ფორმულა 1. ესპანეთის გრან-პრი: როსბერგის ჩამოწერა ადრეა

ბარსელონაში "მერსედესის" პილოტთა დუელი ვიხილეთ მსოფლიოს ჩემპიონატის ევროპული ნაწილი ესპანეთის გრან-პრით დაიწყო. გუნდებმა უამრავი ტექნიკური სიახლე მოამზადეს რბოლისთვის და ტესტებისთვის, რომელიც ამ კვირას დაიწყება.ბარსელონაში კვალიფიკაციამ სიუპრიზები შემოგვთავაზა: ზედიზედ ოთხი პოულის შემდეგ, ლუის ჰემილტონი მხოლოდ მეორე პოზიციით დაკმაყოფილდა და წინ თანაგუნდელი ნიკო როსბერგი გაუშვა. ასე მოულოდნელი იყო "ტორო როსოს" დებიუტანტების - კარლოს საინსისა და მაქს ფერსტაპენის მეხუთე და მეექვსე ადგილი.* * *როსბერგს შესანიშნავი რეაქცია ჰქონდა სასტარტო ნიშანზე, ჰემილტონმა კი ჩააგდო პირველი მეტრები და წინ გაუშვა სებასტიან ფეტელი და ვალტერი ბოტასი. ჩემპიონატის ლიდერმა ფინელს მალე გაუსწრო, სამაგიეროდ, დიდი ხნით დარჩა ფეტელის უკან.ცოტა ხანში როსბერგმა ფეტელი და ჰემილტონი მთელი შვიდი წამით ჩამოიტოვა უკან. ბრიტანელი აქტიურ მოქმედებებზე გადავიდა, რადგან ესმოდა, რომ "ფერარის" უკან მოძრაობით ეტაპის მოგების შანსს კარგავდა. მაგრამ დიდი მცდელობის მიუხედავად, მოქმედი ჩემპიონი შესატევ დისტანციაზე გასვლას ვერ ახერხებდა. ასე რომ, ლუისს პიტსტოპების იმედი უნდა ჰქონოდა.* * *და ჰემილტონმა ლიდერთა შორის პირველმა შეუხვია ბოქსებში - ეს მოხდა 13 წრის შემდეგ. მომდევნო წრეზე "ფერარიში" ფეტელის დამაჯერებელი პიტსტოპით უპასუხეს - გერმანელი იოლად დაბრუნდა ტრასაზე ლუისის წინ, რადგან ამ უკანასკნელმა ორი წამი დაკარგა უკანა მარცხენა საბურავის შეცვლისას. როსბერგი ახალი საბურავებისთვის ბოქსებში მე-15 წრეზე შევიდა.პირველ ადგილზე დაბრუნებულმა ნიკომ შეინარჩუნა ფეტელთან და ჰემილტონთან ხუთწამიანი სხვაობა. ლუისი, რომელიც ისევ ფეტელის უკან აღმოჩნდა, კვლავ უტევდა, თუმცა "მერსედესს" არ ჰყოფნიდა სიჩქარე სწორ მონაკვეთებზე.* * *ისევ ჩააგდო რბოლა "მაკლარენმა". მეორე ათეულის შუაში მოძრავმა ფერნანდო ალონსომ, მოულოდნელად, ტრასის მიღმა გადასვლა დაიწყო. ინჟინრებმა ესპანელი ბოქსებში იხმეს და იქ ფერნანდომ კინაღამ საკუთარი გუნდის წევრები გაიტანა - მუხრუჭები გამოვიდა მწყობრიდან.ჯენსონ ბატონმა ჩაგდებული სტარტის შემდეგ ბრძოლაში დაბრუნება ვერ შეძლო და ფინიშზე ერიქსონთან და პერესთანაც კი წააგო, რომლებიც ვერ დაიკვეხნიან კარგი მანქანებით. "მაკლარენი" და "ჰონდა" ამ უქმეებზე ქულებისთვის ბრძოლას გეგმავდნენ, მაგრამ მორიგი კრახი განიცადეს.* * *დისტანციის შუაში ლუის ჰემილტონი ისევ პირველი წავიდა პიტსტოპზე - ფინიშამდე 34 წრით ადრე ჩემპიონატის ლიდერმა "ჰარდის" ახალი კომპლექტი მიიღო. ბრიტანელი აშკარად სამი პისტოპის ტაქტიკაზე მიდიოდა. ლუისმა უარი თქვა საბურავების ეკონომიაზე და შეტევაზე გადავიდა. მან გაუსწრო კიმი რაიკონენსა და ბოტასს და მესამე ადგილზე დაბრუნდა. ის თანდათან ეწეოდა როსბერგსა და ფეტელს.ფეტელი თავის მეორე პიტსტოპზე მაშინ შევიდა, როცა ფინიშამდე 26 წრე რჩებოდა. მექანისოკებმა გერმანელის მანქანაზე ახალი "ჰარდი" დააყენეს და სებასტიანი ტრასაზე ჰემილტონთან რვაწამიანი ჩამორჩენით დაბრუნდა. ნიკომ კი ბოქსებში მხოლოდ ხუთი წრის შემდეგ შეუხვია და ისიც ახალი "ჰარდით" დაბრუნდა ტრასაზე. როსბერგი სამ წამს აგებდა ჰემილტონთან.ლუისი სათავეში ედგა რბოლას, მაგრამ საბურავები უკვე გვარიანად გაცვეთილი იყო, ტემპიც ოდნავ დავარდა. მესამე პიტსტოპი გარდაუვალი იყო, ამიტომაც როსბერგი მოვლენათა ფორსირებას არ აპირებდა საბურავებს უფრთხილდებოდა.