<p>პრემიერლიგა ნათქვამია, მაგრამ რომელი კლუბი? <br> "მიზეზი იმისა, თუ რატომ არ გავახანგრძლივე კონტრაქტი "ბაიერნთან", მარტივია - ინგლისის პრემიერლიგაში მინდა მუშაობა" - ეს ჩვენ, პრინციპში, ისედაც ვიცოდით, მაგრამ ხოსეპ გვარდიოლას პირით ნათქვამი მაინც უფრო სხვაგვარად ჟღერს და მას სხვა ფასი აქვს.</p><p>მიუნხენურ გუნდს კარლო ანჩელოტი ჩაიბარებს. ეს აქამდეც ცნობილი იყო და ახლა პეპიც ალაპარაკდა. "პაპა კარლოს" მან "ბაიერნისთვის" "იდეალური არჩევანი" უწოდა, ხოლო თავად 44 წლის მწვრთნელს ესპანეთისა და გერმანიის მერე ინგლისში სურს ტიტულების შეგროვება.</p><p>მას, ძირითადად, მანჩესტერულ გუნდებს უკავშირებენ ხოლმე. თითქოს, "მანჩესტერ სიტისთან" წინასწარი შეთანხმება უკვე გაფორმებულია, მაგრამ ეს ინფორმაცია არც ერთი მხარის მიერ არ დადასტურებულა და, როგორც ჩანს, გვარდიოლას გადაბირების შანსები ჯერ კიდევ აქვთ სხვებსაც. თავის დროზე, მისი "ოლდ ტრაფორდზე" ხილვა ძალიან სურდა სერ ალექს ფერგიუსონს, საკუთარი თავის ღირსეულ შემცვლელად ესახებოდა, მაგრამ პეპმა არ მომისმინა და "ბაიერნში" წავიდაო.</p><p>ახლა "იუნაიტედში" ლუი ვან გაალს არ უწერია დიდი დღე და შესაბამისად, "წითელი ეშმაკებიც" მაქსიმალურად ეცდებიან, გვარდიოლა ხელში ჩაიგდონ. გარდა ამისა, რეალურ ვარიანტებად სახელდება ორი ლონდონური გუნდიც - "ჩელსი" და "არსენალი".</p><p>"მინდა ახალ ქვეყანაში და ქალაქში მივიღო გამოცდილება. ინგლისში მუშაობა მსურს. რამდენიმე შემოთავაზება მაქვს, მაგრამ ხელი ჯერ არაფრისთვის მომიწერია. ვფიქრობ, ამ შანსის გამოსაყენებლად კარგი დროა და შესაბამის ასაკშიც ვარ. ჩემი აზრით, ინგლისში გადაბარგება სწორი ნაბიჯი იქნება. თუმცა ახალი კლუბი ჯერ არ ამირჩევია" - თქვა პეპმა.</p><p>სანამ გვარდიოლა იფიქრებს და გადაწყვეტილებას მიიღებს. იქამდე თუნდაც სულ ერთი-ორი დღე რომ გავიდეს, დიდი მითქმა-მოთქმა ატყდება. ჩვენ კი შეგვიძლია ვარიანტები განვიხილოთ.</p><p><p><div style="text-align: center;"><strong><span style="color: #ff0000;">მანჩესტერი</span></strong></div></p> "სუონსისთან" მოგებამ ფანები ცოტა დაამშვიდა და "წითელი ეშმაკების" ხელმძღვანელებს მოსაფიქრებლად ცოტა მეტი დრო მისცა.</p><p>როგორც გითხარით, გვარდიოლამ ერთხელ უკვე წაუყრუა "მანჩესტერს" შემოთავაზებაზე და გუნდისა თუ კონკრეტულად სერ ალექსის დიდი ინტერესის მიუხედავად, შემხვედრი ნაბიჯი არ გადადგა. ახლა კი "იუნაიტედს" ესმის, რომ შეიძლება პასუხად ისევ "არა" მიიღოს და თანაც, პეპი მეზობლად, მოსისხლე მტერ "სიტიში" წავიდეს და "იუნაიტედს" "ქალაქელები" ამჯობინოს, რაც დიდი დარტყმა იქნება. გარდა ამისა, ხელმისაწვდომია ჟოზე მოურინიო, რომელსაც თითქოსდა, ძალიან უნდა "ოლდ ტრაფორდზე" წასვლა. ასე რომ, მოსაფიქრებელი მართლაც ბევრია.