<p><p>„მანჩესტერ იუნაიტედმა“ „სტოკ სიტის“ 2:1 მოუგო, მაგრამ სად იყო უეინ რუნი?</p> <br> <p>„მანჩესტერ იუნაიტედმა“ „სტოკ სიტის“ 2:1 მოუგო, მაგრამ სად იყო უეინ რუნი? არცთუ შორეულ წარსულში „იუნაიტედის“ მთავარი ვარსკვლავი როკ-ჯგუფ „სტერეოფონიკსის“ ლიდერ კელი ჯონსთან ერთად ლოჟიდან უყურებდა ფეხბურთს. თუ გახსოვთ, წინა შეხვედრაში კოჭი იტკინა და მოედანი კოჭლობით დატოვა, მაგრამ მატჩის შემდეგ მანჩესტერელთა თავკაცმა სერ ალექს ფერგიუსონმა განაცხადა, რომ თუ ასე გაგრძელდება, მას შესანიშნავ ფორმაში მყოფი ხავიერ ერნანდესის შევიწროება ძალიან გაუჭირდება. „სტოკის“ კარში პირველი გოლი სწორედ ჩიჩარიტომ გაიტანა, მეორე კი ნანიმ შეაგდო.</p> <p> </p> <p>საინტერესოა, რომ მექსიკელს ასისტენტობა პორტუგალიელმა გაუწია, პორტუგალიელს კი - მექსკელმა. სანახავად ორივე გოლი ლამაზი იყო. ერნანდესმა მარჯვნიდან დაბლა ჩაწოდებული ჯერ ფეხებს შორის გაატარა, მერე კი ქუსლი მიჰკრა. ეს ძალიან სწრაფად მოხდა, თან ჩიჩარიტოს „სტოკის“ მცველი მჭიდროდ მეურვეობდა. ნანიმ კი ბურთი მოირგო და ლაზათიანად დაუმიზნა შორეულ კითხეში.</p><p>ფერგიუსონმა თქვა: „რასაკვირველია ჩიკოს (ესპანურად ბიჭუნას ნიშნავს) სათადარიგოთა სკამზე დატოვება არ შეიძლება.</p> <p> </p> <p>თუ გნებავთ ჩათვალეთ, რომ პრობლემის წინაშე ვდგავარ. უკვე წლებია ჩემი თავდამსხმელები ასეთი სირთულეების წინაშე მაყენებენ. თუ ჩიკო გოლების გატანას განაგრძობს, მისი შევიწროვება ძნელი საქმე იქნება და მე მართლაც თავსატეხის წინაშე აღვმოჩნდები.“</p> <p> </p> <p>„სტოკის“ კარში გატანილი გოლი ჩიჩარიტოსთვის მიმდინარე სეზონში უკვე მეცხრეა - შეადარეთ ეს ციფრი უეინ რუნის მონაგარს, სამს. ექიმები ამბობენ, რომ რუნიმ შეიძლება „ლივერპულთან“ ფეხბურთის ასოციაციის თასის შეხვედრაც გამოტოვოს. ფერგიუსონმა დასძინა:</p><p>„ნანიმაც დიდებული გოლი გაიტანა. მან დიდებულად დაარტყა და დიდებული ის არის, რომ ასე დარტყმა მას ორივე ფეხით შეუძლია.“</p> <p> </p> <p>იმ შემადგენლობასთან შედარებით, რომელიც სერ ალექსმა წინა ტურში „ვესტ ბრომვიჩის“ წინააღმდეგ ათამაშა, „სტოკთან“ მოედანზე ექვსი სხვა ფეხბურთელი ვიხილეთ. მწვრთნელმა განმარტა:</p><p>„შემადგენლობას მაშინ ცვლი, როდესაც ფეხბურთელებს ენდობი. ძირითადში ყოფნას „მანჩესტერ იუნაიტედის“ ბევრი მოთამაშე იმსახურებს და დღეს მათ ეს კიდევ ერთხელ დაამტკიცეს. ერნანდესმა საუცხოოდ გახსნა ანგარიში. მე ჩემს ფორვარდებს სულ იმას ვეჩიჩინები, რომ წინა ძელთან უნდა შევარდნენ. ჩიკომ დღეს გვაჩვენა თუ როგორ შეიძლება ისარგებლო ამით.</p><p>ჩვენ ახალი წლისთვის პირველ პოზიციაზე დავმკვიდრდით, ეს კი ძალიან მნიშვნელოვანია. ისტორია გვაჩვენებს, რომ „მანჩესტერ იუნაიტედი“ სეზონის მეორე ნახევარში უკეთ თამაშობს. მეტწილად, გაზაფხულზე უფრო მწვავედ ვთამაშობთ ხოლმე და ეს, დღევანდელი ცხრილის გათვალისწინებით, იმედისმომცემი გახლავთ.</p><p>ვიცი, ბევრი ამბობს, რომ ამ სეზონში ჩვენ კარგად ვერ ვთამაშობთ. ასე ლაპარაკი ადვილია. ჩვენ კრიტიკას დაჩვეულები ვართ, ფაქტი კი ის არის, რომ შინ რამდენიმე შეხვედრა მართლაც საოცრად ჩავატარეთ. რამდენიმე თამაში სტუმრადაც ჩინებული გამოგვივიდა. მერე რა, რომ ყველა ვერ მოვიგეთ.“</p> <p> </p> <p> </p> <p>.</p></p>
ონანა კარიერას სავარაუდოდ, თურქეთში განაგრძობს
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
"დარწმუნებული ვარ, "მანჩესტერ იუნაიტედი" მომდევნო 10 წელიწადში პრემიერლიგას მოიგებს" - მაიკლ ოუენი
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
ონანა კარიერას სავარაუდოდ, თურქეთში განაგრძობს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!