<p>ბუნდესგუნდმა ჯგუფიდან, უბრალოდ, გაისეირნა... <br> <strong><span style="font-size: x-small;">* თომას მიულერმა მატჩში ხარიხასაც გაარტყა ბურთი და ძელსაც.</p><p>* გერმანიის ნაკრებმა დიდი ტურნირების ფინალურ ეტაპებზე ბოლო 15 მატჩიდან მხოლოდ ერთი წააგო.</p><p>* მესუთ იოზილმა 6 საგოლე შანსი შექმნა თამაშში, საჯარიმოში 7-ჯერ ჩააწოდა და 3-ჯერ დრიბლინგით გასცდა ვიზავის.</p><p>* ბოლო ხუთი დაპირისპირებაა, გერმანია ამარცხებს ჩრდილოეთ ირლანდიას.</p><p>* გერმანიის ნაკრებმა თამაშში მეტი პასი გააკეთა, ვიდრე ჩრდილოეთ ირლანდიამ სამივე მატჩში.</p><p>* ბასტიან შვაინშტაიგერმა ევროპის ჩემპიონატებზე მე-15 მატჩი ითამაშა და გერმანიის რეკორდსმენი გახდა.</p><p></span></strong></p><p>გერმანიის ნაკრებმა ჩრდილოეთ ირლანდიასთან ძალების მინიმალური დანახარჯით მაქსიმალურ შედეგს მიაღწია: იოახიმ ლიოვის გუნდმა 1:0 მოიგო, რაც საკმარისი აღმოჩნდა იმისათვის, რომ გერმანელებს ჯგუფში პირველი ადგილი დაეკავებინათ. ისევე, როგორც პოლონეთთან შეხვედრაში (0:0), ბუნდესგუნდს არც ამჯერად ეტყობოდა მაქსიმალური მონდომება, თუმცა ეს არც იყო საჭირო, რადგან ჩრდილოეთ ირლანდია არ ჰგავდა იმ გუნდს, რომელიც გერმანიას სერიოზულ პრობლემებს შეუქმნიდა. გარდა მარიო გომესის გოლისა, ლიოვის ბიჭებმა კიდევ არაერთი საგოლე მომენტი შექმნეს - ბურთის ფლობაზე რომ აღარაფერი ვთქვათ (იხილეთ სტატისტიკა).</p><p>სტატისტიკა ვახსენეთ და ბარემ აქვე ვთქვათ: ბასტიან შვაინშტაიგერმა ვეროპის ჩემპიონატზე თავისი მე-15 შეხვედრა ჩაატარა, რაც იმას ნიშნავს, რომ ფილიპ ლამს (14 მატჩი) აჯობა და ახლა ერთპიროვნული რეკორდსმენია.</p><p>მაშ ასე: გერმანიის ნაკრები მერვედფინალშია და მომდევნო შეხვედრას კვირას, ჩვენი დროით 20:00-ზე ლილში გამართავს. ბუნდესგუნდის მეტოქე A, B ან F ჯგუფის მესამეადგილოსანი იქნება - უფრო კონკრეტულად, მათგან საუკეთესო. ჩრდილოეთ ირლანდიას კი მერვედფინალში მოხვედრის თეორიული შანსი აქვს.</p><p><p><div style="text-align: center;"><strong><span style="color: #ff0000;">სასტარტო შემადგენლობები</span></strong></div></p> ჩრდილოირლანდიელთა თავკაცმა მაიკლ ო’ნილმა უკრაინასთან 2:0-ზე მოგებული მატჩის იდენტური ძირითადი შემადგენლობა დააყენა და ტაქტიკურ სქემად 4-1-4-1 აირჩია. მისმა გერმანელმა კოლეგამ, იოახიმ ლიოვმა კი, დაპირებისამებრ, სასტარტოში ახალგაზრდა ჯოშუა კიმიხი და გამოცდილი ფორვარდი მარიო გომესი გაამწესა.</p><p>ჰიოვედესმა და დრაქსლერმა კი სათადარიგოთა სკამზე გადაინაცვლეს. ბუნდესგუნდის 4-2-3-1 ტაქტიკურ სქემაში დრაქსლერის ადგილზე გიოტცემ დაიხია, ცენტრფორვარდის ადგილი კი, რა თქმა უნდა, გომესმა დაიკავა. ხოლო კიმიხი სწორედ მარჯვენა მცველად გახლდათ გამწესებული.