<p>კაკას მიაჩნია, რომ ბრაზილიური ფეხბურთი არ ვითარდება <br> ინტერვიუ ბრაზილიელ ვეტერან ფეხბურთელ <strong>კაკასთან</strong>, რომელიც ამჟამად ამერიკაში თამაშობს.<strong></p><p>- საფრანგეთში თქვენი სახელი მხოლოდ "ფრანს ფუტბოლის" "ოქროს ბურთს" არ უკავშირდება. ასევე ყველას ახსოვს არშემდგარი ტრანსფერი პსჟ-ში. რა მოხდა მაშინ?</p><p></strong>- როდესაც მილანში მივედი, სპორტული დირექტორი ლეონარდო იყო, რომელსაც პარიზელებთან შესანიშნავი ურთიერთობა ჰქონდა.</p><p>ჯერ ძალიან ახალგაზრდა ვიყავი, გაჩნდა იდეა, პსჟ-ში იჯარის წესით გადასვლისა, რადგან სათამაშო პრაქტიკა დამეგროვებინა. "როსონერიში" მაშინ ჩემს პოზიციაზე თვით რუი კოშტა და რივალდო თამაშობდნენ! თუმცა, საბოლოოდ გადაწყდა, რომ ანჩელოტის განკარგულებაში დავრჩენილიყავი.</p><p><strong>- ბევრი ისწავლეთ რუი კოშტასა და რივალდოსგან?</p><p></strong>- ძალიან ბევრი. ორივენი დაახლოებით ერთ პოზიციაზე თამაშობდნენ და ძალაუნებურად ვსწავლობდი მათთან კონტაქტით და მათი ყურებით. ჩვენს შორის არასდროს არ იყო კონკურენციის მომენტი. რივალდოს ნაკრებიდან ვიცნობდი, "მილანში" მხოლოდ ნახევარი წელი მომიწია მასთან ერთად თამაში.</p><p>აი, რუი კოშტასთან კი უფრო დიდ ხანს მქონდა ურთიერთობა. იგი ხშირად მესაუბრებოდა ტაიმებს შორის შესვენებებზეც, რჩევებს მაძლევდა, მიხსნიდა, როგორ დამეღწია თავი პერსონალური მეურვეობისთვის და როგორ მეპოვნა სივრცე.</p><p><strong>- მალდინიმ ერთხელ თქვა, რომ რუი კოშტა თქვენი მასწავლებელი იყო.</p><p></strong>- ეს მართალია. შეიძლება ითქვას, რომ ჩვენ გვქონდა კიდეც მოსწავლესა და მასწავლებლისთვის დამახასიათებელი ურთიერთობა.</p><p><p><div style="text-align: center;"><strong style="font-size: 12.16px; line-height: 1.3em;"><span style="color: #ff0000;">ამერიკული მისია</span></strong></div></p> <strong>- ერთხელ თქვით, რომ მედიასთან ურთიერთობა ძნელია, რადგან პრესაში პირად ცხოვრებაზე ბევრ ჭორს ავრცელებენ. ამერიკაში ფეხბურთი არც ისე პოპულარულია და, ალბათ, ამ მხრივ უფრო მშვიდად ხართ არა?</p><p></strong>- როგორ გითხრათ... თუ უშუალოდ ამერიკულ მასმედიაზე ვისაუბრებთ, აქ ნამდვილად ნაკლებად გაწუხებენ. ნაკლები სპეკულაციაა, ნაკლები ნეგატივი და დეზინფორმაცია. თუ რამის სისწორეში დარწმუნებულნი არ არიან, ამ ინფორმაციას უბრალოდ არ ავრცელებენ, უფრო სოლიდური მიდგომა აქვთ. მეორე მხრივ, როდესაც საჯარო ფიგურა ხარ, მზად უნდა იყო იმისთვის, რომ შენზე ჭორები და მითქმა-მოთქმა სულ იქნება.</p><p>თუმცა გეთანხმებით, აშშ-ში თავს გაცილებით თავისუფლად ვგრძნობ. აქ მშვიდად შემიძლია სასეირნოდ წასვლა. ერთიცაა, ბოლო დროს, სიტუაცია ცოტა შეიცვალა და ქუჩებში ხალხი უფრო მცნობს, მთხოვენ მათთან ერთად სურათის გადაღებას, მაგრამ რა შედარებაა, მარტივად მიხვდები, რომ აქ ფეხბურთი ყველაზე პოპულარული სახეობა არ არის.</p><p><strong>- თქვენი მისია "ორლანდო სიტიში"... როგორ უყურებთ და როგორ გესმით ეს?</p><p></strong>- იდეა ისაა, რომ კლუბს განვითარებაში დავეხმარო. არა მხოლოდ კლუბს, არამედ მთლიანად ამერიკის ჩემპიონატს. "ორლანდო" მსოფლიოში ცნობილი გუნდი უნდა გახდეს. მაგალითად, ჩვენ გვსურს ბრაზილიელი მოთამაშეების მოწვევა, რომ ბრაზილიაში გაიგონ "ორლანდოს" არსებობის შესახებ და ასე შემდეგ. იმედი მაქვს, MLS ერთ-ერთი წამყვანი ჩემპიონატი გახდება.</p><p><strong>- არის რაიმე სახის საორგანიზაციო თუ ინფრასტრუქტურული ხარვეზები ამერიკაში?</p><p></strong>- არა, როდესაც აქ გადმოვედი უკვე ყველაფერი მშვენივრად დამხვდა ორგანიზებული, დეტალურად გათვლილი. ყველაფერი ზედმეტი პომპეზურობის გარეშეა, მაგრამ მოსახერხებელია. რასაკვირველია, შემიძლია გარკვეული რჩევების მიცემა, მაგრამ ძირეული ცვლილებები საჭირო არ არის, ისედაც ყველაფერია, რაც საჭიროა - სამედიცინო ცენტრი, სასწავლო-სავარჯიშო ბაზა რამდენიმე მოედნით, სტადიონი.</p><p><p><div style="text-align: center;"><strong style="font-size: 12.16px; line-height: 1.3em;"><span style="color: #ff0000;">არ შეიძლება ასეთი რეტროგრადები ვიყოთ</span></strong></div></p> <strong>- ბრაზილიურ ფეხბურთს ახლა საუკეთესო დროება არ უდგას. ჯერ კიდევ 2014 წელს თქვენ აღნიშნეთ, რომ ბრაზილიური ფეხბურთი ერთ ადგილს ტკეპნიდა. შეგიძლიათ ახსნათ რას გულისხმობდით?</p><p></strong>- იმას, რომ ბრაზილიური ფეხბურთი არ ვითარდება. თუ შევადარებთ სხვა ქვეყნებს, იქ ფეხბურთი იცვლება, ეძებენ ახალ სავარჯიშო მეთოდებს, იყენებენ ტექნოლოგიურ სიახლეებს. ჩვენ კი ერთ ადგილას ვართ. გასაგებია, ჩვენ ხომ 5-გზის მსოფლიოს ჩემპიონები ვართ! თუმცა არაფერი შეცვლილა, იგივე სტრუქტურა, იდეები... წლიდან წლამდე! ვფიქრობ, ჩვენი ფეხბურთიც უნდა დაიძრას, ისევე როგორც სხვა ქვეყნებში, სასწავლი და ასათვისებელი ბევრი გვაქვს.</p><p><strong>- იქნებ ცვლილებების შიში იმით არის გამოწვეული, რომ მერე ბრაზილიური ფეხბურთი თავის ხიბლს და სილამაზეს დაკარგავს?</p><p></strong>- სიმართლე ითქვას, არ მგონია, რომ კონკრეტულად ცვლილებების შიშის ხარისხი მაღალი იყოს. ცვლილებების არ ეშინიათ, უფრო, ამის ნება არ არის. თუმცა ის მართალია, რომ ხალხი ისევ წარსული გამარჯვებებით ცხოვრობს: არ შეიძლება, რომ ასეთი რეტროგრადები ვიყოთ და პროგრესს შევეწინააღმდეგოთ. ტვინი უნდა გავანძრიოთ და ავითვისოთ ახალი მეთოდები.</p><p><strong>- არის ვინმე ბრაზილიურ ფეხბურთში ვინც არ ნაყავს წყალს და ცდილობს რამე შეცვალოს?