- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
"ზესტაფონის" საჩემპიონო ნაბიჯი
<p>"შემოდგომის ჩემპიონმა" მოქმედ ჩემპიონს ზესტაფონში ორი უპასუხო გოლი გაუტანა და ლიდერობა დაიბრუნა <br> ორთვენახევრიანი პაუზის შემდეგ ზესტაფონში ფეხბურთი "ოლიმპთან" უპრინციპულესი მატჩით დაბრუნდა. ინტრიგა დიდი იყო: მოქმედი ჩემპიონი - "შემოდგომის ჩემპიონის" წინააღმდეგ!</p><p>ამ მატჩს უდიდესი სატურნირო დატვირთვაც ჰქონდა: "ზესტაფონი" გამარჯვების შემთხვევაში ლიდერობას დაიბრუნებდა, სხვა შედეგი კი ამ მატჩამდე პირველ ადგილზე მყოფ "ოლიმპს" აძლევდა ხელს. შეხვედრამ გაცემული ავანსები სავსებით გაამართლა: "ზესტაფონმა" და "ოლიმპმა" ლიდერების შესაფერისი ფეხბურთი აჩვენეს და ამისთვის ორივე გუნდს ქება ეკუთვნის. განსაკუთრებით, მასპინძლების გარჯა უნდა ავღნიშნოთ, რომლებმაც მეტოქეს თავიანთი თამაში მოახვიეს თავს და დამსახურებულად გაიმარჯვეს.</p><p>ამგვარ პრინციპულ შეხვედრებში მწვრთნელები ძირითადად ფრთხილ ტაქტიკას მიმართავენ ხოლმე, თუმცა, გუშინდელი მატჩი ამ მხრივ გამონაკლისი იყო. ორივე გუნდის თავკაცმა შემტევი ტაქტიკა აირჩია და გუნდებმა საკმაოდ გახსნილი ფეხბურთი ითამაშეს.</p><p>სანამ უშუალოდ მატჩზე გადავიდოდეთ, გუნდების დანაკლისზეც ვთქვათ. ზესტაფონელებმა გუშინდელ შეხვედრაში წამყვანი ნახევარმცველი შოთა ბაბუნაშვილი მოისაკლისეს, სტუმრებს კი დავით ბოლქვაძე ვერ ეხმარებოდათ. სამაგიეროდ, რუსთაველთა ძირითად შემადგენლობაში იყო გუნდში ახლახანს დაბრუნებული სანდრო იაშვილი, მეორე ახალწვეული ილია პავლიაშვილი კი მეორე ტაიმში გამოჩნდა მოედანზე.</p><p>შეხვედრა მასპინძლების შეტევებით დაიწყო. მე-2-ე წუთზე გრიგალაშვილმა, რომელიც აფციაურს ხშირად უცვლიდა ფლანგს, მარცხნიდან გელაშვილი გაიყვანა ხელსაყრელ პოზიციაზე, ამანაც სახიფათოდ დაარტყა, მაგრამ მეკარე ბედიაშვილმა დამაჯერებლად ითამაშა. ზემოიმერლები აქტიურად იყენებდნენ ფლანგებს და შეტევებიც უფრო მრავალფეროვანი ჰქონდათ. სტუმრები კი ძირითადად იაშვილისა და მოდებაძის მისამართით მაღალი ჩაწოდებებით ცდილობდნენ ფონს გასვლას, თუმცა, რუსთაველი ფორვარდები ზესტაფონელთა გამოცდილ მცველებს საიმედოდ ჰყავდათ "ამოკეტილი". ქვემოქართლელებმა ზესტაფონელთა შეტევას სახიფათო იერიშით უპასუხეს, რასაც სახიფათო საჯარიმო მოჰყვა, თუმცა რაზმაძეს დარტყმა არ გამოუვიდა და ბურთი ცოცხალ კედელს გაარტყა. ტაიმის შუაწელისთვის ზესტაფონელთა უპირატესობა კიდევ უფრო გამოიკვეთა. ზესტაფონელების მწვავე შეტევებმა ნაყოფი 33-წუთზე გამოიღო. გელაშვილმა რუსთაველთა დაცვის შეცდომით ისარგებლა და გრიგალაშვილი მეკარესთან პირისპირ გაიყვანა, რომელსაც გოლის გატანა არ გასჭირვებია-1:0.