- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
[ექსკლუზიური რეპორტაჟი] ლაციო-რომა თვითმხილველის თვალით [VIDEO]
![[ექსკლუზიური რეპორტაჟი] ლაციო-რომა თვითმხილველის თვალით [VIDEO]](images/new_photo/01/2016/UCXOURI/1-15APRIL/13000596102063845138679111051670152o.jpg)
<p>ორად გაყოფილი რომი - ვნახეთ ქვეყანა, სადაც ფეხბურთი სპორტზე მეტია და გაგვახსენდა, რომ ოდესღაც, საქართველოშიც ასე იყო... <br> ევროკავშირის ქვეყნებს შორის საზღვარი მხოლოდ ფორმალობაა, ავსტრიიდან იტალიაში ავტომობილით გადასვლა კი წარწერებმა გვამცნო. როდესაც საინფორმაციო ბანერებზე გერმანული ენა იტალიურმა შეცვალა, მივხვდით, რომ ფრიულის მხარეში შევედით, ეს კი უკვე იტალიაა ულამაზესი მთებით, ხედებით და იქვე ახლოს, სამხრეთ ტიროლის მხარეში, სამთო კურორტებით.</p><p>მალევე, ერთ-ერთმა ბანერმა გვამცნო, რომ 100 კილომეტრი და უდინეში შევალთ, ქალაქში, რომელმაც რამდენიმე დღის წინ იტალია-ესპანეთის ამხანაგურ მატჩს უმასპინძლა. დანანებით აღვნიშნეთ, რომ ამ საინტერესო თამაშს ავცდით და იქვე, ანტონიო დი ნატალე გაგვახსენდა, ფეხბურთელი, რომელიც "უდინეზეს" სიმბოლოა, ეს გუნდი კი სწორედ უდინეში ბინადრობს.</p><p>შემდეგ განახლებული "სტადიო ფრიული" გაგვახსენდა და ისიც ვახსენეთ, რომ "უდინეზე" "იუვენტუსის" შემდეგ მეორე გუნდია იტალიაში, რომელსაც საკუთარი სტადიონი აქვს და ქალაქის მუნიციპალიტეტს იჯარას არ უხდის - თანაც, რეკონსტრუქციის შემდეგ "ფრიული" ძალიან გალამაზდა და თანამედროვე სტანდარტებით აღიჭურვა.</p><p>ახალი სტადიონები სწორედ ისაა, რაც იტალიურ ფეხბურთს ყველაზე მეტად სჭირდება, რადგან სერია A-ს მატჩები ძველ, არაკომფორტულ არენებზე ტარდება, რომლებსაც გულშემატკივრები არ სწყალობენ და ურჩევნიათ, რომ მატჩებს ტელევიზიით მიადევნონ თვალი.</p><p>მოკლედ, "უდინეზეს" მესვეურებმა პროგრესული ნაბიჯი გადადგეს, სტადიონის საკითხი მოაგვარეს და გუნდს ეს აუცილებლად დაუფასდება.</p><p><p><div style="text-align: center;"><strong><span style="color: #ff0000;">განუმეორებელი ვენეცია</span></strong></div></p> უდინეს ჩავუარეთ და ერთი ღამე ვენეციაში გავჩერდით, ქალაქში, სადაც წელიწადის ნებისმიერ დროს ურიცხვი რაოდენობის ტურისტია. ამ ქალაქის სილამაზის სრულყოფილად გადმოცემა არც ფოტოებითაა შესაძლებელი, არც ვიდეომასალით და მით უმეტეს, არც სიტყვებით და ეს არცაა ჩვენი დღევანდელი მიზანი...</p><p>იყო დრო, როდესაც საფეხბურთო გუნდი "ვენეცია" სერია A-ში ასპარეზობდა და იქ თვით ალვარო რეკობა ბრწყინავდა. შესაძლოა, ფილიპო მანიეროც გაგახსენდეთ, რომელიც 1998-2002 წლებში სწორედ ამ გუნდის ლიდერი იყო და გოლებიც ბლომად გაჰქონდა.