<p>საქართველოს ეროვნული ჩემპიონატი. უმაღლესი ლიგა. XXVII ტური <br> მცხეთაში გამართულ ამ შეხვედრას ბოლო ადგილზე მყოფი "ვიტ ჯორჯიისთვის" უდიდესი მნიშვნელობა ჰქონდა. ქობულეთის "შუქურასთან" მოგების შემთხვევაში, "ვეტერინარები" რუსთავის "მეტალურგს" გადაასწრებდნენ და პლეი ოფში თამაშის იმედს მაინც შეინარჩუნებდნენ.</p><p>"შუქურას" კი თავი ქუდში აქვს. ამ გუნდს გავარდნის საფრთხე, ფაქტობრივად, აღარ ემუქრება და, ეტყობა, ეს იყო მიზეზი იმისა, რომ სტუმრები შედარებით მოშვებულები ჩანდნენ. მეორეცაა - ქობულეთელებს რამდენიმე წამყვანი მოთამაშეც აკლდათ - თორნიკე თუხარელი, ცოტნე მესხი, ლაშა კალანდაძე და ირაკლი კომახიძე მკურნალობენ, გიორგი ჩელებაძე კი დისკვალიფიცირებულია...</p><p>თენგიზ კობიაშვილის გუნდმა შეხვედრა მონდომებით, მეტოქის დაცვაში სუსტი რგოლის ძიებით დაიწყო, მაგრამ ქობულეთელთა უკანა ხაზის შესავიწროებლად ვიტელებს სისწრაფე და ფანტაზია არ ჰყოფნიდათ.</p><p>პირველი ტაიმი მეტოქეებმა წვალებასა და ბრძოლაში გაატარეს და მეტისმეტად უფერულადაც გამოიყურებოდნენ. რეალური საგოლე მომენტიც, ფაქტობრივად, არ შექმნილა. დასამახსოვრებელი იყო მხოლოდ ვიტჯორჯიელთა კაპიტან გიორგი გეთიაშვილის დარტყმა, რომელიც მეკარე თემურ კაკალაძემ იოლად აიღო.</p><p>მეორე მომენტი კი ნიკა მაისურაძის მიერ შესრულებულ ჯარიმას მოჰყვა, როცა კახა კახაბრიშვილმა ბურთს თავი დაუხვედრა, მაგრამ... კაკალაძემ კარის ხაზიდან გამოიტანა.</p><p>მეორე ტაიმიც ასევე დაიწყო. 53-ე წუთამდე ყველაზე დასამახსოვრებელი ეპიზოდი ქობულეთელი დავით ხოჭოლავასა და გეთიაშვილის შეტაკება იყო, რომლის შედეგადაც ორივე ფეხბურთელმა თავი გაიტეხა...</p><p>მაგრამ მალე თამაში გაცილებით საინტერესო გახდა. "ვიტ ჯორჯიამ" უფრო მეტი აგრესიით შეუტია და მომენტებიც მრავლად შექმნა. მაგალითად, კახაბრიშვილის ფლანგური გადაცემის შემდეგ გუჯა ლობჯანიძე კარის წინ კარგად გაიხსნა, მაგრამ ბურთი ვერ დაიმორჩილა და ანგარიშის გახსნის შესანიშნავი მომენტი ხელიდან გაუშვა.</p><p>მერე მაისურაძემ კუთხურიდან კარში ჩაახვია ბურთი და კაკალაძემ ამ ეპიზოდშიც დამაჯერებლად იმოქმედა. შორიდან სცადა კარის აღება ვალიკო გახარიამ, მაგრამ ბურთი სანტიმეტრებში ასცდა მიზანს...</p><p>მოკლედ, თამაში ისე მიმდინარეობდა, "ვიტ ჯორჯიას" ქულა მაინც უნდა მოეპოვებინა, მაგრამ 70-ე წუთზე ქობულეთელთა მარჯვენა მცველმა არჩილ ტვილდიანმა პატარა შედევრი შექმნა და სტუმართა დაწინაურებაში უდიდესი წვლილი შეიტანა.</p><p>21 წლის მცველი შეტევაში მარჯვენა ფლანგიდან ჩაერთო, ფეხებზე "მიმჯდარ" ორ მცველს ეფექტურად გასცდა (ერთს ბურთი ფეხებს შორის გაუძვრინა) და საჯარიმოში უმეთვალყურეოდ დარჩენილი ზვიად მეტრეველი მოძებნა. ამანაც ახლო მანძილიდან ზუსტად დაარტყა - 0:1.