</p><p></strong>- ულაპარაკოდ, ეს ტიტეა ("კორინთიანსის" მთავარი მწვრთნელი, პრაგმატული ფეხბურთის მოყვარული. მან 2012 წელს მსოფლიოს საკლუბო ჩემპიონატი მოიგო - რედ.). აი, მან შეძლო გადაწყობა ყველაფერი ახლის გამოყენებით და ეს მისი გუნდის შედეგებზეც აისახება.</p><p><p><div style="text-align: center;"><strong style="font-size: 12.16px; line-height: 1.3em;"><span style="color: #ff0000;">განსაცდელი აძლიერებს</span></strong></div></p> <strong>- "მილანთან" ერთად ყველაფერი მოიგეთ რისი მოგებაც შეიძლებოდა, "ოქროს ბურთის" ჩათვლით. აი, "რეალში" კი თქვენი კარიერა ისე არ აეწყო, როგორც ველოდით. რატომ?</p><p></strong>- არა მგონია, რომ რაიმე ფიასკოზე ან გუნდის არჩევის დროს შეცდომაზე უნდა იყოს საუბარი. რასაკვირველია, "მილანური" პერიოდი განსხვავებული იყო, მაგრამ მადრიდში ხომ 4 წელი გავატარე, 3 ტიტული მოვიგე და 120 მატჩში 29 გოლი გავიტანე.</p><p>ყველაზე დიდი პრობლემა არასტაბილურობის შეგრძნება იყო, რაც მხოლოდ ტრავმებით არ აიხსნება, არამედ მწვრთნელების ჩემდამი დამოკიდებულებითაც. მიუხედავად ამისა, ვერ ვიტყვი, რომ ეს დაკარგული დრო გახლდათ, ჩემთან განშორება პირველივე სეზონის მერე ხომ არ ისურვეს, გუნდში საკმაო ხნით დავრჩი.</p><p><strong>- "რეალში" ყოფნისას მართლაც ბევრი ტრავმა გქონდათ, არ გიმართლებდათ...</p><p></strong>- უპირველეს ყოვლისა, ფსიქოლოგიურად იყო ძნელი. როდესაც არ იცი, როდის ჩადგები მწყობრში და რა მდგომარეობაში იქნები, ძალიან რთულია. ორივე მუხლზე ოპერაცია გავიკეთე, ერთი 2010 წლის მსოფლიოს ჩემპიონატის დამთავრებისთანავე. ბევრი არასასიამოვნო მომენტი გადავიტანე, მაგრამ, მეორე მხრივ, განსაცდელმა გამაძლიერა.</p><p><strong>- "რეალში" თამაშისას მგონი, ერთხელ აღნიშნეთ, რომ იქ ჩვეულებრივ ფეხბურთელად გადაიქეცით...</p><p></strong>- მსგავსი რამ არასოდეს მითქვამს, ეს შეცდომაა! ამას ვერ ვიტყოდი, რადგან თავს ჩვეულებრივ ფეხბურთელად არასდროს ვგრძნობდი. იმიტომ, რომ ჩვენ ყველანი განსხვავებულნი ვართ და ყველას ჩვენი თავისებურებები და თვისებები გვაქვს. გარდა ამისა, ფეხბურთი გუნდური სპორტია და ძალიან დამოკიდებული ხარ დანარჩენ 10 მოთამაშეზე, რომელიც მინდორზეა.</p><p>საბედნიეროდ, მქონდა საუცხოო პერიოდი, როდესაც პროფესიონალური კუთხთით და პირადული კუთხითაც ძალიან გავიზარდე, თითქოს, სამოთხეში აღმოვჩნდი, როდესაც პირველად "მილანში" მივედი.</p><p><p><div style="text-align: center;"><strong style="font-size: 12.16px; line-height: 1.3em;"><span style="color: #ff0000;">საყვარელი წიგნი - ბიბლია</span></strong></div></p> <strong>- თქვენ "ოქროს ბურთის" ბოლო მფლობელი ხართ მესისა და რონალდოს ეპოქამდე...