</p><p>"ვენეცია" დღეს სერია D-ში ასპარეზობს, ეს კი ნახევრად სამოყვარულო ლიგაა. გუნდი საშინაო თამაშებს სანტელენას კუნძულზე ატარებს, პიერლუიჯი პენცოს სახელობის სტადიონზე, რომელიც 7 000 გულშემატკივარს იტევს.</p><p>ქალაქ ვენეციის მთავარი ბრენდი საფეხბურთო გუნდი ნამდვილად არ არის და ამიტომ იქ ნაკლებად შეხვდებით საკლუბო ატრიბუტიკას და თუ მაინცდამაინც საფეხბურთო თემატიკის სუვენირის შეძენა გსურთ, არჩევანი ისევ "იუვენტუსს", "ინტერს", "მილანს" და სხვა იტალიურ გრანდებს შორის უნდა გააკეთოთ.</p><p>არადა, სერია A-ს სტაჟიან გულშემატკივრებს კარგად გემახსოვრებათ, თუ რა ფერადოვანი ფორმა აქვს საფეხბურთო გუნდ "ვენეციას" - ისეთივე განსხვავებული და გამორჩეული, როგორიც თვითონ ქალაქია...</p><p><p><div style="text-align: center;"><strong><span style="color: #ff0000;">ბატისტუტას ძეგლი რენესანსის ქალაქში</span></strong></div></p> ვენეციიდან ფლორენციაში ჩავედით, ქალაქში, სადაც "ფიორენტინა" ბინადრობს. ვენეციის არ იყოს, ფლორენციაც სრულიად განუმეორებელი და შეუდარებელი ქალაქია, რომლის ქუჩებში სეირნობა დაუსრულებლად შეიძლება.</p><p>ვიწრო იტალიური ქუჩები ულამაზეს პიაცებს აკავშირებს, რომლებიც რენესანსის ეპოქის შედევრებითაა გაფორმებული. იმ ატმოსფეროს გადმოცემა, რომელიც ქალაქის მთავარ ადგილას, დუომოსთან სუფევს, უბრალოდ, შეუძლებელია.</p><p>დადიხარ ფლორენციის ქუჩებში და ერთიმეორის მიყოლებით ნახულობ ამ ქალაქში მოღვაწე გამოჩენილი ადამიანების ძეგლებს - დადიხარ და კითხულობ წარწერებს: ფრანჩესკო პეტრარკა, ჯოვანი ბოკაჩო, გალილეო გალილეი, ამერიგო ვესპუჩი, ნიკოლო მაკიაველი და ა.შ.</p><p>თუ რომელიმე მუზეუმში შეხვალთ, იქ ლეონარდო და ვინჩისა და მიქელანჯელოს ნამუშევრებს გაეცნობით და შესაძლოა, ისიც კი დაგავიწყდეთ, რაც ყველაზე მეტად გიყვართ, მაგალითად, ფეხბურთი...</p><p>თუმცა, ჩვენ ერთმა ფლორენციელმა ტაქსის მძღოლმა გამოგვაფხიზლა, რომელიც ჯერ "ფიორენტინას" გამოუტყდა სიყვარულში, შემდეგ იტალიის ნაკრების მწვრთნელი ანტონიო კონტე გამოლანძღა და დასძინა, რომ ჩეზარე პრანდელი არ უნდა მოეხსნათ; ბოლოს კი ერთი მეტად მოულოდნელი და ვფიქრობთ, ფლორენციაში მყოფი ადამიანისთვის უცნაური კითხვა დაგვისვა: "ნახეთ ბატისტუტას ძეგლი სტადიონთან"?</p><p><p><div style="text-align: center;"><strong><span style="color: #ff0000;">ორად გაყოფილი რომი</span></strong></div></p> რომში 1-ელ აპრილს ჩავედით, 3-ში კი "დერბი დელა კაპიტალე" იყო დაგეგმილი, მატჩი, რომლის დროსაც მარადიული ქალაქი ორად იყოფა. "სტადიო ოლიმპიკოზე" წასვლა და თამაშზე დასწრება ჩვენი იტალიური მოგზაურობის ერთ-ერთი მთავარი მიზანი იყო, მაგრამ გუნდების გულშემატკივრებმა უსიამოვნო სიურპრიზი გაგვიკეთეს.