</p><p>რაც შეეხება "მანჩესტერის" პლუსებს და იმას, რითაც შეიძლება პეპი ამ გუნდმა მიიზიდოს - "იუნაიტედი" განსაკუთრებით ბოლო ათწლეულებში, წარმატებული და ფულიანი კლუბია. თანაც, "იუნაიტედი" ახლა ისეთი ქაოსურია, რომ ვარიანტებს შორის, ამ გუნდის ხელახლა აწყობა და თავის თავზე მორგება ყველაზე მარტივი ჩანს, თუ პეპს სრულ კარტბლანშს მისცემენ.</p><p><p><div style="text-align: center;"><strong><span style="color: #ff0000;">სიტი</span></strong></div></p> "ქალაქელების" რიგებში დირექტორად გვარდიოლას ძველი მეგობარი ჩიკი ბეგირისტაინი მუშაობს და ერთ-ერთი ხელმძღვანელია ფერან სორიანოც. ისინი ერთად დიდი წარმატებით თანამშრომლობდნენ "ბარსელონაში". ეს უპირატესობა "სიტის" ნამდვილად აქვს და ამ ადამიანებს პეპთან საერთო ენის გამონახვა არ გაუჭირდებათ. ისინი შეეცდებიან, პროექტი გვარდიოლას მოაწონონ. "სიტიში" მიმზიდველი კიდევ ბევრი რამ არის...</p><p>დავიწყოთ იმით, რომ "სიტის" ამჟამად თანაქალაქელზე არანაკლები ფინანსური რესურსი აქვს. გუნდი უკვე აწყობილია (სხვა საქმეა, რამდენად აკმაყოფილებს ეს პეპს) და უფრო სოლიდურადაც გამოიყურება. ამასთანავე, ვხედავთ, თუ როგორ წვალობს "სიტი" ევროსარბიელზე და როგორ არ გამოსდის იქ წარმატების მიღწევა.</p><p><p><div style="text-align: center;"><strong><span style="color: #ff0000;">ჩელსი</span></strong></div></p> ამბობენ, პეპი რომან აბრამოვიჩის დიდი ხნის ოცნებაა და რუსი ბიზნესმენი "ჩელსის" მწვრთნელობის იდეალურ კანდიდატატ სწორედ მას მიიჩნევსო. ისიც ითქვა, აბრამოვიჩმა გვარდიოლას შეუთვალა, ოღონდ "სტემფორდ ბრიჯზე" გადმოდი და ხელფასს იმდენს გადავიხდი, რამდენსაც კონტრაქტში თავად ჩაწერ და ტრანსფერების მხრივაც შეუზღუდავი იქნებიო.</p><p>მიუხედავად იმისა, რომ ლონდონი და მისი პრესტიჟული უბანი თუ კლუბი მშვენიერი ადგილია, მისტერ რომანმა ნატვრა დიდი შანსია, ვერც ამჯერად აიხდინოს, რადგან გვარდიოლასთვის ფინანსური კეთილდღეობა თითქოს, მთავარი ფაქტორი არ არის და მას თავისი იდეები და ხედვა აქვს.</p><p>ალბათ, 44 წლის ქარიზმატული სპეციალისტი ბევრს არც ჟოზე მოურინიოსთან უკვე ელფერდაკარგულ ქიშპობაზე ფიქრობს, მაგრამ აქაც არის პატარა "გამაღიზიანებელი" - "ლურჯების" არჩევის შემთხვევაში მას ექნება შანსი, გააკეთოს ის, რაც "განსაკუთრებულმა" საყვარელ "ჩელსისთან" ერთად ვერაფრით შეძლო და ოცნებადვე დარჩა - მოიგოს ჩემპიონთა ლიგა.