<p>24 წლის დანილო თანახმაა, ელგუჯა ქომეთიანის უსახსრობით გატანჯულ გუნდში თუნდაც მცირე ხელფასზე ითამაშოს <br> ეროვნული ჩემპიონატის მეორე წრისთვის "ბაია" ზუგდიდის ბაზაზე ემზადება. კლუბს ფინანსურად სეზონის დასაწყისიდანვე გაუჭირდა და ამის გამო არაერთი კვალიფიციური ფეხბურთელი დაკარგა, მაგრამ ავად თუ კარგად არსებობას განაგრძობს და უმაღლეს ლიგაში დასარჩენად ადგილობრივი კადრებით იბრძვის.</p><p>"ბაიას" ფინანსური პრობლემები ჯერაც ვერ მოგვარებულა, მაგრამ დავალიანებების გასტუმრების საქმეში მცირე სიახლეები მაინც არის. როგორც გუნდის მთავარმა მწვრთნელმა ელგუჯა ქომეთიანმა გვითხრა, დარიგდა იანვრის პირველი ნახევრის გასამრჯელოები და თვის ბოლომდე მეორე ნახევრის დავალიანებებსაც გაისტუმრებენ. თუმცა ძველი ვალები მაინც ვალებად რჩება - არაერთ ფეხბურთელს მთელი ხუთი თვის ხელფასი აქვს მისაღები. როგორც ყოველთვის, ადგილობრივი მთავრობა კლუბს თანადგომას ჰპირდება.</p><p>რაც შეეხება სპორტულ მხარეს, აქ "ბაია" შედარებით უკეთეს მდგომარეობაშია. იანვარში გუნდმა უკვე ჩაატარა ოთხი ამხანაგური მატჩი. ჩვენმა მკითხველმა უკვე იცის, რომ ზუგდიდელებმა პირველლიგელ მარტვილის "მერანთან" 1:2 დათმეს, ფოთის "კოლხეთს" კი ფრედ, 1:1 ეთამაშნენ.</p><p>ამის შემდეგ "ბაიამ" "სამტრედია" 5:0 გაანადგურა. ამ შეხვედრაში დუბლი ლომიამ შეასრულა, თითო გოლი კი რიგვავას, ეხვაიასა და სიხარულიას ანგარიშზეა.</p><p>გუშინ კი კიდევ ერთი "მეგრული დერბი" გაიმართა. "ბაიას" მეტოქე ხობის "კოლხეთი" იყო და მატჩი 0:0 დასრულდა. ქომეთიანმა ამ შეხვედრაში ორი შემადგენლობა ათამაშა.</p><p>პირველი ტაიმი: სომხიშვილი - სვირავა, აქუბარდია, აფაქიძე, გამრეკლიძე - კუხალაშვილი, ნ. შონია, წურწუმია, დანილო - ქობალია, ჩანგელია.</p><p>მეორე ტაიმი: მაქაცარია - გ. ქირია, მამულია, რ. ონიანი, რიგვავა - გუჯეჯიანი, სიხარულია, ვართაგავა, ლომია - ეხვაია, კუკავა.</p><p>"ბაიას" შემადგენლობაში რამდენიმე უცნობი ფეხბურთელის გვარს ამოიკითხავდით. მარცხენა ნახევარმცველი დანილო ბრაზილიელია და ზუგდიდელთა შემადგენლობაში ისინჯება. იგი 24 წლისაა და ამ მატჩში ქომეთიანზე წარუშლელი შთაბეჭდილება ნამდვილად არ დაუტოვებია, მაგრამ რაკი ნამგზავრი და გადაღლილი იყო, ერთ შანსს კიდევ მისცემენ. ალბათ იკითხავთ, საიდან აქვს უსახსრობით გაწამებულ "ბაიას" ლეგიონერის დამატების საშუალება. საქმე ისაა, რომ დანილო თანახმაა, საქართველოში მცირე ხელფასზეც ითამაშოს.</p><p>"ბაიაში" სინჯებზე ორი თბილისელი ახალგაზრდაცაა - მარცხენა მცველი ილია გამრეკლიძე და მარჯვენა ნახევარმცველი გიორგი კუხალაშვილი. მათი საკითხიც უახლოეს დღეებში გადაწყდება.</p><p>ლევან აკობია "ბაიამ" სომხურ "ულისში" თავისუფალი აგენტის სტატუსით გაუშვა, სამაგიეროდ, ზუგდიდელები მცველ გიორგი კვესეიშვილის გასხვისებით იმედოვნებენ გარკვეული საფასურის მიღებას და ამ ფულით კლუბის ფინანსური პრობლემების ნაწილობრივ მოგვარებას. საქმე ისაა, რომ კვესეიშვილი ამჟამად უზბეკეთშია, სადაც იქაური უმაღლესი ლიგის ერთ-ერთ კლუბში ცდილობს დამკვიდრებას და სადღეისო ცნობებით, ამის კარგი შანსიც აქვს. მას "ბაიასთან" კონტრაქტი ჯერ არ გასრულებია და კლუბს კომპენსაცია ამიტომაც ერგება.</p><p>მომდევნო სპარინგმატჩს "ბაია" ხვალ ურეკში "ულისთან" გამართავს.</p>
ოფიციალურად: "კოლოსმა" ზურაბ რუხაძე წარადგინა
საქართველოს ახალგაზრდული ნაკრების ფეხბურთელი უკრაინულ კლუბში გადავიდა
თემურ ქეცბაიამ შესაძლოა, ქართული გუნდი ჩაიბაროს - მან "ანორთოსისში" დაბრუნებაზე უარი თქვა
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
ონანა კარიერას სავარაუდოდ, თურქეთში განაგრძობს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!