</p><p>"რომას" და "ლაციოს" ულტრასებმა მატჩს ბოიკოტი გამოუცხადეს და წინასწარ გააცხადეს, რომ თამაშს არ დაესწრებოდნენ, სტადიონის სამხრეთ და ჩრდილოეთ ტრიბუნები კი ცარიელი იქნებოდა. ბოიკოტის მიზეზი უსაფრთხოების გამკაცრებული ნორმებია, რომელიც რომაული დერბის დროს მოქმედებს და რომელსაც ორივე გუნდის გულშემატკივრები აპროტესტებენ.</p><p>მოკლედ, დერბის მთავარი მუღამი მოაკლდა, ჩვენ კი გადავწყვიტეთ, რომ თამაშისთვის იქ მიგვედევნებინა თვალი, სადაც ამბოხებული ულტრასები შეიკრიბებოდნენ.</p><p>თამაშამდე ორი დღით ადრე "სტადიო ოლიმპიკოზე" "რომას" გულშემატკივრებმა დიდი ბანერი გამოფინეს წარწერით: "ყველანი ვიკრიბებით ტესტაჩოზე" - იქვე იყო მოწოდება "ლაციოს" ქომაგებისთვის: "ჩვენ ვიკრიბებით ტორ დი კუინტოში"...</p><p>არჩევანი უნდა გაგვეკეთებინა, რომელზეც დიდხანს არ გვიფიქრია - "რომა" ჩემპიონთა ლიგის საგზურისთვის იბრძვის, კარგ ფორმაშია და წესით, უნდა მოიგოს; ჩვენ კი იქ გვსურდა მოხვედრა, სადაც საფეხბურთო ზეიმი იქნებოდა. თანაც, "რომას" გულშემატკივრები ქალაქის იმ ნაწილში იკრიბებოდნენ, რომელიც უფრო ახლოს იყო ჩვენს სასტუმროსთან, "ლაციალები" კი ქალაქის გარეუბანში, ცენტრიდან დაახლოებით ერთი საათის სავალზე.</p><p>გადაწყდა - თამაშს ტესტაჩოზე უნდა მივადევნოთ თვალი, იქ, სადაც "რომანისტები" იკრიბებიან.</p><p><p><div style="text-align: center;"><img src="pictures/artimages/image17/42700b8ea8d4df7118b6bf6485e013e3.jpg" border="0" alt="Sportall.Ge" title="[ექსკლუზიური რეპორტაჟი] ლაციო-რომა თვითმხილველის თვალით [VIDEO]" /></div></p></p><p><p><div style="text-align: center;"><strong><span style="color: #ff0000;">ჩრდილში მოქცეული ელ კლასიკო</span></strong></div></p> წინა დღეს, 2 აპრილს ესპანური ელ კლასიკო იყო, თუმცა ეს თამაში რომში ნაკლებად აღელვებთ.</p><p>რესტორნის მენეჯერმა მწარედ დაგვცინა, როდესაც ვკითხეთ, შეგვეძლო თუ არა მასთან ფეხბურთის ყურება - მყისვე გვიპასუხა, რომ რომაულ დერბიზე ყველა მაგიდა დიდი ხნის წინ დაიჯავშნა; ჩვენ ელ კლასიკოზე გვინდოდა მაგიდის დაჯავნა, მან კი საერთოდ არ იცოდა, რომ იმ საღამოს "ბარსელონა" "რეალს" ეთამაშებოდა.</p><p>მივხვდით, რომ იმ რესტორანში ელ კლასიკოს ყურება არ ღირდა და გარეთ გამოვედით, სადაც ახალგაზრდების ჯგუფს იგივე კითხვა დავუსვით: "სად შეიძლება რომში ელ კლასიკოს ყურება?" - "რომაულ დერბის გულისხმობთ?" - იყო პასუხი და სწორედ იქ გადავწყვიტეთ, რომ თამაშისთვის სასტუმროს ნომერში მიგვედევნებინა თვალი.