<p>დღეს, 19 აგვისტოს, რიო დე ჟანეიროში მიმდინარე ოლიმპიურ თამაშებზე ასპარეზობას თავისუფალი სტილით მოჭიდავეები დაიწყებენ <br> დღეს, 19 აგვისტოს, რიო დე ჟანეიროში მიმდინარე ოლიმპიურ თამაშებზე ასპარეზობას თავისუფალი სტილით მოჭიდავეები დაიწყებენ, სადაც საქართველოს ნაკრები სრული შემადგენლობით იასპარეზებს.</p><p>გაიმართა თავისუფალი სტილით მოჭიდავეთა წილისყრა იმ ორ წონით კატეგორიაში, რომლებიც რიოში დღეს იჭიდავებენ - 57-სა და 74-ში.</p><p><a href="/sport/skhvadaskhva/olimpizmi/95403-rio-2016-qarthveli-olimpielebis-ganrigi-19-agvistos.html" target="_blank"><span style="color: #0000ff;">- რიო 2016: ქართველი ოლიმპიელების განრიგი 19 აგვისტოს</span></a></p><p>57-ში ჩვენი გუნდის მთავარ იმედზე, ევროპისა და მსოფლიოს ჩემპიონზე, წინა თამაშების ფინალისტ <strong>ვლადიმერ ხინჩეგაშვილზე</strong> ვერც იმას ვიტყვით, რომ დიდად გაუმართლა, მაგრამ ვერც ბედს დავემდურებით - ბადის მეორე მხარეს მოხვდნენ რუსთა მსოფლიოს ორგზის ჩემპიონი ვიქტორ ლებედევი და ირანელი მსოფლიოს ჩემპიონი ჰასან რაჰიმი.</p><p>ჩვენებურისკენ არიან აზერბაიჯანელთა მსოფლიოს ორგზის გამარჯვებული, ოღონდ ზედა წონაში ჰაჯი ალიევი, ბულგარელი ევროპისა და მსოფლიოს ფინალისტი ვლადიმირ დუბოვი, ახალგაზრდებში თურქი მსოფლიოს ჩემპიონი სულეიმან ატლი, რუმინელი ევროპის მესამეპრიზიორი ივან გუიდეა და კიდევ რამდენიმე მოჭიდავე.</p><p>ეს სიაც შთამბეჭდავია, მაგრამ ვფიქრობთ, ჩვენი ფალავნისთვის მთავარი მეტოქეები მაინც ირანელი და რუსთა ციმბირელი ფალავნები არიან. თუმცა ეს უკანასკნელი ძირითად კონკურენტად უფრო "ძლიერი ზურგის" გამო მიგვაჩნია - მისი სიმამრი ალმასის მაგნატი და სახა-იაკუტიის ავტონომიის პრეზიდენტი, დიდძალი ფულის პატრონი ეგორ ბორისოვია. შეიძლება ითქვას, დიდწილად მისი დამსახურებით და კრემლის ჩარევით ლებედევი "წიხლით შეტენეს" ოლიმპიურ ნაკრებში - ჩვენც ვწერდით, რომ ეს საკითხი პოლიტიკურ დისკუსიად იქცა.</p><p>ირანელმა მსოფლიოს ბოლო ოთხ პირველობაზე მოიპოვა სხვადასხვა სინჯის მედალი, ანუ ზესტაბილურია, თუმცა, გახსოვთ, შარშან მსოფლიოს პირველობის ფინალში ხინჩეგაშვილმა რამდენად დამაჯერებლად მოუგო და როგორ ატირა ცხარე ცრემლებით, ამ სიტყვის პირდაპირი მნიშვნელობით. ირანელი მასთან საჭიდაოდ ათმაგად მოტივირებული იქნება და კარგია, მეორე მხარეს რომ მოხვდა. თან ლებედევს მეორე წრეშივე ხვდება.</p><p>ბადის ამ მხარეს აღსანიშნავია მონღოლთა მსოფლიოს მესამეპრიზიორი ბეკბაიარ ერგენებატი და ამავე ჯილდოს მფლობელი კუბელი იოვლის ბონე როდრიგესი, თუმცა, საეჭვოა, მათ ირანელის გაჩერება შეძლონ (ლებედევთან გაცილებით მეტი შანსი აქვთ). თუმცა აქვეა კიდევ ერთი ძლიერი ფალავანი, მსოფლიოს ორგზის ჩემპიონი, ოლიმპიური ბრინჯაოსპრიზიორი, ჩრდილოკორეელი იან კიონ II, ვისაც შეუძლია, საერთოდ თავდაყირა დააყენოს ბადის ეს მხარე.