სამაგიეროდ, ჰემილტონი ფეტელზე სწრაფი იყო - წრეზე წამნახევარს-ორ წამს უგებდა. 51-ე წრისთვის სხვაობა მათ შორის შორის 23 წამამდე გაიზარდა და სწორედ ამ დროს წავიდა მესამე პიტსტოპზე ლუისი. "მერსედესის" მექანიკოსებმა "მედიუმის" ახალ კომპლექტზე გადაიყვანეს ჩემპიონი და ბრიტანელი ტრასაზე ფეტელზე წინ დაბრუნდა კომფორტული სამწამიანი უპირატესობით.* * *ფეტელის პრობლემა გადაჭრილი იყო და ჰემილტონი უკვე ლიდერ როსბერგს გამოეკიდა. გერმანელის უპირატესობა 20 წამს შეადგენდა. ნიკო დანებებას არ აპირებდა და 53-ე წრეზე საუკეთესო დრო დააფიქსირა - 1.29,109, მაგრამ ლუისმა იქვე უპასუხა - 1.28,401. 54-ე წრეზე ჰემილტონი კიდევ უფრო სწრაფი იყო - 1.28,270. ბრიტანელი წრეზე წამს იგებდა, მაგრამ ფინიშამდე მხოლოდ 11 წრე რჩებოდა.ძალიან მალე ცხადი გახდა, რომ ჰემილტონს დრო აღარ ეყოფოდა როსბერგთან მისაახლოებლად. ორივე "მერსედესმა" ოდნავ დააგდო ტემპი და მართალია, სხვაობა მცირდებოდა, მაგრამ გერმანული საჯინიბოს წევრები შეთანხმდნენ საკუთარ პოზიციებზე.ნიკო როსბერგმა სეზონში პირველი რბოლა მოიგო. ლუის ჰემილტონმა სწორი ტაქტიკის წყალობით მეორე ადგილი მოიპოვა, ფეტელს კი შეუძლია იმით იამაყოს, რომ წელს მეოთხედ ავიდა პოდიუმზე. ჯერჯერობით, "ფერარის" მეტზე პრეტენზიის გამოცხადება არ შეუძლია.მსოფლიოს ჩემპიონატის მეექვსე ეტაპი ორი კვირის შემდეგ გაიმართება. ეს იქნება სეზონის ყველაზე პრესტიჟული რბოლა - მონაკოს გრან-პრი.ბარსელონა (66 წრე, 307.000 კმ)1(2). ნიკო როსბერგი (მერსედესი, გერმანია) 1:41.12,555 (2 პიტსტოპი)2(2). ლუის ჰემილტონი (მერსედესი, ბრიტანეთი) +17,551 (3)3(3). სებასტიან ფეტელი (ფერარი, გერმანია) +45,342 (2)4(4). ვალტერი ბოტასი (უილიამსი, ფინეთი) +59,217 (2)5(7). კიმი რაიკონენი (ფერარი, ფინეთი) +60,002 (2)6(9). ფელიპე მასა (უილიამსი, ბრაზილია) +81,314 (3)7(10). დანიელ რიკარდო (რედ ბული, ავსტრალია) 1 წრე (2)8(11). რომენ გროსჟანი (ლოტუსი, საფრანგეთი) 1 წრე (2)9(5). კარლოს საინსი (ტორო როსო, ესპანეთი) 1 წრე (2)10(8). დანიილ კვიატი (რედ ბული, რუსეთი) 1 წრე (2)11(6). მაქს ფერსტაპენი (ტორო როსო, ჰოლანდია) 1 წრე (2)12(15). ფელიპე ნასრი (ზაუბერი, ბრაზილია) 1 წრე (2)13(18). სერხიო პერესი (ფორს ინდია, მექსიკა) 1 წრე (2)14(16). მარკუს ერიქსონი (ზაუბერი, შვედეთი) 1 წრე (2)15(17). ნიკო ჰიულკენბერგი (ფორს ინდია, გერმანია) 1 წრე (3)16(14). ჯენსონ ბატონი (მაკლარენი, ბრიტანეთი) 1 წრე (3)17(19). უილ სტივენსი (მანორი, ბრიტანეთი) 3 წრე (3)18(20). რობერტო მერი (მანორი, ესპანეთი) 4 წრე (3)19(12). პასტორ მალდონადო (ლოტუსი, ვენესუელა) 21 წრე20(13). ფერნანდო ალონსო (მაკლარენი, იტალია) 40 წრესაერთო ჩათვლა1. ლუის ჰემილტონი - 111 (3 მოგება); 2. ნიკო როსბერგი - 91 (1); 3. სებასტიან ფეტელი - 80 (1); 4. კიმი რაიკონენი - 52; 5. ვალტერი ბოტასი - 42; 6. ფელიპე მასა - 39; 7. დანიელ რიკარდო - 25; 8. რომენ გროსჟანი - 16; 9. ფელიპე ნასრი - 14; 10. კარლოს საინსი - 8; 11. მაქს ფერსტაპენი - 6; 11. ნიკო ჰიულკენბერგი - 6; 13. სერხიო პერესი - 5; 13. მარკუს ერიქსონი - 5; 15. დანიილ კვიატი - 4.კონსტრუქტორთა თასი1. მერსედესი - 202; 4. ფერარი - 132; 3. უილიამსი - 81; 4. რედ ბული - 30; 5. ზაუბერი - 19; 6. ლოტუსი - 16; 6. ტორო როსო - 14; 8. ფორს ინდია - 11.ყოველდღიური სპორტული გაზეთი "ლელო"

