<p>თურქული შეკრებაზე მყოფმა ქუთაისელებმა პირველ საკონტროლო შეხვედრაში რუმინულ "უნივერსიტატეასთან" ფრე ითამაშეს <br> 22 იანვრიდან ქუთაისის "ტორპედო" სეზონისთვის თურქეთში ემზადება. ქუთაისელები ანთალიაში ხუთვარკვლავიან სასტუმრო "ლიმაკ არკადიაში" დაბინავდნენ და საკონტროლო შეხვედრებიც დაგეგმეს, პირველი კი გუშინ უკრაინის პირველი ლიგის "ალექსანდრიას" ნაცვლად, რუმინულ კლუჟის "უნივერსიტატეასთან" გამართეს.</p><p><em><strong>ტორპედო-უნივერსიტატეა 2:2 </strong></em></p><p>ტორპედო: ქვილითაია - სეთურიძე, ფარულავა, მაჭავარიანი, ჩიკვილაძე - დოლიძე (62. ბაკურაძე), დიღმელაშვილი, ქებაძე (67. გიგაური, 84. ჩხეტიანი), მაისურაძე (61. კირკიტაძე) - გოცირიძე (75. გუგუჩია), საბანაძე (48. კემუხტაშვილი).</p><p>გოლები: 1:0 იზვორანუ (2. საკ. კარში), 1:1 ლემნარუ (41), 2:1 ვოიკანი (47), 2:2 ჩიკვილაძე (81).</p><p>ქუთაისელებმა "უნივერსიტატეას" კარი პირველივე შეტევისას დალაშქრეს: მარჯვენა ფრთიდან ირაკლი დოლიძის მიერ საჯარმოში ჩაწოდებული ბურთი სილვიუ იზვორანუმ საკუთარ კარში ჩაჭრა.</p><p>"ტორპედოს" პრესსამსახურის ინფორმაციით, ქუთაისელები უპირატესობას ფლობდნენ, მაგრამ ტაიმის მიწურულს ვალენტინ ლემნარუმ ახლო მანძილიდან ანგარიში გაათანაბრა - 1:1.</p><p>მეორე ტაიმის დასაწყისში ლაშა ქებაძის თავური დარტყმა "უნივერსიტატეას" მეკარემ მოიგერია.</p><p>47-ე წუთზე "ტორპედოს" დაცვის შეცდომით ანდრეი ვოიკანმა ისარგებლა - 2:1.</p><p>რუმინელები გოლმა შეაგულიანა და კიდევ ორჯერ შეეძლოთ ანგარიშის გაზრდა. პირველ შემთხვევაში გუნდი მაქსიმე ქვილითაიამ გადაარჩინა, რამდენიმე წუთში კი "ტორპედო" ძელმა იხსნა.</p><p>81-ე წუთზე ქუთათურებმა სწრაფი კონტრშეტევა მარცხენა ფრთიდან წამოიწყეს, საჯარიმოში თენგიზ ჩიკვილაძემ მოულოდნელად დაარტყა და 2:2.</p><p>84-ე წუთზე მთავარმა არბიტრმა მოედნიდან მერაბ გიგაური გააძევა.</p><p>ბოლო წუთზე კი ლაშა კემუხტაშვილის ეფექტურად დარტყმული ბურთი ძელს მოხვდა.</p><p>"ტორპედოს" მეტოქე სხვა შეხვედრებშიც შეეცვალა: 27 იანვარს შეხვდება რუმინული "გაზ მეთანს", 29-ში რუსეთის პირველი ლიგის ხაბაროვსკის "სკა-ენერგიას", 31-ში - ხორვატიულ "ვარტექსს", ხოლო 2 თებერვალს - უზბეკეთის "შურტანს".</p><p>ამასობაში "ტორპედოს" ვებგვერდზე გამოკითხვა ჩატარდა, რომლის მიზანიც პირველ ეტაპზე გულშემატკივართა რჩეული თავდამსხმელის გამოვლენა იყო. გამოკითხვაში 800-მდე ქომაგი მონაწილეობდა, რომელთა 47.86 პროცენტმა უპირატესობა 18 წლის ლაშა კემუხტაშვილს მიანიჭა, ნიკა საბანაძეს - 28.46 პროცენტი მიემხრო, ვახტანგ კვარაცხელიას - 23.67 %.</p><p>გამოკითხვაში გამარჯვებულმა 18 წლის კემუხტაშვილმა პირველ ეტაპზე 2 გოლი გაიტანა და ორივე ცხინვალის "სპარტაკთან". ეს იყო ჩემპიონატის პირველი შეხვედრა, რომელშიც "ტორპედომ" გაიმარჯვა და, ეტყობა, გულშემატკივარმა ახალგაზრდა ფორვარდი ამიტომ გამოარჩია. ლაშა უფრო შედეგიანად "ტორპედოს" დუბლშემადგენლობაში თამაშობდა.