</p><p>ხინჩეგაშვილი პირველ შეხვედრას ყაზახ ნურისლამ სანაევთან გამართავს, მასთან მოგების შემთხვევაში კი ჰაჯი ალიევსა და სამხრეთკორეელ იუნსიკ იუნს შორის გამარჯვებულს დაეჭიდება. სანაევმა შარშან ლას ვეგასში, მსოფლიოს ჩემპიონატზე ბრინჯაოსთვის იჭიდავა, მაგრამ ზემოხსენებულ მონღოლთან წააგო და მეხუთეზე დარჩა. აღსანიშნავია, რომ იქ ხინჩეგაშვილმა მასაც მოუგო და მონღოლსაც.</p><p>აქვე შევნიშნავთ, რომ ყაზახებს ამ წონაში კიდევ ერთი ციმბირელი არტააშ სანაც ჰყავთ, საკმაოდ ძლიერი მოჭიდავე, მაგრამ მას სანაევი ამჯობინეს და სანაც, ვგონებთ, რუსეთში დაბრუნდა.</p><p>ჩვენებურმა ალიევს წლეულს ევროპის პირველობაზე მოუგო, როცა წონა არ დაიკლო, თავის წონაში "მიუხტა" და კუდით ქვაც ასროლინა. თუმცა ის ადრეც დაუმარცხებია.</p><p>25 წლის კორეელი არაა ტიტულოვანი სპორტსმენი, აზიური თამაშების მესამეპრიზიორია, თუმცა მათი მომზადებისას რას გაიგებ, იმ დონის პროფესიონალები არიან...</p><p>ხინჩეგაშვილი მეორე შეხვედრის მოგების შემთხვევაში ნახევარფინალში გავა, სადაც ბულგარელის, ამერიკელის, თურქის და რუმინელის კვარტეტიდან უძლიერესი შეხვდება. მერვედფინალში ბულგარელი უტიტულო და უცნობ ამერიკელს ხვდება, თურქი - რუმინელს.</p><p>74 კილოგრამში ევროპის წლევანდელი მესამეპრიზიორი <strong>იაკობ მაქარაშვილი</strong> პირველ შეხვედრას გამოუცდელ ბულგარელ გიორგი ივანოვთან ჩაატარებს, ამათში მოგებულს კი მომდევნო წრეში აზერბაიჯანელ ჯაბრაილ ჰასანოვსა და კოლუმბიელ კარლოს არტურო იზქუიერდო მენდესს შორის უმჯობესი შეხვდება. დიდი ალბათობით, ეს უმჯობესი ევროპის ორგზის ჩემპიონი და წლევანდელი ფინალისტი, ევროპისა და მსოფლიოს რამდენიმეგზის მედალოსანი ჰასანოვი იქნება.</p><p>მესამე წრეში ბადის ამ მხარეს ორი მრისხანე ლიდერი მოდის - რუსთა ყაბარდოელი ევროპის სამგზის გამარჯვებული, მსოფლიოს ბრინჯაოსმედალოსანი ანიუარ გედუევი და ამერიკელთა მოქმედი მსოფლიოსა და ოლიმპიური ჩემპიონი, მსოფლიოს სამგზის მომგები ჯორდან ბაროუზი.</p><p>ყაბარდოელისა და ამერიკელის გზები უკვე მეორე წრეში, მეოთხედფინალში იკვეთება. აღსანიშნავია, რომ ისინი შარშანაც შეხვდნენ ერთმანეთს მსოფლიოს ჩემპიონატის ნახევარფინალში და იანკმა ძლევამოსილად იმარჯვა.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
koki
ამან თუ ასე გააგრძელა ჭიდაობა ასპროცენტიანი სამივე სინჯის მედალს აიღებს ერთდროულად
lados
ბოლო იმედი გენო პეტრიაშვილია და პირადად მე მისი იმედი უფრო მაქვს.
Gio
ირაკლი...არტაშ სანაა და ნურისლამ სანაიევი ერთიდაიგივე ადამიანია...ტუველმა სანაამ მოქალაქეობასთან ერთად რელიგიაც და სახელი და გვარიც შეიცვალა...
Teimuraz
არა მგონია, დამაჯერებლად მოგება დროის ამოწურვამდე 5 წამით ადრე გაკეთებული ილეთით ხდებოდეს. თუმცა ასეთ მოგებაზეც ყაბულს ვარ დღეს!
Lado
ვლადიმერ, ჩვენი ბოლო იმედი ხარ, ძმაო!!!!!!!
