<p>დარმიანი ლუი ვან გაალის საყვარელი ფეხბურთელი ხდება <br> "მანჩესტერ იუნაიტედი", როგორც წესი, პირველი ტურის მატჩს იგებს ხოლმე. ბოლო 24 საშინაო შეხვედრიდან, რომელიც "წითელმა ეშმაკებმა" ჩემპიონატის საწყის ტურში, საკუთარ კედლებში გამართეს, მხოლოდ ერთხელ წააგეს, ისიც წინა სეზონში "სუონსისთან".</p><p>ლუი ვან გაალი მთელი ზაფხულია იმაზე საუბრობს, თუ რა მნიშვნელოვანია სეზონის სტარტი და წინა სეზონის წარუმატებლობა ლამის პირველ რიგში სწორედ მძიმე დასაწყისს დააბრალა. ამიტომაც მოგება ჰოლანდიელისა და სრულიად "იუნაიტედისთვის" უაღრესად საჭირო და მნიშვნელოვანი იყო.</p><p>"ორივე გუნდი შემტევი ფეხბურთის თამაშსა და პრესინგის შემოთავაზებას ცდილობდა. ჩვენ ერთმანეთს ბოლომდე ვერ ვუმკლავდებოდით. საბოლოოდ, გამარჯვება ჩვენ დაგვრჩა და ეს ძალიან მახარებს, რადგან რთული მატჩი იყო.</p><p>მეტოქის შეცდომით ვისარგებლეთ და გოლი გავიტანეთ. უფრო უკეთ გამოვიყურებოდით, ვიდრე ტურნეს დროს გამართული ამხანაგური მატჩებისას, მაგრამ უნდა ვთქვა, რომ უკეთეს თამაშს ველოდი. თუმცა მეტოქემ სერიოზული წინააღმდეგობა გაგვიწია, კარგი შეხვედრა ჩაატარა და ესეც გასათვალისწინებელია. ლონდონელები სივრცეს არ გვიტოვებდნენ და ზეწოლას ახდენდნენ. ამაზე უნდა ვიმუშაოთ, რომ მომავალში უკეთ გავუმკლავდეთ მეტოქეების ასეთ თამაშს" - თქვა ვან გაალმა.</p><p><p><div style="text-align: center;"><strong style="font-size: 12.1599998474121px; line-height: 1.3em;"><span style="color: #ff0000;">შთამბეჭდავი დარმიანი და სხვა ახალწვეულები</span></strong></div></p> საქმეში უნდა გვეხილა მანჩესტერელთა ახალწვეულები, რომელთაგანაც მორგან შნეიდერლენი, მემფის დეპაი, მატეო დარმიანი და მეკარე სერხიო რომერო ვან გაალმა ძირითადში დააყენა, ხოლო ბასტიან შვაინშტაიგერი მოგვიანებით შეცვლაზე შემოიყვანა. ყველა ახალწვეული მოწადინებული იყო, და მათ ნორმალური შთაბეჭდილება დატოვეს.</p><p>შნეიდერლენი ნახევარდაცვაში ენერგიულად გამოიყურებოდა და მაიკლ კერიკთან ერთად მშვენიერ დასაყრდენს ქმნიდა. მემფის დეპაი ძალიან აქტიური გახლდათ, ზოგჯერ შეიძლება ცოტა ზედმეტადაც და ყველანაირად ცდილობდა, თავი გამოეჩინა. რომერომ რამდენიმე რთული ბურთი მოიგერია და დამაჯერებელი იყო. კერიკის მაგივრად გამოსულ შვაინშტაიგერსაც არაფერი გაუფუჭებია.</p><p>მწვრთნელს კი თავი ყველაზე მეტად დარმიანმა მოაწონა. იტალიელი თავდაჯერებულად აკონტროლებდა თავის ფლანგს და შეტევებსაც აქტიურად ეხმარებოდა. ჰოლანდიელი სპეციალისტისგან მან გამორჩევა და საქებარი სიტყვები დაიმსახურა.