</p><p><p><div style="text-align: center;"><strong><span style="color: #ff0000;">არსენალი</span></strong></div></p> ერთი შეხედვით, ეს ვარიანტი ყველაზე არარეალური და ავანტურულია. მეორე მხრივ, პატივცემული ხოსეპის სტილთან ყველაზე ახლოს, ალბათ, "არსენალი" და მისი ფილოსოფია დგას. ხოლო თუ პეპი "მეთოფეებს" სტაბილურად ძლიერ და დომინანტ გუნდად აქცევს, დიდი წარმატება იქნება.</p><p>არსენ ვენგერის გაშვებაზე მცირე ხნით წინა სეზონში კლუბის ფანების ნაწილმაც კი გაბედა და წამოიკნავლა, სადაც ეს დაუშვეს... იცით ისიც, რომ ერთ-ორ "ფულიან კაცს" "არსენალის" აქციონერთა შორის ფრანგი "არ ეპიტნავება" და მიიჩნევენ, რომ თუ გუნდს ახალ საფეხურზე ასვლა უნდა, დიდი პატივისცემის, სიყვარულისა და დამსახურების მიუხედავად, დროა, მუსიე არსენი წავიდეს.</p><p>პარადოქსულად ჟღერს, მაგრამ ვინ იცის, ეს მართლაც მოხდეს, თუ "მეთოფეებს" წარმატებული სეზონი ექნებათ, ჯერჯერობით კი ისინი ცუდად არ მიდიან. ეგებ, ვენგერიც ფიქრობს, რომ მოვიდა დრო და თავაწეულმა წასვლა ისურვოს. იქნებ ლონდონური გუნდის უფროსობამ გვარდიოლას ხიბლსა და ცდუნებას ვერ გაუძლოს... ახალგაზრდა, იდეებით შეპყრობილი ადმიანისთვის, რომელსაც შემტევი ფეხბურთი უყვარს და სრულყოფილებისკენ მიილტვის, "არსენალი" მშვენიერი ადგილია. თუმცა პირველ რიგში, ყველაფერი თავად პეპზეა დამოკიდებული.</p><p><p><div style="text-align: center;"><strong><span style="color: #ff0000;">რატომ არის გვარდიოლა ასეთი მოთხოვნადი?</span></strong></div></p> * პეპი "ბარსას" ყველაზე წარმატებული მწვრთნელია 4 სეზონში მოპოვებული 13 ტიტულით. აქედან 4-ჯერ მოიგო ლა ლიგა და 2-ჯერ ჩემპიონთა ლიგა.</p><p>* "კამპ ნოუდან" წასვლის შემდეგ ერთი წელი დაისვენა და 2012 წელს "ბაიერნი" გადაიბარა. იუპ ჰაინკესმა მიუნხენელებს ჰეთ თრიკი შეასრულებინა - მოიგო გერმანიის ჩემპიონატი, თასი და ჩემპიონთა ლიგა. აი, ასეთი მძიმე და მდიდარი მემკვიდრეობა შეხვდა გვარდიოლას.</p><p>* "რეკორდმაისტერთან" ერთად მან პირველ ორ სეზონში დამაჯერებლად მოიგო ბუნდესლიგა, მიმდინარეში კი უკვე 8-ქულიანი უპირატესობით ლიდერობს. თუმცა ვერ მოახერხა ჩემპიონთა ლიგაზე ტრიუმფის მიღწევა, წააგო რა ორივეჯერ ნახევარფინალში.</p><p>* ახლა "ბაიერნს" მერვედფინალში მეტოქედ წინა გათამაშების ფინალისტი "იუვენტუსი" ჰყავს. "ჩემპიონთა ლიგის მოგებით, "ბაიერნში" ჩემი საქმიანობა დასრულებული იქნება" - ამბობს პეპი.</p><p><strong>ყოველდღიური სპორტული გაზეთი "ლელო"</strong></p>
papa
ლევან,რავიცი,თითქოს ფულზე გადარეული არ ჩანს ზოგიერთი მწვრთნელივით,უფრო სხვა რაღაცეებს აქცევს ყურადღებას :)
levan
ანუ ძააან დიდი მაყუთი უნდა ბიჭს :)
"თუ "არსენალი" წელს ტიტულს ვერ მოიგებს, არტეტას გაათავისუფლებენ" - რობერ პირესი
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
წიტაიშვილი და აბუაშვილი შეცვლაზე და "მეცის" ფრე "ჰავრთან"
იური ტაბატაძე შეცვალეს - "კადისი" "სეუტასთან" ფრეს დასჯერდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
ამორიმი პრემიერ ლიგაში დათხოვნის პირველი კანდიდატია და პორტუგალიაში დაბრუნების ვარიანტიც გამოუჩნდა
გვარდიოლამ მისთვის ყველა დროის საუკეთესო მწვრთნელი და ყველაზე მნიშვნელოვანი ტურნირი დაასახელა
იმიჯი შეიცვალა - 54 წლის გვარდიოლამ ულვაშები დაიმშვენა
ამორიმს შედეგების გამოსასწორებლად 3 მატჩი მისცეს - "იუნაიტედის" ხელმძღვანელები მის შემცვლელად 5 სპეციალისტს განიხილავენ
უპატივცემულობა - დონარუმას განცხადება, საუბარი გვარდიოლასთან და ლუის ენრიკეს კომენტარი
"კეინის "ტოტენჰემში" დაბრუნება?" - "დეზების" მწვრთნელი ამ აზრს მიესალმება
ხოსეპ გვარდიოლამ "სიტიში" თავის მომავალზე ისაუბრა
ვინ სად გადავიდა? - ბოლო სატრანსფერო დღის გარიგებები
"სიტი" პსჟ-ს კიდევ ერთი ვარსკვლავის გადაბირებას ცდილობს
შერიგება ერთი პირობით - გვარდიოლა და თავისი მეუღლე კვლავ ერთად არიან
[VIDEO] მუსიალას საშინელი ტრავმა და დონარუმას ცრემლები
48 მლნ ევრო მცველში - მადრიდის "რეალმა" მესამე ტრანსფერი განახორციელა
[VIDEO] კაცნაკლული "ნაპოლი" "სიტისთან" დამარცხდა - "ბარსელონას" "ნიუკასლთან" გამარჯვება ნათხოვარმა ფეხბურთელმა მოუპოვა
"ჯერ არაფერი დასრულებულა" - ალონსო "ბაიერნთან" მატჩის შემდეგ
"ის, მესი და რონალდო სხვა პლანეტიდან არიან" - გვარდიოლამ საკუთარი გუნდის ფეხბურთელი გამოარჩია
"იუნაიტედის" სტილი მისი შესაფერისი არ არის და იქ გადასვლით შეცდომა დაუშვა" - მერსონმა შეშკო გააკრიტიკა
"ბევრს ვმღერი და კროსვორდებს ვავსებ, რადგან..." - სერ ალექს ფერგიუსონმა მის ყოველდღიურობაზე ისაუბრა
ისაკი გუნდთან ერთად ვარჯიშს არ აპირებს - "ნიუკასლმა" შვედი დააჯარიმა
"როცა ის მოედანზე მყავდა, პატარა ბავშვივით ტკბილად მეძინა" - გვარდიოლამ "სიტის" ყოფილი ფეხბურთელი გამოარჩია
მისი აგენტი "ბარსელონას" თავად დაუკავშირდა - ნიკო უილიამსი "ბლაუგრანას" უახლოვდება
პსჟ-ს, შესაძლოა, ტრანსფერების განხორციელება აეკრძალოს
"არსენალს" სანეს უფასოდ დამატება სურს
"ბარსელონას" ლევანდოვსკის შემცვლელად ჰოლანის დამატება სურს - რამდენად რეალურია ტრანსფერი?
"ახლა მუშაობა ყველაზე მეტად მინდა" - გვარდიოლამ "სიტიდან" წასვლა გამორიცხა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
მორიგი შეცვლილი გადაწყვეტილება - დიდი ალბათობით, ტუხელი "ბაიერნს" აღარ დატოვებს
"მანჩესტერ სიტიმ" "არსენალთან" მატჩში ანტირეკორდი დაამყარა
მიხაილ გორელიშვილი გორის "დილაში" დაბრუნდა
დუეინ უეიდმა "კლივლენდი" აირჩია
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს