<p>საქართველოს ჩემპიონატი. დიდი 10. II ტური <br> გორში ახალი სარაგბო არენის აშენების შემდეგ სპორტის ადგილობრივ გულშემატკივართათვის დასრულდა პირველი ოფიციალური მატჩის მოლოდინი. ამიერიდან, საქართველოს წლევანდელი ჩემპიონატის ლიდერმა გორის "ჯიქმა" თავის ქალაქში დაიდო ბინა და პირველი შთამბეჭდავი გამარჯვებაც მოიპოვა.</p><p>გორელმა გულშემატკივრებმა დიდი რაგბის ხიბლი და სურნელება უკვე იგრძნეს. პირველ მატჩის თვალის სადევნებლად შეკრებილი ათასამდე მაყურებელი სამომავლო პაექრობებში კიდევ უფრო მრავალრიცხოვანი გახდება. რაგბის გორელ ქომაგებს ყველა მიზეზი აქვთ საამისოდ. მათ აქვთ შესანიშნავი სარაგბო არენა და ჰყავთ ქართული საკლუბო რაგბის ერთ-ერთი გამორჩეული გუნდი.</p><p>მასპინძლებმა ანგარიში მე-12 წუთზე გახსნეს. დევი დევსურაშვილმა მოედნის ცენტრში იგდო ხელთ ბურთი და ისე აუარა გვერდი სამ-ოთხ მოწინააღმდეგეს, რომ მისი შემჩერებელი ვერავინ აღმოჩნდა. პირველი ლელო გაიტანა გორის რაგბის სტადიონზე. გარდასახვა რამაზ ხარაზიშვილმა დაარტყა - 7:0.</p><p>პალიკო ჯიმშელაძის შეგირდების უპირატესობა არა მხოლოდ ტაბლოზე, მოედანზეც ნათლად ჩანდა. გორელები უმეტეს დროს მეტოქის ნახევარზე ატარებდნენ. უფრო სწრაფად ათამაშებდნენ ბურთს, შერკინებაშიც ჯობდნენ მოწინააღმდეგეს და უფრო ზუსტნი იყვნენ საჯარიმოების შესრულებისას.</p><p>ტაიმის დასრულებამდე მასპინძლებმა ერთი გარდასახული ლელო და საჯარიმო მიითვალეს. შედეგად, შესვენებაზე სოლიდური უპირატესობით წავიდნენ - 17:0.</p><p>ანგარიშში მნიშვნელოვანი უპირატესობით დაწინაურებულმა "ჯიქმა" არც შესვენების შემდეგ მოისვენა. მეორე ტაიმი ახალი დაწყებული იყო, რომ გორელებმა ფლანგზე ხელდახელ ჩათამაშებული ბურთი კუთხესთან ნიკა ბიწაძის ხელით შეიტანეს ლელოში. ხარაზიშვილმა ვერ გარდასახა - 22:0</p><p>"ჯიქს" სათამაშო უპირატესობა ბოლომდე არ დაუთმია. მეტიც, შეხვედრის მიწურულს კიდევ ერთი ლელო ნიკოლოზ სუხაშვილმა გაიტანა. ხარაზიშვილმა გარდასახა და გორელებმა საპრემიო ქულაც მიითვალეს - 29:0</p><p><strong>პალიკო ჯიმშელაძე</strong>, "ჯიქის" მწვრთნელი:</p><p>- "შედეგით, ცხადია, კმაყოფილები ვართ. პირველ ტაიმში ქარის საწინააღმდეგოდ გვიწევდა შეტევა, მაგრამ კარგად ვმართეთ სიტუაცია. მორაგბეებმა დავალებები სწორად შეასრულეს. შერკინებაში თამაშით კმაყოფილი ვარ, ამასთან, მოწინააღმდეგე ბევრჯერ ვაიძულეთ, დაჯარიმებულიყო. უპირატესობაც მთლიანად ჩვენი იყო, რაც ქულებშიც ავსახეთ. მადლობელნი ვართ მაყურებლის, რომელიც მოვიდა და გვიქომაგა.