<p>ევროპის 2020 წლის ჩემპიონატი. პირველი საკვალიფიკაციო ეტაპი <br> საქართველოს ხელბურთელ ვაჟთა ნაკრებმა 2 ნოემბერს ევროპის 2020 წლის ჩემპიონატის პირველი საკვალიფიკაციო ეტაპის სასტარტო მატჩი სირაკუზაში იტალიის ეროვნულ გუნდთან შვიდი ბურთის სხვაობით (19:26) დათმო. ჯგუფის მესამე წევრ ლუქსემბურგთან საიანვრო პაექრობებისთვის უკეთეს სატურნირო მდგომარეობაში შესახვედრად განმეორებით პაექრობაში აპენინელთა რვა ბურთის უპირატესობით დამარცხება იყო აუცილებელი.</p><p>ამ ორთაბრძოლისთვის მასპინძელთა გუნდს დაემატა ერთ-ერთი ლიდერი რატი მსხვილიძე; თამაშის წინ გამართულ ტექნიკურ მიტინგზე კი ნაკრების კაპიტანსა და მეკარეს, შოთა თევზაძეს, რომელიც სირაკუზაში მეტოქის სახიფათო შეტევის ჩაშლისთვის გააძევეს, განმეორებით შეხვედრაში თამაშის უფლება დართეს: ტექნიკურ შეხვედრაზე კიდევ ერთხელ განიხილეს სადავო ეპიზოდი.</p><p>მატჩის პოლონელმა მსაჯებმა - იაკუპ ერლეცკიმ და მაჩეი ლაბუნმა დაადასტურეს, რომ ეპიზოდი წმინდა სათამაშო იყო და არა - არასპორტული საქციელი, ხოლო მატჩის თურქმა დელეგატმა ქენან გიოქმენმა ევროპულ ფედერაციასთან დამატებითი კონსულტაციის შემდეგ დაადასტურა, რომ თევზაძეს ერთმატჩიანი დისკვალიფიკაცია არ ეკუთვნოდა. ასე რომ, სრული საფუძველი გვქონდა, გუშინ წარმატებაზე გვეფიქრა, მით უმეტეს, სიცილიურმა პაექრობამ გვიჩვენა, რომ იტალიელთა დამარცხება სულაც არ იყო შეუძლებელი.</p><p>განმეორებითი მატჩი სტუმართა იერიშებით დაიწყო და უკვე მე-3 წუთისთვის ისინი ტურკოვიჩისა და ჯანოკაროს გოლებით 2:0 დაწინაურდნენ. მე-4 წუთზე ირაკლი ჩიქოვანმა ერთი ბურთი გაქვითა, რასაც იტალიელთა ორი გოლი მოჰყვა - 1:4. ასე ორ-სამბურთიანი სხვაობით მიიწევდნენ აპენინელები წინ, მაგრამ 21-ე წუთზე მასპინძელთა მეკარე თევზაძემ ზედიზედ ორჯერ იხსნა თანაგუნდელები გოლისგან, რასაც ქართველთა ორი სწრაფი იერიში და ჩიქოვანისა და მსხვილიძის დამაგვირგვინებელი დარტყმები მოჰყვა - 9:9. პირველი ტაიმის მიწურულს ჭანტურიამ წინ გაიყვანა საქართველოს ნაკრები - 13:12, მაგრამ შესვენებამდე 3 წამით ადრე კი რადოვჩიჩმა ანგარიში გაქვითა.</p><p>მეორე ტაიმის მე-20 წუთამდე მატჩი გარდამავალი უპირატესობით მიმდინარეობდა: ხან ერთი გუნდი იყო წინ, ხან - მეორე. მასპინძელთა ნაკრებს, რომელშიც შეხვედრის მთელი სიმძიმე, უმთავრესად, რამდენიმე ხელბურთელზე გადავიდა, თანდათან დაღლა დაეტყო.