</p><p>"ყველა ახალწვეული მონდომებული იყო. ყოველთვის დიდი მოვლენაა, როდესაც "ოლდ ტრაფორდზე" შენ პირველ თამაშს ატარებ, რადგან აქ საოცარი ატმოსფერო და გულშემატკივრობაა. ალბათ, ნახეთ, როგორი ოვაციები დაიმსახურა შვაინშტაიგერმა მოთელვისას, სანამ თამაშში ჩაერთვებოდა და ესეც გამოსარჩევი მომენტი გახლდათ. თუმცა, თუ ერთი უნდა დავასახელო, ვიტყვი, რომ დარმიანმა ყველაზე კარგი შთაბეჭდილება დატოვა, იგი ერთ-ერთი საუკეთესო იყო მინდორზე და ძალიან კარგი ფეხბურთელია, ყველაფერს გააზრებულად, ზომიერად და სასარგებლოდ აკეთებდა. ვულოცავ ასეთ კარგ თამაშს" - განაცხადა ჰოლანდიელმა სპეციალისტმა.</p><p>რაც შეეხება დეპაის, შესაძლოა, ვან გაალი კი ამბობს, იგი ზედმეტად მონდომებულიც კი იყოო, მაგრამ ფაქტია, მემფისს ყველაზე მეტი (42) "სპრინტი" ჰქონდა შესრულებული. ამ მხრივ, მეორეზე მუსა დემბელე გავიდა (36), შემდეგ კი - ნასერ შადლი (35), მორგან შნეიდერლენი (31), მატეო დარმიანი (31), კაილ უოკერი (30).</p><p><p><div style="text-align: center;"><strong style="font-size: 12.1599998474121px; line-height: 1.3em;"><span style="color: #ff0000;">საუკეთესო მაინც სმოლინგია</span></strong></div></p> მატჩის საუკეთესო ფეხბურთელად კი კრის სმოლინგი დასახელდა, რომელიც თავს უფრო თავდაჯერებულად და მშვიდად გრძნობდა, რადგან წინ საიმედო საყრდენები ჰყავდა და შნეიდერლენის გამოჩენამ საქმე უფრო გაუადვილა და შეუმსუბუქა. თანაც, ახალწვეულებისგან განსხვავებით, ის უფრო თავდაჯერებული იყო და თავგამოდების გარეშე, მშვიდად და კარგად აკეთებდა თავის საქმეს. შეგახსენებთ, რომ სმოლინგი ის ფეხბურთელია, რომლის სახელიც ლუი ვან გაალს შეეშალა ცოტა ხნის წინანდელ პრესკონფერენციაზე.</p><p>"სმოლინგი გამოცდილი ფეხბურთელია და დიდი ხანია, "მანჩესტერშია" იმავე დარმიანისგან განსხვავებით. ასე რომ, მან კარგად იცოდა, რას აკეთებდა და კარგი მატჩი ჩაატარა. ის შეიძლება გმირია, მაგრამ მისი კარგი თამაში მთლიანად გუნდის დამსახურებაც არის" - განმარტა მისტერ ლუიმ.</p><p><p><div style="text-align: center;"><strong style="font-size: 12.1599998474121px; line-height: 1.3em;"><span style="color: #ff0000;">დე ხეა ოფსაიდში</span></strong></div></p> ცხადია, გაჩნდა კითხვები იმის შესახებ, რატომ არ იყო განაცხადში დავიდ დე ხეა. როგორც წესი, მსგავსი რამ იმიტომ ხდება ხოლმე, რომ განაცხადს მიღმა დარჩენილი ფეხბურთელი წასვლის პირასაა და საუბრები ესპანელის მადრიდის "რეალში" გადაბარგებაზე გაათკეცდა.</p><p>დე ხეა ვიქტორ ვალდესთან და ანდრეს ლინგარდთან ერთად ტრიბუნაზე იჯდა, სადღაც ინგლისის ნაკრების თავკაცის, როი ჰოჯსონის სიახლოვეს და იქიდან უყურებდა რომეროს თამაშს, რომლის დუბლიორადაც სათადარიგოთა სკამზე სემ ჯონსტონი გვევლინებოდა. ვან გაალს ამაზეც სთხოვეს კომენტარის გაკეთება.</p><p>"როგორც ხედავთ, რომერო ძალიან კარგი მეკარეა და ორჯერ გადაგვარჩინა კიდეც. კარგი შეხვედრა ჩაატარა, მაგრამ კომუნიკაციის პრობლემა იყო და ეს არც არის გასაკვირი, რადგან ახალია, ფეხბურთელებს ახლა ეცნობა და გარდა ამისა, შუა კვირამდე ვვარჯიშობდით ისე, რომ კარში დე ხეა იდგა და "ტოტენჰემთანაც" მის გამოშვებას ვაპირებდი, რადგან მისი შენარჩუნება მსურს.