</p><p><p><div style="text-align: center;"><strong><span style="color: #ff0000;">საგიჟეთი ტესტაჩოზე</span></strong></div></p> 3 აპრილს, ქალაქი მართლაც ორად გაიყო, თუმცა ჩვენ ძირითადად "რომას" მაისურებში გამოწყობილ გულშემატკივრებს ვხედავდით. როგორც სასტუმროს მეპატრონემ, ალფრედო გირარდიმ გვითხრა, "ლაციოს" გულშემატკივრებს ქალაქის მეორე მხარეს თუ ვნახავდით, აქ კი მხოლოდ "რომანისტები" ვართო. ალფრედომ ტესტაჩოს ზუსტი მისამართიც დეტალურად აგვიხსნა და დასძინა, იქ ნამდვილი საგიჟეთი გელოდებათო.</p><p>ტესტაჩოზე არსებული ატმოსფეროს სიტყვებით გადმოცემა, უბრალოდ, შეუძლებელია - ერთ დიდ მოედანზე, რომელსაც თვითონ პიაცას ეძახიან, დაახლოებით 20 000-მა ადამიანმა მოიყარა თავი.</p><p>იქ იყვნენ როგორც ახალგაზრდები, ისე შუახნის ადამიანები და აქა-იქ მოხუცები - ტატუებში ჩაფლული საეჭვო გარეგნობის თავზეხელაღებული ულტრასები და პიჯაკებში გამოწყობილი რომაელები, რომლებიც ცოტა მოშორებით იდგნენ და ისე ადევნებდნენ თვალს პიაცას ბოლოში დამონტაჟებულ დიდ ეკრანს - ამ სრულიად განსხვავებულ ადამიანებს ერთი რამ აკავშირებდათ, ფეხბურთის და "რომას" სიყვარული.</p><p>პიაცაზე ემოციები დუღდა, ულტრასები კი ხან საყვარელ გუნდს გულშემატკივრობდნენ, ხანაც "ლაციოს" ლაძღვა-გინებაში გაჰყავდათ დრო. პერიოდულად, პეტარდებს ისროდნენ, რაც სტადიონებზე აკრძალული აქვთ, ტესტაჩოზე კი თავისუფლები არიან და რასაც უნდათ, იმას აკეთებენ.</p><p>რომაელმა ვაჭრებმა, მეტწილად კი, ინდოელმა, შრილანკელმა და ბანგლადეშელმა ემიგრანტებმა კარგად იცოდნენ, რომ იმ დღეს ტესტაჩოზე უამრავი ადამიანი შეიკრიბებოდა - ამიტომ, მხოლოდ ერთი დღით, იმ ადგილას დიდი ბაზარი გაშალეს.</p><p>მოვაჭრეებს "რომას" მაისურები ეცვათ და იმ დღეს ისინიც თავგადაკლულნი გულშემატკივრობდნენ "ჯალოროსის" - ეჭვი გვაქვს, რომ მხოლოდ იმ ერთ დღეს და ისიც, მერკანტილური ინტერესების გამო. თუმცა, მართლაც რთულია, იყო ტესტაჩოზე, არ გულშემატკივრობდე "რომას", გუნდს, რომელმაც "ლაციოს" 4:1 მოუგო და პიაცაზე შეკრებილი ტიფოზერია ექსტაზში მოიყვანა.</p><p><p><div style="text-align: center;"><strong><span style="color: #ff0000;">ქალაქი, რომელიც სუნთქავს ფეხბურთით</span></strong></div></p> თამაშის დასრულებამდე ნახევარი საათი რჩებოდა, როდესაც ტესტაჩო დავტოვეთ, რადგან ლუდით და სხვადასხვა ნარკოტიკული საშუალებით გაბრუებულმა გულშემატკივრებმა ისეთი ფიესტა დაიწყეს, რომ აღარც ეკრანი ჩანდა და იქ გაჩერებაც, პრაქტიკულად, შეუძლებელი გახდა - ერთ-ერთ პიცერიას შევაფარეთ თავი, სადაც რადიოში რომაული დერბი ისმოდა და კომენტატორის განწირული ყვირილი ყველა სახიფათო მომენტის დროს.</p><p>პიცერიას პერსონალიც ბოლომდე თამაშში იყო ჩაფლული, "რომას" ბოლო 2 გოლი კი მათთან ერთად ვიზეიმეთ. ქუჩებში "ჯალოროსის" გულშემატკივრები ერთმანეთს გამარჯვებას ულოცავდნენ - ერთმანეთს ურეკავდნენ და გვესმოდა, რომ სწორედ დერბის პერიპეტიებზე საუბრობდნენ.