</p><p><span style="color: #3366ff;"><strong>საქართველოს ჩემპიონატი. დიდი 10. II ტური</strong></span></p><p><em><strong>ჯიქი-აკადემია 29:0</strong></em></p><p><span style="text-decoration: underline;">ჯიქი (15-9)</span> სვანიძე, ბიწაძე, დევსურაშვილი (დ. კიკნაძე 56), ჯინჯიხაძე (ხუციშვილი 67), ხარაზიშვილი, ნინიძე, ბროძელი (ზაბახიძე 46) (1-8) ორაგველიძე (მაჭარაშვილი 74), მამრიკიშვილი (სუთიძე 57), დონაძე (გურგენაძე 72), გოგოლიძე (თ. კიკნაძე 64), ტრაპაიძე, შენგელია, მჭედლიშვილი (დიდებულიძე 54), სუხაშვილი</p><p>4ლ: დევსურაშვილი, ნინიძე, ბიწაძე, სუხაშვილი.</p><p>3გ,ს: ხარაზიშვილი</p><p><span style="text-decoration: underline;">აკადემია (15-9)</span> მათიაშვილი, დავითაშვილი, ხელაია, ილურიძე (ბერიკაშვილი 56), ჭუაძე, ახობაძე, ღამბაშიძე (ბ. მაზმიშვილი 46) (1-8) გვარამია, ლომაური (სულიაშვილი 56), რ. მაზმიშვილი (ქადარია 67), ზოიძე, დავითაძე, ლუარსაბიშვილი, შუბითიძე (გოგოლაძე 65), გოგლიძე (მოსეშვილი75)</p><p><span style="text-decoration: underline;">მსაჯი:</span> სულხან ჩიხლაძე</p><p><span style="color: #3366ff;"><strong>სხვა მატჩები</strong></span></p><p>ბაგრატი-ბათუმი 16:21</p><p>ლოკომოტივი-არმია 13:19</p><p>ლელო-არმაზი 30:9</p><p>ყოჩები-აია 15:20</p><p><span style="color: #3366ff;"><strong>სატურნირო მდგომარეობა </strong></span></p><p><em>ა გ თ მ ფ წ ბ ქ პ</em></p><p>1. ჯიქი 2 2 0 0 +48 10 2</p><p>2. ლელო 2 2 0 0 +27 10 2</p><p>3. აია 2 2 0 0 +12 8 0</p><p>4. ლოკომოტივი 2 1 0 1 +12 5 1</p><p>5. ბათუმი 2 1 0 1 -2 5 1</p><p>6. აკადემია 2 1 0 1 -11 4 0</p><p>7. არმია 2 1 0 1 -13 4 0</p><p>8. ბაგრატი 2 0 0 2 -11 2 2</p><p>9. ყოჩები 2 0 0 2 -23 1 1</p><p>10. არმაზი 2 0 0 2 -39 0 0</p><p><span style="color: #3366ff;"><strong>III ტური</strong></span></p><p>არმაზი-ბაგრატი</p><p>ბათუმი-ყოჩები</p><p>აია-ჯიქი</p><p>აკადემია-ლოკომოტივი</p><p>არმია-ლელო.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
crocobet დიდი 10-ის ფინალი | სამი წლის შემდეგ - "ბათუმი" საქართველოს ჩემპიონია!
დიდი 10 | ბათუმი 33:21 ხარები
დიდი 10 | "აია" საქართველოს ჩემპიონია!