</p><p>სანამ მთავარი გუნდი ანთალიაში ემზადება, ქუთაისში, საღორიის ბაზაზე "ტორპედო 2" ახალ ხელოვნურსაფარიან მოედანზე პირველლიგელ ხარაგაულის "ჩხერიმელას" ამხანაგურად შეხვდა.</p><p>გუნდის მწვრთნელის გიორგი სუხიაშვილის მიზანი ახალწვეულებზე დაკვირვება იყო. კლუბში "ტორპედო 2"-ის სელექციას განსაკუთრებულ ყურადღებას ანიჭებენ. ამ მიზნით "ჩხერიმელასთან" მატჩის წინა დღეს ქუთაისს პარტნიორი სკოლის, "ვისოლი-ავაზას" 1995 წელს დაბადებულთა გუნდი ესტუმრა და ორი საკონტროლო შეხვედრა გამართა: პირველში "ავაზა" ასაკით უფროს ქუთაისელ ბავშვებთან დამარცხდა - 1:6, მეორეში კი ჭაბუკთა ლიგაში მოასპარეზე "ნორჩ ტორპედოელებს" 5:2 სძლია.</p><p>ხარაგაულელების წინააღმდეგ "ტორპედო 2"-ში ბევრი ახალი მოთამაშე გამოჩნდა, მათ შორის "ვისოლი-ავაზას" რამდენიმე ფეხბურთელი, რომელთა დარჩენაც თითქმის გადაწყვეტილია. მატჩი კი 1:1 დასრულდა.</p><p><strong>ყოველდღიური სპორტული გაზეთი "ლელო"</strong></p>
gabro
აღარ მოგვიწევს სვარკის ყურება რაც პირველ და მეორე წრეში იყო, მომეწონა ბიჭების თამაში ;)
"სამგურალის" ზედიზედ მეხუთე მოგება
"დინამო თბილისმა" ფოთელებს მოუგო; "თელავი"-"ტორპედო" ფრედ დასრულდა
"იბერია 1999" პირველ ადგილზე დაბრუნდა, "გაგრამ" "დინამო ბათუმს" მოუგო
ყველაფერი ოზემპიკზე: გამოყენება, შედეგები და გვერდითი მოვლენები
"ლორიენთან" მატჩში პსჟ-ს შემადგენლობა ცნობილია
"ვალენსიამ" შეიძლება "რეალის" ყოფილი ვარსკვლავი უფასოდ დაიმატოს
დე ბრუინს ბელგიაში ოპერაცია გაუკეთეს
"რეალს" "ტოტენჰემის" მცველის დამატება სურს
უპირებენ თუ არა გათავისუფლებას სლოტს - ფაბრიციო რომანო "ლივერპულის" მწვრთნელის მომავალზე
"რეალთან" წაგების შემდეგ – "ბარსელონას" უჩვეულო გეგმა ფინანსურ სარგებელამდე
უდიდესი სენსაცია პარიზში - ალკარასმა ნორისთან წააგო
[VIDEO] "გოლდენ სტეიტი" სეზონს მაგრად იწყებს - "უორიორსმა" "კლიპერსი" მარტივად დაამარცხა
სპალეტი "იუვენტუსს" უახლოვდება - "ნაპოლის" ყოფილი მწვრთნელი საქმეში მალე დაბრუნდება
დიდი როტაციით "ლორიენთან" - იქნება ხვიჩა სასტარტოში?
"სამგურალის" ზედიზედ მეხუთე მოგება
[VIDEO] 6:0. ზურიკომ გაიტანა და თან როგორი გაიტანა!
"ნაპოლიმ" "ლეჩესთან" მძიმე გამარჯვება მოიპოვა
გოჩოლეიშვილი უნიღბოდ დაბრუნდა - "ჰამბურგმა" თასზე ზივზივაძის "ჰაიდენჰაიმს" მოუგო
ოდიკაძე ევროპის ჩემპიონ-პრიზიორია - მან სამივე სინჯის მედალი მოიპოვა
"ზაბარნი იხრჩობა და თავდაჯერებულობას კარგავს" - ფრანგული მედია უკრაინელს აკრიტიკებს
უბედური შემთხვევა - "ინტერის" მეკარემ ავტომობილით 81 წლის მამაკაცი გაიტანა
"ნაპოლი" ლეონარდო სპინაცოლას ახალ კონტრაქტს გაუფორმებს
დღეს "კვარა" თუ მბაიე? - 4 საგოლე პასით დაწყებულს მიქაუტაძე გააგრძელებს