</p><p><p><div style="text-align: center;"><strong><span style="color: #ff0000;">გოლი</span></strong></div></p> 0:1 - 30-ე წუთზე იოზილის პასი გომესს, გომესმა კი ბურთი მიულერისკენ გაგზავნა, რომელმაც საჯარიმოში დიდხანს იწვალა და მერე ბურთი ისევ გომესს დაუბრუნა, რომელმაც დაახლოებით 8 მეტრიდან გაიტანა.</p><p><p><div style="text-align: center;"><span style="color: #ff0000; font-size: x-small; font-weight: bold; line-height: 15.808px; text-align: center;">იხილეთ ვიდეო</span><br style="color: #ff0000; font-size: x-small; font-weight: bold; line-height: 15.808px; text-align: center;" /><a href="/euro2016video.html?view=video&video=7770" target="_blank" style="font-size: x-small; line-height: 15.808px; text-align: center;"><img src="pictures/artimages/image16/cc8f565635fad633e4b1bd6047dd54d7.jpg" border="0" alt="Sportall.Ge" title="ევრო 2016. III ტური. C ჯგუფი: გერმანიამ ჯგუფი პირველ ადგილზე დაასრულა [VIDEO]" /></a></div></p></p><p><p><div style="text-align: center;"><strong><span style="color: #ff0000;">მატჩის შემდეგ</span></strong></div></p> <strong>მაიკლ ო’ნილი</strong> (ჩრდ. ირლანდია): "ზუსტად ისეთი თამაში იყო, როგორსაც ველოდით. გერმანიას მსოფლიოში ერთ-ერთი უძლიერესი გუნდი ჰყავს. თამაში მართლაც კარგად დავიწყეთ, მერე კი, გზადაგზა, თავდაჯერება შემოგვაკლდა. თუ ტურნირიდან გავვარდებით, ვიტყვით, რომ ევროპის ჩემპიონატზე ძალიან ბევრი რამ ვისწავლეთ. ისე კი, ჯერ კიდევ გვაქვს მერვედფინალში მოხვედრის იმედი".</p><p><strong>იოახიმ ლიოვი</strong> (გერმანია): "ძალიან ბევრი კარგი მომენტი ვერ გამოვიყენეთ და ეს არ მომეწონა. კარგი იყო ის, რომ მეტოქემ ჩვენს კართან მომენტები ვერ შექმნა. ჩვენ კი, უბრალოდ, უფრო ცივსისხლიანები და კონცენტრირებულები უნდა ვყოფილიყავით.</p><p><p><div style="text-align: center;"><strong><span style="color: #ff0000;">მატჩის გმირი</span></strong></div></p> საქმენი საგმირონი ამ შეხვედრაში არავის ჩაუდენია, მაგრამ თუკი ეს რომელიმე ფეხბურთელზე მაინც უნდა ვთქვათ, მაშინ მატჩის გმირის წოდებას, უდავოდ, გერმანიის ნაკრების ახალგაზრდა ფეხბურთელი ჯოშუა კიმიხი იმსახურებს, რომელიც ნამდვილად არ არის ნომინალური მარჯვენა მცველი და ამ პოზიციაზე შესანიშნავად ითამაშა. ადრეც დავწერეთ, რომ კიმიხი მარჯვენა მცველის პოზიციაზე, შეტევაში ჰიოვედესზე გაცილებით ეფექტიანია, თუმცა ამ შეხვედრაში არც დაცვითი ფუნქციების შესრულება გაუჭირდა. საბოლოო ჯამში, მან ორთაბრძოლების დაახლოებით ორი მესამედი მოიგო. ფაქტია, რომ კიმიხის სახით გერმანიას ძალიან საინტერესო, უნივერსალური ფეხბურთელი ეზრდება.