- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
TimeLine: აი, "აიაქსი" და საქართველოში?
<p>ხშირად გაგვიგონია: ისევე, როგორც ჰოლანდია, საქართველოც მოთამაშეთა ექსპორტიორი საფეხბურთო ქვეყანა უნდა იყოს <br> 1995 წელს ამსტერდამის "აიაქსმა" ჩემპიონთა თასის ფინალში "მილანი" 1:0 დაამარცხა. ლიგის მოგებით ჰოლანდიელებმა დიდი ფული მიიღეს. იცით, რაში დახარჯეს? - ბავშვთა სკოლის განვითარებაში! ამსტერდამელები ადგილობრივებსაც ზრდიან და მსოფლიოს სხვადასხვა კუთხიდანაც იწვევენ, კარგად წვრთნიან და რამდენიმე წელიწადში მსოფლიოს გრანდებში დიდი თანხის სანაცვლოდ უშვებენ.</p><p>ნიჭიერი მოზარდების ნაკლებობა არც საქართველოში იგრძნობა, მაგრამ რომელი ახალგაზრდა წასულა ჩვენი გუნდებიდან ევროპის გრანდში? გამოდის, საქართველოში სისტემას რაღაცა აკლია. ეს რაღაცა შეიძლება სელექცია იყოს, მწვრთნელთა კვალიფიკაცია, თუმცა მთავარი პრობლემა მაინც ევროპისგან იზოლაციაა - რამდენად კარგადაც უნდა იყოს გამოწვრთნილი 20-22 წლის ფეხბურთელი, მას არც ერთი გრანდი არ აიყვანს, თუ თამაში არ ნახა. ამის შესაძლებლობა კი არ არის, რადგან ქართული კლუბები საერთაშორისო ასპარეზზე გამოსვლას აგვისტოში ამთავრებენ.</p><p>ხშირად გაგვიგონია: ისევე, როგორც ჰოლანდია, საქართველოც მოთამაშეთა ექსპორტიორი საფეხბურთო ქვეყანა უნდა იყოს. აქედან გამომდინარე, საინტერესოა, როგორ მუშაობს ჰოლანდიური "აიაქსი", რომელმაც ევროგრანდებს სხვადასხვა დროს მიაწოდა იოჰან კრუიფი, მარკო ვან ბასტენი, დენის ბერხკამპი, პატრიკ კლუივერტი, ედგარ დავიდსი, კლარენს ზეედორფი, ფრანკ და რონალდ დე ბურები...</p><p>ამას წინათ ხელში ჩამივარდა 1998 წელს გამოშვებული ჟურნალი "სპორტ ექსპრესი", რომლის კორესპონდენტი იმ დროის "აიაქსს" ადგილზე გაეცნო.</p><p><p><div style="text-align: center;"><span style="color: #ff0000;"><strong>მოედნები</strong></span></div></p> "აიაქსის" სკოლას 7 მოედანი აქვს, რომელთაგან ერთი ხელოვნურსაფარიანია. ეს მოედნები გუნდის საფეხბურთო სკოლა "დე ტუკომსტში" მდებარეობს, რომელიც 15 წუთის სავალზეა "ამსტერდამ არენიდან".</p><p>როგორც დასაწყისში მოგახსენეთ, 1995 წელს, ჩემპიონთა თასის მოგების შემდეგ, უეფასგან მიღებული ფულის დიდი ნაწილი კლუბმა ბავშვთა სკოლას მოახმარა.</p><p>ახლა ჩვენი ვიკითხოთ: სად იზრდებიან ქართველი ბავშვები? - "აიაქსისგან" საპირისპიროდ, ჩვენთან 7 სტადიონიდან 6 ხელოვნურსაფარიანია...</p><p>და მეორე შეკითხვა: რომელიმე ქართულმა გუნდმა ჩემპიონთა თასი რომ მოიგოს, უეფასგან ნაბოძები თანხის რა ნაწილს მოახმარებს ბავშვთა ფეხბურთის განვითარებას?</p><p><p><div style="text-align: center;"><span style="color: #ff0000;"><strong>დიდებში</strong></span></div></p> "აიაქსის" ახალგაზრდულ გუნდებში 7-დან 18 წლამდე მოზარდები თამაშობენ. ისინი რეგულარულად ასპარეზობენ ჩემპიონატებში, ოღონდ 1-2 წლით უფროსთა შეჯიბრებებში გამოდიან.</p><p>ჯერ ერთი, იმიტომ, რომ "აიაქსს" ყოველთვის ნარჩევი, ძლიერი გუნდები ჰყავს, მეორეც - ორი წლით უფროსებთან თამაშით პატარები მეტად იწრთობიან, სწავლობენ უფრო ღონიერი მოწინააღმდეგეების წინააღმდეგ თამაშს და მეტს შრომობენ, რომ მათ არ ჩამორჩნენ.