</p><p>აქვე უნდა ვთქვათ, რომ გრიგალაშვილი გელაშვილთან ერთად ზესტაფონელთა რიგებში ერთ-ერთი საუკეთესო იყო. 37-წუთზე ზემოიმერლები ახლოს იყვნენ ანგარიშის გაზრდასთან: გრიგალაშვილმა მარცხენა ფრთიდან ჯარიმა შეასრულა, ერთ-ერთ მცველს ბურთი საკუთარი კარის მიმართულებით აეჭრა, რუსთაველთა იღბლად დობროვოლსკიმ კარის ხაზიდან თავით შეძლო ბურთის გამოტანა. ტაიმის მიწურულს რუსთაველებიც გააქტიურდნენ და მოდებაძეს შეეძლო მასპინძლების დამწუხრება, ის ნახევარმცველებთან ბრძოლაში დაეუფლა ბურთს და საჯარიმოს გარედან ყუმბარისებურად გაისროლა, მაგრამ ხარიხას გადააცილა. ამ ეპიზოდამდე ტრავმა მიიღო ზესტაფონელთა წამყვანმა ნახევარმცვემა მურთაზ დაუშვილმა, რომელმაც თამაშის გაგრძელება ვეღარ შეძლო და მის ნაცვლად მოედანზე თორნიკე გორგიაშვილი გამოჩნდა.</p><p>შესვენების შემდეგ გია გეგუჩაძის გუნდი კიდევ უფრო შემართული გამოვიდა მოედანზე. თამაში ახალი განახლებული იყო, როცა გელაშვილმა რეხვიაშვილი სისწრაფეში დაჯაბნა და მახვილი კუთხიდან ძლიერადაც დაარტყა, მაგრამ მცირედით ააცილა. მომდევნო შეტევისას კობახიძე ურტყამდა თავით და რაზმაძემ თავითვე გამოიტანა ბურთი. ამას ძარიას "გასროლა" მოჰყვა, 54-წუთზე კი გრიგალაშვილმა კვლავ გაიბრწყინა - მან ტექნიკური პასით რუსთაველი მცველები სახტად დატოვა და დვალი მეკარესთან პირისპირ გაიყვანა, მაგრამ ამ უკანასკნელს ბურთზე ფეხი აუცდა და რუსთაველები აშკარა გოლს გადაურჩნენ. ამდენი გამოუყენებელი მომენტის გამო ზესტაფონელები კინაღამ დაისაჯნენ. 71-წუთზე ვაკო ტყემალაძეს შეძლო გატანა, მან მოდებაძისგან მიიღო ბურთი და შეუჩერებლივ დაარტყა, თუმცა კვასხვაძე უშეცდომოდ გაისარჯა.</p><p>ამ ეპიზოდიდან ორი წუთიც არ იყო გასული, რომ ზესტაფონელთა საპასუხო შეტევა გოლით დაგვირგვინდა - კუთხურის გათამაშების შემდეგ გორგიაშვილმა საჯარიმოში გელაშვილის მიმართულებით ჩაჰკიდა ბურთი და ამანაც მოხდენილი თავური დარტყმით საბოლოო ანგარიში დააფიქსირა - 2:0. აღსანიშნავია, რომ ეს გელაშვილის 49-ე გოლი იყო ეროვნულ ჩემპიონატში, რითაც იგი ზესტაფონური კლუბის ისტორიაში საუკეთესო ბომბარდირი გახდა.</p><p>გოლის შემდეგ ზესტაფონელებმა თამაში დააწყნარეს. მოედანზე გელაშვილის ნაცვლად ფეროელთა კიდევ ერთი გოლეადორი რატი წინამძღვრიშვილი გამოჩნდა, თუმცა მასპინძლებს მწვავედ აღარ შეუტევიათ. სტუმრებს კი პრესტიჟის გოლის გატანა შეეძლოთ, თუმცა ტყემალაძისა და გეწაძის სახიფათო დარტყმებს მცველები გადაეღობნენ.