</p><p>მასპინძლებს დასაკარგავი აღარაფერი ჰქონდათ და მთელი ძალებით შეუტიეს, ყველა ბურთისთვის ბოლომდე იბრძოდნენ და თავს არ ზოგავდნენ.</p><p>81-ე წუთზე წონასწორობის აღდგენა შოთა დავლაშელიძეს შეეძლო, რომელმაც საჯარიმოს ხაზიდან ბურთი კარში ეფექტურად, დაუხანებლად და ძლიერად გაგზავნა. წესით, "შუქურას" კარის "ცხრიანი" უნდა შერხეულიყო, მაგრამ კაკალაძემ წარმოუდგენელ ნახტომში სტუმრები აშკარა გოლისგან იხსნა. საერთოდაც, აღსანიშნავია, რომ ქობულეთელთა კარის დარაჯმა ეს თამაში ძალიან კარგად ჩაატარა.</p><p>"ვეტერინარები" უკანმოუხედავად უტევდნენ და ამით სტუმრებს სარგებლობა შეეძლოთ: ირაკლი ტაკიძემ ჩინებული გადაცემით მეკარესთან პირისპირ დატოვა ადრიან პუკანიჩი, მაგრამ უკრაინელმა მიზანს ააცილა.</p><p>ქულის გადარჩენის ბოლო მცდელობა ვიტელ ვანო კურდღელაშვილს ჰქონდა, მაგრამ მასპინძლებისთვის შედეგი მის მიერ ვარდნაში დარტყმულსაც არ მოუტანია.</p><p>საბოლოოდ, "შუქურამ" 3 ქულა მოიპოვა, "ვიტ ჯორჯია" კი უმძიმეს მდგომარეობაში ჩავარდა - თუ შემდეგ ტურში უშუალო კონკურენტ "მეტალურგსაც" ვერ მოუგებს გასვლაზე, არსებობის ისტორიაში პირველად, ქვედა ლიგაში გავარდება.</p><p>დასანანია, ოდესღაც ამბიციური გუნდი ახლა ასეთ დღეში რომაა, თუმცა ამ შეხვედრაში წაგებას "ვიტ ჯორჯია" მხოლოდ საკუთარ თავს თუ დააბრალებს.</p><p><span style="color: #3366ff;"><strong>საქართველოს ეროვნული ჩემპიონატი. უმაღლესი ლიგა. XXVII ტური</strong></span></p><p>08.05. მცხეთა. "მცხეთა პარკი"</p><p><em><strong>ვიტ ჯორჯია-შუქურა 0:1</strong></em></p><p>გოლები: 0:1 მეტრეველი (70. ტვილდიანის პასით)</p><p><span style="text-decoration: underline;">ვიტ ჯორჯია (4-2-3-1):</span> შეროზია - საბაძე, კალანდია, გეთიაშვილი, დანელია (78. ხვისტანი) - დავლაშელიძე, გახარია - დემეტრაშვილი (60. კურდღელაშვილი), მაისურაძე, კახაბრიშვილი - ლობჯანიძე.</p><p>სათადარიგოები: ლებანიძე, ისერგიშვილი, ბუნტური, დადიანი, მერაბიშვილი</p><p>მწვრთნელი: თენგიზ კობიაშვილი</p><p><span style="text-decoration: underline;">შუქურა (4-4-2):</span> კაკალაძე - ტვილდიანი, გურული, ხოჭოლავა, ჩალაძე - ტუღუში (64. ჩაფიძე), კუხიანიძე, პუკანიჩი, ხუჭუა (85. ტაკიძე) - მეტრეველი, კოპალიანი (46. ვიქტორ ნუნიესი).</p><p>სათადარიგოები: სტურუა, მჟავანაძე, მალანია.</p><p>მწვრთნელი: გელა სანაია</p><p><span style="text-decoration: underline;">გაფრთხილება:</span> ხუჭუა (85), ვიქტორ ნუნიესი (90), კაკალაძე (90)</p><p><span style="text-decoration: underline;">არბიტრი:</span> ლაშა სილაგავა.