</p><p>ვნახეთ 5 მოხუცი, რომლთაგან ერთი "ლაციოს" ქომაგი იყო და იმდენი დასცინეს, რომ გაბრაზებულმა ჭიქა დაახეთქა და იქაურობას გაეცალა.</p><p>ვნახეთ ქალაქი, რომელიც სუნთქავს ფეხბურთით.</p><p><strong><span style="color: #ff0000;">P.S.</span></strong> იტალიაში მანქანით ვიმოგზაურეთ და მთელი გზა ჩართული გვქონდა რადიო, რომელიც 24 საათის განმავლობაში საფეხბურთო სიახლეებს აშუქებს. სპორტულ გაზეთ "გაძეტა დელო სპორტში" პირველი 17-18 გვერდი იტალიურ ფეხბურთს ეთმობა, შემდეგი 9-10 გვერდი უცხოურ ფეხბურთს და დარჩენილ რამდენიმე გვერდზე სპორტის სხვა სახეობებია ჩაკვეხებული.</p><p>ვნახეთ ქვეყანა, სადაც ფეხბურთი სპორტზე მეტია და გაგვახსენდა, რომ ოდესღაც, საქართველოშიც ასე იყო...</p><p><strong><em>შალვა ბუაჩიძესთან და არჩილ ცაგარელთან ერთად</p><p>თბილისი - რომი - თბილისი</p><p></em></strong></p><p><strong>ყოველდღიური სპორტული გაზეთი "ლელო"</strong></p>
-
fcd
ბრავო კაი სტატიაა,
-
baggio
თქვენ ნეაპოლი არ გინახავთ აი ქალაქი რომელიც მართლაც ფეხბურთით ცხოვრობს და საერთოდ იტალიაში ამბობენ არის ორი იტალია ჩრდილოეთი და სამხრეთი რომიც თავისი ეკონომიკური განვითარებით ჩრდილოეთს მიეკუთვნება თუმცა იტალიის ცენტრი არის. სამხრეთ იტალიაში მოგზაურობისას ისეთი შდაბეჭდილება ნამდვილად არ დაგრჩებათ როგორი დიდი ქალაქებიც ნეაპოლი ბარი სალერნო ლეჩე ტარანტო კატანძარო რეჯიოკალაბრია არის არაფერს ვამბობ სიცილიაზე თითქოს თავი დავარცხნილ ევროპაში კი არა დასავლეთ საქართველოს რომელიმე ქალაქში ან რაიონში იყო ხმაური გურწფელი ემოციები ტემპერამენტი ოჯახის და საიდუმლოს შენახვის ღრმა ტრადიცია და ცხოვრების საფუძვლიანი შეგნებით არსებობა.
-
ინასა
ა ზეიმი, მაგარია ძაან, აბა ჩვენ სუ გულ–დაწყვეტილი და გინებით მოვდივართ სტადონიდან, მერე ახალი იმედები, ახალი მწვრთნელები, მივალთ გავავსებთ სტადიონს და მერე იქიდან ისევ გულდაწყვეტილები მოვდივართ კვლავ გინებით, და ასე გრძელდება უკვე მრვალი წელი
გირასი სერია A-ს გრანდების სამიზნეში - "დორტმუნდის" ფორვარდს იტალიაში უხმობენ
"მილანში" გადმოსვლისას ზლატანმა ეს სიტყვები მითხრა" - Dazn-მა მენიოზე დოკუმენტური ფილმი გადაიღო
"ნაპოლის" "ლეჩესთან" გამარჯვება პოლიტანომ მოუპოვა
მე-17 ტურის ბოლო მატჩში "რუსთავმა" გურჯაანში "დელტა" დაამარცხა
VIDEO | ეროვნული ლიგა | დილა 1-0 ტორპედო. რამდენი რამ იყო "პირველად"...
დიხამინჯიამ 7 ბურთი გაიტანა, გავაშელიშვილმა და ცხოვრებაძემ 5-5, 4 გოლია კალანდაძის ანგარიშზე
"რასიზმი სირცხვილია, მაგრამ მოედნიდან არ უნდა გავდიოდეთ" - ხეფრენ ტურამი
ბათუმმა ზედიზედ მეოთხე გამარჯვება ორბთან იზეიმა
[VIDEO] პსჟ-მდე "ჩელსი" სახლში "ნიუკასლთან" დამარცხდა
VIDEO | ეროვნული ლიგა | რუსთავი 1:2 გაგრა. სულ სხვა "გაგრა"...