</p><p>თუმცა ვფიქრობ, გოლკიპერი მინდორზე ყველაზე მეტად კონცენტრირებული უნდა იყოს და მხოლოდ მატჩზე უნდა ფიქრობდეს, არა სხვა რამეებზე. დავიდი ახლა რთულ მდგომარეობაშია და ამიტომაც გადავწყვიტეთ, რომ იგი დაგვესვენებინა" - თქვა ვან გაალმა.</p><p>ცოტა ხნით ადრე კი ვან გაალმა ისიც თქვა, დაახლოებით ბოლო 2 წლის განმავლობაში დავიდი გუნდის საუკეთესო ფეხბურთელი გახლდათ, მაგრამ ახლა მოსამზადებელი პერიოდისას და ვარჯიშებზე რომ ვაკვირდებოდი, საკუთარ თავს აღარ ჰგავს, ეს ის დე ხეა აღარ არისო... მიზეზიც გასაგებია. ვერაფრით გაირკვა და გადაწყდა, წავა თუ დარჩება.</p><p>ბოლო ინფორმაციით, მადრიდის "რეალმა" "იუნაიტედს" ულტიმატუმი წაუყენა, ბოლო წინადადებით მიმართა და პასუხის დროულად გაცემა მოსთხოვა. ამიტომაც ყველაფერი უახლოეს დღეებში გაირკვევა.</p><p><p><div style="text-align: center;"><strong style="font-size: 12.1599998474121px; line-height: 1.3em;"><span style="color: #ff0000;">რატომ ვერ ითამაშა დი მარიამ?</span></strong></div></p> ვან გაალმა ანხელ დი მარიას წასვლაზეც ისაუბრა და იმის მიზეზებზე, თუ რატომ ვერ ითამაშა არგენტინელმა მის გუნდში. თუმცა იქამდე უმჯობესი იქნება, თუ "პარი სენ-ჟერმენში" გადასული შემტევის კომენტარსაც გავიხსენებთ.</p><p>"მერწმუნეთ, შემართების ნაკლებობა არაფერ შუაშია. ყველანაირად ვცდილობდი, გუნდისთვის სასარგებლო ვყოფილიყავი. უბრალოდ, ფეხბურთი მათემატიკა არ არის და ჩვენ ყველაფერს ვერ ვაკონტროლებთ. არის ფაქტორები, რომლებიც შედეგზე ჩვენი სურვილების საპირისპიროდ ახდენს გავლენას. ვწუხვარ, რომ საქმე ისე არ წავიდა, როგორც გვსურდა და ამ შესანიშნავ კლუბში ისე ვერ ვითამაშე, როგორც მინდოდა" - განაცხადა დი მარიამ.</p><p>"ეს დიდი დანაკარგია. მე მეტი სწრაფი შემტევი მჭირდება, კრეატიული ფეხბურთელები. დი მარია ასეთი მოთამაშეა და მსგავსი სტილის ფეხბურთელები გვჭირდება, მაგრამ მხოლოდ ტალანტი საკმარისი არ არის, ასევე უნდა შეგეძლოს ინგლისურ ფეხბურთს, აქაურ რიტმს მოერგო. ეს ადვილი არ არის და ყველას არ შეუძლია. სწორედ ამიტომ ვერ თამაშობს ყველა წარმატებულად პრემიერლიგაში. რიტმი და ინგლისური კულტურა განსხვავებულია, იგივე ლათინური კულტურისგან" - ახსნა ვან გაალმა.</p><p><p><div style="text-align: center;"><strong style="font-size: 12.1599998474121px; line-height: 1.3em;"><span style="color: #ff0000;">ეშლი იანგზე</span></strong></div></p> წინა სეზონში კარგი თამაში "ასტონ ვილას" ყოფილ ფეხბურთელს "წითელმა ეშმაკებმა" ახალი კონტრაქტით დაუფასეს. მასთან შეთანხმება 2018 წლის ზაფხულამდე გაფორმდა, კიდევ ერთი წლით გახანგრძლივების პერსპექტივით. 