</p><p><p><div style="text-align: center;"><strong><span style="color: #ff0000;">მსაჯი</span></strong></div></p> რა უნდა ვთქვათ შეხვედრის არბიტრ კლემან ტურპენზე? ფრანგ არბიტრს საქმე, ფაქტობრივად, არ ჰქონდა, რადგან მატჩი კორექტულად წარიმართა და არც საკამათო ეპიზოდები ყოფილა. პირველ ტაიმში გერმანიას ერთი კუთხური უსამართლოდ არ დაუნიშნა. სხვა მხრივ, შეცდომები არ დაუშვია.</p><p><p><div style="text-align: center;"><strong><span style="color: #ff0000;">ანალიზი</span></strong></div></p> გერმანიის ნაკრებმა ევროპის ჩემპიონატზე უკვე სამი მატჩი ჩაატარა და სამივე თამაშის ანალიზში ვწერდით, რომ ბუნდესგუნდს მეტი რესურსი აქვს და რომ გერმანელები ბოლომდე არ იხარჯებიან. ცხადია, ლიოვის გუნდს ამაზე გაცილებით მეტი შეუძლია, მაგრამ რაკი უკვე სამი მატჩი ჩაატარეს ასე, გვიჩნდება ეჭვი, რომ გერმანელებს ხალისი აკლიათ. უკრაინასთანაც, პოლონეთთანაც და ჩრდილოეთ ირლანდიასთანაც ლიოვის ბიჭები მინიმალურად დაიხარჯნენ - თუმცა ჯგუფიდან პირველი ადგილით გავიდნენ და მათზე აუგის თქმის უფლება არავის აქვს.</p><p>ჩრდილოეთ ირლანდიამაც ისე ითამაშა, როგორც გერმანიის ნაკრების წინა ორმა მეტოქემ - დაცვიდან. ო’ნილის შეგირდები თავს ზოგჯერ ერთ ხაზზე განლაგებული 6 მცველითაც (!) კი იცავდნენ. ამ დროს გარემარბები - უორდი და დალასი ღრმად იხევდნენ უკან და ფლანგის მცველებად გვევლინებოდნენ. ამის გამო გერმანიას მეტოქის საჯარიმოში შეღწევა კი უჭირდა, მაგრამ სამაგიეროდ, მეტი სივრცე ჰქონდათ ნახევარმცველებს, იოზილს, ხედირას და კროოსს, რომლებმაც სამკუთხედი შეკრეს და კარგად კომბინირებდნენ.</p><p>მეტოქე გუნდის დაცვის ხაზის წინ დიდი სივრცეები განსაკუთრებით იოზილს წაადგა. გერმანიის ნაკრების გამთამაშებელს ბურთის მშვიდად დამუშავების დრო ჰქონდა და უმეტესად, ძალიან კარგ პასებს ურიგებდა გომესს, მიულერს ან გიოტცეს.</p><p>ზემოთაც ვთქვით, რომ კიმიხი მარჯვენა მცველის პოზიციაზე თამაშობდა და გაცილებით ხშირად უტევდა, ვიდრე ჰიოვედესი წინა მატჩებში. როცა გერმანიის ნაკრები უტევდა (და ფაქტობრივად, სულ უტევდა!), კიმიხი ყოველთვის ძალიან წინ იყო აწეული, რითაც ნომინალურ მარჯვენა გარემარბ თომას მიულერს ეძლეოდა იმის საშუალება, რომ შუაში შეწეულიყო და გომესის მეწყვილის, ანუ მეორე ფორვარდის როლი შეესრულებინა.</p><p><p><div style="text-align: center;"><strong><span style="color: #ff0000;">დასკვნა</span></strong></div></p> გერმანიის ნაკრების გამარჯვება, რა თქმა უნდა, 100 პროცენტით დამსახურებულია. მეტიც: წესით, ბუნდესგუნდს გაცილებით დიდი ანგარიშით უნდა მოეგო. თუმცა ჩრდილოირლანდიელებმა ის მაინც დაამტკიცეს, რომ კონტრშეტევებზე კარგად მოთამაშე გუნდი გერმანიას სერიოზულ პრობლემებს შეუქმნის.