</p><p><span style="color: #3366ff;"><strong>ბომბარდირები:</strong></span></p><p>ი. მოდებაძე (დილა) 14</p><p>გ. პაპუნაშვილი (დინამო თბ) 11</p><p>ჯ. დვალი (ზესტაფონი)* 10</p><p>ო. კვერნაძე (ტორპედო) 9</p><p>შ. ლომია (ზუგდიდი) 9</p><p>დ. სიჭინავა (კოლხეთი/სიონი) 9</p><p>გ. ბერიაშვილი (დინამო ბთ) 8</p><p>ნ. კაჭარავა (ცხინვალი) 8</p><p>შენიშვნა: * - ჯაბა დვალი კარიერას მოლდოვის "დაჩიაში" განაგრძობს</p><p><span style="color: #3366ff;"><strong>მომდევნო (XXVIII) ტური</strong></span></p><p><span style="text-decoration: underline;">13 მაისი, ოთხშაბათი</span></p><p>სიონი-დინამო (ბთ)</p><p>ჩიხურა-გურია</p><p>დინამო (თბ)-ზუგდიდი</p><p>კოლხეთი-მერანი</p><p>მეტალურგი-ვიტ ჯორჯია</p><p>სამტრედია-დილა</p><p>შუქურა-ცხინვალი</p><p>ზესტაფონი-ტორპედო 0:3 (ტექ.).</p><p><strong>ყოველდღიური სპორტული გაზეთი "ლელო"</strong></p>
ოფიციალურად: "კოლოსმა" ზურაბ რუხაძე წარადგინა
საქართველოს ახალგაზრდული ნაკრების ფეხბურთელი უკრაინულ კლუბში გადავიდა
თემურ ქეცბაიამ შესაძლოა, ქართული გუნდი ჩაიბაროს - მან "ანორთოსისში" დაბრუნებაზე უარი თქვა
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
ზუგდიდი-დინამო (ბთ) 0:1 - მარკოს თავი [VIDEO]
უმაღლესი ლიგა. XXII ტური: თბილისის "დინამომ" და "სამტრედიამ" მოიგეს
გიორგი დემეტრაძე ქართულ ფეხბურთს სპორტულ დირექტორად დაუბრუნდა
ეროვნული ლიგა. XXXV ტური. "შუქურა" - "საბურთალო" [LIVE]
ეროვნულ ლიგაში ახლად აღზევებული ქობულეთის "შუქურა" დაშლის პირასაა
რუსთავიდან თავრიზში - კახა კაკაშვილი ირანულმა გუნდმა წაიყვანა
"შუქურას" ფანებმა ბოთლი მსაჯს ესროლეს, სიგუას მოარტყეს და ბოდიშს იხდიან [VIDEO]
"რუსთავმა" თერჯოლის "საპოვნელას" მეტრეველის და სიჭინავას გოლებით მოუგო
პლეი-ოფში ეროვნული ლიგის მომავალი მონაწილე გაირკვა [VIDEO]
დინამო(ბთ)-დინამო(თბ) 1:2 - ის, რაც გულშემატკივარს უყვარს [VIDEO]
51..9% ხელფასებში - რაში დაიხარჯა 2019 წელს ფეხბურთის განვითარების ფონდის ფული?
დინამო (ბთ)-ლოკომოტივი 1:0 - დამძიმებული "ლოკომოტივი"
სატრანსფერო კარუსელები - რა შეიცვალა ეროვნულ ლიგა 2-ში?
ვლადიმერ ხაჩიძე "ვიტ ჯორჯიას" მომავალზე: ჯერ არაფერია გადაწყვეტილი
ოდესის "ჩერნომორეცმა" სინჯებზე მყოფი გიორგი რობაქიძე გუნდში დაიტოვა
პირველი ლიგა. ამხანაგური მატჩი: ფავორიტთა სპარინგი
კუთხურიდან ჩახვეული ბურთი, წითელი ბარათები, პენალტები - ე-ლიგა 2-ის პლეი-აუტები დაძაბულად დასრულდა [VIDEO]
მალხაზ მახარაძე: "იაგელონიას" შარშან 1:0 მოვუგეთ...
მსოფლიოს თასი: ქერმანში დაკარგული თასი
საქართველოს თავისუფალი სტილით მოჭიდავეთა ნაკრები ბულგარეთის ტურნირზე იასპარეზებს
ქართველი ფეხბურთელი სინჯებზე "ჩერნომორეცში" იმყოფება
ქობულეთის "შუქურას" განცხადება
ეროვნული ლიგა 2. VI ტური: "გაგრა" პირველად დამარცხდა
შუქურა-დინამო(ბთ) 2:4 - შაშიაშვილი უშველის? [VIDEO]