</p><p>თ. მაისურაძე (ოლიმპი): "ვულოცავ "ზესტაფონს" დამსახურებულ გამარჯვებას. სამწუხაროდ, ბევრი შეცდომა დავუშვით, რაც გამოცდილმა და ძლიერმა მეტოქემ არ გვაპატია. პირველი გოლი მცველების შეცდომას მოჰყვა. მეორე გოლისას კი მსაჯთან კამათს შეალიეს დრო და ამასობაში დავისაჯეთ კიდეც. სამწუხარო მარცხი იყო, მაგრამ ამით არაფერი იცვლება, ჩვენ ისევ ჩემპიონობისთვის ვიბრძოლებთ."</p><p>გ. გეგუჩაძე (ზესტაფონი): "თამაშითაც და შედეგითაც კმაყოფილი ვარ. ჩემმა გუნდმა მაქსიმუმი გაიღო და ძლიერ მოწინააღმდეგესთან ღირსეულად გაიმარჯვა. ჩემპიონობაზე ფიქრი ჯერ ნაადრევია, ამ მიზნის მისაღწევად მნიშვნელოვანი ნაბიჯი კი გადავდგით, თუმცა მთავარი ბრძოლები ჯერ კიდევ წინაა."</p><p><em><strong>ზესტაფონი-ოლიმპი 2:0</strong></em></p><p>ზესტაფონი. დავით აბაშიძე. 2000 მაყურებელი</p><p>1:0 გრიგალაშვილი (33. გელაშვილის პასით), 2:0 გელაშვილი (72.გორგიაშვილის პასით)</p><p>ზესტაფონი ოლიმპი</p><p>4-4-2 (4-4-2)</p><p>რ. კვასხვაძე ბედიაშვილი</p><p>ალადაშვილი მურველაშვილი</p><p>კობახიძე კვახაძე</p><p>გ. ონიანი რეხვიაშვილი</p><p>ელიავა დობროვოლსკი</p><p>აფციაური ქავთარაძე</p><p>დაუშვილი ტყემალაძე</p><p>ძარია რაზმაძე</p><p>გრიგალაშვილი ი. მაისურაძე</p><p>დვალი მოდებაძე</p><p>გელაშვილი იაშვილი</p><p>მწვრთნელი: მწვრთნელი</p><p>გ. გეგუჩაძე თ. მაისურაძე</p><p>37. დაუშვილი - გორგიაშვილი</p><p>78. გელაშვილი - წინამძღვრიშვილი</p><p>82. ძარია - ბენაშვილი</p><p>სათადარიგოები: მეშველიანი, ს. ლომია, ხიდეშელი, გრუიცა</p><p>46. მაისურაძე - გეწაძე</p><p>61. იაშვილი - პავლიაშვილი</p><p>75. ქავთარაძე - ქურდობაძე</p><p>სათადარიგოები: ბათიაშვილი, ჯაფარიძე, ბახტაძე, ქემოკლიძე</p><p>გაფრთხილება: დობროვოლსკი (42) მურველაშვილი (64)</p><p>არბიტრი: დ.ხარიტონაშვილი (თბილისი).</p><p>.</p>
ოფიციალურად: "კოლოსმა" ზურაბ რუხაძე წარადგინა
საქართველოს ახალგაზრდული ნაკრების ფეხბურთელი უკრაინულ კლუბში გადავიდა
თემურ ქეცბაიამ შესაძლოა, ქართული გუნდი ჩაიბაროს - მან "ანორთოსისში" დაბრუნებაზე უარი თქვა
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
შენგელია: გასაკვირია ჯიკიჩი ევროლიგის გუნდს რომ არ წვრთნის
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!
[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია