<p>"...შესაძლოა, იყო ცალკეული უსიამოვნო ინციდენტები, მაგრამ ესეც ჩვეულებრივი ამბავია" <br> ბაქოს "ინტერი" აზერბაიჯანის ჩემპიონატში მეორე ადგილზეა. <strong>ზაურ სვანაძის</strong> გაწვრთნილი გუნდის მთავარ ბირთვს ქართველი ფეხბურთელები შეადგენენ - <strong>ლაშა სალუქვაძე, ზურაბ ხიზანიშვილი, ნიკა კვეკვესკირი, ლაშა კასრაძე</strong> და <strong>გიორგი ლომაია</strong>.</p><p>რამდენიმე დღის წინ უეფამ "ინტერს" ევროთასებზე თამაშის უფლება წაართვა, ოღონდ აკრძალვა მხოლოდ იმ შემთხვევაში შევა ძალაში, თუ გუნდი იანვრის ბოლომდე ყოფილი ფეხბურთელების დავალიანებას ვერ გადაიხდის.</p><p>"ინტერის" ერთ-ერთი ლიდერი ლაშა სალუქვაძე ახლა თბილისში იმყოფება და, რა თქმა უნდა, 34 წლის ფეხბურთელთან, ვისაც საქართველოს ნაკრებში 38 მატჩი ჩაუტარებია, გასაუბრების შანსი ხელიდან არ გავუშვით.</p><p><strong>- ლაშა, როგორი იყო თქვენთვის სეზონის პირველი ნახევარი? "ინტერში" რომ მიხვედით, აზერბაიჯანის პირველობა უკვე დაწყებული იყო, მაგრამ თქვენ მაინც მოახერხეთ ძირითად შემადგენლობაში ადგილის მოპოვება...</strong></p><p>- სანამ "ინტერში" მივიდოდი, ბოლო წამამდე არ ვჩქარობდი გადაწყვეტილების მიღებას. სიმართლე გითხრათ, მქონდა რუსეთის ვარიანტი, მაგრამ საბოლოოდ "ინტერში" დავბრუნდი. ყველა თამაში ძირითად შემადგენლობაში ვითამაშე. გუნდი აზერბაიჯანის ჩემპიონატში მეორე ადგილზეა. ასე რომ, მგონი, არ მაქვს უკმაყოფილების საფუძველი.</p><p>აქვე, თქვენი გაზეთის საშუალებით მინდა, დიდი მადლობა გადავუხადო ზაურ სვანაძეს, ვინც მენდო. მეც ბოლომდე ვცდილობდი, გამემართლებინა მისი ნდობა. თავი არცერთ მატჩში არ დამიზოგავს. აზერბაიჯანში ყველა ერთხმად აღნიშნავს, რომ "ინტერი" ძალიან შეკრული, მეგობრული გუნდია. ამაში გუნდის მთავარი მწვრთნელის წვლილი ძალიან დიდია.</p><p><strong>- აზერბაიჯანის ჩემპიონატში "ინტერი" მეორე ადგილზეა. ეს მართლაც დიდი მიღწევაა იმ ფონზე, რომ გუნდი სეზონის დასაწყისში შეიკრიბა და შემადგენლობა თითქმის მთლიანად გადახალისდა...</strong></p><p>- სულ ახალი გუნდი შეიკრიბა სეზონის დაწყების წინ. დაამატეთ ამას ისიც, რომ ფინანსური მდგომარეობა ისეთი აღარ იყო, როგორიც ადრე. ამის მიუხედავად, ზაურ სვანაძემ ძალიან კარგი, ბრძოლისუნარიანი და მეგობრული გუნდი შეკრა. "ინტერმა" ევროთასებზეც კარგად ითამაშა და რომ არა ესპანური "ბილბაოს" ბარიერი, შესაძლოა, ევროპის ლიგის ჯგუფშიც მოხვედრილიყო.</p><p><strong>- ვაკვირდებით და ჩანს, რომ აზერბაიჯანის მიმდინარე ჩემპიონატი წინაზე სუსტია. ეთანხმებით ამ შეფასებას?</strong></p><p>- გარკვეულწილად ვეთანხმები. ავიღოთ თუნდაც "სიმურგი", რომელიც სულაც მოხსნეს გათამაშებიდან. იმავე "ხაზარს" გაცილებით უკეთესი გუნდი ჰყავდა წინა სეზონში. ჩვენ ყველა ერთად ვხედავთ, როგორი შედეგი აქვს ბაქოს "ნეფთჩის". "ინტერშიც" მეტი იყო ფინანსები. ამის მიუხედავად, აზერბაიჯანმა 2 კლუბი გაიყვანა ევროპის ლიგაზე.</p><p>რაც შეეხება ჩემპიონატის ხასიათს, საერთო დონე ძალიან გათანაბრებულია. ვერ იტყვი, ვინ ვის მოუგებს. ხშირია მატჩები, როცა აუტსაიდერები ლიდერებს აკარგვინებენ ქულებს. ყველა შეხვედრაში დიდი ბრძოლაა.</p><p><strong>- "ინტერი" მუდამ ყველაზე "ქართული" გუნდი იყო აზერბაიჯანში. როგორია ადგილობრივთა დამოკიდებულება თქვენ მიმართ?</strong></p><p>- დამოკიდებულება ძალიან კარგია. ასე იყო ადრეც და ასეა ახლაც. შესაძლოა, მედიის მხრიდან იყო ცალკეული უსიამოვნო ინციდენტები, თუნდაც კახა ცხადაძის მწვრთნელობის დროს, მაგრამ ესეც ჩვეულებრივი ამბავია.</p><p><strong>- რა ხდება "ინტერის" ძველ ვალებთან დაკავშირებით? გუნდს აუკრძალავენ ევროთასებზე თამაშს, თუ იანვრის ბოლომდე ვალებს არ გადაიხდის...</strong></p><p>- 31 იანვრამდე უნდა დაიფაროს ძველი დავალიანება. ეს ამჟამინდელ პერიოდს არ ეხება. ყველამ კარგად ვიცით, რა ხდებოდა ბოლოს "ინტერის" ზედა ეშელონში. ჩემი ინფორმაციით, კლუბში ახალი ხელმძღვანელობა უნდა მოვიდეს. ამბობენ, რომ დათქმულ ვადაში ვალებსაც გადაიხდიან.</p><p><strong>- "ინტერს" რამდენიმე ფეხბურთელმა უჩივლა. როგორც ვიცით, მათ შორის ჩვენებურები არ არიან...</strong></p><p>- მეც ასე ვიცი, რომ მომჩივანთა შორის ქართველები არ არიან.</p><p><strong>- ხომ არ არის მოსალოდნელი, რომ ზამთარში გუნდი დატოვოთ?</strong></p><p>- არა მგონია, ასე მოხდეს. სეზონის დაწყების წინ კი მქონდა რამდენიმე ვარიანტი, მაგრამ ახლა ვერ ვიტყვი, რომ წინადადებები მაქვს. ამ შემთხვევაში, ალბათ გასათვალისწინებელია ჩემი ასაკიც. უკვე 34 წლის ვარ. ამის მიუხედავად, ძველებურად მიხარია ფეხბურთის თამაში და არც ფორმას ვუჩივი.</p><p>თუ ვალები დროულად დაიფარება, თუ გუნდს არ აუკრძალავენ ევროთასებზე თამაშს, სიამოვნებით დავრჩები "ინტერში". უბრალოდ, ჩემს ასაკში არ ღირს ისეთ გუნდში თამაში, რომელიც მოკრძალებულ მიზნებს ისახავს, მხოლოდ უმაღლეს ლიგაში ადგილის შენარჩუნებისთვის იბრძვის.</p><p>ჩვენ გვაქვს რეალურზე რეალური შანსი იმისა, რომ ევროთასებზე გავიდეთ და თუ მოვლენები საჩვენოდ განვითარდა, ჩემპიონობისთვისაც კი ვიბრძოლოთ. ასე რომ, ჩემთვის ძალიან სასიამოვნოა ამბიციურ გუნდში ყოფნა.</p><p><strong>- წეღან თქვით, რომ აზერბაიჯანმა ორი გუნდი გაიყვანა ევროპის ლიგის ჯგუფურ ეტაპზე. ცხადია, ეს შემთხვევით არ მომხდარა. რამ განაპირობა ასეთი შედეგი?</strong></p><p>- ეს წარმატება შემთხვევით არ მოსულა. ყველას გვახსოვს, თავიდან "ნეფთჩი" შევიდა ევროპის ლიგის ჯგუფში, მერე იყო "ყარაბაღი"... იმავე "ნეფთჩიმ" 2:2 ითამაშა მილანის "ინტერთან", "ყარაბაღი" კი კინაღამ ჯგუფიდან გავიდა.</p><p>ასე ეტაპობრივად გააკეთეს საქმე აზერბაიჯანში და რაც, თუნდაც, ორი წლის წინათ სენსაციად აღიქმებოდა, ვგულისხმობ მათი გუნდების გასვლას ევროპის ლიგის ჯგუფურ ეტაპზე, დღეს კანონზომიერებად მიიჩნევა. აზერბაიჯანში კლუბები ფულს ხარჯავენ, ჩამოჰყავთ ლეგიონერები, რომლებიც ჩემპიონატის დონეს მაღლა სწევენ.</p><p><strong>- ალბათ, ჩვენმა კლუბებმაც, შესაბამისი დაფინანსების შემთხვევაში, კვალიფიციური ლეგიონერები უნდა ჩამოიყვანონ...</strong></p><p>- ძალიან ძნელი, ვიტყოდი, პრაქტიკულად შეუძლებელი იქნება საქართველოს ჩემპიონატის დონის აწევა ლეგიონერების გარეშე. მთელ მსოფლიოში ასეა და ჩვენც ვერ ვიქნებით გამონაკლისები.</p><p>აქვე, მინდა ერთ საჭირბოროტო საკითხზე გავამახვილო ყურადღება. საქართველოში ასეა - 30 წლის გახდება ფეხბურთელი და უკვე ბებერია. არ მესმის, რით ხელმძღვანელობს ის, ვინც ასე ფიქრობს? რატომ უნდა იყურო ფეხბურთელის პასპორტში, თუ ის კარგ ფორმაშია, თამაშობს, გუნდისთვის სარგებლობა მოაქვს...</p><p>დიდი იმედი მაქვს ქართული ფეხბურთის ახალი ხელმძღვანელობის. ლევან კობიაშვილი და მისი გუნდი ყველაფერს გააკეთებენ იმისათვის, რომ ქართულ ფეხბურთში უკეთესობა იყოს. ამაში დარწმუნებული ვარ.</p><p><p><div style="text-align: center;"><span style="color: #ff0000;"><strong>* * *</strong></span></div></p> სალუქვაძესთან საუბარი ამით დავასრულეთ. როგორც ჩანს, "ინტერი" სეზონის განახლებას ძალიან მნიშვნელოვანი ცვლილებებით შეხვდება. აზერბაიჯანული საინფორმაციო საშუალებების ცნობით, ზაურ სვანაძის მიერ გაწვრთნილი გუნდი არაერთმა ფეხბურთელმა დატოვა. კერძოდ, სეზონის განახლების შემდეგ "ინტერში" აღარ ითამაშებენ ესპანელები - <strong>ხუან ფრანსისკო</strong> და <strong>ივან ბენიტესი</strong>, ხორვატი <strong>სტეპან პოლიაკი</strong>, ალბანელი <strong>ემელიანო ვილა</strong> და გუნდის კაპიტანი, მეკარე <strong>სალხატ აგაევი</strong>.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
bebeto
უნდა დაინგრეს ასაკზე შექმნილი მითი, ფეხბურთელი თუ ფორმაშია და შეუძლია თამაში უნდა ითამაშოს. ზოგი ფეხბურთელი ადრე იხსნება ზოგიც გვიან.
გუჯა კახაძე
30 წლის ფეხბურთელი უდიდესი გამოცდილების მფლობელია და მისი ჩამოწერა მწვრთნელის სისუსტის მაჩვენებელია. ყველა 30 წელს გადაცილებული ფეხბურთელი, ვინც ჩემთან მოვიდა ფიზიკური კონდიციების გასაუმჯობესებლად, კურსის გავლის შემდეგ უკეთესად გამოიყურებოდა, ვიდრე ახალგაზრდობაში. გავუფრთხილდეთ ქართველ ფეხბურთელებს!!!! ისედაც თითზე ჩამოსათვლელად დაგვრჩენ.