30 წლის იანგს ვან გაალი მრავალმხრივ და სასარგებლო ფეხბურთელს უწოდებს.</p><p>"საბრძოლო სული და შემართება ამ გუნდში ძალიან მაღალ დონეზეა. ყველას გვსურს, ეს სეზონი გამორჩეული და დასამახსოვრებელი გავხადოთ. ეშლი ძალიან მოტივირებულია და მრავალმხრივი ფეხბურთელია" - განაცხადა მისტერ ლუიმ.</p><p><p><div style="text-align: center;"><strong style="font-size: 12.1599998474121px; line-height: 1.3em;"><span style="color: #ff0000;">სტატისტიკა</span></strong></div></p> როგორც იცით, "მანჩესტერ იუნაიტედმა" კაილ უოკერის ავტოგოლით მოიგო. აქამდე პრემიერლიგის სეზონის პირველი ბურთი ავტოგოლით არასოდეს გასულა.</p><p>2010 წლის მერე "მანჩესტერ იუნაიტედმა" გახსნით შეხვედრაში კარი მშრალად პირველად შეინახა.</p><p>"წითელ ეშმაკებს" "ოლდ ტრაფორდზე" გამართული ბოლო 24 პირველი ტურის მატჩიდან მხოლოდ 1 აქვს წაგებული (17 მოგება, 1 ფრე).</p><p>"იუნაიტედს" ახლა მიჯრით ორჯერ ჰყავს "დეზები" დამარცხებული მათთან 5-მატჩიანი მოუგებელი სერიის მერე.</p><p>მაურისიო პოჩეტინოს "ტოტენჰემს" უკვე სამი მატჩია, მანჩესტერელების წინააღმდეგ გოლი ვერ გააქვს.</p><p><strong>ყოველდღიური სპორტული გაზეთი "ლელო"</strong></p>
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"იუნაიტედი" "ბრენტფორდთან" დამარცხდა - გაუშვებენ ამორიმს?
"ის ყველა დროის საუკეთესო ინგლისელი თავდამსხმელია" - უეინ რუნი
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"როცა ის მოედანზე მყავდა, პატარა ბავშვივით ტკბილად მეძინა" - გვარდიოლამ "სიტის" ყოფილი ფეხბურთელი გამოარჩია
"პირველი იყო, ვინც "ოქროს ბურთის" მოგება მომილოცა" - უსმან დემბელემ ლიონელ მესიზე ისაუბრა
[VIDEO] რონალდოს 946-ე გოლი - "ალ ნასრმა" ბენზემას "ალ იტიჰადი" დაამარცხა
"მოურინიო გეი და ჰომოსექსუალია" - სკანდირებდნენ "პორტუს" გულშემატკივრები
Le Parisien: ფლანგებზე კვარაცხელია და ბარკოლა - დღეს "ბარსელონასთან" მატჩის გენერალური რეპეტიციაა
"უდინეზეს" მწვრთნელი: გოგლიჩიძე შანსის გამოსაყენებლად მზად უნდა იყოს
"ბარსელონას" კიდევ ორი ფეხბურთელი პსჟ-სთან ვერ ითამაშებს
პრობლემების მქონე პსჟ-ისა და კარგ ფორმაში მყოფი "ვილიარეალის" მატჩის დღე
პოჩეტინომ სანაკრებო დონეზე გადაინაცვალა - არგენტინელი აშშ-ის 2026 წლის მუნდიალზე საშინაო კედლებში გაწვრთნის
ამორიმი პრემიერ ლიგაში დათხოვნის პირველი კანდიდატია და პორტუგალიაში დაბრუნების ვარიანტიც გამოუჩნდა
"ყველაზე საშინელი მწვრთნელია ვინც კი მყოლია და ამის გამეორებით არ დავიღლები" - ანხელ დი მარია
ვან გაალი: მესი შეიძლება ჩვენთან ყველაზე სუსტი რგოლი გახდეს - ბრაზილია მხოლოდ კონტრშეტევის გუნდია
ეშლი იანგი "ბარსელონასთან" მარცხზე: პირველი გოლი რომ გაგვეტანა...