ჩემპიონთა ლიგა სრულად დაკომპლექტდა
უკრაინელი თავდამსხმელი "ვილიარეალში" არ გადავა, რომელიც მიქაუტაძის შეძენას ცდილობს
"ყარაბაღი" მეორედ იასპარეზებს ჩემპიონთა ლიგაზე
ახალგაზრდული ახალ შესარჩევს ქუთაისში - ჩრდილოეთ ირლანდიასთან მატჩით დაიწყებს
დეშამმა საფრანგეთის ნაკრებში პსჟ-ს ხუთ ფეხბურთელს უხმო
ევრობასკეტი 2025. ჯიკიჩმა საქართველოს ნაკრების შემადგენლობა დაასახელა
იური ტაბატაძე "კადისის" ფეხბურთელი გახდა
ლიეტუვამ ევრობასკეტი მარტივი გამარჯვებით დაიწყო
საქართველოს ნაკრების შემადგენლობა სექტემბრის მატჩებისთვის ცნობილია
2020 წლის ევროპის ჩემპიონმა საფეხბურთო კარიერა დაასრულა
პსჟ-მა მეკარე გაასხვისა და საფონოვის წასვლა თითქმის გამოირიცხა
ოფიციალური შეთავაზება გაგზავნილია - მიქაუტაძე შესაძლოა, ამავე სეზონში ჩემპიონთა ლიგასა და ცნობილ ესპანურ კლუბში ვიხილოთ
"ფიორენტინა" 24 წლის იტალიელი ფორვარდით გაძლიერდა
"ატალანტას" ახალგაზრდა ფორვარდი კარიერას თურქეთში განაგრძობს
სუდაკოვი, რომლის შეძენა "ნაპოლის" სურდა, შესაძლოა, პორტუგალიაში აღმოჩნდეს
"მარსელიდან" მოკვეთილი რაბიოს დამატება "მილანმა" მოინდომა
გოგლიჩიძის "უდინეზემ" პოლონელი გოლეადორი დაიმატა
რამდენი ქართველი ითამაშებს ჩემპიონთა ლიგაზე - 6 ინგლისიდან და ყაზახების გაზრდილი გეოგრაფია
კარგი ამბავი პარიზიდან - კვარაცხელიამ ვარჯიში დაიწყო
კიტეიშვილის "შტურმმა" მოიგო, თუმცა ევროპა ლიგაზე მოუწევს ასპარეზობა
დიდი 10: "ჯიქი" "ხარებს" დაუზავდა
ჯიქი-ლელო სარასენსი 17:13 - ჩემპიონთან მოგება ჩემპიონობისთვის ბრძოლაა
ვეტერანმა მორაგბეებმა პრესკონფერენცია გამართეს [VIDEO]
დიდი 10. IX ტური: "ბათუმი" "ჯიქთან" დამარცხდა
დიდი 10. VII ტური: აკადემია-ჯიქი 18:19
დიდი 10. VII ტური: ვის წაადგა ორკვირიანი ტაიმ-აუტი?
დიდი 10. X ტური: "ჯიქის" უპირობო უპირატესობა
"კაცი კაცსა შემოვტყორცნე" - რუსეთის ჩემპიონატის საუკეთესო მოთამაშედ ქართველი აღიარეს [VIDEO]
საქართველოს 7-კაცა რაგბის ნაკრები: ექსეტერში ბოლო ეტაპზე
დიდი 10: 2018 წლის ზაფხულის ტრანსფერები
დიდი 10: "ბათუმმა" "ჯიქი" დაძაბულ ბრძოლაში დაამარცხა
ნიკოლოზ სუხაშვილი: პირადად მე ასეთი ტემპის, დონის და ხარისხის თამაში აქამდე არასდროს მქონია
დიდი 10: მოულოდნელობა - სასიამოვნო და უსიამოვნოც
საქართველოს 7-კაცა ნაკრები ტურის საერთაშორისო ტურნირში ითამაშებს
ჯიქი-ბათუმი 5:18 - ქარმაც ვერ შეაკავა
ბაგრატი-ჯიქი 9:20 - გულუხვი მასპინძელი
პალიკო ჯიმშელაძე: გამარჯვების დროც ახლოვდება