</p><p>ქართველი ბავშვებიც თამაშობენ უფროსებთან, ოღონდ ასაკგადაკეთებულებთან - უფროსი ბავშვები გამოდიან 1-2 წლით უმცროსებში და თავს მათ თანატოლებად ასაღებენ.</p><p><p><div style="text-align: center;"><span style="color: #ff0000;"><strong>სისტემა</strong></span></div></p> ჰოლანდიაში ჩასულ "სპორტ ექსპრესის" ჟურნალისტს "აიაქსის" პრესატაშე ერიკ ვან ლიევენმა აუხსნა, რომ ყველაზე უმცროსი ასაკიდან დაწყებული, უფროსებით დამთავრებული, ყველა გუნდი ერთი სტილით თამაშობს. ეს მოზარდის გუნდიდან გუნდში გადასვლას აიოლებს. მას უმცროს ასაკში აქვს ნასწავლი ის, რაც უფროსებში უნდა აკეთოს.</p><p>საქართველოში? ყველა ასაკი ერთი სისტემით როგორ ივარჯიშებს, როცა მთავარი გუნდის თავკაცი ყოველ წელს იცვლება, ახალს კი ახალი სისტემა და სტრატეგია მოაქვს...</p><p><p><div style="text-align: center;"><span style="color: #ff0000;"><strong>მაგალითი</strong></span></div></p> ჰოლანდიელი მწვრთნელები ფეხბურთელებს მთავარი გუნდის მატჩებისას ავალებენ, ტრიბუნებიდან თვალი არ მოაშორონ იმ ფეხბურთელს, რომლის პოზიციაზეც ესა თუ ის პატარა თამაშობს.</p><p>მაგალითად, 90-იანი წლების ბოლოს თავდამსხმელებს დავალებად ჰქონდათ მიცემული შოთა არველაძის თვალის დევნება, მარჯვენა ნახევარმცველებს - რონალდ დე ბურზე დაკვირვება...</p><p>"აიაქსის" სკოლაში ყველა ასაკობრივ გუნდს თავისი გასახდელი აქვს, გასახდელს - თავისი სახელი. ერთს იოჰან კრუიფი ჰქვია, მეორეს ფრენკ რაიკაარდი და ა.შ. კარებთანაა წარწერა, რომელზეც თითოეული ლეგენდის ღვაწლია აღნიშნული.</p><p>საქართველოში ბავშვები უფროსი ასაკის გუნდის მატჩებისას ვის უნდა დააკვირდნენ? მოთამაშეებს, რომლებსაც ბურთი დასარტყმელად მარცხენა ფეხზე რომ მოუვათ და მარჯვნივ გადაიტანენ? რაც უფრო მაღალია შეჯიბრების ხარისხი, მით უფრო დახვეწილი ფეხბურთელები თამაშობენ. ჩვენი უბედურება კი ის არის, ვერც ჩემპიონთა ლიგაზე ვთამაშობთ და ვერც ევროპალიგაზე.</p><p><p><div style="text-align: center;"><span style="color: #ff0000;"><strong>"ტალანტების დღეები"</strong></span></div></p> "აიაქსი" ყოველწლიურად აწყობს "ტალანტების დღეებს", სადაც უამრავი ყმაწვილი ცდილობს ამსტერდამელი მწვრთნელებისთვის თავის მოწონებას. სხვათა შორის, ასე აიყვანეს პირველად იოჰან კრუიფი და ჩარიცხეს ბავშვთა გუნდ "წიწილებში". თავიდან ბევრს გაუკვირდა - ასეთი სუსტი, არაფრით გამორჩეული ბიჭი "აიაქსში" როგორ მოხვდაო, მაგრამ მწვრთნელებმა იცოდნენ, რას აკეთებდნენ...</p><p>ასევე ყოველწლიურად, "აიაქსში" მშობლების თანდასწრებით ტარდება ტესტირება, იხილავენ ამა თუ იმ ახალგაზრდის განვლილ გზას და თუ უარყოფითი შედეგი დაინახეს, არც გუნდიდან დათხოვნას ერიდებიან.</p><p>შესაძლოა, საქართველოშიც ბევრი შორსმჭვრეტელი მწვრთნელია, მაგრამ ფაქტს მაინც ვერსად გავექცევით - უამრავი ტალანტი იკარგება. არც ქართულ გუნდებს აწყენთ "ნიჭიერთა დღეების" მოწყობა. თუმცა, ხშირ შემთხვევაში, ტალანტები უბრალო ოჯახებიდან არიან და საფეხბურთო მოსაკრებლის ფული მათთვის არცთუ იოლი გადასახდელია.</p><p>საქართველოში ტესტირებაც სასარგებლო იქნება, მაგრამ გუნდიდან დათხოვნა გაძნელდება. იმიტომ, რომ ჩვენთან სპორტით დაკავებული ბავშვები ისედაც ცოტანი არიან და იმიტომაც, რომ მწვრთნელებს ბავშვის დათხოვნით შემოსავალი შეუმცირდებათ.</p><p><p><div style="text-align: center;"><span style="color: #ff0000;"><strong>30 კილომეტრში</strong></span></div></p> ამსტერდამის "აიაქსის" ხელმძღვანელებს ერთი საინტერესო პრინციპი აქვთ - ბავშვებს საფეხბურთო სკოლიდან 30 კილომეტრის რადიუსში არჩევენ. მიზეზი გასაგებია - სურთ, ბავშვებმა გზაში დიდი დრო არ დაკარგონ და მგზავრობით არ გადაიღალნონ.</p><p>- ჩვენს გუნდს არა აქვს ინტერნატი, - ამბობს ერიკ ვან ლიევენი, - მიგვაჩნია, რომ ბავშვი საკუთარ ოჯახში, მშობლებთან, და-ძმასთან ერთად უნდა იზრდებოდეს. იგი გაცილებით კარგად ივარჯიშებს, როცა თავს მარტოდ არ იგრძნობს.</p><p>"აიაქსმა" მეორე ათეული წელია, დაიწყო სხვადასხვა ქვეყანაში საფეხბურთო სკოლების ჩამოყალიბება. ერთ-ერთი პირველი იყო კეიპტაუნის (სამხრეთ აფრიკის რესპუბლიკა) სკოლა, საიდანაც ჰოლანდიაში თავდამსხმელი ბენი მაკარტი ჩავიდა.</p><p>ქართველები ხან არგენტინულ გუნდებს დავუმეგობრდით, ხან - უკრაინულებს... "აიაქსის" ფილიალზე არ გვიფიქრია? მთავარი არა ჩვენი, არამედ ამსტერდამელთა ფიქრებია.</p><p><p><div style="text-align: center;"><span style="color: #ff0000;"><strong>სწავლა</strong></span></div></p> "აიაქსის" ბავშვთა სკოლას 20 ავტობუსი ემსახურება, ზოგს გუნდი თამაშებზე დაჰყავს, ზოგს კი ყოველდღიური სამუშაო აქვს - სკოლებიდან ბავშვები საწვრთნელ ბაზაზე მიჰყავს. "აიაქსის" ყველა აღსაზრდელი ერთ სკოლაში როდი სწავლობს, ამიტომ ავტობუსის მძღოლს 30 კილომეტრის რადიუსში ქალაქის შემოვლა და პატარა ფეხბურთელების შეკრება ევალება.</p><p>- ჩვენთან დიდ ყურადღებას აქცევენ სწავლას, - ამბობს გუნდის პრესატაშე, - არავის სჭირდება უმეცარი ფეხბურთელი. მათ, ვინც ცუდად სწავლობს, სხვადასხვა ხერხით სჯიან, შესაძლოა, სულაც საერთაშორისო ტურნეს მიღმა დატოვონ.</p><p>ეს ყველაფერი არ არის, "აიაქსს" დაქირავებული ჰყავს სხვადასხვა სპეციალობის მასწავლებლები, რომლებიც ბავშვებს გაკვეთილების მომზადებაში ეხმარებიან.</p><p>საქართველოში?..</p><p><strong>ყოველდღიური სპორტული გაზეთი "ლელო"</strong></p>
-
sake
ეჰ,კარგია კარგი ცხოვრება, ვინ მამაძაღლი იტყვის საპირისპიროს,მაგრამ ამ ყველაფერს მიღწევა უნდა.
-
irakli arqania
ეს ყველაფერი კარგია და კარგია ავტორ,რომ ასეტი კარგი სტატია დაწერე,მაგრამ მე მაინც მიმაჩნია,რომ საერთოდ კარგ სპორტსმენად ყოველთვის დაბალი და საშუალო ფენის ოჯახიდან წამოსული ბავშვი ყალიბდება,რადგან ისინი უფრო მეტად მონდომებული და შრომისმოყვარენი არიან,და ასეთი ფუფუნებაც ცოტა ზედმეტად მიმაჩნია ფეხბურთელ ბავშვს ავტობუსი,რომ ემსახურება და ასე შემდეგ.მეორეცაა აქვს ეხლა საქართველოში ბევრ ოჯახს,რომ შვილს ფეხბურთის სწავლაში ფული უხადოს? - არ აქვს მაგრამ ხომ შეიძლება ყავდეს ნიჭიერი ბავშვი,რომელიც ბევრ თანატოლს ორი თავით ჯობს და ზუსტად ასეთი ფეხბურთელი იკარგება მერე. )))
-
გენო
აი ეს მესმის!!
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
U17 | საქართველო 3:0 ლიეტუვა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