</p><p><p><div style="text-align: center;"><strong><span style="color: #ff0000;">whoscored.com-ის ტოპ-5</span></strong></div></p> მესუთ იოზილი გერ. 8,2</p><p>თომას მიულერი გერ. 8,1</p><p>მიაკლ მაკგოვერნი ჩ. ირ. 8,1</p><p>ჯოშუა კიმიხი გერ. 8,0</p><p>მარიო გომესი გერ. 7,9</p><p><span style="text-decoration: underline;">21 ივნისი. პარიზი. "პარკ დე პრენსი"</span></p><p><strong><em>ჩრდ. ირლანდია-გერმანია 0:1</p><p></em></strong>გოლი: 0:1 გომესი (30. მიულერი)</p><p>ჩრდ. ირლანდია (4-1-4-1): მაკგოვერნი - ა. ჰიუზი, მაკოლი, კათკარტი, ჯ. ევანსი - ნორდვუდი - უორდი (70. მაგენისი), კ. ევანსი (84. მაკგინი), დევისი, დალასი - ვაშინგტონი (59. ლაფერტი).</p><p>გერმანია (4-2-3-1): ნოიერი - კიმიხი, ბოატენგი (76. ჰიოვედესი), ჰუმელსი, ჰექტორი - ხედირა (69. შვაინშტაიგერი), კროოსი - მიულერი, იოზილი, გიოტცე (55. შიურლე) - გომესი.</p><p>გაფრთხილება: 0-0; კუთხური: 3-6; ჯარიმა: 10-8; თამაშგარე: 2-3; კარში დარტყმა: 2(1)-26(9); ბურთის ფლობა: 29%-71%.</p><p>მაყურებელი: 44 125</p><p>თ მ ფ წ ბ ქ</p><p>1. გერმანია 3 2 1 0 3-0 7</p><p>2. პოლონეთი 3 2 1 0 2-0 7</p><p>3. ჩრდ. ირლანდია 3 1 0 2 2-2 3</p><p>4. უკრაინა 3 0 0 3 0-5 0</p><p><strong>ყოველდღიური სპორტული გაზეთი "ლელო"</strong></p>
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
"ლივერპული" პრემიერლიგის "გალაქტიკოსი" გახდა" - ჯეიმი კარაგერი
შესარჩევიდან ჩემპიონთა ლიგაზე - რას უნდა ველოდოთ ამ შვიდი გუნდისგან?
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
ონანა კარიერას სავარაუდოდ, თურქეთში განაგრძობს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
ესპანეთმა გერმანიას დამატებით დროში მოუგო და 1/2-ფინალში გავიდა [VIDEO]
რონალდომ პორტუგალიას მოაგებინა, მოდრიჩმა - ხორვატიას [VIDEO]
დიმიტრი პაიე: შვილებს კრიშტიანო რონალდოს სახელის ხსენება ავუკრძალე
იტალიისა და გერმანიის ნაკრებებმა მილანში ამხანაგური მატჩი დაგეგმეს
დაუჯერებელია - 39 წლის რონალდოს მაკრატელა პოლონეთის ნაკრებთან [VIDEO]
მანუელ ნოიერმა სანაკრებო კარიერა დაასრულა
ლევანდოვსკიმაც ვერ უშველა - ავსტრიამ პოლონეთს სძლია [VIDEO]
შეჩერებული მატჩი, არჩათვლილი გოლი და პენალტი - გერმანიამ დანიას სძლია [VIDEO]
ერთა ლიგა. რონალდოს მე-900 და "ნაპოლის" ფეხბურთელების გოლები [VIDEO]
მარსელ კოლერი: საქართველოს ნაკრებს ბევრი კარგი ფეხბურთელი ჰყავს
რიუდიგერმა შეიძლება პლეი-ოფში ვერ ითამაშოს
ავსტრია D ჯგუფში პირველია - საფრანგეთი მეორე [VIDEO]
პოლონეთის ნაკრების მწვრთნელს არ გადააყენებენ
ჟურნალმა GQ Italy-მ ევროპის ულამაზეს გულშემატკივრად შვეიცარიელი ფეხბურთელის ცოლი დაასახელა [PHOTO]
ესპანეთთან მატჩის გადათამაშებას 300 000-ზე მეტი გერმანელი ფანი ითხოვს
იულიან ნაგელსმანი: წარმოუდგენელია - საქართველოს ნაკრები სულ უფრო და უფრო უკეთესი ხდება
ინგლისის ნაკრები: სათადარიგო გეგმა არ იყო
მარსელ კოლერი ავსტრიის ნაკრების სათბილისო შემადგენლობას ხუთშაბათს დაასახელებს