დი მარია: ვან გაალი ყველაზე ცუდი მწვრთნელია
ეშლი იანგმა "ინტერში" გადასვლის შემდეგ "მანჩესტერ იუნაიტედს" მიმართა
ამორიმს შედეგების გამოსასწორებლად 3 მატჩი მისცეს - "იუნაიტედის" ხელმძღვანელები მის შემცვლელად 5 სპეციალისტს განიხილავენ
ეშლი იანგი "მანჩესტერის" ახალი კაპიტანია
"ეკვადორის ნაკრები ნიდერლანდებთან გამარჯვებას იმსახურებდა" - ლუი ვან გაალი
ანტონიო კონტემ "ინტერს" მარჯვენა მცველის ყიდვა მოსთხოვა
ნაკრებში ასრულებს, "ბენფიკაში" რჩება - დი მარია კვლავ ლისაბონელებისთვის შეუტევს
ცნობილია, რატომ არ ათავისუფლებს "ჩელსი" მაურისიო პოჩეტინოს
"მე და დეპაი ერთმანეთს ტუჩებში ვკოცნით" - ვან გაალმა დი მარიას უპასუხა
"იუნაიტედის" სტილი მისი შესაფერისი არ არის და იქ გადასვლით შეცდომა დაუშვა" - მერსონმა შეშკო გააკრიტიკა
"ბევრს ვმღერი და კროსვორდებს ვავსებ, რადგან..." - სერ ალექს ფერგიუსონმა მის ყოველდღიურობაზე ისაუბრა
ანხელ დი მარიამ ახსნა, რატომ სჯობია მისი აზრით ლიონელ მესი კრიშტიანო რონალდოს
"ჩელსიმ" პოჩეტინო გაათავისუფლა
ჩისკო იანგს "უოტფორდში" ეპატიჟება
მატეო დარმიანმა "მანჩესტერ იუნაიტედიდან" წასვლის სურვილი გამოთქვა
"მანჩესტერმა" პოჩეტინო გამორიცხა - "იუნაიტედს" ტენ ჰააგის ბედი ჯერ არ გადაუწყვეტია
ვან გაალი: არგენტინის მსოფლიო ჩემპიონობა დაგეგმილი იყო
"ჩელსიმ" პოჩეტინოს შემცვლელი შეარჩია
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
ჟოზე მოურინიო იანვარში 6 ფეხბურთელს დაემშვიდობება
დი მარიამ სანაკრებო კარიერა დაასრულა
The Daily Mail: სოლსკიაერი "მანჩესტერ იუნაიტედიდან" 6 ფეხბურთელს გაუშვებს
"მანჩესტერ იუნაიტედმა" მატეო დარმიანი მოიშორა
[VIDEO] პირდაპირ კუთხურიდან ჩაახვია - დი მარიას საოცარი გოლი არგენტინის ჩემპიონატში
"ჩელსის" ფანებს მოურინიოს დაბრუნება სურთ - ამ ეტაპზე ეს შეუძლებელი ჩანს
გერმანიის ნაკრები შესაძლოა ვან გაალმა გაწვრთნას
"ყველაზე მეტად მე ვიტანჯები" - ამორიმი წაგებული მანჩესტერული დერბის შემდეგ
ეშლი იანგმა "ინტერში" დებიუტისას გააკეთა ის, რაც "მანჩესტერში" ნახევარი სეზონი არ გაუკეთებია
"მანჩესტერ იუნაიტედის" კაპიტანმა შესაძლოა გუნდი სეზონის ბოლოს დატოვოს
მატეო დარმიანს იტალიაში დაბრუნების ვარიანტები აქვს