</p><p>შეტევებმა სიმწვავე დაკარგა, ექსიუგოსლავიელებით გაძლიერებული იტალიელები კი უფრო სწრაფად და ზუსტად მოქმედებდნენ, 54-ე წუთისთვის სამი ბურთით დაწინაურდნენ - 25:23.</p><p>საფინალო სასტვენამდე დარჩენილ დროში გუნდებმა სამ-სამი გოლი მიითვალეს. იტალიელებმა ამჯერადაც გაიმარჯვეს 28:25 და ჯგუფში დაწინაურდნენ.</p><p>მარცხის მიუხედავად, საქართველოს ნაკრებს შესარჩევ რაუნდში მოსახვედრად შანსი არ დაუკარგავს - 2017 წლის ივნისში ჩელენჯტროფი გაიმართება. იქ შესარჩევის ერთადერთი საგზურისთვის იბრძოლებენ აზერბაიჯანი, ბრიტანეთი, მალტა, ალბანეთი, ბულგარეთი, მოლდოვა, ანდორა, ირლანდია, სომხეთი და საკვალიფიკაციო რაუნდის ის 6 გუნდი, რომელთა შორის საქართველოც იქნება.</p><p>ჩვენს ჯგუფში მომავალი წლის იანვარში კიდევ ოთხი მატჩი გაიმართება:</p><p>4 იანვარი. საქართველო-ლუქსემბურგი</p><p>7 იანვარი. ლუქსემბურგი-საქართველო</p><p>11 იანვარი. ლუქსემბურგი-იტალია,</p><p>14 ან 15 იანვარი. იტალია-ლუქსემბურგი.</p><p><span style="color: #3366ff;"><strong>ევრო 2020-ის I საკვალიფიკაციო ეტაპი</strong></span></p><p>6 ნოემბერი, თბილისის სპორტის სასახლე</p><p><em><strong>საქართველო-იტალია 25:28</strong></em></p><p>13:13</p><p><span style="text-decoration: underline;">საქართველო: </span>შოთა თევზაძე, გიგა ტორონჯაძე, ზურაბ ცინცაძე, ლექსო წითელიშვილი (1), თეიმურაზ ორჯონიკიძე (2), ირაკლი ჩიქოვანი (11), სერგო დათუკაშვილი (1), ზურაბ სიმონია, რატი მსხვილიძე (6), შოთა გრიშიკაშვილი (2), გიორგი გვაზავა, ხაზეინ რუსტამოვი (1), ზურაბ აბრამიშვილი, რევაზ ჭანტურია (1), გიორგი დიხამინჯია, მთავარი მწვრთნელი ბექა ორჯონიკიძე, მწვრთნელი ვახტანგ მეიფარიანი.</p><p><span style="text-decoration: underline;">იტალია:</span> ვიტო ფოვიო, თომას პოსტონია, მიქელე როსი, ფრანჩესკო ვოლპი (2), ალესიო მორეტი, დეან ტურკოვიჩი (7), არდიან იბალი (1), მიკელე სკატარი (4), ჯულიო ვენტური, ანდრეა პარიზინი (2), უმბერტო ჯანოკარო (3), ჯუზეპე კოლაზუონო, კარლო სპერტი (3), მარტინ ზონერერი, ჯანლუკა დარიპანი, დემის რადოვჩიჩი (6), მთავარი მწვრთნელი ფრედი რადოიკოვიჩი, მწვრთნელები: ჯუზეპე ბრანდი, ჯუზეპე ვინჩი.</p><p><span style="text-decoration: underline;">მსაჯები:</span> იაკუპ ერლეცკი, მაჩეი ლაბუნი (პოლონეთი).</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
საქართველოს ნაკრები ავსტრიასთან დამარცხდა
საქართველოს ნაკრები ფავორიტ ნორვეგიასთან დამარცხდა