ისრაელს საერთაშორისო სპორტიდან მოკვეთენ? ოლიმპიური კომიტეტის პასუხი
უარი ბელარუსთან თამაშზე - უკრაინის მამაკაცთა პლაჟის ფეხბურთის ნაკრები მატჩზე არ გამოცხადდება
ამწე კრანის ფასი თბილისში – როგორ ავირჩიოთ ხარისხიანი სერვისი
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
"იუნაიტედი" "ბრენტფორდთან" დამარცხდა - გაუშვებენ ამორიმს?
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"პირველი იყო, ვინც "ოქროს ბურთის" მოგება მომილოცა" - უსმან დემბელემ ლიონელ მესიზე ისაუბრა
"მოურინიო გეი და ჰომოსექსუალია" - სკანდირებდნენ "პორტუს" გულშემატკივრები
Le Parisien: ფლანგებზე კვარაცხელია და ბარკოლა - დღეს "ბარსელონასთან" მატჩის გენერალური რეპეტიციაა
"უდინეზეს" მწვრთნელი: გოგლიჩიძე შანსის გამოსაყენებლად მზად უნდა იყოს
"ბარსელონას" კიდევ ორი ფეხბურთელი პსჟ-სთან ვერ ითამაშებს
ისრაელის გამო "საფეხბურთო ცივი ომი" დაიწყო - საქმეში აშშ-ის სახელმწიფო დეპარტამენტი ჩაერია
"ამ ქალაქებს რადიკალური უგუნური მემარცხენეები მართავენ" - ტრამპი მუნდიალის მატჩების სხვა ქალაქებში გადატანაზე
"იამალს გოგონების კალენდარი აქვს, თუ რომელ დღეს რომელ გოგოსთან გაატარებს" - ლამინის ყოფილი ქალბატონი ალაპარაკდა
პსჟ-ს ტრავმის გამო კიდევ ერთი ფეხბურთელი გამოაკლდა
პრობლემების მქონე პსჟ-ისა და კარგ ფორმაში მყოფი "ვილიარეალის" მატჩის დღე
"ლივერპულმა" შესაძლოა, "ბაიერნის" მცველი უფასოდ დაიმატოს
ფლიკი თანახმაა - "ბარსელონა" ლევანდოვსკის შემცვლელად გირასის დამატებას განიხილავს
ინდოეთის ლიგა: ელიზბარ ოდიკაძეც დამარცხდა
ქართველმა თავისუფალი სტილით მოჭიდავეებმა მსოფლიო ჩემპიონატი მარცხით დაიწყეს
ინდოეთის ლიგა: ვლადიმერ ხინჩეგაშვილის გადამწყვეტი ტური
მინსკი 2019: ვლადიმერ ხინჩეგაშვილმა ჩეჩენ ფალავანს სძლია და ფინალში გავიდა [VIDEO]
ინდოეთის ლიგა: ელიზბარ ოდიკაძე ლიგაში დაუმარცხებელი და საუკეთესოა
ლაშა ტალახაძე: ამდენი წელი რკინასთან ჭიდილი ღირდა ამდენი ხალხის გასახარებლად
ხატები, ჩურჩხელები და "ჯადოსნური" სიტყვები - ქართველი სპორტსმენები და ფსიქოლოგია
დღეს სეოკ-ი არჩევანს აკეთებს - ლერი ხაბელოვი თუ ირაკლი მეძმარიაშვილი?
მინსკი 2019: ვლადიმერ ხინჩეგაშვილი ალიევთან დამარცხდა და ვერცხლის მედალს დასჯერდა [VIDEO]
საქართველოს თავისუფალი სტილით მოჭიდავეთა ნაკრების შემადგენლობა მსოფლიოსთვის ცნობილია
შმაგი ბოლქვაძე ჩემპიონია - 5 მედალი კიევის ტურნირზე პირველ საჭიდაო დღეს [VIDEO]
სარეკორდო ოლიმპიადა - საქართველოსთვის წარმატებული, მაგრამ...
ლადო ხინჩეგაშვილი: მომავალ მსოფლიოზე მხოლოდ ოქროსთვის ვიბრძოლებ
მინსკი 2019: ქართველი სპორტსმენების 27 ივნისის განრიგი
თავისუფალი ჭიდაობა. მსოფლიოს თასი: საქართველოს ნაკრები "სიკვდილის ჯგუფში"
ინდოეთის ლიგა: ხინჩეგაშვილმა მოიგო, მაგრამ საუკეთესო მოჭიდავის სტატუსი მაინც დაკარგა
"ყველაზე უადგილო მომენტი და ყველაფერი დასრულებულია..." - სამწუხაროდ, ოლიმპიადას მოქმედი ჩემპიონი გამოტოვებს...
ლაშა ტალახაძე: რიოს ოლიმპიადაზე იმდენი არ მინერვიულია...