ქართველი ველოსპორტსმენების წარმატება საერთაშორისო ასპარეზზე- 2 ოქროს, 1 ვერცხლის და 2 ბრინჯაოს მედალი

[VIDEO] „საქართველოს ეროვნული ლატარია“ აგრძელებს სპორტის მხარდაჭერას და აქტიურად მონაწილეობს სოციალური ინიციატივების ხელშეწყობაში

Aprilia Racing-ის ისტორიული გამარჯვება MotoGP-ს რბოლაში!

ჩელენჯ თასი | საბრძოლო რაზმით "ძებრესთან"

იჯარა გამოსყიდვის უფლებით - "რომა" შეტევის ხაზში გაძლიერდა

მოემზადეთ საგულშემატკივროდ - გულიაშვილი "ბარსელონას" პირველივე წუთებიდან შეუტევს

"აიაქსმა" იბრაჰიმოვიჩის შვილი ინათხოვრა

პსჟ დიდი ტრანსფერისთვის ემზადება - ინგლისის ისტორიაში ყველაზე ძვირად შეძენილი ფეხბურთელის გადაბირებას შეეცდება

"ნოტინგემს ფორესტს" ზინჩენკოს იჯარის ვადაზე შეწყვეტა სურს

"უკვე ჩემპიონთა ლიგისა და ლა ლიგის მოგებაზე ვფიქრობთ" - არბელოა "ალბასეტესთან" მატჩის შემდეგ

"ჩემპიონთა ლიგას ვერ მოიგებენ" - ტონი კროოსმა "ბარსელონაზე" ისაუბრა

პარატიჩი კვლავ სამშობლოში - საფეხბურთო ფუნქციონერი იტალიაში დაბრუნდა

ოფიციალურად: კონორ გალაჰერი ინგლისის პრემიერ ლიგას დაუბრუნდა

[VIDEO] სენსაციათა სენსაცია - "რეალი" თასიდან სეგუნდას მეჩვიდმეტეადგილოსანმა გამოაგდო

"ინტერმა" მოიგო და ლიდერობა განიმტკიცა

ფუტსალის ნაკრები ევროპის ჩემპიონატისთვის 18 ფეხბურთელით ემზადება

დასჯილი კონტე და "ნაპოლის" ზედიზედ მესამე ფრე

ბაირამიანი: სომხეთის ნაკრებიც გაისვრის საქართველოს და უზბეკეთის მსგავსად

[VIDEO] ლუკა ბერულავამ და ანასტასია მეტელკინამ ევროპის ჩემპიონატზე მოკლე პროგრამა პირველ ადგილზე დაასრულეს

18 წ. | მესამედ ექვსი ერის ფესტივალზე

კვერნაძემ შეიძლება მნიშვნელოვანი მატჩი გამოტოვოს

ფიბა-ს სამსაჯო წელს ვართანოვი ათენში გახსნის, თვაური იზმირით გააგრძელებს

დიდი დებიუტის მოლოდინში - გულიაშვილი "ბარსელონასთან" სათამაშოდ მზადაა

"სამწუხაროდ, ცოტამ თუ იცის, რომ ასეთი ტექნოლოგიები უკვე არსებობს" - ინტერვიუ ფორმულა 1-ის მსოფლიო ჩემპიონთან

რა უნდა ვიცოდეთ ფორმულა 1-ის ახალი სეზონის შესახებ

ფორმულა 1: 2016 წლის სეზონი ციფრებში

ფორმულა 1: ყველაზე მაღალანაზღაურებადი პილოტები

ფორმულა 1. ნიკო როსბერგი: მე წავედი!