რუბენ გარაბაიამ ევრო-2028-ის საკვალიფიკაციო მატჩებისთვის ნაკრების შემადგენლობა დაასახელა
"ბარსელონამ" ესპარტს ხელშეკრულება გაუხანგრძლივა
"რეალმა" კურტუას კონტრაქტი გაუგრძელა
პოჩეტინომ "მანჩესტერ იუნაიტედის" მთავარ მიზანზე ისაუბრა და ბავშვობის კერპი დაასახელა
კონტემ განმარტა, რატომ დატოვა "ინტერი" საჩემპიონო სეზონის შემდეგ
"ბარსელონა" გერმანიის ნაკრების მცველის შეძენას შეეცდება
ანგისას "ნაპოლიდან" წასვლა უნდა
"როგორც იქნა, გვირაბის ბოლოს სინათლე გამოჩნდა" - ჯორჯო კიელინიმ იტალიის ნაკრებზე ისაუბრა
"არსენალი" ზამთრის სატრანსფერო ფანჯარაზე 2 შემტევის დამატებას გეგმავს
მესიმ არგენტინის ფეხბურთის ასოციაციის ხელმძღვანელობასთან კავშირი გაწყვიტა
"ყველაზე მეტი ამ მწვრთნელისგან ვისწავლე, ის ჩემთვის მისაბაძი მაგალითი იყო" - ლუის ენრიკე
[VIDEO] ბითაძის 20 წუთი - "ორლანდოს" 4-მატჩიანი მოგებათა სერია "ფილადელფიასთან" შეწყდა
ბასილაშვილი მეცის ჩელენჯერს ტრავმის გამო ჩაეხსნა
ისტორიული ზღვარი და დრამატული გამარჯვება - 4000 ქულა თორნიკე შენგელიას ევროლიგაში
მარკის რიდი მატჩის საუკეთესო მოთამაშეა - "ბაჰჩეშეჰირმა" იტალიაში "რომა" გაანადგურა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
საბო: დავითაშვილს უნდა ვუმადლოდეთ - კითხვა მაქვს ქართველთა მეკარესთან
ლევან კობიაშვილი: მჯერა, რომ ამ გუნდს აქვს რესურსი, დაძლიოს არსებული სირთულეები და კიდევ ერთხელ აჩუქოს ჩვენს ქვეყანას ის ემოციები, რომლებიც ასე ძალიან დაგვაკლდა
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
საქართველოს ხელბურთელ ვაჟთა ნაკრები ევრო 2020-ის საკვალიფიკაციო ეტაპს იტალიით იწყებს
10 მსაჯით ევროპაში
სამი მსაჯით ჩემპიონთა და ჩელენჯ თასებზე
საქართველოს ხელბურთელ ვაჟთა ნაკრები სირაკუზაში იტალიას დაუპირისპირდება
საქართველოს ხელბურთელთა ეროვნული ნაკრების ყოფილი წევრი, ვეტერანი ხელბურთელი და მწვრთნელი რატი მსხვილიძე გარდაიცვალა
ᓡᓐᓥᕐᓠᕗᓕᓔᕚᓝᓡ ᓮᓔᓚᓑᕣᕠᓗᕔᓚ ᓕᓐᕟᓗᓐ ᓜᕐᓙᓠᓔᓑᓛᓐ ᓛᓡᓝᓤᕚᕘᓝᕡ ᓗᓐᓡᓘᕡ ᓔᕕᓠᓝᓞᓣᓚ ᕖᓝᓜᓐᓨᕘ ᓛᓔᓝᓠᓔ ᕐᕓᓒᓘᓚᓘ ᕓᓐᓘᓙᓐᓕᕐ
იტალია-საქართველო 26:19 - სიცილიურმა დაცვამ მასპინძლებს არგო
საქართველოს ხელბურთელთა ნაკრები ფინეთში დამარცხდა
საბა აბულაშვილი - მესამე ქართველი მსაჯი რაგბი ევროპის ჩემპიონატზე
ქართველი მსაჯები სუპერთასის ნახევარფინალში
სუპერთასი | საბა აბულაშვილი დასავლეთ კონფერენციის ცენტრალურ მატჩში
მსოფლიოს საუკეთესო მსაჯი საქართველოს ჰყავს