გადრანი "კაირატიდან" "ბეითარში" გადავიდა
საზონოვი "ხეტაფეში" ტრანსფერის 120-წამიანი დაგვიანების გამო ვერ გადავიდა
ქართველი მეკარე ესპანურ გუნდში გადავიდა
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
"შევურაცხვყვეთ, როგორც სტუმარი გუნდის ქომაგი, ასევე არ მიეცა საშუალება ნაკრებს ქომაგებთან ერთად გამარჯვება ეზეიმა" - ლევან კობიაშვილი სომხეთთან მატჩის შემდეგ გულშემატკივრის ნაწილის მოედანზე შეჭრას გამოეხმაურა
საქართველოსთან მატჩამდე სომხურ ფეხბურთში არეულობაა - ფედერაცია ახალ მწვრთნელზე საუბრობს, ფანები მათ გადაყენებაზე
"ვიცი, რომ "რეალის" ფანია, მაგრამ ამ ორ გუნდს უფრო მოუხდებოდა" - კახა ცხადაძემ ხვიჩა კვარაცხელიაზე ისაუბრა
კვარას შეუძლია "რეალში" ან "ბარსელონაში" ითამაშოს, ის ამისთვის მზადაა - ლაშა სალუქვაძე
ბაქოს "ნეფთჩის" ფანები კახა ცხადაძესა და ზაურ სვანაძეს ახსენებენ...
ერთხელ ბაქოში... სად გაგვასწრო მეზობელმა ფეხბურთში
"საქართველოში მიაჩნიათ, რომ..." - ლაშა სალუქვაძემ "დინამო"-"ნეფტჩის" მატჩის შესახებ ისაუბრა
აზერბაიჯანელებმა მთავარი მწვრთნელის პოსტი ოლეგ ბლოხინს შესთავაზეს - უკრაინელის პასუხი ცნობილია
რისი გჯეროდათ? - როდის იყო, დონ კიხოტი შედეგებზე სწავლობდა?
soccer.ru: რუსეთის ჩემპიონატის 10 ყველაზე რეიტინგული ქართველი - ბრწყინვალეები, ჩემპიონები, ბომბარდირები, სიმბოლო და ჯარისკაცი
ოფიციალურად: ცხადაძე აზერბაიჯანულ გუნდს გაწვრთნის
ლაშა სალუქვაძე: ხვიჩას შეუძლია დიდ გუნდში ითამაშოს
ზაურ სვანაძე: კარგ ქართველ ფეხბურთელზე უარის ვინ იტყვის, მაგრამ...
ზაურ სვანაძე "გაბალასთან" მატჩზე: არ ვფიქრობ, რომ მოედანზე რაიმე არასაფეხბურთო მოხდება
"ყინული დაიძრა, დარწმუნებული ვარ, რომ ახლო მომავალში ბევრი ქართველი ითამაშებს ევროპაში" - კახა ცხადაძე
"ეს ადამიანი მწვრთნელია თუ ექსპერტი, ვერ ჩამოყალიბდა. სისულელეა, რასაც საუბრობს" - ლევან კობიაშვილი გიორგი ჭიაბრიშვილის განცხადებას გამოეხმაურა
ლაშა სალუქვაძე: ხვიჩა რუსეთში თავს ცუდად გრძნობდა
სანიოლმა უეფას კონფერენციაზე ევრო 2024-ზე მიღებულ გამოცდილებაზე ისაუბრა
[ლეგიონი] ხიზანიშვილმა გამარჯვების გაიტანა, კვეკვესკირს ხელი გაარტყეს [VIDEO]
თბილისის "დინამოს" მთავარი მწვრთნელის პოსტი ფელის ვისენტეს უკავია
თბილისის "დინამოს" ესპანელი თავკაცი: ეროვნული ლიგა ბრძოლისუნარიანი პირველობაა
"მისი შეფასება არაკორექტული იყო" - ჭიაბრიშვილმა კობიაშვილის განცხადებას უპასუხა
თბილისის "დინამოს" მწვრთნელად ზაურ სვანაძე დანიშნეს
"რუსთავმა" თურქულ შეკრებაზე წასაყვანი 26 ფეხბურთელი დაასახელა
"მგონია, რომ ახალგაზრდულ ევროპის ჩემპიონატზე კვარაცხელიას უთამაშებლობის მიზეზი ეს ზეწოლა იყო" - ცხადაძე ხვიჩასა და U21 ნაკრებზე
ზაურ სვანაძე თბილისის "დინამოში" დაბრუნდა
კახა ცხადაძე ყაზახეთის პრემიერლიგაში დაბრუნდა
ბაქოს "ინტერმა" ზაურ სვანაძეს ერთწლიანი კონტრაქტი შესთავაზა
ზაურ სვანაძემ და ბაქოს "ინტერმა" ახალი კონტრაქტი გააფორმეს
კაკა: - ქართულ ფეხბურთში პერსპექტიული თაობაა... აი, რატომ აღარ არიან ჩემი სტილის ფეხბურთელები...