ბელგრადში სინქრონულად მოცურავე იუნიორთა ევროპის ჩემპიონატზე 17-წლიანი შესვენების შემდეგ პირველად მონაწილეობდა ქართველი სპორტსმენი ქრისტინე ბოჭორიშვილი, რომელიც სალონიკიში რვა წელიწადია დედის - ნინო ლომოურის ხელმძღვანელობით ვარჯიშობს. სერბეთის დედაქალაქში ორდღიანი პაექრობის შემდეგ იგი 12 ფინალისტს შორის მოხვდა. გუშინ სოლოში მან 76.4800 ქულა მოაგროვა და მე-10 ადგილზე გავიდა.
ოქროს მედალი რუსმა ვლადა ჩიგიროვამ მოიპოვა (91.9300), მეორე-მესამე ადგილები იტალიელმა ლინდა კერუტომ (87.9100) და უკრაინელმა ანასტასია სავჩუკმა (87.1700) დაიკავეს.
ყოველდღიური სპორტული გაზეთი "ლელო"