[VIDEO] სობოსლაის ულამაზესი ჯარიმა და რიშარლისონის გოლი 90-ე წუთზე - "ტოტენჰემი" "ენფილდზე" არ დამარცხდა
[VIDEO] რაფინიას ბენეფისი "სევილიასთან" - "ბარსელონამ"უხვგოლიან დაპირისპირებაში გაიმარჯვა
[VIDEO] წიტაიშვილის საგოლე გადაცემა - "მეცმა" "ტუტუზასთან" ანგარიში 0:2-დან გაათანაბრა
VIDEO | ეროვნული ლიგა | იბერია 1999 0:0 დინამო (თბ). ნულები, რომელიც არ გვიკვირს
სუპერლიგის მე-17 ტური კსუ-ს, "ქუთაისის" და "ივერიონის" მოგებებით დაიწყო
ემერის რეკორდი - "ასტონ ვილას" თავკაცმა საიუბილეო ნიშნული დააფიქსირა
"ის, რაც ქართულ რაგბიში ხდებოდა, არის აღმაშფოთებელი" - სკანდალი ქართულ სპორტში, WADA-მ ეროვნული ნაკრების 6 მორაგბე დაასანქცირა
ორი ვარიანტი - ვინ შეიძლება ჩაანაცვლოს ირანი მუნდიალზე, თუ ქვეყანა მსოფლიო ჩემპიონატზე გამოსვლაზე უარს იტყვის
გირასი სერია A-ს გრანდების სამიზნეში - "დორტმუნდის" ფორვარდს იტალიაში უხმობენ
"რეალის" საზაფხულო გეგმები - მადრიდული გრანდი რამდენიმე პოზიციაზე გაძლიერდება
შეინარჩუნებს პოსტს? - ტუდორის ბედი "ლივერპულთან" მატჩზე გადის
"მილანში" გადმოსვლისას ზლატანმა ეს სიტყვები მითხრა" - Dazn-მა მენიოზე დოკუმენტური ფილმი გადაიღო
"ნაპოლი" ჰოილუნდს 44 მილიონ ევროდ გამოისყიდის
საგიჟეთი. გატუზომ ფეხბურთელს შეაგინა - იტალიელთა ორი ავტოგოლი და გამარჯვება
დაბრუნება სამშობლოში? - დიბალას ცნობილი არგენტინული გუნდი ეპატიჟება
"იუვენტუსმა" "ლაციოსთან" მოგება ხელიდან 95-ე წუთზე გაუშვა [VIDEO]
სატრანსფერო ციებ-ცხელება
[VIDEO] ფრე "რომასთან" - "მილანი" 21 მატჩში დაუმარცხებელია
ნორვეგიამ იტალიას თამაში შემოუტრიალა და მუნდიალზე გავიდა
მარსელ კოლერი: საქართველოს ნაკრებს ბევრი კარგი ფეხბურთელი ჰყავს
ევროპა ლიგის 1/8 ფინალური ეტაპის წილისყრის შედეგები ცნობილია
ცეცხლი "ოლიმპიკოზე" - ჩხუბი, ტირილი, ბარათების წვიმა და გოლები [VIDEO]
ჟურნალმა GQ Italy-მ ევროპის ულამაზეს გულშემატკივრად შვეიცარიელი ფეხბურთელის ცოლი დაასახელა [PHOTO]
ინგლისის ნაკრები: სათადარიგო გეგმა არ იყო
გატუზო: ჭრილობებს ვიშუშებთ, ბოდიშს ვიხდით
დიმიტრი პაიე: შვილებს კრიშტიანო რონალდოს სახელის ხსენება ავუკრძალე
მამარდაშვილზე უარის მიღების შემდეგ, "ბეშიქთაშმა" კოლუმბიელი მეკარე დაიმატა
გატუზო თავის სტიქიაშია - ზოგს წაუთაქა, ზოგს სილა გააწნა
"ჩელსი" რეგულონისთვის იბრძოლებს
[VIDEO] ალისონმა "ნაპოლი" "რომასთან" წაგებას გადაარჩინა
იტალიისა და გერმანიის ნაკრებებმა მილანში ამხანაგური მატჩი დაგეგმეს
სპალეტი: ძლიერი ზეწოლის ქვეშ მოვექეცი და ძილი დავკარგე
თუ ითამაშებს ხვიჩა ნაკრებში და ვნახავთ იტალიას მუნდიალზე? - მარტის მთავარი ამბები
8 გოლი, 3 წითელი ბარათი და ნამდვილი დრამა "სტადიო ოლიმპიკოზე" [VIDEO]
"Ciao Bella"-ს სიმღერის გამო "ლაციოს" ფანები ახალწვეულს დაუპირისპირდნენ [VIDEO]
ტოტიმ დაადასტურა - ლეგენდარული იტალიელი "რომას" უბრუნდება
მარსელ კოლერი ავსტრიის ნაკრების სათბილისო შემადგენლობას ხუთშაბათს დაასახელებს