</p><p></strong>- ლიონელი და კრიშტიანო ფენომენალური მოთამაშეები არიან. მესი გენიაა. თუმცა რონალდოც თანამედროვე ფეხბურთის სიმბოლოა. კრიშტიანო ძლიერი მოთამაშეა, რომელიც კარგად თამაშობს ორივე ფეხით, თავით, მშვენივრად ასრულებს სტანდარტებს - რონალდო თანამედროვე ფეხბურთის განსახიერებაა. თავიანთი თაობის უძლიერესი მოთამაშეები არიან. თუმცა, როგორც უკვე ვთვქი, გუნდს დიდი მნიშვნელობა აქვს და ისინი ძალიან კარგ და ძლიერ გუნდებში თამაშობენ.</p><p><strong>- თქვენ განსხვავდებით სტერეოტიპული ბრაზილიელი მოთამაშისგან, რომელიც ღარიბულ უბანში იწყებდა... თქვენ უზრუნველყოფილი ოჯახი გყავდათ. მკვეთრ სოციალურ სხვაობას ვერ გრძნობდით თქვენსა და დანარჩენებს შორის?</p><p></strong>- სულაც არ ყოფილა ასე! ვგრძნობდი. მადლობა ღმერთს, მსგავსი პრობლემები არასდროს მქონია და არც მე მიყურებდა ვინმე ალმაცერად წარმომავლობის გამო.</p><p>მახსოვს, ჩვენი ინტერნატიდან ხშირად ვეპატიჟებოდი ბიჭებს. მათ ვარჯიშებისა და თამაშების მერე სახლში დაბრუნება არ გამოსდიოდათ და ინტერნატში ცხოვრობდნენ. მათ მშობლებს არ ჰქონდათ საშუალება, რომ ხშირად მოენახულებინათ ისინი და მიეხედათ მათთვის. ამ ბიჭებიდან ბევრთან ვმეგობრობდი და ზოგიერთთან ახლაც ვმეგობრობ.</p><p><strong>- ამბობენ, რომ წიგნები ძალიან გიყვართ.</p><p></strong>- დიახ, კითხვა მიყვარს!</p><p><strong>- რაზე?</p><p></strong>- ყველაფერზე. საყავრელი წიგნი - ბიბლია. თუმცა ცოტა ხნის წინათ, ერთი ბრაზილიელი მწერალი გავიცანი - აუგუსტო კიური. მისი წიგნების უმეტესობა სერიოზული ფსიქოლოგიური აქცენტებითა და დეტალებითაა და ახლა ამან გამიტაცა.</p><p><strong>- ფსიქოლოგია ეს ის სფერია, რომელშიც მწვრთნელი უნდა ერკვეოდეს...</p><p></strong>- (იცინის) არ ვიცი დავადგები თუ არა ამ გზას. "ორლანდოსთან" კიდევ ორწლიანი კონტრაქტი მაკავშირებს და ვნახოთ რა იქნება მერე. თუმცა სიგიჟემდე მიყვარს ფეხბურთი და იმდენი ხანი ვითამაშებ, სანამ ამას ფიზიკურად შევძლებ.</p><p><strong>დოსიე</p><p>რიკარდო იზეკსონ დოს სანტოს ლეიტე "კაკა"</p><p></strong>დაიბადა: 1982 წ. ბრაზილია (ბრაზილია)</p><p>ამპლუა: ნახევარმცველი</p><p>კარიერა: 2001-03 - სან პაულო; 2003-09 - მილანი; 2009-13 - რეალი; 2013-14 - მილანი; 2014 - სან პაულო; 2014 და 2016-დან - "ორლანდო".</p><p>ბრაზილიის ნაკრები: 89 თამაში, 29 გოლი</p><p><strong>ყოველდღიური სპორტული გაზეთი "ლელო"</strong></p>
გუჯა კახაძე
კაკა:"ბრაზილიური ფეხბურთი არ ვითარდება. თუ შევადარებთ სხვა ქვეყნებს, იქ ფეხბურთი იცვლება, ეძებენ ახალ სავარჯიშო მეთოდებს, იყენებენ ტექნოლოგიურ სიახლეებს. ჩვენ კი ერთ ადგილას ვართ".
