ტრიუმფი
კალანდაძე თბილისის "დინამოში" დაბრუნდა