ტრაგედია აღდგომის დღეს: სოფელ შუხუთში ლელობურთს მსხვერპლი მოჰყვა

რამ გამოიწვია ტრაგედია შუხუთის ლელოზე? "1881 წელს ფოთში, აღდგომის დღეს ავარდა ბურთი. ისევ მეგრელები და გურულები გაეჯიბრნენ ერთმანეთს. მეგრელები, რა თქმა უნდა, მეტნი იყვნენ. შებინდებისას ვინმე მ. გაბელიამ ლელო გაიტანა. მეგრელები იმ დღეს გათენებამდე ზეიმობდნენ გამარჯვებას. ქვემო იმერეთში, სოფელ კულაშში ერთ დროს საუკეთესო თავად მიქელაძეების საცხოვრებელში გაიმართა ბურთაობა, ლელობურთი. თამაშში მონაწილეობას დაახლოებით 1500 ქვეითი და 500 ცხენოსანი იღებდა. მჭვრეტელი, რასაკვირველია, ათი იმდენი იქნებოდა. თამაშმა აქაც დილამდე გასტანა." (გაზეთი "ივერია")ძველ ლელოს საქართველოში უკვე არსად თამაშობენ, შუხუთის გარდა. თუ ადრე პირველ მაისს ავარდებოდა ბურთი, ამჟამად პაექრობა ყოველ აღდგომას, ძველ მეტოქეებს - ზემო შუხუთსა და ქვემო შუხუთს შორის მიმდინარეობს. შერკინება, მინიმუმ, 4-5 საათს გრძელდება და იმდენ ენერგიას ისრუტავს, მის აღდგენას 2-3 კვირა სჭირდება.ამ აღდგომასაც "ავარდა ლელო" სოფელ შუხუთში - ზუსტად საღამოს 5 საათზე, ზემოურები და ქვემოურები, ვინ იცის, მერამდენედ ეკვეთნენ ერთმანეთს. ბოლოდროინდელი შედეგები ქვემოურთა სასარგებლოდ იყო, ზემოურები საერთო ჩათვლაშიც ჩამორჩებიან მათ. ამაში დიდი წვლილი ექსპრეზიდენტ ედუარდ შევარდნაძის ძმას, ფეხბურთის, ლელოსა და საერთოდ, სპორტის ტრფიალ კაცს, ევგრაფი შევარდნაძეს მიუძღვის - ზედიზედ მრავალი წლის განმავლობაში მისი ორგანიზებით (თავად ბავშვობიდან ინვალიდი გახლდათ) ლელოს 16-კილოგრამიანი ბურთი ქვემოურებს რჩებოდათ.<img src="pictures/artimages/image17/9efe294c0fe64cc0f08dee1d742b08c3.jpg" border="0" alt="Sportall.Ge" title="ტრაგედია აღდგომის დღეს: სოფელ შუხუთში ლელობურთს მსხვერპლი მოჰყვა" />ამჯერად ზემოურებმა გაიმარჯვეს, თუმცა მათ თავიანთი ღელე ისე გადალახეს, ჯერაც არ იცოდნენ იმ დატრიალებული ტრაგედიის შესახებ, რომელიც სახალხო თამაშის ისტორიას არ ახსოვს. ყოველ შემთხვევაში, ლელოს ვეტერანი მოთამაშეებიც ვერ იხსენებენ, თამაში მსხვერპლით დასრულებულიყო.სამწუხაროდ, გულმა უმტყუნა თამაშის მონაწილე გოჩა ფირცხალაიშვილს - სავარაუდოდ, ის ლელოს გორგოსიალში მოხვდა. მართალია, მისი გამოყვანა დროულად მოახერხეს, მაგრამ იქვე მობილიზებულმა მედიკოსებმა მისი გადარჩენა ვერ მოახერხეს.ლანჩხუთის სამედიცინო ცენტრში მიყვანისას ის უკვე ცოცხალი აღარ იყო. როგორც გაირკვა, გარდაცვლილს გულზე სერიოზული პრობლემები ჰქონდა, მაგრამ ამის მიუხედავად, თამაშში ჩართვა გადაწყვიტა.<img src="pictures/artimages/image17/e0d75a49becad0b4751b92edf871ffdc.jpg" border="0" alt="Sportall.Ge" title="ტრაგედია აღდგომის დღეს: სოფელ შუხუთში ლელობურთს მსხვერპლი მოჰყვა" />"სამწუხარო ფაქტი მოხდა, თანავუგრძნობ გარდაცვლილის ოჯახს. ექსპერტიზის შედეგების გამოცხადებამდე ვერ გეტყვით, რამ გამოიწვია ლელოს მონაწილის გარდაცვალება" - განაცხადა გურიის გუბერნატორის მოვალეობის შემსრულებელმა ქეთევან მოისწრაფიშვილმა.ამას გარდა, კვირას ლელოზე ადგილობრივმა სასწრაფო დახმარების სამსახურმა არაერთი გამოძახება მიიღო, ორ მოთამაშეს ქვედა კიდურების მოტეხილობა აღმოაჩნდა, თუმცა ეს ამ სახალხო თამაშისთვის ჩვეულებრივი მოვლენაა...მათე გურული ლანჩხუთიდანდავით დათიაშვილის ფოტოყოველდღიური სპორტული გაზეთი "ლელო"

ogafa

მარტვილში ჭაბურთაში ნახუნაოში ყოველწელიწადს აღდგომის ბრწყინვალე დღესაწაულს ოდიდგანვე თამაშობენ ლელოს.
დავით

ძალიან კარგი ტრადიციაა, ეგე მხოლოდ მეჩვენება, რომ დასახვეწია წესების მხრივ, ანუ როგორც რაგბი ჩამოყალიბდა ასეთივე თამაშიდან სპორტის სახეობად, ან ფეხბურთი, ალბათ დროა ამ თამაშების ორგანიზატორებმა ამაზე იზრუნონ.
chiko

,,ძველ ლელოს საქართველოში უკვე არსად თამაშობენ, შუხუთის გარდა,, რა სისულელეა. გადაამოწმეთ მაინც. მე სამტრედიელი ვარ და ყოველწელს ვთამაშობ ლელოს სამტრედიაში 6 მაისს გიორგობას სადაც სოფელი ილორი ხვდება ნაბაკევის და ხუნჯულაურის ნაკრებს. 66 წლისაა მამაჩემი და მისი თქმით მან არ იცის როდის დაიწყო ლელოს თამაში ილორში. ანუ სავარაუდოდ ოდითგანვე თამაშობდნენ. გარდა ამისა კულაშშიც თამაშობენ იქაური ნინუაკუთხე ეთამაშება ნაბაკევ-ხუნჯულაოურს. თუ არ იცი ნუ წერ. ამ ტრაგედიას რაც შეეხება, ძალიან სამწუხაროა. ტუ ჯანმრთელობა ხელს არ გიწყობს არ ღირს ლელოში შესვლა, დიდ ფიზიკურ დატვირთვებს მოითხოვს ეს თამაში

"ბაიერნის" პრეზიდენტმა ჰარი კეინის მომავალზე ისაუბრა

ტერ შტეგენმა ვარჯიში დაიწყო - გერმანელი შესაძლოა, ზამთარში "ბარსელონადან" წავიდეს

გირასი წასვლაზე თანახმაა - ფეხბურთელი ევროპის ტოპ კლუბებს სურთ

"ტოტენჰემის" მეკარემ შესაძლოა, კარიერა "ინტერში" გააგრძელოს

"ახლა გუნდებს სჯერათ, რომ ჩვენთან დადებითი შედეგის მიღწევა შეუძლიათ" - სლოტმა "სანდერლენდთან" მატჩი შეაფასა

კიტეიშვილის "შტურმი" სახლში დამარცხდა და ვერ გალიდერდა

ფუტსალის ნაკრები საერთაშორისო ტურნირზე იასპარეზებს

[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა

პირველად "ბარსელონას" ისტორიაში - ლევანდოვსკიმ ანტი-რეკორდი დაამყარა

[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ

[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ

სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან

"შავი ლომი" ჩელენჯ თასს "მონპელიეთი" იწყებს

[VIDEO] "ბარსელონამ" სახლში "ატლეტიკოს" მოუგო

20 წ. | დიდი სხვაობით "კუდუსთან"

"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს

"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა

მამის ნაკვალევზე - ისაგო სილვამ "ჩელსისთან" კონტრაქტი გააფორმა

"შეცდომებს დაუშვებს - დრო მიეცით" - ზაბარნიზე კომენტარი საფრანგეთის ნაკრების ყოფილმა მცველმა გააკეთა

იტალიაში საუკეთესოები აღიარეს - მაკტომინეი, "ნაპოლი", კონტე

რაფინიას პრემიერ ლიგაში უხმობენ - "ბარსელონას" ფინანსური პრობლემების გამო შესაძლოა, ფეხბურთელის დათმობა მოუწიოს

"ბრენტფორდს" კიდევ ერთ ფორვარდს გამოსტაცებენ? - 50-მილიონიანი ტრანსფერი დაიგეგმა

"ბაიერნის" პრეზიდენტმა ჰარი კეინის მომავალზე ისაუბრა

შეხვედრა წარსულთან: პირველი ქართველი მორაგბეები, რომლებმაც შოტლანდიელებს ყურები ჩამოაყრევინეს

აღდგომას ლელობურთს საქართველოს ნაცვლად ბელარუსში ითამაშებენ

New York Times-მა ლელო ბურთს სტატია მიუძღვნა