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
"ლივერპული" პრემიერლიგის "გალაქტიკოსი" გახდა" - ჯეიმი კარაგერი
შესარჩევიდან ჩემპიონთა ლიგაზე - რას უნდა ველოდოთ ამ შვიდი გუნდისგან?
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
[PHOTO] არდა გიულერის ემოციები ესპანეთთან განადგურების შემდეგ
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
ონანა კარიერას სავარაუდოდ, თურქეთში განაგრძობს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
ლეგენდარული მარიო ზაგალო გარდაიცვალა
"დარწმუნებული ვარ, ხალხს ეს სიტყვები გააბრაზებს, მაგრამ მაინც უნდა ვთქვა" - შოტლანდიელმა მწვრთნელმა მესი გააკრიტიკა
"კარგი ბიჭია; ცუდია, რომ მსოფლიო ჩემპიონატზე არ იქნება" - კაკამ ხვიჩაზე ისაუბრა
ცნობილია, როგორ დაითანხმა რონალდომ ფელიქსი "ალ ნასრში" გადასვლაზე
"მან ჩემს სამწვრთნელო განვითარებაში დიდი წვლილი შეიტანა" - მოურინიო მესიზე
მადრიდის "რეალის" 5 ყველაზე ცუდი ტრანსფერი
მილიონობით გულშემატკივარს კვარაცხელიასგან მხოლოდ ეს სურს?! - "ტაქტიკური სიმტკიცე" და "გრილიშიზაცია"...
"სირცხვილია" - რონალდინიომ ბრაზილიის ნაკრები მიწასთან გაასწორა
ვინისიუსის წინაპრები ტიკარის ტომის წარმომადგენლები ყოფილან
"ვითამაშებ თუ არა მსოფლიო ჩემპიონატზე?" - მესიმ სამომავლო გეგმებზე ისაუბრა
"კრუიფზე, ზიდანზე და რონალდოზე მაღლა დგას" - ლინეკერმა მესის შესახებ ისაუბრა
"თამაში საშინელ სტადიონებზე გვიწევს, მსაჯები ჩვენს წინააღმდეგ არიან" - ვინისიუსი
კრიშტიანო რონალდო 2025 წლის "ოქროს ბურთის" ნომინანტებს შორის არყოფნას გამოეხმაურა
"ბარსელონას" 8 წლიან კონტრაქტზე უარი ვუთხარი და ყველაფერი დავკარგე" - მესის ბავშვობის თანაგუნდელის ინტერვიუ
[VIDEO] "ასე როგორ შეიძლება?" - რონალდო ამ ქმედების გამო მკაცრად გააკრიტიკეს
კაკამ მესისა და რონალდოს შორის საუკეთესო დაასახელა
ანჩელოტი ბრაზილიის ნაკრების მწვრთნელობას არ აპირებს
კრიშტიანო რონალდომ ჯორჯიანა როდრიგესს 6 მილიონი ევროს ღირებულების ბეჭედი აჩუქა
კაცნაკლულმა ურუგვაიმ ბრაზილიას სძლია და კოპას 1/2-ფინალში გავიდა [VIDEO]
[VIDEO] მესის უჩვეულო ქმედება, რის გამოც არგენტინელმა მეტოქეს ბოდიში მოუხადა
კაკა ბრაზილიაში ქერა მოდელზე დაქორწინდა [PHOTO]
საუკეთესო 4 ფეხბურთელი, რომლებმაც კარიერა დაინგრიეს - ვინ არიან ისინი
ფელიქსი, რომელიც "ბენფიკაში" დაბრუნებასთან იყო ახლოს, საუდის არაბეთში მიდის